自從近年香港租金狂升, 想係銅鑼灣搵食就要識得上樓, 先可以食到價錢合理又有質素既餐廳, 今次試下呢間螢壽司, 聽講除左食日本野之外仲有D FUSION菜可以試下
餐廳有好多唔同選擇, 唔想煩就梗係食二人餐啦, 不過二人餐D刺身唔算太特別, 所以決定散叫叫D自己鐘意食既野仲好
打開餐牌價錢唔會嚇死人, 價錢係日本餐廳黎講算係合理
而我終於見到點解呢度話有FUSION菜食, 因為有碗花膠雞絲濃湯手打烏東, 花膠都有得食, 果然夠FUSION
餐廳除左有幾張卡位, 原來仲有2間VIP房, 只要你唔怕醉, 餐廳仲有好多唔同既酒比你一醉無歸
我就係叫左當日特選刺身盛 FOR 2人, 海膽, 鮑魚 同帆立貝 只可以揀一樣, 咁梗係揀海膽啦, 另外有牡丹蝦2隻, 魷魚2隻, 油甘魚4片, 間八2片, $428可以試晒咁多刺身, 期待期待 ^^
上碟見到一大碟刺身擺得非常之精美, 好吸引, 尤其那一板金黃色的馬冀海膽, 望到己經流緊口水
食落口每款刺身都非常新鮮, 牡丹蝦非常大隻, 好厚肉, 師傅仲好細心將一隻蝦切開2件, 一啖一口, 口感非常滿足, 海膽入口即溶, 好似食緊雪糕咁, 其他個2款魚刺身完全唔腥, 好鮮味.
另外一提係WASIBI應該似自己磨或者係高級貨色, 唔係現成超市貨, 因為一落落鼓油即時變左一粒粒會自動化開, 如果超級市場買到既WASIBI多數牙膏咁既質感, 攪黎攪去都仲係一大條~ 哈
我食日本野好少食菜, 唯一食日本枝豆當自己食左菜, 哈, 枝面外面有D鹽花, 提升左枝豆味道, 一路傾計一路食枝豆真係可以一日一碟食晒都仲得
燒廣島蠔有半隻手咁大隻, 啖啖肉, 非常濃烈既蠔鮮味
串燒叫少少試下, 叫左鹽燒厚切牛舌、豚肉露筍仲有燒雞亦, 最怕D串燒燒得太耐攪到好硬, 無晒食物原味, 呢間餐廳就無呢個問題, 燒得剛剛好, 唔會太硬亦有口感, 鹽燒更可以保留原本食物既味道.
呢碗FUSION烏東終於出場, 見到隻半熟雞蛋己經好吸引, 上面一大堆素翅
再夾落去下面有好多花膠仔 同埋 大量粟米, 好足料, 湯底好清甜好重膠質, 同埋好大碗, 如果女仔我唸一定share食先食得晒, 食完呢碗富貴烏東, 真係好滿足, 以為有錢人先可以魚翅撈飯, 我今次仲勁d除左魚翅仲有花膠撈烏東, 勁呢? 哈哈哈
2個人埋單7百幾, 價錢合理
走既時候係電梯口見到原來呢度都好多明星幫襯, 其中方力申同許志安有好幾張合照, 可能下次去有機會見到明星都唔出奇啊 :p
沒有留言:
張貼留言