2016年9月28日 星期三

脫毛要真正永久 @MediLASE

早前坐地鐵時不時見到謝婷婷呢個誘人POSE,我係女人見到都忍唔住停低望多2, 佢係MediLASE代言人, 已經轉左會兩年,今年新一輯影得好高貴好配合品牌形象, 但品牌形象有幾好都要有效果,先有口碑MediLASE兩年取得得20萬真客戶正評, 每日即時於Facebook update, 網站可以一次過睇晒, 想睇真正既口碑,當然要睇真實客戶既正評啦。 可以click 入去睇睇真客戶正評: www.medilase.com.hk 

而我今次真係非常開心, 可以親身體驗MediLASE既永久激光脫毛, 去到尖沙咀The ONE旗艦店, 商場電梯位置己經見到好多謝婷婷出現......非常期待啊!!^^
 MediLASE旗艦店位於尖沙咀THE ONE商場8樓, 一上去見到大大個銀白色設計的LOBBY, 整個裝修都好CYBER好新穎, 好有現代感, 加上佢有個好高既樓底, 令到人入到去完全無壓迫感, 好舒服呢。
MediLASE THE ONE旗艦店我最鐘意就係好似感覺包圍住整層8樓的一排會變色既幻燈管, 其實遠睇仲靚, 感覺好夢幻啊。 我右邊就係好多間顧問房間, 每個客人第一次進行療程前, 光學療程總監都一定會先同客人見面, 了解下客人皮膚狀況, 所以每個MediLASE客人都一定會見到呢排幻燈管架。^^
整個脫毛療程都會有一個二對一的服務,療程總監與光學治療師緊密監察客戶治療進度,以二對一方式服務每位尊貴客戶。 療程總監均考獲「光學療程監督」證書 ,而光學治療師則具備一級專業資格,並通過註冊醫生培訓。有專業既團隊為我服務,整個過程中有任何問題都可以向佢地查詢,令到我非常放心。
療程總監了解過我以往脫毛經驗、身體及皮膚狀況,而所有資料都會有系統地輸入於全港獨有的醫院管理系統「DCIMS醫療電子服務追蹤系統」全方位智能追蹤及監察療程進度 
之後就帶我去到另一邊進入療程用的房間啦,哈~忍唔住不停拍照,,因為環境真係太靚啦,所有野設備都好新、好乾淨、好舒服。
每個客人每次療程都會有自己既獨立房間,我今次係體驗手部激光脫毛,MediLASE 好細心係脫毛前會提供一個PRO-Test,讓客人了解皮膚的狀態是否適合進行光學療程,同時體驗一下PRO-U EPID-COOLING TECHNOLOGY,這個很重要,做任何醫學療程都不應掉以輕心,確保皮膚無問題先可以開始療程。
我其實一直都好忽略我的手毛問題, 因為成日覺得唔粗亦唔算多, 遠睇唔覺眼, 不過其實當行近D, 手部D毛毛都好明顯, 只係我一直懶得處理, 同埋出面太多脫毛公司聲稱永久脫毛, 但實際三兩年就會有毛髮再生既問題出現, 坊間亦有好多不同LASER, 我都唔太知點選擇, 雖然醫學証實755nm比810nm波長的激光更易被毛髮黑色素吸收, 但MediLASE PRO-U™ LASER TECHNOLOGY 相比其他光學技術,其能量更集中地深入毛囊深處,更有效根除黑色毛髮,咁先可以達致理想永久脫毛效果呢。
激光脫毛正式開始,光學治療師會先替我清潔手部皮膚,再用剃刀剃去毛髮,治療師話下次剃毛呢個步驟, 可以自己先在屋企處理, 咁就會更省時方便啦 ^^
治療師好細心地用筆在我手上畫上記號,令到療程時打出來的激光更準確。而MediLASE脫毛用的 儀器內有冷凍裝備: PRO-U™ EPID-COOLING SYSTEM。放射機頭內置PRO-U™ EPID-COOLING SYSTEM,噴出-20度冷凍劑抵銷表面皮膚嘅激光熱能,而又不影響真皮層的溫度,所以整個脫毛過程中一D都唔痛,只係有少少吉下吉下的感覺。
其實真係開始激光脫毛,2隻手加埋整個脫毛過程大約5分鐘左右,真係快捷又方便,做完後治療師會替我塗一層厚厚的LOTION作保濕之用。
因為我皮膚不嬲容易敏感及比較薄,  做完脫毛後有輕微泛紅情況出現, 但治療師話係正常反應, 其實MediLASE 獨家clinical department,監察療程中嘅皮膚情況,同時註冊西醫及光學專家團隊有需要時會作治療後服務;確保治療後嘅肌膚,一定係健康同最靚,令客人安心又放心,不過其實我過左10分鐘左右,手上微紅位置己經退晒,見到手上毛毛無晒, 好乾淨啊 ^^
 睇返前後對比先發覺無左D毛毛, 隻手係會即時乾淨左同白滑左好多啊, 脫毛效果好徹底, 毛孔完全無黑點, 整個脫毛療程大約需要6-8次。治療師話做完激光脫毛後要注意搽返足夠的防晒, 同埋要替手部做多D保濕, 所以HAND CREAM隨身袋就實唔怕自己唔記得啦 :P
原來手部毛髮生長速度較慢,所以下次的激光脫毛療程可以相隔8星期再來,真係夠晒省時又有效果,謝婷婷我地8星期後再見啦 ^^
感謝MediLASE提供是次療程體驗,如大家想了解更多歡迎 click 入去登記體驗: https://goo.gl/6zShBu
 ** 我的讀者仲有專享7!

精明消費者選擇,平買[真]鑽石 @NsLuxury

 以前買鑽飾好多時都會去大行買, 但今時今日既我己經變得越來越精明, 如果一粒鑽石有晒國際GIA證書, 其實又何必去大行要比貴d價錢呢? 早幾日我就去左位於太子金都商場地庫的NS LUXURY, 呢度保證是[真]鑽石, 因為鑽石都擁有GIA證明,  自然係信心保證啦, 款式比起大行更特別, 什至可以因應顧客要求設計、製作,做到快捷、安全, 同時擁有進口雷射打字印機器, 只要你唸得出既款式佢地都會盡量滿足你既要求, 令到每款產品獨一無二之餘, 品質更有保證
NS LUXURY雖然店鋪地方唔算十分大, 但勝在環境舒服, 店員服務亦好專業, 好有耐心, 完全唔會hard sell, 客人一d壓力都冇, 可以坐係呢張大梳化上舒舒服服睇下有咩鑽飾啱自己。
珠寶顧問好細心向我講解好多關於鑽石嘅知識, 鑽石4C原來係代表Carat克拉重量、Color顏色、Clarity淨度、Cut車工, 我仲學到點分辨鑽石嘅真偽, 鑽石亦唔係越大粒越好, 仲要睇埋色澤, 透光度等等, 見到呢幾粒大大粒既鑽石, 我見到呢度鑽石價錢真係比起大行平2-3成呢!!
 頭先都講過呢度D鑽石有晒GIA證書國際認可, 唔係講笑, 呢度一大叠都係客人落既單同GIA證書, 就知道原來己經有好多精明消費者識得去NS LUXURY揀鑽飾。
 客人除左可以直接去鋪頭買鑽石, NS LUXURY有自家網頁, 客人亦可以先上網揀左自己心儀的鑽石或款式, 唔明可以致電珠寶顧問查詢。
店內只係戒指托己經有超過幾十個款, 總有一款適合你。
 我試左幾款最受歡迎既求婚戒指款式, 女人望住鑽石對眼真係會發光架!!!
嘩~隻戒指真係好靚...粒鑽石真係好閃啊!!! (心心眼中)
 珠寶顧問講左D小八掛我知, 呢度除左有不少女士揀自己心愛珠飾外, 原來呢度好多男士黎買求婚戒指, 求婚當然要保持神祕啦, 所以好多男士聽過珠寶顧問的意見後, 會先揀一隻適合自己價錢既鑽石及戒指托, NS LUXURY好細心可以免費外借戒指量圍比客人, 咁男士們就可以襯伴侶訓著左, 只係用幾秒時間就知佢手指圍幾大啦。
萬一如果有D男士們唔識點樣花心思求婚, NS LUXURY同一間求婚公司合作, 我望過最平6千幾蚊就可以包括一束鮮花、簡單場地報置, 專人拉小提琴, 及最正係有專人現場錄製埋求婚片段, 呢個回憶絕對值得回憶一輩子。
求婚主角當然係鑽石戒指啦,NS LUXURY首創呢個燈盒, 就算係黑暗既餐廳進行求婚, 一打開個戒指盒, 都可以好清楚見到一隻又閃又靚既戒指係入面, 女朋友點會唔SAY YES呢 ^^
求婚成功當然要選擇結婚對啦, 呢2款較為特別, 左邊呢款係日本原廠做, 右邊係機車款, 戒指上D紋理做得非常細緻。
 但我最鐘意就係呢對可以刻上自己名子或結婚日期的戒指啦。
 戒指除左可以帶上手, 立體名子的位置可以變成企身, 有白金同玫瑰金選擇, 如果女仕們鐘意仲可以加上碎鑽, 更顯高貴。
結婚戒指己經揀好, 咁婚宴上都要帶返條D鑽飾用來配襯下晚裝, NS LUXURY有好多不同鑽飾可供選擇。
近年流行簡單款式, 一D簡單鑽飾襯上晚裝不失高貴大方, 晚宴過後亦都可以平時帶, 返工去街帶亦唔會太過誇張。
 店內亦都有好多時尚款式的鑽飾, 包括頸鍊、吊嘴及耳環等。
其實樓上鋪買鑽飾除左價錢比大行平之外, 我覺得佢地會更加珍惜每一個客人, 可以提供到更優質的售後服務, 令客人有信心之餘, 亦都好享受整個購物過程, 嘻~唔講住啦, 我都揀返一件鑽飾賞勵下自己先, 大家如果有興趣歡迎瀏覽 NS LUXURY官方網頁及去佢地既facebook專頁睇下啦。
www.NsLuxury.com
www.facebook.com/nsluxurybox


2016年9月27日 星期二

唔帶大眼仔擁有自然大眼 @SK-II R.N.A.立體緊緻修護眼霜

年紀越來越大發覺自己雙眼越來越無精神, 我又唔習慣帶大眼仔, 如果無化妝望落雙眼比起幾年前真係越來越細 =.=...!! 嘻~ 所以今次真係好開心可以體驗到近期火熱的SK-II R.N.A.立體緊緻修護眼霜套裝, 以後大家都可以唔洗帶大眼仔都擁有返對自然大眼啦。^^
 SK-II R.N.A.立體緊緻修護眼霜套裝入面除左有眼霜外, 仲有有Steam power cream同神仙水。
R.N.A.立體緊緻修護眼霜會附送埋一枝獨立匙,每次可以用來將眼霜"杯"起, 方便又衛生。
配合埋 SK-II R.N.A.Steam power cream同出晒名好用的神仙水, 今次唔止雙眼, 直頭全面都可以回復青春呢。^^

用上面之前先係手感受下個感覺先, R.N.A.立體緊緻修護眼霜一打開蓋己經聞到淡淡香氣, 眼霜乳白色, 質感好滋潤, 塗係手上較多幼紋地方, 眼霜好滋潤估唔到吸收得咁快, 雙手幼紋地方即時減淡左, 而且即時足滿亮澤, 用上手效果己經咁好, 急不及待快快進行眼部體驗啦。
其實近幾年每次照鏡見到自己雙眼問題越來越多,雙眼無精神、眼紋、黑眼圈等等問題越來越嚴重, 都試用過好多不同既眼霜去救救我呢對疲倦既雙眼,但效果始於唔明顯, 而SK-II屢獲殊榮的R.N.A.POWER系列, 嶄新抗老修護新突破, 呢款最新R.N.A.立體緊緻修護眼霜蘊含Radical New Age複方及濃縮PITERA™, 並Palmitoyl Pentapeptide-4與Chlolleragen的活力, 為眼周肌膚提昇源源緊緻力量, 令到雙眼望落感覺更年輕,雙眼更大更精神。

 每次使用眼霜時只需取大約0.5MM份量就足夠搽勻雙眼, 眼霜質地好滋潤, 但快速滲透後感覺好清爽,細滑又唔油膩,  用左一星期完全無油脂粒出現, 眼霜好快被眼部肌膚完全吸收, 保濕度非常高, 配合埋少少按摩動作, 可以令皮膚更快吸收外仲可以促進血液循環, 消除疲勞添

 使用後感到眼部即時好滋潤, 有提升同緊緻既效果,  眼部皮膚變得好有彈性。

用左一星期後最驚喜係去紋效果非常明顯, 左邊眼底位置有幾條好深既眼紋, 嚴重既眼紋當然無可能一次KO到, 但使用一星期後, 見到較深的眼紋只得反一條較明顯, 幼紋更加大部份都可以成功減淡, 望落隻眼真係大左同精神左, 感覺真係好似後生左幾年咁, 真係太開心啦!! 

至於SK-II最受歡迎的神仙水, 洗面後可以用手拍上或用化妝棉塗抺係面上,神仙水蘊含超過90% Pitera™,可以溫和地清除老化角質,並幫助調節肌膚更新週期, KEEP住年輕肌膚, 只要一直持久使用, 皮膚可以有明顯的改善和提升,色斑不再明顯、有效減淡細紋及皺紋、膚質變得更細滑、更緊緻有時遇著皮膚狀態唔好, 我仲會將神仙水倒滿化妝棉, 當MASK咁10-15分鐘。

用完之後見到肌膚即時晶瑩剔透, 面上即時有返彈性同光澤, 秋天就來臨要為皮膚打好個底, 神仙水由肌膚底層開始做好滋潤保護,  就算秋天大乾燥天氣都無有怕啦。
大家如對產品有興趣可到SK-II 專門店 及 登入以下官方網址參考更多產品資料。http://www.sk-ii.com.hk/tc/index.aspx
感謝SHE.COM及品牌提供產品試用體驗。

2016年9月26日 星期一

2人打邊爐好選擇 @九龍城牛精皇

 九龍城美食真係多蘿蘿, 最出名離不開都係甜品、泰國野或者打邊爐, 好多時2人世界好少機會食到打邊爐, 但今次比我無意中發現呢間餐廳竟然有打邊爐2人餐, 一於試試睇下值唔值得下次再去先!!
 2人餐 $538 包左12款食物, 可以揀自己鐘意既湯底, 套餐包左基本湯底, 但如果想要D有特色就補差額, 第1次試我地都係叫返個最基本的芫茜皮蛋湯底 ^^
 等緊上菜期間見到原來呢度有刺身同海鮮, 海鮮用魚缸養住保證新鮮。
 醬料自己加, 飲品另外叫, 待應推介大大枝雪花啤酒都係 $13, 果然無介紹錯, 易入口夠純最緊要夠凍, 飲落一個字<爽>啊。
等左大約10分鐘, 2人餐食物來啦~ WOOW...(我嚇左一跳) 食物竟然用上 HIGH TEA用開的三層架, 頓時覺得成件事好似高級左咁...哈!!
講返2人餐, 包括左不同丸類(牛丸, 蝦丸, 貢丸, 墨魚丸), 餃類(雲吞, 水餃, 魚皮餃), 海鮮(聖子, 青口) 仲有打邊爐主角 牛肉 (手切肥牛, 安格斯牛柳粒, 牛白肉), 最後仲有公仔面或烏東同埋蔬菜藍。
店員好細心地介紹每樣食物放落湯滾的時間, 我急不及待先食牛肉, 店員話手切肥牛滾到變色即刻食得, 微紅狀態最好味, 果然入口即溶, 好重牛味, 好好味。安格斯牛柳粒可以滾耐少少, 大約十分鐘, 越滾得耐就越好味, 牛柳粒有咬口, 一啖一口。最特別係牛胸肉, 店員多番提醒只係滾十幾秒就食得, 牛白肉一落湯度即刻會自動縮少, 入口咬落有少少爽口, 好特別我都係第一次食, 總括呢度D牛肉真係好得, 只可惜2人餐份量就較少, 對於我呢個牛魔王來講, 唔係幾滿足。
雖然牛肉份量唔夠, 但其實仲有好多其他野食我都仲未開動, 好驚喜估唔到其他食物都咁有水準, 丸類全部好彈耳, 仲要大大粒好足料。
雲吞同水鮫有半隻碗咁大隻, 大大隻蝦係入面加埋木耳絲同瘦肉, 好足料, 好好味啊。
 聖子又係大大條, 好新鮮, 無沙, 咬落非常鮮甜。
個湯底夠晒味既時候, 就當然要食個日本正宗幼身的稻庭烏東啦, 烏東好滑, 咬下去口感非常滿足, 仲非常飽添。
飽時飽打邊爐又點少得菜呢, 有3款(生菜,西洋菜,小唐菜), 全部好新鮮。當我地以為2人餐食物份量唔算好多, 但原來食到最尾都係會飽到抱住個肚走, 因為種類夠多, 食食下唔覺唔覺其實食左好多, 好飽。
好多人打邊爐其實咩都想試, 但平時如果2個人打邊爐一定無可能叫咁多款食物, 呢個餐就滿足到2人打邊爐呢個問題啦, 所以黎緊冬天我同老公終於有個打邊爐選擇既好地方啦。^^