2016年5月31日 星期二

解決油光妝容 @HOURGLASS AMBIENT®光澤修復妝前乳

夏天皮膚出汗又出油,化妝後好快就會油光滿面,點算? 今次體驗HOURGLASS AMBIENT®光澤修復妝前乳就可以解決呢個問題啦 ^^
美國彩妝品牌HOURGLASS進駐香港已經有一段時間,全新推出的AMBIENT®光澤修復妝前乳,除左可提亮肌膚,達至柔滑膚質,仲可以做到持久的零油光啞緻妝容。
深啡色包裝更顯華麗,系列含三個不同顏色:DIM LIGHTLUMINOUS LIGHT及 MOOD LIGHT,適合不同膚色的朋友。光澤修復妝前乳作為第一道屏障,可中和、提亮及柔化肌膚光澤,遮蓋瑕疵,柔滑膚質,為無暇妝容做好準備,而我今次就係體驗當中MOOD LIGHT。
打開HOURGLASS AMBIENT®光澤修復妝前乳先要打開密封的膠紙。
HOURGLASS AMBIENT®光澤修復妝前乳質地較厚身,顏色較我用開的粉底顏色深色,如果皮膚唔屬於偏白,可以選擇單一用,當作啞緻粉底之用,亦可以好似我咁,用佢作為妝前乳,之後再補自己用開的粉底。
乳狀質地好易推開,遮蓋瑕疵效果好好,手上的細紋同藍根都明顯淡左。
 用上臉上我會先點5個位置,包括額頭、2邊面額、鼻、下趴。
然後慢慢推開,如果覺得唔夠先再添加,唔好一次過用太多,避免有厚妝感覺。HOURGLASS AMBIENT®光澤修復妝前乳在肌膚表面形成第一層光澤,令到成個妝容可以有更佳效果。

 最後我會再加用自己膚色的粉底,薄薄塗抹一層就可以。
完成後覺得整個妝容好自然、好貼、無油光,光澤修復妝前乳有輕盈無油膩配方,質地獨特,可瞬間被肌膚吸收,呈現自然光澤,毫無潮濕或油膩感,即使係而家潮濕炎熱既天氣,都可以KEEP到妝容持久不脫妝
睇反前後對比照,見到之前膚色比較黃同比較深,用後膚色明顯較白滑,有提亮及柔化肌膚光澤既效果,同埋最好係夠持久,做到完美遮瑕,令到肌膚柔滑,成功打造完美膚色,做到今年最流行的啞緻底妝。^^


HOURGLASS Ambient 光澤修復妝前乳
價格:HK$430
容量:30ml
顏色:Dim Light / Mood Light 

#多謝SiSguide 及 HOURGLASS產品提供試用。
www.facebook.com/1437ritaandhim
歡迎邀稿或產品試用,電郵聯絡: ppqq1437@yahoo.com.hk 


2016年5月30日 星期一

BEL CIBO Restaurant

好耐無係尖沙咀厚福街搵食, 原來行到街尾有一座新的商業大廈(...可能唔新, 係我out~哈), 上面有好多食府, 一於是旦搵間試下, 上到去12樓見到呢間餐廳裝修ok, 門口餐牌有個2人餐, 有蠔又有龍蝦, 好多course既dinner set都係 $598,  一於試下啦!
餐廳燈光較暗, 都幾有情調, 最鐘意佢有大大張卡位, 坐得好舒服
天花有幾盞水晶燈令到餐廳氣氛好似感覺當堂高級左咁, 哈
前菜來啦~ 香芒大蝦野菜沙律 + 鮮果酥皮盒, 香芒汁好開胃, 沙律菜好新鮮, 大蝦亦都好爽口, 配埋鮮果味道不錯, 只可惜酥皮盒唔夠脆身, 用香芒汁作為開胃前菜, 真係好好既選擇。
焗蠔有2款, 1款係忌廉芝士焗蠔, 另1款係黑松露焗蠔, 每樣焗蠔size剛好, 好厚肉, 好肥美, 我個人比較鐘意食芝士焗蠔, 濃濃芝士汁真係好野味, 成功掩蓋左蠔本身帶少少的腥味, very nice!
是日餐湯一大碗, 忌廉湯會比較溜, 飲完好飽, 如果係羅宋湯就更好啦
主菜來啦~ 日本水飼豬鞍扒配牛油焗扇貝, 豬扒肉味好濃, 豬扒質地好嫩, 好易咬開, 配埋餐廳自家製燒汁, 配合埋一齊食, 仲好味呢!!
芝士焗波士頓龍蝦,  好香芝士味, 龍蝦啖啖肉, 餐廳仲好細心有埋夾比你, 連個龍蝦腳都可以食到入面d肉, 太精彩啦!! 2款主菜下面都有一大舊暑蓉, 好滑好夠牛油味.
飯後仲有飲品同甜品, 好滿足的一餐呢 ^^

十幾蚊食串燒? 旺角平靚正日本菜

 旺角真係有無數咁多間食市, 日本餐廳我唸計落幾十間都一定有, 但要我講得<平靚正> 3個字唔容易, 而呢間餐廳真係做到, 先講環境日式裝修都幾簡約, 好鐘意佢d枱椅好似學校入面個d咁, 好得意 ^^
其實一打開menu, 樣樣係$3-40, 好平, 初初唸會好細碟,  所以叫左好多碟, 點知上碟先知原來一d都唔細, 真係要慢慢食先得晒。呢度其實主要出名食拉面, 唔執輸又叫一碗試試, 豬骨湯乂燒拉面湯底奶白色, 味道好濃郁, 拉面唔會太淋身, 都幾彈耳, 最正仲有半隻流心蛋, 好好味, 全張單最貴係呢碗拉面喇, $65
青檸凍烏東好令我surprise, 好好味呢~ 烏東好滑, 好有口感, 湯底酸酸甜甜好開胃, 湯底冰凍夏天食真係一流
再來呢大盤沙盤,  我覺得佢唔可以叫沙律, 其實係炸面, 一邊傾計一邊食佢, 真係好過隱, 個汁亦都好開胃, 水果蟹柳壽司, 同樣係開胃之選.
 到試下各款燒物, 嘩~仲平, $18 四大舊粟米, 最貴係隻蝦 $38一隻但大過我隻手, 認真誇張, 唔係得個樣架, 食落隻蝦超彈牙, 好新鮮, 燒得剛剛好, 仲食到大蝦既鮮甜味, yummy ^^
最後食肉類, 蒜味牛柳粒, 炸雞亦都做得不錯, 特別係牛柳粒 $43有好多舊, 而且舊舊都好入味, 完全無根好容易咬開, 口感非常好
真係無呃你, 2個人食到成枱野, 飽到上心口, 埋單都係4百幾, 真心<平靚正> !!

東京築地拉
旺角彌敦道639號雅蘭中心地庫B102號舖
www.facebook.com/1437ritaandhim
歡迎邀稿或產品試用,電郵聯絡: ppqq1437@yahoo.com.hk 

2016年5月26日 星期四

其他國家面膜真係適合香港女仔皮膚? @Aqua Royce晶鑽煥彩蠶絲面膜

面膜種類層出不窮,不同功效、不同國家出品,多到數之不盡的面膜選擇。但大家又有無唸過,其他國家出品的面膜係咪真係適合我地香港人皮膚使用呢? 
今次我體驗的Aqua Royce晶鑽煥彩蠶絲面膜1盒5片,包裝簡單高貴,水漾萊斯Aqua Royce源自香港,是一個專為東方女性研發的護膚品牌,所有產品均採用頂級原料,有效改善亞洲人8大肌膚問題,為你打造水漾剔透的健康美肌,真正適合香港人皮膚的面膜。Aqua Royce所有產品更通過多項國際檢定 及己通過多項過敏性測試,適合香港女士們的脆弱肌膚。

每盒Aqua Royce晶鑽煥彩蠶絲面膜上,均有中文字解說面膜內的美容成份及功效
主要成份:
採用法國頂級五大主要護膚成分-法國鑽石粉末、鱘魚子醬提取物、
獲諾貝爾生理醫學得獎成分「juvinity」、生物多糖膠
及被美容界喻為聖品配方「輔酵素Q10」。

功效:
法國鑽石粉末 - 軟化皮膚角質層,促進皮膚新陳代謝,達到細緻幼滑效果
Juvinity - 經諾貝爾生理醫學驗證能有效延緩細胞老化及阻截皺紋形成
輔酵素Q10 - 抗氧化、活化細胞,改善膚色暗?及細紋問題
魚子精華(鱘魚子醬提取物) -增加皮膚彈性,修復受損肌膚,使肌膚緊緻嫩滑
生物多糖膠 - 抗炎、抗敏感、保濕功效
一取出面膜見到精華充滿全塊面膜,包裝袋內都仲有好多好多精華,唔好浪費記得倒埋上面啊 ^^
 面膜質地薄身一d都唔焗, 好貼面, 連我呢d包包面都可以緊貼到我全面肌膚, 連眼位都覆蓋得好好, 緊貼眼紋位置, 眼膜都唔洗再做 ^^
 等待15分鐘後 將面膜向上取走, 面上仲有好多精華, 見到塊面好水潤
 我會用手輕輕拍打及按摩面上的精華, 等精華完全被皮膚吸收
只係做完15分鐘面膜, 感到非常保濕, 面上肌膚即時彈性增加左, 幼紋都淡左, 皮膚有番光澤, 最驚喜係白左好多, 。
最後我會發揮慳家本色, 面膜上其實仲有好多精華, 我會將面膜包住條頸"夫"大約10分鐘, 我每次做paper mask都有呢個習慣, 所以可能因為咁....我真係無咩頸紋架, 嘻, 你地都試下啊^^

水漾萊斯Aqua Royce晶鑽煥彩蠶絲面膜 
$168/5片 (夏日優惠 $128/5片)

facebook : https://www.facebook.com/aquaroyce/
Website : http://www.aquaroyce.com



www.facebook.com/1437ritaandhim
歡迎邀稿或產品試用,電郵聯絡: ppqq1437@yahoo.com.hk 

超豪體驗 @半島酒店SPA及池畔美食半天遊

香港人幾咁忙我唸全世界都知, 但唔係成日可以去旅行relax下, 所以如果可以間中係香港嘆反個spa真係可以幫自己充下電. 半島酒店係香港數一數二的五星級酒店, 酒店內的水療中心亦都非常出名, 早前我就去體驗左雙人水療理療, 等我同大家分享下呢個SPA有幾咁舒服啦
雙人水療理療 Time Together
包括在專屬的私人水療雙人套房內兩小時定制的全身按摩,讓您與另一半飽覽維多利亞港景致,並一同享受雙人漩渦浴的熱情體驗。
包括於池畔享用Naturally Peninsula輕怡美食。
120 分鐘 - 6,600 港元
未做SPA之前先醫左個肚先, 輕怡美食, 其實我覺得都唔算輕怡, 因為主菜、頭盤、甜品及飲品全部都齊, 望住個維港, 食乜都會覺得特別好食呢!!! 上菜前先會送上一藍面包同埋一杯welcome drink, 我就揀左西柚汁, 酸酸甜甜夠晒開胃, 前菜係香煎帶子, 帶子好鮮甜好彈牙

老公一反傳統主菜試下呢度d中式炒面, 面條好彈耳, 醬汁味道好濃郁, 最重要係食到碟底都唔會好油, 值得一讚。

甜品係香芒雪芭 口感好滑, 酸酸甜甜, 配埋蛋糕一齊食口感更豐富, 最後餐飲叫左 ice coffee, 慢慢食足2小時, 好嘆啊!!





其實前菜同主菜都有幾款不同選擇, 應該總有一款適合你的口味, 而我的主菜就揀左煎吞拿魚扒, 外脆內軟, 魚味好香濃, 口感亦非常好。 平時係得大酒店用餐, 都唔好著得太求其, 但係池畔餐廳用餐, 最好係佢一定要你換上拖鞋浴衣先可以出去, 踢住拖個人即時relax晒~哈


一邊享受陽光既溫暖, 一邊欣賞維港景色, 一邊飲一邊食, 呢2小時過得特別快!!! 嘆完個咁精彩既午餐, 個人亦都消化得七七八八時, 我們今天的真正主菜<SPA> 要來啦~GOGO.....GO!!!

做SPA前會先安排你到休息室, 休息最令人眼睛發亮當然都係無敵維景景, 比你望住全個維港景焗反個桑拿, 再沖反個靚涼, 你話多RELAX, 入面飲品全部免費, 焗完一身汗亦可以坐係SOFA慢慢休息, 享受晒全部設施, 再嘆2小時全身按摩, 按摩師手勢好舒服, 基本上我做到一半己經訓著左, 做完全身鬆晒, 真係好舒服。
做完個SPA真係好舒服好想再來, 但可能好多朋友仔見到要成$6600 實在太貴, 我地呢D打工仔都無乜可能會去啦, 我當然明白啦~所以我分享得就係要話你知其實酒店會不時做唔同優惠, 就好似母親節 /  父親節優惠禮遇等等, 不過我覺得最正就係生日優惠啦。

半島水療中心享受寧靜舒泰的時光,收費2,200港元(已包括加一服務費)。
慶賀生辰獎賞包括
  • 選擇以下其中一項水療療程:
    選擇一:120分鐘舒緩香薰按摩
    選擇二:30分鐘面部護理及90分鐘瑞典式按摩
    選擇三:30分鐘全身磨砂及90分鐘香薰按摩
    香薰油度身調配,迎合客人獨特需要
  • 500克半島生日蛋糕一個
  • 半島香檳半瓶
可同時享用水療中心設施,包括坐擁維港景觀的熱能房、桑拿、水晶蒸氣浴、休息室及亞洲茗茶室等。

由即日至2016年12月31日期間,如預約生日當天享用此水療之旅,更可獲贈水療中心禮品乙份。





歡迎邀稿或產品試用,電郵聯絡: ppqq1437@yahoo.com.hk 

2016年5月25日 星期三

有太陽就可以充電 @ADAMAS太陽能充電移動電源

大部份香港人同我一樣電子產品與我地日常生活己經唔可以分開, 因為實在太方便太好打發時間, 我一得閒就會用智能電話或平版電腦替HIMHIM影相、錄影片、剪片、寫BLOG等, 但當機不離手, 最大問題反而係成日好快無電, 除左電話而家連手提充電器(俗稱"尿袋") 都要成為隨身
物, 但如果有一日當發現連"尿袋"都無電, 簡直就是.....晴天霹靂啊!!!!!
不過...而家唔洗怕啦, 就算"尿袋" 無電, 現在最新ADAMAS太陽能充電移動電源, 充電器有太陽能功能, 拎出去日光下晒兩晒, 又可以為各款電子產品充電, 今次我可以率先體驗呢種高科技產品, 真係超級興奮呢。
 太陽能充電+移動電源(附LED燈) (6000mAh) ]
特徴:
● 太陽能充電+移動電源+LED燈 多功能合一!!
● 高效能太陽能板 Sunpower,USA
● 多角度 LED 燈
● 多角度金屬座/鉤 
● 過充/過放/過流/過壓/過熱/短路保護
● 20cm USB充電綫
● Power 鍵: 開(單按)/OFF(長按)/電筒(連按2次)
 充電器背後有塊高效能太陽能板, 普通日光下己經可以吸收到能源
當接觸到陽光正在充電之制, 機身側邊會有一粒小紅光, 證明己經正在收集太陽能. 機身背後有個枝架可以將機身坐起
 而我為左唔比HIMHIM拎到後周圍掉, 所以我選擇左勾上窗花上面, 睇你仲點拎~哈 ^^
隨機會有一條電線, 想快手D當然亦可以接駁電源進行快速充電, 充電期間機身側邊會有幾粒紅色顯示燈比你睇到充電情況.
 ADAMAS太陽能充電移動電源 除左係一個充電機, 仲附有一個好強既LED燈, 半夜黑媽媽BB會忽然大喊, 唔洗下下開大燈, LED燈己經夠晒照明
 機身附設的支架可以成部機坐起, 爸爸用佢來睇書就最適合, 光線十分充足, 爸爸長時間睇書睇文件, 眼睛都唔洗再太用神啦.
而我當然用佢來充電啦~ 一物二用,  十分方便, 真係好好用,  黎緊6月中會同老公去旅行, 我都唸住靠晒ADAMAS太陽能充電移動電源,  幫我的電子產品充電, 等我可以影多D靚相再同大家分享啦 ^^

最後多謝MamiBuy媽咪幫邀稿體驗, 大家如果有興趣想了解更多, 可參考以下官方網址
或可到以下網址選購 http://www.theadamas.com/products/
此外,ADAMAS 己經登陸LCX及CAM2
LCX - 尖沙咀海港城海運大廈三階
CAM2 - (旺角旗艦店) 旺角友誠商業大廈9樓全層

歡迎邀稿或產品試用,電郵聯絡: ppqq1437@yahoo.com.hk 
Facebook FansPage: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, style-tips, esdlife, ublog, QOOZA, iTrial, openrice...等