2018年7月24日 星期二

我還是會怕痛的!!第二胎的孕媽媽不是超人

話咁快細佬出世已經6個月,但回想懷第2胎時候真係辛苦過第1胎多多數,人人都話做媽媽好偉大,但其實未真正懷孕、未經過生產的痛、仲有照顧BB的日夜忙碌,你係唔會明究竟阿媽有幾偉大。當我懷第一胎時,我同大部份媽媽一樣對新生命來臨充滿希望,身邊所有人都會對自己特別緊張,不論家人、朋友、同事知道你懷孕都會盡量遷就,老公就更加當你女皇看待,想食乜飲乜都照顧周到,每晚仲會同BB傾計,多幸福的畫面呢。^^''
不過當我懷第二胎時,發現同懷第一胎比較,心路歷程有好大分別,先講身體狀況,醫生話原來好多人第二胎都會比較辛苦,反應亦都會比較大,有可能因為年紀大左身體差左,亦有可能係因為身體其實有記憶,再次懷孕煥醒返身體記憶,身體提早有不同的反應出來,好似我咁第一胎好後期先會抽筋,但我現在懷孕第二胎 5個多月己經開始有抽筋情況,哈~ 但好彩有暖男小周董幫我按摩 hehee
個肚亦都明顯比第一胎大得快,現在5個多月但個肚就好似第一胎7個月時咁大,腳痛腰痛、尿頻等呢D情況都已經開始出現。=.=
至於心理上更加同第一胎有好大不同,第一胎雖然人人都話生仔好痛,但個種痛根本別人點形容都唔會明,所以第一胎懷孕時都只能"想像"個種痛。我相信不論開刀或順產都有不同程度的痛楚,而我第一胎生產期間因為有D少狀況出現,在無任何止痛情況下順產,個種痛我到今時今日都仲歷歷在目,所以懷第二胎以上的女人,間中都會回憶個種痛,在一個巨大痛楚陰影下再次迎接生產,個種恐懼其實比第一胎大,需要的勇氣亦都比第一胎多。
其實第二胎在心理同身理狀況都比第一胎差,但可惜好多人以為你曾經生過就當左你係超人,好多人覺得你唔係第一次,無乜特別姐,最無奈係連老公亦都一樣,可能現成有一個小朋友,老公有時間都會盡量做好爸爸角色,陪小周董玩/傾計/睇圖書,但對於我肚入面呢個東西,好似無乜太大緊張,就算懷孕初期經常不適佢亦唔會好似第一胎咁對我多加照顧,有比較之下,導致倆公婆經常鬧交。
加上因為第一個小朋友己經大個,就算懷孕有多累,都要做好媽媽責任,繼續用心用力照顧小朋友,什至更加需要顧及佢既感受,會多D陪佢玩,多D同佢溝通,唔想比佢擔心因為BB出現,父母會分薄左對佢既愛,所以懷第二胎的媽媽會有多重憂慮,有時會覺得身心都筋疲力竭。
所以間中我地真係控制唔到情緒,會鬧點小脾氣,但其實老公們你地只要簡單一D表示,己經可以舒緩我地的情緒,例如多點問候關心、一齊照顧小朋友、分擔家務,如果可以的話帶我們大吃一餐或買束小花表心意,我們己經覺得懷孕並唔係一件孤獨的事。我算幸運,老公都會花點小心思氹下我呢個麻煩孕婦 hahaaa
而小周董亦都好生性,由佢知道做哥哥一刻開始,佢每日都來摸摸我的大肚,每日同肚入面的BB傾計唱歌,KISS KISS我個肚~哈哈 So sweet ^^
最後奉勸大家(尤其老公)唔好再同第二胎的孕媽媽講 : "第二胎會生得快好多,OK啦"~~~ 原來好多第二胎孕媽聽到都會暗不爽,因為醫生都有講每一胎情況唔一樣,同埋就算真係生得快D,我地都要同樣經歷十級痛,唔係生過一胎就即刻變左超人唔怕痛呢。雖然懷第二胎己經無可能再當女皇,不過懷孕時只有我一個可以感受到BB係肚入面跳舞,其實都係一件好幸福好奇妙的事 ^^
希望大家同埋各位老公們,當你知道有媽媽們懷有第二胎(或以上),請記住佢地其實係更辛苦,因為第1胎我們都期待新生命,但第2胎腦海會不停地重覆回憶生產痛楚。請比多D鼓勵及支持佢地,有人一路支持我地行呢條10個月的路會更容易,亦令我地可以再次鼓起勇氣進入產房,有力量再次迎接那種十級痛。

媽媽們:你們是最捧的,加油啊!! ^^
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2018年7月19日 星期四

有益又健康飲品 @大食醫 洛神飲 Roselle drink

小周董以前食野好清淡,我仲話佢係阿伯口味,鐘意食魚食節瓜飲奶,多過食薯片餅乾同朱古力,但佢越來越大個,口味都開始變得越來越重,鐘意食香口野同埋飲甜野,但小朋友飲得太多甜野對佢地始終唔太好,所以我都盡量揀d有益又小甜既飲品比佢,行超市無意中比我發現到呢枝洛神飲,成份用上全天然食材,真正零化學添加,無防腐劑。
飲品用上天然花清素,倒出黎見到係原色既紅酒紅色,唔知以為飲緊紅酒呢...哈。 
洛神飲 Roselle drink係大食醫出品,大食醫飲料以中醫健康養生理念為基礎, 採用現代化生產和保存技術,著重原料溫寒配伍, 產品全天然, 佢地希望以食代藥, 改變我地呢d都市人的飲食習慣。
呢款洛神飲,飲落就好似飲緊花茶一樣,入口味道甘甘甜甜,加上原來洛神花含天然花青素,有助抗氧化,抗自由基,祛脂降壓與美白。
用上製藥規格的無菌冷灌裝技術方法生產,保持花清素抗氧化的功效,同時有益生元有助腸道健康,真係啱晒我呢D在職媽媽飲用。
估唔到小周董好鐘意呢個味道,好難搵到一枝飲品好味有益又健康。
難得小周董鐘意,我已經入左一箱全家大細一齊飲啦...哈哈!!!
而家仲做緊試飲價$7.9 (原價為 $8.9),優惠期有限,大家有興趣都可以喺以下超市選購:
Parknshop, Fusion, Taste, International,  SU-PA-DE-PA, HKTVMall
@daisikyi #daisikyi #仲景方 #大食醫 #洛神飲 #洛神飲樽裝 #洛神飲九製陳皮 #洛神花 #洛神花茶 #洛神花陳皮 #洛神花抗氧化 #洛神飲桂花 #花青素 #roselledrink #健康開心餐飲 #wanzingci 

www.facebook.com/1437ritaandhim


歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)

2018年7月11日 星期三

再見妊娠紋 @U&I Beauty and Slim Lumenis ResurFX再生光段技術療程

生完BB因為餵人奶同親自臭仔,瘦得好快,而家我已經差不多去返生B前的數,雖然身型上無乜大轉變,但肚上面D妊娠紋就呃唔到人,所以好開心今次可以去左U&I Beauty and Slim體驗Lumenis ResurFX療程,佢可有效刺激膠原蛋白增生和緊緻肌膚底層,將疤痕、妊娠紋、皮膚撕裂紋的問題解決,咁我就好真正回覆返生之前的狀態啦。
個日我早左少少到,等緊既期間有姐姐拎左粒紅棗糖水比我,好滋潤好SWEET呢 ^^
開始療程前,美容顧問會先了解左我需要,佢覺得我唔算肥,只係肚紋較明顯,所以如果我想解決定呢個問題,ResurFX就可以幫到我,因為佢係特別針對初老症,同埋有效明顯減淡細紋同妊娠紋,可以提升皮膚整體質素。
Lumenis ResurFX 係一種分段式激光換膚技術,幫我重拾年輕皮膚,係一種無創,舒適,快捷,有效的嫩膚治療,除左可以幫我減淡妊娠紋,亦對以下呢D肌膚問題有治療幫助。

1.      疤痕治療
2.      嫩膚活療
3.      色斑治療
4.      凹凸洞治療
 U&I Beauty and Slim位於銅鑼灣地方非常方便,上到去地方光猛又整潔,每次去到都會安排獨立房間進行療程,私隱度十足。
主角來啦, 呢部就係 ResurFX儀器,ResurFX 係由帶領國際醫學美容的專家研發,並得到美國FDA認証,臨床研究顯示帶效地逐步改善肌膚。
ResurFX儀器係最新最先進的無創分段式激光換膚技術。ResurFX分段式激光激發皮膚深層的膠原蛋白和彈性纖維產生,而新生的膠原蛋白是保持肌膚年輕及容光煥發的關鍵。通常經過數次治療後,ResurFX的超卓效果會令人好滿意。
生完BB 6個月啦,我肚上面的妊娠紋仲係清楚見到,肚上的肌膚亦都累積左一D黑色素同埋皮膚都比較乾燥。
因為進行Lumenis ResurFX再生光段技術療程都會有少少痛感,所以療程前會先搽上麻醉膏,減低療程時造成的不適。
治療開始啦,整個治療大概20至30分鐘左右,治療時,會有少少溫暖同埋少少刺痛感覺,但因為搽左麻膏,所以呢個感覺絕對可以接受。
治療師好細心地針對我肚上有紋的地方進行治療,ResurFX會於肌膚底層製造熱力,令肌膚膠原蛋白緊緻提升。
做完治療後,皮膚會出現短暫性紅腫,大概於數小時至數天內消散 (時間視乎治療強度而異大部分人可以於治療當日回復日常生活,但要避免直接暴曬,及應塗足夠防曬產品。而我大約3-4個鐘後,己經開始退紅而且無任何敏感出現。
完成療程後見到肚紋真係減淡左,通常ResurFX透過35次療程就可以激發肌膚深層膠原蛋白。每次治療都會逐步改善肌膚質素,一般黎講3次治療後已經會有明顯改善。如果想有最好效果,可以做大概35次治療,每次治療相隔4-6星期。完成療程後6個月內皮膚質素就會持續改善,我都好期待下次療程,同我肚上的妊娠紋講BYEBYE ^^
如果大家都有興趣感受下 ResurFX再生光段技術療程,可以去到U&I Beauty and Slim體驗下, 有任何關於療程查詢可以隨時Facebook Inbox 佢地或致電2808-4030 / 2808-4031 查詢及預約體驗啦。
Instagram: https://www.instagram.com/uibeautyslim
Facebook: https://www.facebook.com/uibeautyslim/
Website: http://www.uibeautyslim.com
 www.facebook.com/1437ritaandhim
感謝U&I Beauty and Slim提供療程體驗,歡迎大家給予意見,如有任何邀稿或產品試用,請電郵: ppqq1437@yahoo.com.hk或歡迎Facebook inbox,我的15個BLOG分享包括:Oh爸媽、24parent<專家博客>ClassesWePlay<星級Blogger>MamiBuy香港媽咪幫<駐站部落客> BlogspotBeautyExchangeWeshareshe.comtheZtyleELLE.comstyle-tips U Blog, Esdlife靚太clubQOOZAMybb.com,  Instagram, OpenRice(級別4) 

2018年7月10日 星期二

分享同小朋友相似地方齊齊贏禮品走啊!!

好多人都話小周董好似我,唔單止屋企人話佢似,連係街上見到D唔識既叔叔姨姨都話小周董同我餅印一樣,嘻...其實我都好開心架, 話晒阿媽咁辛苦十月懷胎,如果佢淨係似爸爸唔似自己,總有D唔抵既感覺...哈哈
小周董唔單止個樣似我,連性格同食野口味都好似。先講口味啊,我自己好鐘意食澱粉質,小周董同我一樣都好鐘意食薯仔、蕃薯,同埋每餐都一定要有粉面飯,個餐先叫滿足。
正所謂健康身體要從食物開始,所以近年我都開始注重食物質素,會多買一D有機食物同埋盡量多菜少肉,出去食飯盡量少食快餐,寧願貴少少都要食得有營養D
另外性格方面...小周董同我細個一樣都係古靈精怪,表情多多,非常外向好動,性格比較開朗,同埋有正能量,所以小周董比人感覺都係好陽光。但有時佢太活潑,我都忍唔住會話佢曳,但唸返自己細個...其實都係一樣!!! 哈哈
我相信每個人都有缺點,我最大缺點就係無耐性,容易發脾氣鬧情緒,喺小周董身上完全見到呢方面既自己。佢越大個,我越發現要佢專心做一件事好似越來越難,有時我會忍唔住叫佢D話佢無耐性,提醒佢要專心D。但見到佢每次發D小脾氣,我都會唸返自己,其實自己都有呢個問題。>.<
我好明白身教比任何野都重要,所以近排我都不停自我檢討,好好處理自己一D唔好既習慣同情緒,叫自己心平氣和D,對小朋友都有正面影響,唔會咁燥。
今年小周董細佬出左世,我都想佢兄弟似我,唔淨只個樣似,我自己都努力地將改善自己既缺點,希望佢地可以喺我身上學到更多正確既價值觀。
我相信大家都一定覺得自己小朋友同自己有好多相似地方,不如大家一齊到
美贊臣表格參與  https://bit.ly/2NDn8lN #餅印日常,分享寶寶與自己的相似之處贏取手指畫套裝一份!
500位分享者即有機會獲得手指畫套裝一份
活動期至2018715日晚上1159分,所有禮品數量有限,送完即止。

#Enfinitas #BornFromMom #InnatePotential #原生營養啟發天生潛能  #似媽不似嗎  #因媽媽而生   #係真唔係咁似啊  #個個都話似阿媽
 www.facebook.com/1437ritaandhim
歡迎大家給予意見,如有任何邀稿、活動或產品體驗,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)