2016年7月29日 星期五

保濕去紋超強 @韓國Gobdigoun黃金胎盤護膚品

韓國護膚品出名好用大把人都知, 不過市面上實在太多選擇, 有時買左D平價護膚品反而令到皮膚敏感、出粒粒什至出紅疹, 所以用護膚品前最緊要了解下佢既成份, 今次好開心可以體驗韓國中高檔次品牌Gobdigoun(高美高允)出產的黃金胎盤系列的3三款皇牌產品,  包括胎盤生物科技面膜、24K黃金胎盤面霜和全效修護胎盤精華眼霜, 產品成份加入左澳洲羊胎盤精華, 而且無防腐劑、無香料、無化學成份、無酒精及無色素, 咁我可以放心使用啦。唔講咁多即刻試用同大家分享 ^^
Gobdigoun係韓國明洞LG品牌保養品專賣店，於5年前開始自創Gobdigoun(高美高允)品牌，有別於韓國一般平價護膚保養品，屬於中高價位保養產品。其中，24K黃金胎盤面霜是目前很受亞洲女士喜愛的熱賣產品 24K皇金羊胎盤面霜提取純淨的澳洲生產胎盤粉並在韓國進行進一步美容研製，製作出能讓皮膚變得更光滑、更保濕、更有光澤，一打開見到包裝真係超級華麗, 我的心心眼即時出現啊 ^^
Gobdigoun全效修護胎盤精華眼霜 Placenta Power Aging Corrector. 配合澳洲羊胎盤能有效消除皺紋及更能提升肌膚的緊繃程度, 有效高度保濕及去紋效果顯著。
Gobdigoun胎盤生物科技面膜除了含有羊胎素外，其中更包含氨基酸、礦物質、維生素等成分，可幫助老化細胞再度活躍，重返健康肌膚。一盒面膜足足有十塊, 非常重份量。
 一拎塊面膜出黎, 己經覺得非常濕潤, 整塊面膜都充滿精華, 包裝袋上都仲有滿滿的精華在內,  面膜的含水量比不織布面膜高出10倍，緊密度更是高出500倍, 難怪可以做到強效保濕
面膜設計分成上、下2塊, 做到非常貼面，面膜係仿效生物纖維的密度所創造的新技術, 所以先可以做到360度貼面, 細心既設計到連眼紋位置及整個咀唇都完全覆蓋到, 真係連EYE MASK同唇膜都可以慳反, 一塊面膜攪掂晒, 。
大約等20分鐘左右, 除下面膜即時感受到成塊面泵滿水, 好有彈性同有光澤, 面上既幼紋都減淡左, 膚色仲比之前白左添, 講多樣慳家野比大家知, 因為每滴精華我都唔好浪費, 除下面膜後其實面膜本身仲有保留住好多精華, 我會吱出來當BODY CREAM搽埋手手腳腳, 唔會浪費之餘, 連手腳都可以同時做埋保養, 好好 ^0^
 Gobdigoun全效修護胎盤精華眼霜以一枝金色粗針筒設計, 頂部有開關制, 唔需要擔心唔小心吱出眼霜造成浪費, 泵一下剛剛好一隻眼份量, 哈~ 2隻眼要泵2下喎 HAHAAA
 眼霜由澳洲羊胎盤提煉而成，加強抗衰老的效能, 採取瑞士高山植物草本精華, 無任何防腐劑、無香料、無化學成份、無酒精及無色素, 絕對安全可靠，連我呢D敏感肌膚人士都適合使用, 能消除各種臉上皺紋及減淡黑眼圈, 同時讓眼皮變得更緊緻, 而且質地唔會太厚身, 無笠痴痴既感覺, 搽完眼紋真係即時減淡左。
 24K黃金胎盤面霜一打開個盒, 我忍唔住嘩左出聲, 包裝實在太靚, 全個金色設計, 加上樽上一D精緻花紋真係非常華麗, 盒內附有一隻小匙, 每次一匙己經足夠搽勻全面。
 面霜有澳洲生產的胎盤粉成份, 無添加香料, 主要功效是幫助皮膚抗衰老, 減淡細紋。另外，面霜內加上積雪草提取物，有效傷疤治療，幫助皮膚再生，恢復損傷細胞, 對有暗瘡或濕疹皮膚用後會幫助傷口快D康復。
抗衰老除左面部要保養, 千萬唔好忘記頸部同樣需要保養, 頸部如果多一條紋己經更顯衰老, 所以我會將面霜塗埋落頸部位置, 對去頸紋都好有幫助架 ^^
 24K黃金胎盤面霜保濕成分極高, 塗上面後即時覺得好滋潤, 我朝早用後即時上粉化妝, 會覺得粉底更加貼面, Gobdigoun黃金胎盤護膚品真係好好用, 雖然價錢比一般護膚品高, 但功效亦都相對強好多, 大家如果想幫塊面泵滿水同減少幼紋出現, Gobdigoun黃金胎盤護膚品一定幫到你。
多謝Gobdigoun提供產品試用, 大家如對產品有興趣可於香港卓悅選購 或到以下FACEBOOK FANS PAGE INBOX訂購 。
Facebook訂購: https://www.facebook.com/gobdigoun.tw
官方網址：http://gobdigoun.com
www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 
其他BLOG分享包括: 

張貼者： 於 沒有留言:

2016年7月27日 星期三

生記中菜好味, 旗下的西餐廳原來同樣精彩

我地一班朋友成日去灣仔生記食中菜, 生記呢個老牌子我一向都好鐘意, 食物一直保持高水準, 所以先可以連續3年都係米芝蓮推介食肆, 但無意中比我發現原來生記係銅鑼灣開左間西餐廳, 作為生記的長期食客, 又點可以唔試試佢既西餐呢, 餐廳係樓上鋪, 係電梯大堂己經見到大大個燈箱廣告。
上到餐廳見到坐位唔多, 但坐位之間都夠闊落, ohhh....原來餐廳有2層, 咁就算一大班朋友來都無問題啦 ^^
第一次來叫Dinner set就最方便, 每個set大約$4xx-$5xx, 有齊前菜, 餐湯, 主菜, 甜品&飲品, 以銅鑼灣區西餐廳, 來講價錢都算合理, 我地2個人決定叫個意大利飯同牛柳。
先來新鮮焗起的面包及煙三文魚凱撒沙律作為前菜, 煙三文魚新鮮, 沙律菜好爽脆, 沙律醬汁酸酸甜甜好開胃。
餐湯我地揀左黑松露鮮蠔野菌湯, 一上枱松露香氣樸鼻, 野菌湯好CREAMY, 湯入面仲有一隻珍珠蠔, 一口將整隻蠔吞下, 蠔味非常濃郁, 滿足感爆燈。
上海小籠包食得多, 法式小籠包都係第一次食, 配上黑松露醬汁同蟹子, 一咬開入面好多肉汁, 同黑松露好夾, 好好味。
前菜食完餐廳非常細心, 會有一杯青檸雪芭過濾口腔味道, 雪芭好滑好似食緊雪糕咁, 青檸味道酸酸地, 夏天食真係好爽。
主菜來了, 龍蝦意大利飯, 非一般西餐做法, 將龍蝦切肉再鑲入酥皮內焗, 令到口感豐富左, 酥皮夠香脆, 龍蝦又夠彈牙, 外脆內軟既感覺, 的確好好味, 相比起意大利飯我覺得份量少左D, 但飯質有咬口, 龍蝦汁底令到整個飯, 感覺好惹味!!
另一主菜係澳洲牛柳配法國鵝肝, 牛柳肉質鮮嫩, 咬落有好多肉汁, 五成熟我覺得剛剛好, 牛味好濃郁, 鵝肝煎得好香口, 食落好軟滑, 好耐無食過鵝肝既我, 每食一口都心心眼啊 ^^
最後來一個精美甜品, 有cheese cake同香橙tiramisu, 唔會太甜但食落好香滑, 最後飲埋杯coffee作結尾, 非常滿意的一餐, 估唔到出名中菜的生記, 做西餐都可以同樣出色, 抵佢擁有咁多好似我呢D支持左佢地咁多年既FANS ^^
www.facebook.com/1437ritaandhim

歡迎邀稿或其他產品試用，電郵聯絡: ppqq1437@yahoo.com.hk 
其他BLOG分享包括: 

張貼者： 於 沒有留言:

2016年7月26日 星期二

改善頭髮稀疏問題 @Pantogar®倍髮加®

我本身頭髮不嬲唔算多, 生左小朋友至今2年半, 脫髮問題依然困擾住著我, 因為頭髮稀疏攪到原本長頭髮都剪短左, 想做個潮媽染下頭髮, 等個人望落時尚D, 但因為擔心會令甩頭髮更嚴重, 所以都無染到。 脫髮問題小朋友出世後首2年較嚴重, 之後用左好多方法, 又睇中醫又針灸又換洗頭水等, 近年叫做有DD改善, 今次好開心可以體驗到 Pantogar®倍髮加®, 每天只要簡單食粒膠囊, 就可以幫到我改善脫髮問題, 收到第二日即刻要試, 希望快D見到效果 ^^
 呢一張相差不多年半前影(SORRY素顏照出沒請注意 :p), 你見到前額位置有明顯脫髮, 真係見晒頭皮肉, 好大個窿啊 >.<
 呢一張就差不多半年前自己影下自己頭髮生長情況, 前額位置雖然有改善左, 但分界位置依然非常明顯 >.<
 Pantogar® 倍髮加® 含有獨特的高濃度活性成分複合物，能夠有效抑制脫髮，並促進髮根的新陳代謝。它能刺激新的髮細胞生長，讓頭髮重新回到活力蓬勃的生長期。Pantogar®倍髮加® 是一種有效的瀰漫性脫髮治療用藥。它獨特的高濃度活性成分複合物能夠促進新陳代謝，並刺激新的髮根細胞生成。令到已進入脫落期(休止期)的頭髮將會重新回到生長期。最後可以令到脫髮症狀停止，重新長出健康的新髮。
 每日服用 Pantogar®倍髮加® 膠囊三次，每次一粒，並持續服用至少 3-6 個月。能有效抑制脫髮，當然同時要注意營養啦，均衡的營養不但有益身心，對頭髮也同樣十分重要。攝取足夠的維他命、礦物質和微量元素，是最自然的養身之道。壓力和情緒問題會對頭髮的生長週期造成影響，所以必須放鬆心情，盡量笑多D呢。 ^^
其實每日只要記得一日三次食膠囊, 又唔洗煲葯捱苦茶, 或者要換好多款不同防脫髮洗頭水/精華, 簡單方便就可以改善到脫髮問題, 我服用左一個月影相先發覺自己條分界線真係無再咁明顯。
以前每次洗頭頭髮總係塞滿晒去水位, 現在情況己經大大改善, 不單止脫髮好轉, 連指甲都無之前咁脆弱, Pantogar®倍髮加®果然真係好WORK, 療程為3-6個月, 如果有需要可以增長時間, 我都會繼續KEEP住服用, 希望半年後D頭髮可以回復生BB之前咁好啦 ^^
#多謝Pantogar®倍髮加® 及she.com提供產品體驗, 療程效果因人而異, 如有查詢可直接聯絡生產商或登入以下官方網址http://www.pantogar.com/hk
www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 
張貼者： 於 沒有留言:

2016年7月25日 星期一

人手Facial都有做水光槍的效果 @Neo Skin Lab水漾透肌護理療程

我雖然晚晚都一定會做足洗面同護膚情序, 但要我每日搽幾款唔同精華, 再一星期做幾次面膜, 我真係好少做到, 反而我好享受去美容中心做FACIAL TREATMENT, 家陣D美容儀器真係快靚正, 不過有時做得多醫學美容儀器, 皮膚係好左但就要勤力保濕, 今次我就去左Neo Skin Lab體驗水漾透肌護理療程, 幫我塊面泵滿水, 之後再做任何醫學儀器都事半功倍啦 ^^
Neo Skin Lab分店位於銅鑼灣世貿, 好方使好容易就搵到, 上到去地方好大好靚, 第一次來的客人會先填一份基本個人資料及個人皮膚狀況表格, 期間會有花茶同茶點招待, 茉莉花茶真係好香啊!! 之後會同美容顧問見面了解下我的皮膚狀況, 確保療程係真正適合我, 我剛剛上星期做完LASER FACIAL, 我肌膚正正需要大量補水, 今日做呢個水漾透肌護理療程簡直係GOOD TIMING啊 ^^ 
第一次來的客人Neo Skin Lab有份小禮品送, 就係sticky手拉糖, 嘻, 好窩心啊!! 甜品控女生最鐘意 ^^ 講反番今次體驗呢個水漾透肌護理療程啦~ 整個療程用上全系列德國醫學品牌JANSSEN COSMETICS, 品牌於德國己超過30歷史, 有80個國家使用, 超過12款精華呵護12種不同肌膚, 全部精華用上一級安瓶技術, 無菌無添加真空包裝, 絕對係信心保證。
水漾透肌護理療程由洗面開始至導入精華, 到最後的面霜及眼霜都係用上全系列JANSSEN的產品, 聽講因為成本貴所以出面大部份美容院只會用JANSSEN部份產品, 而Neo Skin Lab堅持水漾透肌護理療程係由一開始洗面至完結用的眼霜都係用上全線JANSSEN產品, 所以效果會更加理想。
我一踏入呢間又大又舒服的房間開始, 加上見到張軟淋淋既美容床, 個人己經開始進入放鬆狀態!!!
房間保安做得好好, 每間房間有獨立LOCKER, 浴衣同拖鞋都好乾淨, 換好衫後療程隨時開始 ^^
頭先都講過由洗面 及 深層清潔開始.....都係用上全系列JANSSEN的產品, 美容師手勢好唔好, 其實做左咁多年FACIAL, 由洗面個刻己經知道, 美容師會一邊洗面一邊做少少按壓動作, 就知道美容師經驗豐富, 好舒服啊!!
之後就開始針清黑頭同修眉, 成日做機FACIAL, 己經好耐無比美容師針清過, 過程點都會有少少痛, 但我覺得始終人手針清先係最乾淨, 可能我真係太耐無針清啦, 美容師好細心用左好多時間幫我一一清乾淨晒, 所以針清完鼻同下巴位置難免會有少少微紅, 美容師會用消炎水"夫"一陣, 大約5分鐘左右, 泛紅位置己經退了。

主角來啦~ 今次用上去角質補水精華, 再用超聲波儀器導入, 導入時間約15分鐘。
美容師先將滿滿精華掃上面, 感覺少少涼涼地, 我本身屬於較敏感皮膚, 有時用上一D唔靚既SKINCARE不到一分鐘, 己經會出紅疹, 但JANSSEN產品果然無菌夠天然, 我既皮膚完全無不良反應, 相反美容師話我皮膚好吸收呢款精華, 導入2-3分鐘己經被皮膚吸收, 美容師要不停幫我補加精華再導入。
美容師會由下至上將精華導入皮膚, 除左幫皮膚保濕外, 仲有提升同緊緻效果。
精華可全面用, 眼部都可以用到, 對付黑眼圈同眼紋效果仲好好添。
15分鐘超聲波導入完後即時搽番個GEL MASK, 再做埋個倒模令到GEL MASK更加吸收。
MASK大約做20MINS, 做MASK期閒己經舒服到訓著左, 除下倒模, 美容師會再做10-15分鐘肩頸按摩, 除左按肩頸外, 美容師仲會推埋耳後的淋巴位置, 嘩~舒服到我好想再次訓番啊!!!
完左療程我最鐘意睇番即時效果, 對比起未做療程前, 見到皮膚即時變得好水潤, 好有光澤, 摸落去真係好似水卜卜一樣, 望落仲白滑左, 好似搽左粉底咁, 最開心係連輪廓都提升左, 估唔到人手FACIAL都做到呢個水漾透光既效果, 好正啊。
最後搽埋JANSSEN的眼霜同面霜, 就大功告成啦!! 其實而家D醫學儀器真係好流行, 人手FACIAL好似越來越少咁, 雖然做機真係快靚正, 但我覺得其實想享受下做FACIAL既舒適, 始終人手FACIAL先做到, 有無效果都係最重要睇反美容師經驗同美容產品, JANSSEN呢隻產品真係好好, 所以就算人手FACIAL用左佢, 都好似有做完水光槍既水潤感覺, 有興趣大家都可以試試啊! ^^

#多謝Neo Skin Lab提供療程體驗, 療程效果因人而異, 如有查詢可直接聯絡美容中心。
www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 

張貼者： 於 沒有留言:
訂閱： 文章 (Atom)