見到CHEF STAGE呢排十分紅,
我都襯下熱鬧上星期同老公拍拖日揀左去呢度食飯, 餐廳其實好容易搵, 尖沙咀MTR九龍公園出行入亞士里道, 直望就會見到座大廈, 一出電梯就見到餐廳同一大個OPEN KITCHEN
門口位置己經放左好多大廚既得奬證書同各個奬項, 大廚拎咁多奬, 唔怪得餐廳咁多好評啦
餐廳位於高層, BOOK枱時記得BOOK WINDOW SEAT, 就可以睇埋靚景啦. 餐廳分開2邊有2個唔同景, 一邊可以望到尖沙咀街景, 另一邊可以望到海景添~ 當日我6PM左右到餐廳, 岩岩遇上日落景, 好靚呢^^
餐廳有好多餐酒同生蠔海鮮供應, 好吸引啊!!!
坐底望望餐牌其實乜都想試, 有1人DINNER SET 同2人SET, 但當日咁岩有少少唔舒服仲食緊葯, 所以就費事食海鮮, 我地就決定散叫, 問左待應有咩推介, 我地就決定食一餐真正既FUSION西餐, 嘻
食物未到先來杯飲品先, 食葯唔飲得酒叫左個菠蘿特飲, 當我以為好似普通茶餐廳既菠蘿冰,點知係一串新鮮菠蘿加菠蘿汁, 甜甜酸酸好好味, 好開胃啊^^ FUSION
今餐我話明係食FUSION西餐, 先來餐湯---肉骨茶, 哈, 係西餐廳未見過有肉骨茶, 咁特別真係要試一試. 上枱時見到碗湯好有驚喜, 因為成隻鮑魚上, 仲有魚有蝦仲有一舊肉骨, 配料全部好新鮮, 大蝦好鮮甜, SEA BASS好滑, 鮑魚好彈牙, 最主要肉骨茶當然係個湯, 好濃郁好重肉味, 帶少少葯材味, 成個湯好暖身, 個肚飲完好舒服.
前菜來個廚師推介慢煮BB燒乳鴿, 乳鴿我一個月總會食一次, 酒樓飲茶總係會加$28換購一件, 好唔好味唔講啦但平囉, 不過呢度燒乳鴿係我食過最好味, 燒得黎個皮少少脆口, 肉質超軟仲有好多肉汁, 呢D就係慢煮既好處, 可以鎖住晒食物本身D肉汁, 好滑好嫩好好味, 不能不試。
主菜叫左個香辣蝦肉炒意粉, 蝦好大隻, 好爽口, 意粉煮得剛剛好, 炒得好乾身, 意粉質感唔會太淋, 好有口感, 味道少少辣加埋D配菜, 好惹味。
另一主菜終於來啦, 慢煮RIB EYE, ...嘩!!...好大份啊!! 因為慢煮既關係, 塊扒咁大塊都可以KEEP到咁多粉紅食, 慢煮可以令到D肉慢慢熟, 保留住全塊扒既肉汁, 少D心機都煮唔到咁樣, 出面亦好少餐廳用慢煮既方法, 因為實在太麻煩, 不過廚師呢份堅持先令到我地有好野食, 值得一讚
RIB EYE粉紅色部份真係好靚, 一切落去超多肉汁, 食落口完全無根, 厚厚一啖好有口感, 好重牛味, 配埋自家製醬汁食更加好味
無呃你, 塊扒成半隻义咁厚, 都可以咁淋身咁嫩口真係好難得, 我可以講呢塊RIB EYE絕對高質素, 但價錢都只係$388, 我試過係5星級酒店STEAK HOUSE食一塊同樣SIZE既扒要過一千蚊, 所以因為呢塊扒, 我一定會再來, 好好味...好好味....好好味(忍唔住要講3次~哈!)
5個LIKE強烈推介RIB EYE, 如果你鐘意食扒多過海鮮, 我建議你散叫, 因為散叫塊扒係比DINNER SET塊扒大塊架, 但如果你海鮮同扒都想食, 咁叫SET就會抵D喇。
CHEF STAGE de Eddy Chu
尖沙咀亞士里道17-19號19樓
歡迎邀稿或產品試用，電郵聯絡:
ppqq1437@yahoo.com.hk
歡迎Follow FansPage: www.facebook.com/1437ritaandhim
其他BLOG分享包括blogspot, Weshare, sheblog,
theZtyle, beautyexchange, blogselle, mamibuy, classesweplay, esdlife, ublog, QOOZA,
iTrial,
openrice...等
沒有留言:
張貼留言