2015年6月22日 星期一

多謝L FOR LASHES第一次植眼睫毛

上星期好高興得到 L FOR LASHES邀請試植我人生第一次的眼睫毛, L LASHES地點好方便, 就係中環, 實在方便好多OL放工或者LUNCH TIME去扮靚靚, 一上到去店內, 首先員工會給一杯洛神花茶, 再慢慢講解整個植眼睫毛的程序.

首先員工講解一下L LASHES背景, 原來佢地係全國有好多間分店, 仲係好多5星期級店內設店, 好多名人名星都幫襯佢地, 信心大大提升呢, 另外佢地全部選用D眼睫毛都係仿真度高同極柔軟的眼睫毛, 膠水亦都用上防敏感系列, 絕對唔會傷到本身真的眼睫毛


客人每次均會在獨立房間進行植眼睫毛, 私人度高唔會擔心被騷擾.


植眼睫毛前一定要先把眼妝徹底洗乾淨, 以免影響效果


睫毛師會將2塊骨膠原眼模替客人貼在眼袋位置, 再一條條將眼睫毛植上, 睫毛師十分細心, 整個過程一D都唔痛, 房間播放住柔和的音樂, 我竟然......睡著了Zzzz...


一覺訓醒原來己經90分鐘, 睫毛師替我植上130條睫毛, 即刻拎塊鏡黎睇下, 果然精神好多, 隻眼好似大左同好似畫左條自然眼線一樣, 朋友直頭話我呢張相回春 18歲..嘩哈哈.......唔好意思, 太開心令大家嘔心 !!!


講反眼睫毛效果, 真係有自然大眼效果, 比個360度唔同角度大家睇真d






再來前後對比照....真係唔洗再用二千字對寫個分別, 效果一眼睇得出


植完眼睫毛唸住走之制, 員工竟然送上cup cake及花茶

嘩 ~ 靚到唔捨得食啊!!!


前排消費者委員會提醒市民如果植眼睫毛要小心選擇, 所以如果要植眼睫毛真係要搵間信得過, 千其唔好貪平, 令到傷到自己本身d眼睫毛同傷到眼部皮膚就大件事, 係度都比少少相關資料大家參考, 如果大家有興趣都可以上L LASHES FB FANS PAGE睇下 ^^

L for Lashes
地址:中環士丹尼街11號25樓
Facebook 專頁
 ~ https://www.facebook.com/LforLashes?fref=ts



(歡迎電郵本人分享意見: ppqq1437@yahoo.com.hk )
blog.she.com/1437rita
http://1437rita.blogspot.hk/ 
instagram.com/1437rita

想睇多D我同仔仔平時生活趣事, PLS LIKE MY FB FANS PAGE: https://www.facebook.com/1437ritaandhim


2015年6月9日 星期二

HIMHIM爸爸:父親節快樂

我是一個單親家庭長大的人, 對爸爸卬象一直模糊, 所以父親節對於我來說無咩別感覺, 以前細個我成日想像如果家中有一個萬能爸爸多好, 到現在我結婚生子, 仔仔現在己經差不多歲半了 我由細到大想像的萬能爸爸, 今天老公當上了…..!!

好快就到父親節, 上年爸爸話:’’男人之家唔洗慶祝啦”, 結果真係零慶祝零活動超平淡地渡過, 但今年為表我心意, 我決定寫一篇blog向我家中的萬能爸爸真心講句….多謝你!! ^^


好多媽媽生完BB都要自己一個人臭仔, 攪到精神好差, 我覺得自己好幸福, 因為仔仔出生前爸爸己經向公司請左一個月大假, 在家做我的陪月員, 呢位陪月一d都唔馬虎架, 餵奶, 沖涼, 氹訓覺, 佢都一手一腳做晒, 等我可以有多d時間休息, 當然佢自己亦都好enjoy同仔仔有咁多親密時間啦.


不過爸爸其實工作好忙, 雖然佢請左一月假在家陪我同仔仔, 但係屋企佢一有時間就要對住部電腦做野, 所以有時佢會用d另類臭仔方法, (令我好鬼激氣) 當佢做緊野時, 仔仔大叫大喊想爸爸陪, 爸爸會攬住阿仔一齊做野 =.


爸爸氹仔仔訓覺既方法係……佢自己訓先, 阿仔見到爸爸訓左無人同佢玩, 自自然然就會訓 zzzz….(當然無可能次次成功呢=.=)

但亦都不得不讚下呢位好爸爸, 佢想仔仔見多d人望多d唔同事物, 每日都會堅持咩住佢落街散步, 呢個習慣己經維持左一整年, 到今時今日阿仔己經行識走, 我地就算放工回家有幾攰, 都會同仔仔落街散步走走, 希望可以比阿仔多d活動之餘, 過程中一家人可以多d傾計, 增進下感情, 呢個習慣我希望可以一直keep落去 ^^ 






 除左散步, d高難度玩樂都係交比爸爸做啦, 玩飛飛、騎博馬、扮超人, 全部交比爸爸啦



























講明萬能爸爸, 除左好動OK, 好靜當然亦無問題啦, 仔仔開始大個仔, 家中電視除左放兒歌同ABC DVD之外, 己經無得再睇其他節目, 因為我地想阿仔由細到大培養閱讀習慣, 所以由一歲開始, 每日都會有story time, 雖然大部份時間阿仔都唔知我地講乜, 但專家話小朋友由細鐘意翻書, 仲比經常望住電話或電視好呢!




至於日常生活上換燈泡, 通廁所 換鎖及各木工等工作, 都係由萬能爸爸處理, 但估唔到爸爸連hair cut都攪得掂, 仲D都唔緊張, 仔仔亦乖乖坐定定足大半個鐘比爸爸飛個靚髮
今日我地做左父母, 終於感受到你快樂所以我快樂, 聽到阿仔每日叫一聲爸爸媽媽, 己經好滿足, 見到佢地今日識講A, 明天己經講APPLE, 真係覺得好奇妙, 覺得阿仔全世界最叻 ((~父母病嚴重))













其實我地同好多爸爸媽媽一樣, 想阿仔第時大個可以叻過人地, 學野快過人地, 讀書入名校, 考試考第一, 大個做醫生律師, 但想還想, 事實係點我地控制唔到, 只要阿仔成為一個好人, 我地真心覺得小朋友只要健康快樂, 其實己經係父母的福氣.

我地好感恩上天賜比我地有一個健康可愛的仔仔, 我更加感恩從小單親家庭長大, 但現在家有竟然真的有一個萬能爸爸和老公, 係度除左祝大家父親節快樂.之外, 特別當然要多謝我家中…..萬能爸爸多謝你, 我和HIMHIM永遠愛你 ^^

(歡迎大家電郵本人分享意見: ppqq1437@yahoo.com.hk )
http://blog.she.com/1437rita/
http://weshare.hk/1437rita
http://1437rita.blogspot.hk/
IG: instagram.com/1437rita


2015年6月4日 星期四

Weshare為食兵團- 美心冰粽

端午節就收到, 其實本身對呢個節日都無咩特別感覺, 因為一年365日想食粽的話, 其實好多地方都買得到, 但自從幾前年出左冰粽, 令我再次期待端午節, 因為想應下節, 但又唔想大熱天時, 食隻熱辣的傳統粽, 冰粽真係一個好好的選擇, 而且節日限定只有呢個時間才有冰粽食, 一年一次又點可以唔食呢,?  好開心近日收到美心冰粽水果系列及甜品系列試食, 甜品控的我忍唔住2日內己經食晒佢地, 同大家分享下啦~嘻嘻

 首先想讚下美心冰粽, 的確非常細心, 現在出面條街閒閒地都30幾度, 冰粽會用冰袋密封放好, 我地就唔需要擔心因為天氣熱而令冰粽變質啦, 而且冰袋造型好靚, 側面係竹藤設計, 好有端午節氣氛呢


美心冰粽主要分2個系列:

1.水果系列 (柚子蜜, 芒果味, 楊枝甘露, 萍果) 
2.甜品系列 (綠茶紅豆, 芝麻, 楊枝甘露,紫薯 )
每盒獨立包裝, 可愛又衞生.



 冰粽表面晶瑩通透, 外皮配合唔同口味有唔同的味道, 芝麻味外皮內真係有芝麻粒架! 而且外皮煙韌很有口感,  內饀絕對無偷工減料, woow....好多饀...好滿足呢!!

















每款口味獨特, 水果系列夠清新, 最適合夏天食, 我鐘意楊枝甘露口味, 酸酸甜甜.  好好味. 另外我比左少少萍果味HIMHIM試, 佢未食己經想將成粒吞落肚啦, 哈哈

甜品系列亦唔會太甜, 食多幾舊都唔覺膩, 最愛綠茶紅豆, 外皮綠茶味加埋紅豆內饀, 簡直絕配, 仲好有日本和菓子FEEL添, 好多食多2舊啊 ^^
















端午節就到, 鐘意食甜點又想應下節既你地, 快D買齊兩盒回家, 過一個甜甜蜜蜜的節日啦 


(歡迎大家電郵本人分享意見: ppqq1437@yahoo.com.hk )
http://blog.she.com/1437rita/
http://weshare.hk/1437rita

IG: instagram.com/1437rita


2015年6月1日 星期一

TRICK EYE MUSEUM 3D美術館之開心影影影

上星期日去了 TRICK EYE MUSEUM 位於山頂呢個3D美術館影相, 我地約埋另外有被邀請的blogger朋友一齊去, 入面好靚好大, 我地全部人都覺得好好玩, D相好好笑.
香港特麗愛3D美術館共分5大主題展區,有多達70個拍照點,大把靚相可以影, 我地早上約11am去到 ,足足玩左2個多小時,  期間館內人流唔算太多, 可以慢慢影到好多得意相 ^^

首先係售票處取門票, 成人 $150, 小童及長者  $100


一入去己經見到呢張小小世界, 3個小朋友坐左係小船度, 開始越玩越興奮

HIMHIM坐左上個連花度...哈, 木無表情, 人地係男仔唔好迫我坐花花啦 heheee



好啦好啦~ 咁同媽媽影反張合照先啦 ((依然未warm up, 繼續無表情=.=))



爸爸好入戲....阿仔可唔可以交d戲黎先!!!?


哈~我個仔啦, 大舊過爸爸幾多, 開心晒 ^^


前面位哥哥擺個有型pose...(e...himhim有隻手係背隻既? hahaaa))


到媽媽solo~ yeahhhh, 勁呢?


小朋友們最愛呢個art fighter, 電腦感應到小朋友影像, 之後係SCREEN度見到自己, 就可以同功夫熊貓打交啊!! 佢地係度足足玩左十多分鐘唔肯走呢.hahaaa


HIMHIM仲細未識玩ART FIGHTER, 都係坐下海邊舒舒服服嘆下算囉


爸爸加油....快D爬上來啊!!!!!!!!!!!!!!!

嘩~鯊魚啊!!! HIMHIM快D出黎啊!!

 
正經同媽媽影相啦~好靚啊 ^^


媽媽我第時要做KING OF THE CENTRAL....YEAH!!

加油啊, 媽媽都要做FIT OF THE HOME.......我地一齊加油啊
 


隻船仔有少少迫~ 媽媽你要再努力D減肥先得囉 >.<


我佛面前請坐定定


我鐘意係隻青蛙面前坐定多D, 我要做青蛙王子~嘻


王子無馬騎, 唯有騎雞啦



呢個係咪爸爸黎架? 去廁所都玩電話, 乜咁熟口面既?!








走之前仲要見到都教授, 但都教授只係送花比我, 香吻由HIMHIM送上 ^^ 冧晒

同場加映, 哈碌鏡頭, 我好投入想影扮爬樹, 點知小朋友見到我比熊人咬, 大家都想拉我走...太好笑啦, 小朋友實在太天真...太可愛啦 ^^



其實以前我都去過其他3D拍照館, 但TRICK EYE MUSEUM真係令我最滿意, 除左佢地方大,人又無咁多, 每個景點都可以慢慢影之外, 最正都係佢真係每個景點、每張畫都好有3D效果, 好靚, 加上係山頂位置, 去完再係山頂遊下, WEEKEND真係一個好好既娛樂節目, 你地都快D去體驗下啦.

香港特麗愛美術館(Trick Eye Museum Hong Kong)全新3D館!係位於香港山頂廣場的Trick Eye Museum來自韓國原創,位於弘大的總館開幕後已大受歡迎,每年吸引逾7萬人次參觀,更獲權威旅遊網站TripAdvisor一致推崇。特麗愛活用光影、明暗對比等繪畫技巧製造錯視效果,使平面畫呈現立體,為您帶來視覺震憾!
www.trickeye.com/hongkong
https://www.facebook.com/trickeyeHongKong


為答謝大家支持, 將會免費送出8張TRICK EYE MUSEUM入場票, 詳情請留意我的FANS PAGE公佈
https://www.facebook.com/1437ritaandhim