2017年10月21日 星期六

將軍澳區有質素的教育中心 @耀星學軒

 現今小朋友好多都文武雙全,除左學校教得好之外,出去搵一D適合的課程比小朋友,除左增加小朋友知識之餘,其實亦都可以加強佢地自信心。我地住係將軍澳區,區內都有好多不同教育中心,但就係因為太多都唔知點揀好。早前同小周董去左耀星學軒試堂,比佢學下英文又可以同其他小朋友玩下,試左幾堂Language Camp英文營,估唔到小周董對英文興趣真係明顯提升左,係屋企都會主動用英文同我地溝通。哈哈
耀星學軒著重於全方位學習,所以除左可以學英文之外,其實中心都有好多不同課程比小朋友學習,為家長及小朋友提供學術上的教學之餘,亦都顧及佢地的興趣及身心發展,即係大人細路都可以係呢度學習不同興趣,所以耀星學軒可以話係一個全面、多元化的學習綠洲呢。
襯未夠鐘上堂,我同小周董周圍參觀一下中心,見到中心提供多元化課程,例如一D體能訓練、KICK BOXING、美勞畫畫班等等,見到好多小朋友的作品真係畫得好靚呢。
小朋友仲有可以做個小小音樂家,導師會教授小朋友一系列的音樂技能,包括使用手捲鋼琴、手鈴等樂器,通過有趣和令人愉快的活動,培養小朋友去聽、唱和學懂音樂,小周董似乎對琴好有興趣,我都考慮緊比佢學下樂器....可能20年後佢真係會變成音樂界另一個"周董"呢...嘩哈哈
話咁快就夠鐘上堂,每次上堂都需要先除鞋,確保衛生之餘,亦比小朋友上堂上得更輕鬆自由。
每次上課導師都會提供不同教材,圍繞不同主題,上完堂教材仲可以拎返屋企溫習。
每次上課都會以全英語授課,暫時中心以小班教學形容上課,導師可以更加了解每位小朋友特點,小朋友亦都有更多時間及機會聽多D及講多D英文。
小周董2歲時上過一D PLAYGROUP,純粹唱歌仔聽下故事,佢每次去完都好開心,但可惜上左K1後坊間好多教學中心,都換左形式,好似同學校上堂一樣要小朋友坐定定,但耀星學軒反而想用一個較輕鬆環境學習,比小朋友每次去都好似去玩咁,邊玩邊學其實就係最容易令小朋友吸收知識。
所以小周董每次上完堂,都好開心,回家仲即刻拎D NOTES比我睇,話比我知今日老師教左D乜,所以我覺得耀星學軒Language Camp英文營,呢個學習模式真係好適合佢,課程概要包括教小朋友:詞彙、語法、拼音、對話,專注於聽力和會話技能等。對於正在學習語言的小周董來講,實在非常實用。
小朋友鐘唔鐘意一樣野其實好容易就睇得出,佢每次去完耀星學軒上堂,回家自己拎起NOTES自己坐定定要做練習,以前從未見過呢個畫面,我真係覺得好驚喜亦都好開心,可以係區內搵到一間真正適合小周董,而有效提升到佢學習興趣的教育中心。
大家對課程有興趣的話可以去免費試堂感受下,或直接致電耀星學軒查詢啦 ^^
耀星學軒
將軍澳唐賢街23號帝景灣 

電話:2333 3381
http://www.sslahk.com/
 www.facebook.com/1437ritaandhim
感謝耀星學軒提供試堂體驗,歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年10月17日 星期二

原來健康院檢查可以免費拎Materna

知道懷孕後我同第一胎一樣都係會選擇係政府醫院順產,所以除左去醫院做檢查外,亦都會去健康院做例行產檢,健康院檢查有好有唔好,唔好就係相對要等的時間長D,同埋無得超聲波,所以除左政府提供的產檢,我亦會去私家醫生做產檢,嘻, 始終透過超聲波見到BB好似開心D同埋放心D。但去健康院檢產都係必要既,至少醫院可以有紀錄,到生產時萬一有咩問題,都可以CHECK返紀錄,同埋政府所有產檢都係FREE,有時間都會去檢查確保BB健康。^^
早前第一次去健康院檢查時,職員會先叫你登記同埋派發一個淺綠色的袋仔,袋仔都有D重量,其貌不揚的衛生署袋仔....=.=''' 仲要咁重我真係想放棄拎,但由於唔好意思拒絕最終都係拎左,等待檢查期間打開個袋仔,入面除左有幾本育嬰小冊子,最重要發現有一本好靚的《寶寶成長日記》,原來由上年開始,健康院都會派發一本非常精美的Chocolate Rain《寶寶成長日記》,鼓勵新手父母在日記本上記錄寶寶的成長點滴。
WOW~ 好大本好厚啊!! 大約有80頁的《寶寶成長日記》,入面有不同主題如「給寶寶的滿月信」、「寶寶足印」及「寶寶小趣事」等,鼓勵父母透過文字及照片,記錄寶寶的成長過程直至1歲,發掘生兒育女的珍貴時刻。
 每頁都有不同的插畫,公仔真係好靚,仲有足夠頁數可以比新手父母紀錄BB成長的點滴。
《寶寶成長日記》同時會提供比新手父母的育兒實用資訊,亦有提示嬰兒需要接種疫苗的時間表、母乳餵哺小貼士、家居安全注意事項,及親子玩樂的小貼士等。
 最後連貼紙都有2頁,真係超級精美。所以大家去到健康院檢查時千其唔好放棄拎呢個淺綠色袋仔啊~哈哈!
另外,我3年前懷孕無咁多懷孕不適,所以檢查時都會同護士講一切正常,但今次懷第二胎,就不定時出現孕吐,反胃,抽筋等各種不適情況,我如實講比護士知,護士就問我要唔要食Materna,OHHH......我梗係話好啦,檢查完就去葯劑部排隊取葯。
WOOW~ 足足有60日份量的Materna,完全唔洗比錢,我真心覺得好著數....哈哈, 我自己係出面買一樽Materna 100粒都要 $2xx,而家係<免費>,哈哈!!! 所以如果大家去產檢時,不仿同護士講你胃口麻麻,主動要求護士開Materna,咁大家又可以慳返一筆呢 ^^
最後講比D在職媽媽知,去健康院檢查因為只會見護士,所以健康院只會開到疹紙比你,好似我公司就唔接受到疹紙作病假處理,所以去健康院檢查就要扣假去了,在職媽媽要留意咯。
嘻~小小小周董仲有3個月就出世,我們一家都非常期待,其實不論在私家或政府檢查或生產,最緊要都係想BB健康成長,而我個人覺得交左咁多年稅,只有生仔先可以享受到政府的服務,所以發現左少少著數忍唔住要同大家HAPPY SHARE呢...哈哈!!
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年10月16日 星期一

關注自閉症患者免費領取Kiehl’s限量版慈善手帶

今日帶左呢條手帶返工,D同事見到讚好靚問係邊度買? 嘻~其實係Kiehl’s為咗支持同關懷患有自閉症嘅大小朋友,聯同奧斯卡影帝Matthew McConaughey除左早前推出慈善限量版特效保濕乳霜外,仲製作咗一條靚靚限量手帶。只要到以下連結做一張“Make My Puzzle”相,上傳到個人Facebook/Instagram,再登記簡單嘅個人資料,就可免費獲取限量版Kiehl’s x Autism Speaks慈善手帶及任何2件Kiehl’s產品試用裝。咁有意義大家快啲一齊玩,表達你對自閉症患者嘅關注啦,大家想了解更多及參與活動請瀏覽以下網頁: https://goo.gl/emNLBf
Kiehl’s Since 1851一直對參與慈善公益活動不遺餘力,今年與奧斯卡金像獎影帝馬修麥康納希(Matthew McConaughey)攜手合作,支持「關懷自閉症組織」(Autism Speaks)。推出左慈善限量版特效保濕乳霜,同埋呢條咁靚既手帶,手帶藍色為主色夠晒百搭,手帶上有一塊拼圖同一個K字設計,簡單得來亦見時尚,最主要背後有重大意義。
 Kiehl’s希望為左提升社會大眾關注自閉症人士,同時推出Kiehl’s x 馬修麥康納希慈善限量版特效保濕乳霜,透過品牌其中一款最受歡迎的產品,傳遞關懷自閉症的訊息。自閉症譜系障礙(Autism Spectrum Disorder,ASD)是一種神經系統發展障礙症,影響全球百分之一人口。明顯的趨勢是現在比以前有更多兒童被診斷患有自閉症譜系障礙。據估計,在美國,每68名兒童便有一人被診斷為自閉症譜系障礙,每42名男孩中,有一人是自閉症患者,所以希望大家多多支持今次活動。
開始踏入秋季皮膚亦開始好容易缺水及乾燥,面上有時乾到泛紅什至連幼紋都多左呢 >.<
慈善限量版特效保濕乳霜,除左設計精美外,最主要係有深層保濕功效,產品亦曾經向「Greenland First Ascent」探險隊提供支援及保護,對抗環境氣候。 六位探險家已於2005年5月30日完成首次登上格陵蘭冰峰的壯舉,探險家連上冰山都係用佢,證明產品滋潤度一定十分足夠呢。
早晚配合埋ULTRA FACIAL CLEANSER 同 TONER,保濕效果自然更事半功倍呢。

特效保濕潔面啫喱- 適合各種肌膚的溫和潔膚啫喱。

  • 徹底潔淨肌膚,去除化妝污垢,用後不會感到繃緊,並可保存肌膚的天然油脂
  • 帶走多餘油分、污垢及雜質
  • 平衡的酸鹼度,讓肌膚保持自然平衡
  • 經安全測試證實性質溫和

特效保濕爽膚水- 性質溫和的特效爽膚水適合各種肌膚

  • 有助改善表層膚質,並在使用特效保濕乳霜或乳液前作好準備
  • 溫和帶走面部殘留及雜質,為肌膚保濕,舒爽無比
  • 配方不含酒精
  • 平衡的酸鹼度為肌膚帶來最舒適的感覺

洗面爽膚後可以使用特效保濕乳霜-24小時面霜

  • 有助減少水分流失,同時從空氣中吸取水分
  • 一整天持續保濕,令肌膚更顯柔軟幼滑,展現健康光澤
只要每天早晚使用,面部肌膚望落明亮有彈性,有效擊退缺水怠倦的肌膚。
皮膚得到足夠滋潤及保護,就算素顏示人皮膚都唔會太嚇親人,上妝亦都份外容易呢 ^^
如果大家都想得到呢條咁有意義的限量手帶。記得到以下連結做一張“Make My Puzzle”相,上傳到個人Facebook/Instagram,再登記簡單嘅個人資料,就可免費獲取限量版Kiehl’s x Autism Speaks慈善手帶及任何2件Kiehl’s產品試用裝。快啲一齊玩,表達你對自閉症患者嘅關注!了解更多及參與遊戲請瀏覽以下網頁: https://goo.gl/emNLBf

以上所有產已於全線Kiehl’s專門店有售

 www.facebook.com/1437ritaandhim
感謝Kiehl’s提供產品體驗,歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年10月12日 星期四

一齊玩美贊臣A+網上遊戲拎走$50現金券

今時今日科技越來越進步,但亦都製造左好多防腐劑、添加劑、激素呢啲化學成份,放左
係食物度係可以令到食物保存耐啲或者美味啲,但對我地身體就會造成越來越大嘅威脅,
諗起以前我地細個基本上所有野食都係用原汁原味,我仲記得細細個跟過婆婆落田親手採
生菜,即採即食,味道真係好清甜好新鮮,個種鮮甜味道我到今日都仲好記得,不過可惜
已經比較難再次食返個種新鮮嘅味道了。
有時諗返起都好回味個份生菜嘅清甜,所以到而家自己有小朋友,我都想小朋友多啲接觸
大自然,間中會帶小周董去下農場,餵下羊仔、摘下新鮮蕃茄仔,對於小朋友嚟講係一件
好有趣嘅娛樂,對我來講亦都係童年回憶。


雖然今時今日我地好似已經比較難避免完全唔食呢啲化學成份,但為咗小朋友健康避得就
避啦,唔可以個個星期去農場,日常飲食就盡量健康,我會選擇一啲非基因改造或無成長
激素嘅天然食物,雖然價錢係貴啲啲,但我地亦都相信健康係無價,而且係要累積,所以
雖然貴啲亦都係值得嘅。
每餐我地盡量都比小周董食得較為清淡,少鹽少油、多菜少肉,我反而好著重湯水,每日
會有湯比小朋友飲,補充小朋友其他方面營養。
至於小朋友最鐘意飲甜野,我地就會整新鮮果汁佢飲,始於出面大部份飲品都加左不同嘅
添加濟,而且仲冇咁甜,所以健康飲食習慣其實係需要由細到大培養。
我地屋企啲食物係比較簡單同清淡,但我有時都會花少少心思,將佢砌得靚靚地,小朋友
只要見到可愛造型嘅食物,胃口都會好好多呢。^^
我相信好多媽媽同我一樣都好著重小朋友的健康純淨飲食,近排見到美贊臣A+ Facebook
專頁最新有個「純淨培養」網上互動遊戲,有得玩仲有機會贏到現金
只要由今日起1031日期間,透過玩遊戲時領取虛擬種子親身體驗,首先為你自己所種的植物取返個名。
以後再為佢添加營養同陽光,營養即係你平時會準備咩比你小朋友,為佢帶來最潔淨有營
體驗,而陽光就梗係你會同小朋友做D咩戶外活動,親親大自然同吸收陽光氣色外,仲啟
發到小朋友咩潛能呢。
只要上傳有關照片,並分享不多於30字及填妥表格,你所種的植物就會好似我呢個植物一
樣咁茁壯成長喇。
成功登記後,經挑選而被揀選為最能表達「純淨培養」概念嘅1,000名參加者,即可獲
得日本生活品牌HK$50現金券,咁好玩又有義意,媽媽們快啲一齊玩啦 ^^

截止日期:2017年10月31日晚上11時59分
結果公佈日期:11月15日或之前
https://www.facebook.com/meadjohnsonhk/
#簡約而不簡單 #無添加蔗糖 #非基因改造 #無成長激素
#多唔一定好有時少啲可能發現更多 #美贊臣PLATINUM

 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年10月9日 星期一

捉住夏天的尾巴~ 親子餐廳內濕身玩滑梯

香港寸金尺土,好多餐廳其實都只係得小量玩意比小朋友玩就稱自己為親子餐廳,唔係朋友介紹都唔知香港竟然有一間咁大間,咁多野玩既親子餐廳,當中最吸引小朋友都係呢幾個吹氣滑梯,夏天差不多完,涼涼地未必去到海灘? 但呢度有個吹氣滑梯會變身成水池,小朋友由成層樓高的滑梯滑落黎,都幾刺激架,不過如果想玩記得帶泳衣同毛巾啦。
如果唔想濕身,除左最高那個吹氣滑梯,其他設施都足以令小朋友玩到(或熱到)變濕水鴨,好似呢個彈彈床好多小朋友都玩到顛晒。
 餐廳位於科學園,入到去成個環境都好清靜,而整個餐廳都被池畔包圍,風景真係好靚。
 餐廳大部份地方都用左落地玻璃,光線非常充足,成個感覺好舒服。
最重要係大人可以係餐廳嘆住冷氣用餐,小朋友自己係出面玩都可以睇得清清楚楚。餐廳內所有玩樂設施全部都係免費提供比食客,基本上一進入餐廳﹐職員就會為小朋友帶上手帶,小朋友可以無限次任玩所有遊樂設施。
 除左吹水彈床同滑梯,仲有好幾款游樂設施,小朋友上上落落不停消耗體力。
 小周董來來回回自己爬上爬落,玩左至少10次都唔厭~ 哈
香港地唔係好多公園有得玩鞦韆,呢度有3個鞦韆比小朋友任玩,仲可以望住個湖玩,真係寧捨玩得開心,連我都好想玩埋一份呢。
 如果同細DD既小朋友來玩,亦有相對短D的滑梯可以玩,同埋可以坐下呢架飛機影下相, 都好靚呢 ^^
 仲有好多架不同款式既車仔比小朋友周圍玩。
小朋友特別鐘意玩水,呢個小水池玩具都好受小朋友歡迎呢。
 玩到熱晒+濕晒,返餐廳食野之餘,餐廳入面亦都有大量遊戲比小朋友玩。
 除左可以坐船扮海盜、亦可以玩煮飯仔扮下廚師。
 仲有大量圖書同小玩具提供比小朋友。成間餐廳基本上都係為小朋友而設,但最可惜係WEEKEND佢無KIDS MENU提供, 而且食物都屬於較高價格,如果以大人計每位$3-400應該都走唔甩了,但食物質素我覺得都好味, 唔會令我地失望, 加上我地由12PM坐到5:30PM....哈哈, 坐足差不多6個鐘都無比人趕的感覺, 所以我覺得都值得推介比大家呢 ^^
食完玩完,可以順便參觀下科學園,個度有好多活動係教導小朋友一D科學知識,同埋一家人可以周圍影下相留念,開開心心又過左一個愉快的周末啦,WEEKEND FAMILY DAY大家都可以搵一日去呢度體驗下啦 ^^
Meraviglia Bar e Ristorante 
沙田白石角香港科學園第二期科技大道西10號浚湖樓地下S041號舖
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)