2015年10月20日 星期二

SHE.COM x 德福廣場 Blogger美麗遊學團

星期一多數都好moody,但剛剛過去的星期一, 我就過得好精彩好開心呢,因為我參加左SHECOM x 德福廣場攪的<Blogger美麗遊學團>活動, 德福廣場聯同14Beauty Brand1012日起舉辦3場美麗遊學團,我就有幸可以參與到第一場, 深入認識5大品牌包括:SHISEIDObenefitAVEDABIODERMABURT’S BEES

當日放工坐MTR去九龍灣,MTR一出己經係德福廣場非常方便,我6.55PM去到己經有不少BLOGGER係商場中庭位置等待,點名後工作人員就送上德福廣場禮品包, 內有幾米精品, 好得意呢 ^^


當日總共有16名朋友仔參與活動, 分開3隊去不同店鋪參觀, 7PM大家準時出發, SHECOM一位靚靚PR帶團, 首先第一間去的店鋪係我自己長期都係用佢D產品既SHISEIDO, 遠遠己經見到店鋪門口好大個LED , 顯示佢地近排皇牌產品ULTIMUNE肌底精華系列, ~我自己都用緊佢, 真心覺得超好用, 皮膚的確比以前好左.


美容顧問先介紹SHISEIDO不同既產品, 例如不同化妝品同佢地皇牌肌底精華


搽眼霜前先用紅妍肌活眼部精華, 再配合埋其他眼部產品, 效果事半功倍


MAQUillAGE系列最新出左呢隻防晒CC CREAM, 除左有防晒效果外, 加入左美肌成份仲會皮膚更水嫩添


美容顧問替blogger朋友示範最新眼妝, 教我地利用佢地既眼影, 打造秋冬最流行色彩既立體眼妝


活動完結我地仲收到最新絕色魅瞳眼影, 仲有紅妍肌活眼部精華, 作為用家既我收到呢份禮品真係超級開心


開心去完SHESEIDO, 出發去第二間化妝品牌benefit


一開始美容顧問先介紹佢地皇牌產品, 呢隻粉底用後好貼遮蓋度亦好高


除左粉底佢地亦會有好多其他不同既化妝品同身體護理產品


但我以前以為benefit只係賣化妝護膚品, 今次先知原來benefit一直有幫客人做蜜蠟脫毛, 專業既修眉師仲即場同我地blogger朋友示範點脫毛, 用蜜蠟脫毛效果比用眉夾襟好多, 因為用蜜蠟可以連毛頭一同拔出, 可以keep,到約30


脫毛後修眉師會按黃金比例為客人打造一條適合既眉形, 修眉後仲要同你畫反條眉同補個淡妝, 等你靚靚行出門口
  
我初時以為係化妝品牌度修眉一定好貴, 但睇下價錢牌, ohhh…驚喜喎, $160修眉仲幫你化埋個淡妝, 價錢真係十分相宜喎, 大家可以一試


活動完結收到benefit送的眉粉, eyecream, 精華sample仲有一張用蜜蠟脫毛coupon比我去試下呢個脫毛service, , 等我下星期即刻去試下先~ heheeee


去第3間店就係BIODERMA, 大家睇開我blog都知, 我係BIODERMA用家, 真心好鐘意佢枝潔膚水, 店鋪門口就己經放晒好多一盒盒潔膚水套裝, 做緊promotion $249有一枝大潔膚水+細枝爽膚水+防晒日霜, 平時買一枝潔膚水都$199, set真係幾抵, 當自己心唸搵日要去買既時候, 活動完結佢地就將呢SET套裝送比我地, 真係開心到彈起 hahaaaa


潔膚水用得多, 原來BIODERMA有皮膚分柝可以幫客人做, 我都係今次先知道, 美容顧問為blogger朋友進行分柝, 先輸入自己歲數再將面放係機器前, 十多秒後, 電腦就有結果出.


分柝結果與同年齡比較, 再得出分數, 你就知道自己表面及深層次皮膚問題, 知道自己問題係邊就可以針對作出修護啦, 皮膚好容易敏感既我, BIODERMA己經差不多十年, 佢所有產品都經皮膚科醫生測試, 美容效果有無明顯改善我相信唔係即時見到, 但至少有時皮膚狀態唔好時, 用其他產品有時會容易泛紅或敏感, 而我就算皮膚最差任至濕疹發作時用佢都唔會有敏感, 呢點己經係我最BUY佢既原因


第四間店我地去左AVEDA, 好多人都知AVEDA出名頭髮產品, 原來佢地己經發展到連SKINCARE都有了 (可能好多人都知我今次先留意到SORRY :P )


一進店服務員好細心送上熱茶一杯, 原來係香草茶, 即刻令到大家精神一下…GOOD GOOD


之後服務員為我地介左佢地既造型產品, 訓覺前搽左先去訓覺, 可以減少頭髮與枕頭的磨擦, 修護天氣乾燥或頭髮一早起身頭髮散亂既問題


服務員細心地幫BLOGGER朋友進行頭髮修護

原本blogger朋友束起頭髮而引致頭髮有部份突起,試用後頭髮真係貼服左好多


就係呢2枝產品, 大家認住佢啦 (仲有我啊~HI ^^)


頭髮產品咁好又點會少左介紹埋呢把皇牌木梳, 一入門口就見到佢, 就知佢幾咁受歡迎啦


多謝AVEDA送既禮品包, 等我可以試下佢地D皇牌產品救救我把頭髮


最後行過對面就係我地今日活動最後一間店鋪了 BURT’S BEES, 一格格蜂巢飾櫃, 知道當初佢地以蜜糖天然護膚產品為人熟悉


佢地產品大部份都係全天然成份, 店內放左不同系統既產品供客人選購, 另外一點我十分欣賞, 佢地除左天然產品之外, 原來大部份包裝會用上循環再造物料, 夠晒環保, 值得一讚


美容顧問就介紹左佢地皇牌產品保濕奇蹟面膜, 玫瑰甘油爽膚水, 同埋最新登場既極玫保濕抗氧美肌精華水比我地睇下


產品試上手即時感覺到肌膚比之前滋潤同有彈性


佢地送既禮品有齊晒呢幾款皇牌產品, 急不及待第二日己經用上啦, 多謝晒^^


去完5間店鋪今日的<blogger美麗遊學團>大約9pm前完滿結束, 經過今日除左認識左5個品牌之外, 多謝佢地比我地親身體驗佢地既服務、產品, 同埋送比我地既禮品包. 亦都好感謝SHECOM 同德福廣場今次攪呢個活動, 全程有靚靚PR帶團仲有專業攝影師影底當日情況, 令我過左一個開心既晚上 ^^

其實德福廣場仲有好多不同既美容品牌, 大如果想搵適合你既SKINCARE應該總有一間可以幫到你, 而且商場就係九龍灣MTR上蓋, 商場分一二期有好多不同種類店鋪, 如果大家想舒舒服服行商場SHOPPING, 去德福廣場一定唔會令你失望呢.



大家有任何意見或想與我聯絡歡迎電郵: ppqq1437@yahoo.com.hk
WELCOME TO FOLLOW MY FB FANS PAGE ^^
www.weshare.hk/1437rita

blogs.elle.com.hk/1437rita

2015年10月11日 星期日

SHISEIDO 提升眼部肌膚免疫力精華ULTIMUNE EYE PowerInfusing Eye Concentrate

上年SHISEIDO出左ULTIMUNE Power Infusing Concentrate免疫力肌底精華, 用過一枝後簡直完全愛上, 因為我每年轉天氣皮膚一定會敏感泛紅, 用左佢我真係一整年都再無試過敏感, 所以3個月內用完一枝後即刻再去補貨買多二枝, 之後FOLLOW SHISEIDO FACEBOOK知道佢地係9月會推出全球 首枝提升眼部肌膚免疫力精華ULTIMUNE EYE PowerInfusing Eye Concentrate, 簡直令我十分期待, 現在我仲可以率先試用, 忍唔住即晚就用, 感受下眼部精華係咪同面部精華一樣咁正先 ^^

用之前當然都做下功課, 呢枝眼部肌膚免疫力精華ULTIMUNE EYE PowerInfusing Eye Concentrate可以重新激發肌膚潛能,為容易受損的眼周肌膚增強肌底潛在力,肌膚迅即重煥柔滑潤澤,為眼部肌膚注入源源水潤,其實眼部同身體一樣, 免疫力好皮膚自然好, 呢枝肌底精華原意就係要重新激發免疫潛能, 咁隻眼自然靚啦

我以前仲係十幾廿歲時只係著重面部護膚, 我以前真係夠擔一枝LOTION搽晒全面就算數, 但去到廿歲尾, 眼部問題開始浮現, 除左黑眼圈, 眼袋位置仲有D好勁既眼紋, 但太遲開始保養現在先覺得非常後悔. >.<
ULTIMUNE  EYE  PowerInfusing Eye Concentrate同面部精華外表其實好相似, 都係全紅色樽身, 泵咀設計方面使用


每日早晚係潔膚及健膚之後使用, 按壓瓶泵 1次分量就己經好足夠, 精華吱出黎係淡白色, 水感好重但一D都唔粒. 好容易推開, 無香味一D都唔刺激.
全新 SHISEIDO ULTIMUNE EYE Power Infusing EyeConcentrate 仲加入左獨家成分免疫補濕精華,佢有助堵截乾燥造成的惡性循環,精華配方更採用釋放水分技術,於塗抹時以指尖的壓力令水珠釋放,倍增水潤質感。塗抹時感覺水凝滋潤, 所以我想令到精華更加吸收, 會係搽精華時用打圈手制, 加以按摩眼部, 指尖既壓力會令水珠釋放,從而倍增水潤質感。


眼部精華有效令到眼周肌膚更加健康,咁之後再搽任何眼部護膚品都更容易滲透,有效提升眼霜既修護功效。而且持續使用SHISEIDO ULTIMUNE EYE Power Infusing Eye Concentrate 能撫平眼周幼紋,更添明亮彈性,令整體膚色更均勻亮澤。其實搽完即時己經見到效果, 眼紋位置明顯減淡好左.


使用SHISEIDO ULTIMUNE EYE Power Infusing Eye Concentrate 4星期 86%感覺肌膚免疫力有所提升, 98%有效防止乾燥


其實眼周肌膚只有約 0.6mm,即面部其他部位既 1/3厚度,而且汗腺和皮脂腺較少,容易乾燥,眼周肌膚比面部其他部位的抵抗力相對較低,, 眼周肌膚同面頰肌膚比較原來脆弱 3, 所以如果當眼部肌膚免疫力下降,就會令隻眼變得更乾燥, 黑眼圈, 眼袋, 眼紋既問題就會好快出現, 所以要先處理好免疫力既問題, 肌膚就會自然好, 所以SHISEIDO ULTIMUNE 面部同眼部肌底精華, 我真心愛上了, 皮膚好, 只要簡單化個妝就可以隨時見得人啦 ^^

SHISEIDO ULTIMUNE EYE Power Infusing Eye Concentrate
HK$550 / 15ml
專門店及專櫃現已有售




大家有任何意見或想與我聯絡, 歡迎Email: ppqq1437@yahoo.com.hk
WELCOME TO LIKE AND FOLLOW MY FB FANS PAGE ^^
http://1437rita.blogspot.hk/
blogs.elle.com.hk/1437rita


2015年10月7日 星期三

觀塘工廈3大最紅餐廳大比併

去工廈搵好野食己經興左好耐, 近半年我終於的起心肝去試下觀塘區工廈餐廳, 做過RESEARCH發現最火紅有3間餐廳, 分別係i kitchen , Bella Shine 同 Bondi, 我試完3間做個最中肯評語, 如果你地都想去試下工廈餐廳, 睇下我呢篇blog希望比到個參考你地啦 ^^

先講i kitchen 一進店感覺餐廳唔算大, 枱與枱之間比較迫, 我地一行5人, 所以可以試得比較多食物, 大家唔想煩既關係好多時都會睇下餐廳有無dinner set, 但見到是日精選係白酒青口,  所以先叫左一客來試試, 之後分別再叫左3個dinner set

我最愛白酒汁, 每次都好似想好似飲湯咁飲晒d汁, 青口鮮甜, 白酒汁也很濃郁, 食左幾隻開始想向d汁埋手, 但發現無包? 於是我地問waiter想order面包或多士時(即管要比錢我們也ok ),  但waiter回覆竟然係......"餐廳無面包或多士供應", what? oh....... 除左覺得可惜外, 亦覺得點解一間餐廳最基本的面包都無, 實在令人費解呢!?

都係講反個晚餐啦, 有頭盤, 主菜, 甜品, 頭盤三文魚沙律

仲有焗暑皮,  擺盤精緻, 但味道.......okok 一般啦!!

主菜帶子意大利飯, 好香, 飯粒亦唔會太軟, 份量剛剛好, 不錯不錯

呢碟酥皮牛柳, 我覺得係全晚最精彩, 外表焗完脆卜卜即刻上碟比客人, 內裡牛扒唔會太熟, 再點佢自家制醬汁, 好味呢. 加上出面己經好少食到呢種牛扒, 係呢度食到算係一大驚喜呢, 不過係佢份量真係太少, 我地3個女仔分, 每人2啖己經食完, 到喉唔到肺, 呢個course我覺得唔可以share, 可能真係一人食一份先夠滿足呢 ^^

總括....我唔明點解i kitchen會咁火紅, 老實講除左食物擺盤精緻外, 味道同份量都一般, 環境又迫, 枱與枱之間太窄, 聽到晒隔離枱講乜, 感覺好嘈, 員工service亦.......好似坐係茶餐廳一樣的招呼, 最重要埋單每人平均 $3xx, 我個人覺得2個字 (唔值) ....講完 (嘻, 無下次~bye) :p

第二間就係呢間Bella Shine, 門外門內我覺得真係2個世界, 一打開門入到餐廳比想像中大, 分開3個area, 部份位置坐高腳椅, 有部份2人枱位置係大廰, 入少少就全部都係木餐椅, 感覺有少少讀書feel, 適合一大伙朋友開餐. 我地打開menu, 發覺佢有好多選擇, 日本串燒又有, 扒類又有, 意粉類又有, 亦都有dinner set提供, 第一次我同老公2口子去就試試個dinner set
先來個蕃茄湯, 泡泡係面令到個湯即時變得特別及高級左呢, 嘻


帶子野菌意大利飯, 超香超好味, 飯粒軟硬度適中, 好怕食港式意大利飯淋姿姿, 呢度比較正中, 好鐘意.

厚切黑豚肉, 果然好大塊, 而且好有肉味, 重點係一d都唔un, 配埋獨有醬汁, 好好味
好多餐廳dinner set 甜品都好hea, 但呢brownie加雪巴, 有個雪邑感覺食brownie唔會好溜, 完美一餐的結束....good


第一次食過覺得太好, 好快又再去第二次, 今次同4個朋友一齊, 除左叫dinner set外, 仲可以單點其他食物, 叫左d串燒, 雞泡魚干, 食物同樣好有水準, 最有驚喜亦係女生最愛, 就係呢個叫<心動一刻的甜品,一個半圓球, 另上一杯熱朱古力淋上面, 入面就係心太軟, 好玩好味最鐘意錄個movie放上網呃like一流~ hahaaa

總括......bella shine 食物好有質素, 己經去過2次, 廚師一樣都可以保持水準, 要食好野去bella shine我覺得可以好放心, 而且選擇好多, 可以岩晒唔同朋友喜好, 員工service好好, 有問必答, 另外最正呢度自己帶枝酒上去都得, 可以慢慢食慢慢飲慢慢傾, 咁又一個開心晚上, 我推介左幾朋友去bella shine, 亦都係度真心推介比你地 (只希望佢如果再紅d, 唔好太難book枱就好了 heheee ^^)

最後講Bondi, 亦都係我最強力推介的一間, bondi我覺得其實唔算係工廈餐廳, 因為佢實際係位於工廈的停車場位置, 十分容易找到, 進入餐廳雖然地方唔算好大, 但一d都唔會感覺壓迫, 我去過幾次, 每次都係食dinner set, 因為太抵, $528 2人餐, 指定銀行信用咭仲有85拆, 有湯有前菜有主菜仲有甜品

湯其實可以加錢飲龍蝦湯或其他湯都ok, 只要補差價就ok, 我最鐘意白酒牛油煮蜆, 蜆雖然唔大隻, 但好有肉地, 有口感, 白酒汁簡直我至愛, 配埋餐包, d汁我差不多可以飲晒, 哈 (肥死)

主菜有意粉, 有扒, 仲有龍蝦可以選擇, 太正啦吧, 而且味道仲要係好好味呢

牛扒5成熟, 絕對無over cook, 無根有牛味, 至於意粉亦都係色香味俱全, 甜品我覺得唔好期望過高, 但飯後甜品係女生指定動作吧

總括.....講真如果講食物質素Bella Shine 同Bondi 我會比一樣分數, 一樣好味, 又有水準. 但我最鐘意bondi原因, 除左佢地方就腳dd, 唔洗搭工廈個d老爺電梯, 最主要原因, 個度有high chair, 我可以同埋HIMHIM一齊去, 哈, 因為好多工廈餐廳好似唔願意招代小朋友咁, 好多間都無bb chair供應, Bondi呢點令我加佢2分, 嘻...希望幫到各位靚媽搵餐廳同小朋友食飯啦 ^^

歡迎邀稿或其他產品試用,電郵聯絡: ppqq1437@yahoo.com.hk 
其他BLOG分享包括: