之前係沙田食過呢間"穴"覺得環境同食物都好好, 今次來到銅鑼灣無意中係西貿見到原來有分店, 3個朋友即管再試下, 打開餐牌見到呢碗海膽飯真係好精彩, 不過要5百幾蚊, 嘻...我未至於鐘意食海膽食到呢個情度
其實佢D飯類都唔算好貴, 如果LUNCH TIME只係食個飯都係百零蚊, 一個女仔絕對夠食
今次朋友由加拿大回來講明想食刺身, 店員就介紹食呢款日本和牛刺身, 有幾個唔同的牛位置作為刺身, 食落都重牛味, 點埋酸汁食, 作為前菜都好開胃, 但我覺得厚身左少少, 同埋$298得幾塊, 2啖食晒唔係幾化算
再來一個雜棉刺身, 有8款不同刺身乜都可以試D, 好豐富, 全部刺身都好新鮮, 好鮮甜, 相比起呢個雜棉刺身雖然貴DD, 但多款式好多, 鐘意食刺身唔可以錯過.
上次去沙田分店食左好多壽司, 今次相反無叫到壽司改為食卷物, 軟殼蟹牛油果卷, 軟殼蟹炸得好脆, 牛油果入口即溶, 做成外軟內脆, 好好味
個名唔記得, 上面係用D甜蝦打成容再加少少黑松露, 一咬落去超香黑松露味, 甜蝦容配埋壽司再加埋入面有D生菜蟹柳, 好多重層次, 必食推介
加洲卷雖然普通, 但朋友就係鐘意出面D蟹子咬落口卜卜聲, 壽司飯醋味剛剛好, 夠軟熟.
最後來個海膽加吞拿魚蓉卷物, 我成日覺得海膽+吞拿魚蓉係絕配, 2種味道都好重, 但夾埋一齊食就非常之覆雜, 非常之好味, 我覺得比起夾青瓜或紫菜, 咁樣放D海膽落吞拿魚卷物上面一口食入口, 係非常滿足的.
沒有留言:
張貼留言