去完再去既日本餐廳 @花串日本料理

中環要食日本料理其實都有好多選擇, 不過想食DINNER又要質素ok, 我食過幾間普遍都好貴, 但花串一直都係我去完一次又一次既日本餐廳, 因為環境雖然唔係好靚但就好大, 早幾日book枱多數都有位, 但最重要食物質素好, 所有野都好新鮮, 地方又易搵, 籣桂芳隔離條街上電梯就到, 

如果想價錢優惠d, 佢有dinner set 由$1xx - $4xx不等, 我如果趕時間就會食dinner set, 大約2百幾蚊一個, 睇下圖相下面一大碟刺身配吞拿魚容飯為一個set 或者右上角亦係我至愛, 海擔+三文魚+杜丹蝦飯為一個set。刺食厚切大大件, 好有口感, 最重要好鮮, 好肥美, 超滿足, 咁樣埋單2人都唔洗 $600, 中環區呢個價錢己經算非常合理。

 不過如果想慢慢坐, 或者肚餓d, 其實餐廳有時令2人餐, 價錢大約$9xx, 不過超多野食, 先來一碟超新鮮雜棉刺身

海哲豆腐沙律細細碟, 但用來先開開胃

 海膽吞拿魚容手卷 + 時令魚sushi (sorry唔記得個日係咩時令魚 :p )

 燒串8大串, 燒汁好入味, 其實食到呢度我己經8成飽

 再來一條燒魚

 仲有炸牛肉暑餅

清酒煮蜆, 好鮮甜, 但湯底就淡左dd, 最後仲有一個飯或烏東, 次次食2人 餐都飽到上心口, 我覺得2個男人 或者 3個女仔 呢個份量就剛好, 不過呢個餐就可以慢慢食慢慢傾計, 埋單連埋加一大約 $1100, 係一個合理價錢食到有質素既日本料理, 花串係一個好好既選擇。

花串日本料理
中環威靈頓街2-8號威靈頓廣場M88 8樓