環境食物達一級水準 @權八居酒屋

權八居酒屋位於利園一期4樓, 一開電梯門己經見到, 一大個鼓係門口, 太黑唔到相, 但感覺好高級啊~入到去餐廳位與位之間好闊落, 至少唔會聽到隔離枱傾計, 待應或日本師傅忽然一句日文, 令人覺得好有日本感覺。

見到呢個格局以為超級貴, 但打開餐牌又未係想象中的誇張價錢, 算中上價錢啦, 每樣百零二百蚊, 刺身當然貴少少啦, 當日我地2人因為食左個大下午茶所以唔係好餓, 先來杯生啤, 仲有豆腐沙律 (初初以為好怪, 點知原來好香豆味, 第一次食豆腐沙律原來好好味架^^)

 來個雜棉刺身, 雖然唔係重量級但全部好新鮮, 好肥美

雞泡魚干係我去日本餐廳必叫既食物, 其實好多間都麻麻地, 但權八既雞泡魚干超好味, 蜜汁燒好香, 魚干好有口感, 真係好想再來多一客

 吞拿魚容卷, 壽司飯做得好好, 醋味剛剛好, 其實好好味, 但得6舊實在太少啦 >.<

最後點左個橋麥面, 日式湯底加一隻蟹腳, 面條好滑, 蟹腳己經無左個穀, 啖啖肉真係超滿足.

當我地差不多想埋單時, 差d唔記得點左個燒飯團, 可能製作需時, 最後先到, 但原來等係值得架喎, 飯團燒到外脆內軟, 燒汁係飯團面好好味, 咬落入面原來d飯唔係普通白痴, 配埋紫菜食真係超夾, 雖然好飽但真係想再encore多2個食, 好好食!! 是日埋單2人約 $1100。

權八居酒屋
銅鑼灣利園4樓

大家有任何意見或產品試用歡迎與我電郵聯絡: ppqq1437@yahoo.com.hk 

歡迎Follow FansPage: www.facebook.com/1437ritaandhim

其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA, iTrial, openrice...等