前陣子開左好多間主題餐廳, 我同身邊女朋友經常為左呃LIKE去食野之餘, 最主要當然係瘋狂影相, 影完相始終食物都要落肚, 講真好多主題餐廳食物都係屬於一般, 但今次去呢間姆明餐廳, 估唔到百幾蚊一個SET DINNER 食物質素出奇好味, 全晚仲有好多大大隻公仔比你任影相, 最正係有大大個維港靚景, 百幾蚊食呢個景我覺得己經值回門票價了。
我稱佢為姆明餐廳，嘻~其實餐廳叫Moomin Cafe位於尖沙咀海港城LCX個邊，去到餐廳門口己經見到大大隻姆明公仔係度等緊我，餐牌見到DINNER SET由$158至最貴都係二百幾蚊，對於係呢個商場食飯黎講，呢個價錢己經算好優惠了。
再行入少少見到甜品櫃D甜品好精緻，好可愛((見到咁靚既甜品, 心心眼即時出現^^)) 我地己經一早訂左位，所以急不及待快快入座，順帶一提，如果想好似我咁坐WINDOW SEAT，一定要早一星期前訂枱先有機會坐到。
DINNER SET除左有主菜仲有餐包、餐湯等選擇，另加錢可以有小食及飲其他特色飲品。
餐湯牛奶湯註明係廚師推介，果然入口好滑好香濃，奶味唔會好溜但好香，配埋即焗面包好好味，沙律我就覺得比較求其左少少，醬汁唔夠多，但當健康D食下菜都OK既。
叫左2杯特色飲品((鮮奶綠茶))，一杯熱一杯凍，可以揀自己鐘意既公仔。
我最鐘意史力奇，好可愛啊 ^^ 講返杯飲品唔係只係得個樣，原來非常有質素，綠茶味同鮮奶調配得剛剛好，飲落口好滑又唔太甜，必飲推介啊!!
主菜來了，叫左一份魚，SORRY唔記得係咩魚，但肉質鮮嫩，點埋獨有醬汁，配埋天使面一齊食，好味又夠飽肚。
另一份主角係豬扒，呢個就一般左D，肉質"鞋"左少少，我覺得魚比較好味。另外我地仲加錢叫左個雞亦同焗薯，味道十分濃郁，好香好好味，值得一試。
食呢餐飯我真係影左無限咁多張相，食足3小時完全無人趕客，仲要望住呢個咁靚既維港景，食一餐有質素又唔貴的晚餐，真心覺得今餐好優惠。
哈~貼心的朋友為左補祝我生日原來偷偷ORDER左個甜品，送上生日甜品時整間餐廳會播生日，全場待應同客人一齊唱生日歌，個刻感覺雖然有少少怕醜，但真係覺得好窩心同埋真心覺得超級驚喜~哈 !! 講返呢個窩夫啦，新鮮做起才上枱，外脆內軟，配埋雪糕一齊食，都唔會太甜，真係好好味~好滿足呢!!
整晚待應都會將不同的大大隻公仔輪流比每枱客人影相，如果你特別想要邊隻公仔都可以同待應講，佢地都會安排比你，所以不得不讚呢度除左食物、環境仲要連服務都好好，真心比個LIKE你地啊!!! ^^
歡迎邀稿或其他產品試用，電郵聯絡: ppqq1437@yahoo.com.hk
其他BLOG分享包括:
Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice
沒有留言:
張貼留言