愉景灣真係香港人放假RELAX好地方, 我地2個家庭一齊去, 酒店竟然好好地安排我地入住一間超級豪華海景大套房, 房內會有廳及2間房, 呢間主人房真係大到不得了, 最正係成間房270度都有落地玻璃大海景, 個VIEW真係靚到暈啊!!!!!!!
小朋友跳上跳落張床己經開心到不得之了, 張床夠晒大仲非常有彈力 ^^
房間內的廁所都有一個大大的玻璃, 可以一邊沖涼一邊望住無敵大海景, 太爽YY啦!!
套房個客廳大到呢, 仲有露台可以行出去欣賞風景, 夜晚爸爸們就坐係度飲返2杯。
客廰右邊有個OPEN KITCHEN, 如果住多一晚, 我真係好想煮反幾個小菜。
另一間房雖然細d 但2張床拍埋都好足夠小朋友玩足30分鐘跳跳跳跳~ HAHAA
參觀完間房當然要去酒店泳池玩下水啦~ 泳池夠晒大, 一個玻璃教堂在後面, 個景靚到不得了
媽媽同小周董都玩到瘋了, 好開心!!
游完水酒店仲有一個KIDS ROOM可以比小朋友打發不少時間, 小型波波池 (小周董好似己經有d大份了~哈)
好多親子小遊艇可以同小朋友一齊玩, 最好係全部免費呢!
爸爸同小周董玩呢個足球機足足玩左一個鐘~哈!!
靜態d有幾款煮飯仔遊戲同埋現場放緊迪迪尼卡通比小朋友睇, 小朋友玩到完全唔想走。
離開KIDS ROOM見到呢個玻璃教堂, 點可以唔影返張相呢, 如果當年同老公結婚可以係呢度行禮真係好有身於關島教堂feel, 多浪漫啊。
回酒店換件衫就出去食飯, 酒店出面有免費巴士坐出去愉景灣碼頭, 等巴士期間小周董係LOBBY不停同呢3隻動物傾計~哈
去到碼頭找間餐廳食飯, 但一日的玩樂, 小周董8pm正式宣佈無電 ZzZzzz....
第二朝一早就出去愉景灣海灘, 好好天氣, 好大陽光呢!!
去到沙灘初初同小周董玩下影相佢都好ENJOY, 但可惜佢雙腳一踏落沙度, 即刻發狂大叫大喊....哈哈!! 我唸要帶佢去多幾次沙灘, 等佢識應下D沙既感覺先得啦!!
回酒店就要準備BYEBYE~ 由於咁啱我係生日月, 酒店會送上一張生日咭, 憑生日咭可以去餐廳飲嘆返2杯香檳, 我地又見到呢個玻璃教堂啦~ 真係好靚呢。
爸爸媽媽飲香檳, 小周董就食蛋糕仔, 雖然免費但一D都唔馬虎, 件CAKE都幾好味添, CHEERSSSSS 2日1夜的愉景灣之旅正式結束, 呢度真係好有渡假FEEL, 去到成個人都RELAX D, 爸爸己經講好了明年暑假再同小周董來玩呢 YEAH ^^
溫馨提示, 如果想要呢個生日小驚喜, 就記得係BOOK房及CHECK IN時通知酒店職員啊
^^
歡迎邀稿或其他產品試用，電郵聯絡: ppqq1437@yahoo.com.hk
其他BLOG分享包括:
Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice
沒有留言:
張貼留言