我成日都想去日本旅行, 但呢期d yen狂升, 點去? =.= 所以暫時無得去旅行, 咁一於去間好有日本味道的餐廳, 食下日本菜頂住先引啦, 呢間餐廳我由一踏入門口開始, 見到d裝修同格局同以前係日本見過既餐廳有9成似....簡直令我覺得自己好似身在日本一樣, 太開心啦!!!
格局我就好滿意啦~ 睇反食物啦, 望下餐牌價錢都唔算太嚇人, 但樣樣都好吸引, 睇到我都唔知食乜好, 不如直接問下待應今日咩最新鮮, 佢就推介左幾款比我地, 有選擇困難症既我, 聽聽話話跟足待應介紹落單, 坐低慢慢等食 ^^
先來2杯梅杯特飲, 再加新鮮八爪魚粒當係開胃前菜, 八爪魚好有咬口, 配埋秘製汁少少酸酸地, 的確好醒胃。
三文魚富士山: 賣相加多少少幻想力又真係幾似富士山既, 當我以為佢係一盤普通三文魚刺身時, 原來內有驚喜, 三文魚入面係青瓜卷, 將一塊三文魚連埋青瓜卷, 一大啖放入口, 口感超滿足啊!!
冰菜沙律: 沙律有唔少日本新鮮蔬菜, 配上日式沙律汁, 酸酸甜甜好開胃, 再加上有d日本魚干同帆立貝刺身, 帆立貝非常新鮮, 好鮮甜, 夏天食呢個沙律最適合。
蟹味噌雲丹: 如果係menu無圖就咁見到呢個名, 我一定唔會叫, 但店員強烈推介, 雖然價錢有少少高但都即管試試, 一上枱見到賣相己經非常吸引, 蟹蓋上有蟹羔、蟹肉仲有海膽, 再加上少少特製酸汁, 入口即溶, 鮮味十足, 好味到有幸福既感覺湧上~哈, 好誇!! 但真係好好味
焱丸活貝大盛: 即係燒四種貝殼類海產, 上枱時隻鮑魚仲係度...呼吸緊, 太新鮮啦!!!
呢度燒海鮮應該好出名, 因為每枱都有一個燒爐, 十枱有八枱都係度燒緊海鮮, 我煮飯不嬲都麻麻地, 但呢度有專人幫你燒, 唔洗我出醜, 實在太好....嘻!!
燒完上碟仲係好肥美, 食得出非常海鮮, 食落口超鮮甜, 我連汁都飲埋就知真係超級好食。
重口戲來啦~ 日本伊勢龍蝦鍋.......未食見到個賣相己經覺得精彩, 鍋內除左有原隻日本伊勢龍蝦, 仲有少量雜菜、豆腐同日本粉絲, 老公方死唔夠飽再另外叫多左個烏東, 結果食完佢係飽到上心口~哈哈!!
等待龍蝦熟既期間己經聞到個湯底好香, 飲番2啖覺得好清甜, 龍蝦size唔算好大, 但味道就非常鮮甜。
龍蝦熟左之後非常飽滿, 一手將整條龍蝦肉取出來, 大啖咬落去, 肉質非常彈耳, 啖啖肉真係好滿足, 再飲反個湯底, 有埋龍蝦鮮味比之前更好飲, d菜同豆腐入晒d龍蝦入去, 太好味啦!!!!!!
2個人食咁多野, 呢餐係食得狼左少少, 但的確有止渴效果, 呢間餐廳除左格局似日本, 連食物質素都拍得住日本地道餐廳, 家陣d yen咁貴, 不如留港消費係香港食都係一樣姐, 日本都係等d yen跌反少少先再去啦 ^^
焱丸水產
尖沙咀棉登徑23號華楓大廈地下5&6號舖
歡迎邀稿或產品試用，電郵聯絡: ppqq1437@yahoo.com.hk
其他BLOG分享包括:
Instagram, Blogspot, Weshare, she.com, theZtyle, beautyexchange, ELLE.COM, Mamibuy, ClassesWePlay, style-tips, QOOZA, U Blog, iTrial, OpenRice
沒有留言:
張貼留言