出面食一件CAKE的價錢,呢度可以食到成個Cheese Cake

作為將軍澳街坊WEEKEND一定周圍搵食, 油塘大本型一星期總去一次, 一上到商場就會見到呢間鋪, 之前食過一次炒雪糕, 價錢的確比起出面平好多, 今次要試下呢個Cream Bulee Cheese Cake , 純粹見到$78價錢好抵, 我剛剛係銅鑼灣PAUL XXXX個度食左個Cream Bulee 都要五六十蚊, 呢度成個CAKE都只係$78, 真係要一試。

 原本唸住坐得食, 但星期六下晝原來好多人, D人全部都係叫TEA SET架, 下次都要試下先, 無位既情況下唯有外賣買回家慢慢嘆啦

 木盒包裝, 好有日本感覺, 有層紙包住確保衞生。

打開包裝紙, 蛋糕上面焦糖香味擁上來~

食落好香濃芝士味, 咬落口感好軟滑, 蛋糕面上焦糖有少少脆口, 多左一層口感, 消化餅底好香牛油味, 2個人當然無可能一次過食晒, 第二日雪左再食, 除左焦糖面無脆之外, 基本上味道都係一樣的好, 雖然SIZE唔算好大, 但以$78可以食到呢個質素既Cheese Cake就真係物超所值啦!!