BB話咁快就10個月啦，呢段期間我不停搵最適合既野比BB，坊間奶樽品牌好多，亦有好多不同功效，最終Dodie奶樽原來係最適合我的BB，今次特登同大家分享我兩胎BB飲奶的經驗。
仲記得小周董細個飲既奶粉、用既奶樽，同一奶樽牌子比細佬用，細佬係完全唔適合，有次細佬仲因為飲奶時未吐到啖氣，攪到差D瀆親嘔到成張床都濕晒，所以自個次之後，我都為細佬揀左好多不同型號奶樽，希望搵到個真正適合佢既。今次好開心收到由法國製造的Dodie奶樽，佢係法國有60年的母嬰品牌，用老字號寧捨有信心。
呢款Dodie奶樽有 3段流速奶嘴 ，奶咀上顯一個粒粒係最慢流量，適合初生嬰兒，到大少少可以轉向兩個粒粒位置，流量會變得快左，而好似細佬已經10個月就可以直接轉到三個粒粒，最快速流量簡單KO一枝奶 ^^當然, 有時細佬吃得太快, 又怕他chok 親時,就會轉番兩個粒粒位置。
Dodie奶樽分左不同SIZE，呢款係適合6個月以上使用，最大容量可以放到330ml奶奶。仲有防脹氣專利設計, BB用防脹氣奶嘴， 就唔會吸到大量空量而吐奶。
包裝盒上註明Dodie奶樽由法國製造，已符合歐洲安全標準。Dodie奶樽不含雙酚A (BPA) 及雙酚S (BPS)，另有玻璃奶樽可供選擇，始終安全係最緊要呢。
Dodie奶樽最特別係唔似其他奶樽，每3個月要換一次奶咀位，因為只要轉轉樽身就可以改變奶流量及速度，真係非常方便。
Dodie奶樽設計成三角型，令到BB更易學習拎住奶樽，細佬第一次自己拎奶樽算唔錯啦，雖然自己拎奶樽有時會玩下，但可以訓練手部肌肉，所以頭半枝奶我都會比佢自己拎住，後半枝奶先我幫佢拎住餵佢，三角型設計的確更加容易握緊樽身。
Dodie奶樽首創三段流速奶嘴，只需輕輕轉動樽身，便可因應寶寶進食需要，改變奶流量及速度，奶咀頭粒粒位置對住BB鼻頭位置，就係揀選適合佢既流量使用方法啦。
細佬用左 Dodie奶樽後真係好輕易就飲晒一枝奶，同埋明顯無之前咁多肚風，佢呢幾日都係一食完奶就即刻訓，每次見到佢飲完成枝奶好滿足訓覺呢個樣，我都覺得自己好幸福，哈...媽媽真係對住個仔就會變左小FANS，佢對我做到小小事我已經可以開心大半日...哈哈!!
大家對Dodie奶樽想多D了解可以查閱以下網址，或直接到銷售地點查詢及選購啦。
最後為左多謝大家支持，Dodie送出3 SET奶樽比大家，每SET包括一個150ml奶樽及50ml奶樽各一個，得奬者共有3位，大家都想得到呢SET奶樽，就快d到我Facebook fans page #小周董世界 內有關Dodie奶樽的分享文留言參加抽奬啦 ^^
 |
| www.facebook.com/1437ritaandhim |
沒有留言:
張貼留言