第1次玩戶外親子瑜伽 @moody tiger x 紙飛機一週年大派對

上星期我同小周董去左moody tiger x 紙飛機一週年大派對活動，之前聽過紙飛機親子餐廳好多次但總係無機會去，原來佢地己經一週年，上星期佢地攪左一週年大派對活動，我參加左其中由moody tiger贊助的戶外親子瑜伽班，可以著住親子服同小周董做Yoga真係第一次，不過原本好溫馨的親子瑜伽但結果似...我比阿仔玩多d。^^''

N年無運動，親子瑜珈體驗原來好好玩，我同小周董都玩到好開心，哈~我放左d movie上去 #小周董世界 fans page，有興趣可以睇下我地邊玩邊笑做瑜珈，我又再一次瘋婦上身 hahaaa

 半個小時話咁快就過，同幾個媽媽一齊做親子瑜珈真係一次好好的體驗，下次再有機會我都會再參加。

做瑜珈咁大動作，d衫一定好舒服先可以，moody tiger有一系列瑜珈同運動服，質料超好，最開心佢地出左親子裝，出面好多親子都只限母女，今次終於有母子親子裝啦.....好靚啊!!!

 小周董玩完瑜珈仲見到Peppa pig，仲即時同佢畫左個彩虹Face Painting，小周董見到偶像直頭攬住唔想走呢...哈

第一次入去紙飛機親子餐廰....感覺超光猛同好新淨，佢地好著重衛生，全部進場人士都要除鞋，小周董一馬當先走左入呢個木粒池...

 木粒池比起沙池更乾淨唔會攪到成手沙，小周董不停堆砌木粒，佢話佢要變身地盤工友....哈

 細佬都落池玩下先....估唔到佢完全適應到，唔會好似好多小朋友咁一落沙地就喊, 所以木粒池就算BB玩都好適合，只要唔好比BB放木粒入口就完全無問題。

BB手手腳腳都掂到小木粒，哥哥仲成日將D木粒埋住細佬對腳。

估唔到呢度除左好多位置都好啱細佬玩，呢幾個大CUSHION細佬玩得不知幾開心。

 呢隻狗狗己經成功令細佬愛上佢.....佢點都要拎住隻狗狗對耳仔唔肯走。

 好彩抱佢過來呢個廚房，細佬己經被大量好吸引的廚房玩具吸引。

 連小周董都覺得D廚房玩具好好玩，佢同細佬一齊煮左幾餐飯比我食囉...HEHEEE

 呢個木製滑梯小周董上上落落至少20次.....

 所以細佬都唔執輸都要玩返幾次先 ^^

 紙飛機最特別係一個有中餐食既親子餐廰.....爸爸聽到真係開心死，睇一睇MENU估唔到佢細心到連BB糊仔都有得賣，細佬都可以有份食呢 ^^

 開餐啦....先來粟米湯、4款小食......嘩, 小食都咁好食, 我最鐘意食佢個黑木耳, 超好味啊!!

 主菜有雞有牛扒、連豆苗都非常有質素，終於去親子餐廳唔洗只係食漢堡包同薯條，真係難怪呢度咁受小朋友同父母歡迎....太體貼啦!!!

今日大小周董都玩得不知幾開心，如果大家都想去紙飛機親子餐廳又食又玩，就快D到佢地官網訂枱啦 ^^

https://www.origami.com.hk/cn/home

www.facebook.com/1437ritaandhim

歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別4)