我的第一篇雜誌美容稿出左啦 ^^

好開心收到uBaby邀請撰寫一篇美容稿，其實上個月本雜誌己經出左，但剛剛我先收到實體書，見到自己文章刊登係雜誌上面出現，原來真係有好大滿足架呢 ^^

真心多謝寫blog呢十年間，由當初寫blog當寫日記，到近年開始介紹不同產品，認識左好多PR對我地D blogger都好好，令到我認識多左不同產品，更加了解到咩產品先適合自己皮膚，所以今次就拎左我最愛的3款敏感肌面霜出來做個大比併。但雜誌版面有限，所以字數都不能太多，我其實係拎左同一品牌的面霜及精華作比較，如果大家有興趣可以睇下下面較詳盡的產品比較啊。^^

香港天氣時乾時濕，好似我呢D敏感肌，一用錯面霜塊面就會又紅又痕，其實市面上越出越多醫學品牌或者低敏抗敏面霜，究竟邊隻面霜對敏感肌較好，真係好睇自己個人皮膚，我用過超過10個品牌，今次推薦我覺得3款最好用的抗敏面霜，齊齊來做個大比拼。

敏感皮膚有時真係好令到人好苦惱，當中可以有好多成因，但每次見到自己塊面又紅又痕，連上粉都上唔到，心情真係好受影響，我身邊有好多朋友同我情況一樣，佢地知道我係BLOGGER成日試不同產品，有時都會問起我覺得邊隻面霜較好? 

首先講下LA ROCHE-POSAY，佢都係出晒名的醫學品牌之一，呢款TOLERIANE ULTRA 抗敏全效修護面霜好容易被皮膚吸收，用上手試試，皮膚滋潤度大大提升，即時有光澤。

抗敏全效修護面霜，有效抑制因發炎癥狀而引起的敏感，修復皮膚自然的屏障即時補濕柔軟肌膚，同樣適合敏感性、過敏性、濕疹皮膚使用。用後第二朝起身面上真係少左敏感症狀，同埋唔會有忟忟緊的感覺。但個人覺得如果日間使用，質感厚身左少少，會較容易有油光感覺，乾燥天氣時使用會較為適合。

品牌同時推出抗紅舒敏修護精華，可根源改善泛紅不適 舒緩肌膚剌疼問題 從根源改善泛紅不適症狀，減少泛紅問題復發，立即舒緩不適感覺。 4週後，泛紅現象減輕，膚色更均勻。

第二個品牌BIODERMA我可以話係佢的長期使用者，呢款水活透亮保濕日霜，可滋潤及亮澤皮膚，撫平粗糙乾紋，改善暗啞膚色，質地輕爽柔滑，用後水潤不膩，日頭用完都唔覺油淋淋。

夜晚配合BIODERMA激活水循環精華效果會更理想，精華有天然保濕因子，即時強效保濕，質感清爽保濕，持久水凝透亮，產品無過敏香料、不致粉刺，低敏感性。

我用BIODERMA超過十年，無試過用佢出現過任何敏感情況，什至有時敏感肌發作，用過BIODERMA產品後有舒緩及降紅的功效添，所以我敢肯定敏感肌使用佢一定無問題，但由於坊間越來越多水貨，部份質素成疑，所以建議有興趣購買真係要去返專門店。

至於第3款係我近期新寵，Jane Clare HA 水份面霜 ，因為佢係香港品牌，香港製造，短時間入樽立刻上架出售，護膚成份相對會更新鮮更有效，產品大部份用上天然成份，註明不含有毒化學成分，無添加化學防腐、塑化劑，所以連兒童及孕婦都適合使用，絕對適合我呢類敏感皮膚使用。

面霜有充夠的透明質酸成分，好似係皮膚上起左層鎖水薄膜，減少肌膚水分流失，加上蘆薈全面發揮雙重鎖水補水功效，將天然保濕因子帶到皮膚底層，全面保濕控油，夜晚我會泵2-3下，日間1下就足夠，最正係用完真係好滋潤但皮膚依然感覺清爽。HA 水份面霜無香味，顏色為乳白色，可以鎖住水份，用後塊面好似泵滿水咁，加強左皮膚彈性，連幼紋都減淡左添 ^^

此外，我亦都好鐘意Jane Clare呢枝HA深層保濕精華，質感非常濕潤，精華集合最強天然保濕成份，透明質酸可即時補充水份，強化細胞鎖水能力，深層保濕。精華更有效修復暗瘡發炎、舒緩敏感，仲有抗氧化和促進骨膠原生長等功效，使皮膚回復彈性，預防皺紋出現。最正係連眼都可以使用，輕輕拍上眼部四周，能減淡眼紋及眼袋問題，一枝精華50ml大大枝有排用，連眼部精華都慳返，真係好化算呢。

哈~講明新寵， 我己經差不多儲齊JC一系列產品，由防曬日霜、清潔、爽膚、精華、晚霜、眼霜，精華油等，近期晚晚都只係專一用佢地，敏感肌己經半年無再出現過，真心推薦比各位敏感性皮膚的朋友使用。

我地呢種敏感皮膚，選擇面霜低敏係最基本的一環，其實邊款面霜對自己最適用，真係要自己試過先知，以上3款產品我自己真係親身用過，唔容易敏感係事實，有關功效對我來講真係幾work，我真心覺得好用，但每個人皮膚唔同，如果你地心目中有更好選擇，都歡迎話比我知啊^^

JANE CLARE            :滋潤度: 4  吸收度: 5  清爽度: 5  舒緩度: 4  抗敏度: 5

BIODERMA              : 滋潤度: 4  吸收度: 4  清爽度: 4  舒緩度: 5  抗敏度: 5

LA ROCHE-POSAY : 滋潤度: 5  吸收度: 4  清爽度: 3  舒緩度: 4  抗敏度: 4

(5分最高)以上純粹個人觀點及感受，如對產品有任何查詢請直接與有關品牌聯絡。

www.facebook.com/1437ritaandhim

歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, iTrial, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別5)