返屋企好似去渡假一樣 @PARK YOHO

上星期有咁多日紅日，襯放假就做下乖乖女陪下媽媽周圍去行下，咁岩收到PARK YOHO邀請去參觀，老人家特別鐘意睇樓，加上媽媽原來有朋友早前買左呢度仲即將入伙，所以媽媽早早就己經聽聞過入面個私人濕地「候花園」四季有不同既植物觀賞，冬季仲可以欣賞埋候鳥添，我同媽媽就一於襯假期一齊去參觀下PARK YOHO，當係假期的其中一個活動先 ^^

其實去PARK YOHO都好方便，西鐵元朗站就有小巴及巴士接駁到PARK YOHO，車程都係4分鐘左右，如果係住戶仲可以透過手機應用程式，即時獲知往返PARK YOHO的小巴及巴士到站時間，咁就節省返好多等車時間啦。如果返工PARK YOHO沿西鐵綫可以迅速連接港島及九龍商貿核心，非常方便。

去香港其他地方除左坐西鐵方便又快捷之外，如果想去落馬洲或者羅湖透過東鐵線亦都可以好快到達。交通總匯仲有專車前往皇崗口岸及九龍站ICC，行車時間分別都只係大約約13及21分鐘。

PARK YOHO係全港罕有結合濕地保育的大型住宅，濕地「候花園」佔地50萬平方呎，咁厲害所以我地第一站就先去參觀下，見到PARK YOHO與「候花園」無縫連接，住戶可隨時欣賞「候花園」的四季美景。

一入到去就見到一隻好可愛既候鳥，媽媽主動話要同佢影相留念...哈哈。

花園設計令人一入到去己經覺得好舒服，每日都可以咁樣親近大自然，真係人都健康D ^^

入到去行多幾步，見到呢個景，真係忍住"嘩"左一聲出黎!!! 逾120萬平方呎的綠意環境，園林連濕地的覆蓋率超過60%，我地呢D住開市區真係好耐都無見過咁大片草地。主入口特別設有兩個廣大的觀賞湖，瀑布流水與湖邊及水生植物構成水都花園美景。「候花園」生態環境十分健康，保育專家會持續進行定期調查，觀察濕地物種數量，量度濕地水溫、含氧量及含鹽度是否適中等。

 「候花園」仲設有不少望遠鏡，方便住戶觀鳥之用，見到設計師的細心規劃，令到每座住宅與花園都好近。

COMO Garden逾4萬平方呎，種有各式各樣草本科植物及時花，高低不一極具層次，住戶不論在屋內或者進入候花園，每一步都有不同的風景睇到。

「候花園」共有34種蜻蜓及豆娘，其中廣瀨妹蟌綽號「阿妹」或「四筒」，獨愛鹹淡水濕地，一度屬全球瀕危品種，現時為近危級別。雀鳥物種共有88個，翠鳥、鷺鳥及鶯鳥隨時可見。

沿路會有一D關於侯鳥同各昆蟲的資料牌，部份仲有聲音添，睇下連我媽媽都忍唔住玩埋一份，小朋友去到一定覺得非常吸引~哈哈!!

參觀完濕地，梗係要上樓睇下啦，原來PARK YOHO保安好嚴密，每座大廈電梯使用酒店式拍卡系統，住戶必須以有效住戶證確認才能到達居住樓層，照顧住戶保安及私隱需要。

入屋參觀一定要先著上鞋套，一入屋見到景觀好開揚，樓底好高，完全唔似市區樓有好大壓迫感，單位最正係無窗台設計，超實用，間隔超寬敞~好正。

由窗口望出去個景，全部綠游游一望無際，每一個住戶都可以盡享屋苑翠綠景色。

住宅單位大量採用雙層中空玻璃幕牆，標準單位露台與客飯廳闊度相若，配合偌大的落地玻璃趟門，以及超過九成的主人房設有轉角窗或對流窗，提高單位的採光度及通風度。

同時為住戶引入廣闊戶外景致，戶戶盡享開揚綠化及水景景觀。

我媽見到個廚房睇到佢即時心心眼，全部都用晒高級廚具，煮食自然更得心應手啦，除左廚房空氣流通，逾九成單位浴室設有窗戶，設備真係好齊全。

大型屋苑最大好處就係會所設備，PARK YOHO為住戶提供雙會所，一進入會所大堂，真係好有豪宅感覺，2層樓高的巨型落地大玻璃，設計金碧輝煌中帶點時尚感。

見到呢個25米長室外泳池，woow......仲有埋按摩池添。

配合埋呢個咁靚既風景，我同媽媽都話真係好想即刻跳落水呢。^^

OMG......行過少少原來室內呢個25米長室內恆溫泳池仲吸引。

 泳池側有多個獨立梳化休息區，每個位置上仲有獨立電視，如果遊完水攰攰地坐係度休息下睇下電視，呢d完全係旅行渡假的感覺啊~太正喇!!!!!!

室內泳池仲有得玩近年外國非常流行的水動單車，有助消耗更多熱量，增加運動成效，出面上一堂都好貴，呢度住戶日日都可以係會所玩到，真係太羨慕啦!!! 

 除左游水，會所亦有好多不同設備及活動，小朋友就有兒童天地，有不同玩具同圖書供應，仲有卡通片睇添 ^^

 健身器材、跑步機全部齊備。

會所仲會定期有不同活動，見到近排有一個母親節花製作工作坊，嘩~靚到呢?!! 出面買一個閒閒地都千千聲，而家二百幾蚊就可以自己做......太優惠啦!!!!!

遲d會所仲有cooking class，對於我呢d c9仔，見到呢個大型廚房、呢d煮食餐具，成個環境設備都好似外國d煮食節目咁，真係覺得超級pro，攪到我呢個c9仔真係好想可以係度上返一堂啊......太靚啦 >.<

雖然暫時cooking class未開始，但會所設有餐飲區，裝修格調高雅，星級飲食隨時享有。

大會仲特意調製左一杯特飲比我地添，嘩~好味又健康，今次參觀PARK YOHO真係令我大開眼界，其實一直都知新鴻基地產D樓一定會有返咁上下質素，但未真正入去見過、摸過、感受過，真係覺得如果要買一層樓除左要用料好，環境舒服外，原來加埋發展商一D細心設計及安排，己經可以令到每一個住客，每日返屋企就好似放假一樣輕鬆寫意，每天都擁有一個渡假一樣的心情。

PARK YOHO Venezia 及  PARK YOHO Sicilia 共665伙，單位間隔十分多元化，提供開放式至三房一套連儲物室單位，以及特色單位。

區域：錦田北

期數的街道名稱及門牌號數：青山公路潭尾段18號

賣方就期數指定的互聯網網站的網址：第1A期 www.parkvista.com.hk/1a；第1B期www.parkyoho.com/venezia；第1C期 www.parkyoho.com/sicilia

感謝PARK YOHO邀請，歡迎大家比下意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, iTrial, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別5)