繼續聆聽但不要比較，做個Positive Parent。

其實做媽媽真係有19樣野忙、29樣野擔心，小朋友應該點成長先係最好，我心入面都仲有99個疑問? 早前參加左美贊臣一個分享會，率先睇到最新美贊臣的廣告之外，仲聽左好多媽媽同專家意見，過程輕鬆又愉快，你見我笑到見牙唔見眼就知我同大家傾得不知幾開心啦~哈!!

當日活動除左一班媽媽，仲有臨床心理學家葉妙妍小姐，解答我地一D育兒上甚至幼兒心理既問題。

 會場內有得飲仲有得食，我部手機食完，我自己都唔客氣啦~ CUPCAKE好好味啊...哈哈

 影片播放開始，大致內容講到一個小朋友做D野經常與別不同，別人會覺得呢位小朋友好奇怪好頑皮，但在媽媽心目中呢位小朋友究竟係點? 而媽媽的決定點樣影響小朋友成長呢? 影片詳情可以到以下網址瀏覽: https://www.facebook.com/enfinitashk/videos/1004743746324037/

 大家都好專注睇呢條影片，雖然短短幾分鐘，但我地每位媽媽都有好多唔同感受。有部份媽媽仲睇到眼濕濕添，可能真係只有媽媽先會明白呢份感動。

其實睇呢條片之前，我的確相信每一個小朋友都有自己特質，而小周董特質我覺得佢特別懂得關心別人，好願意照顧別人，唔知係咪同佢興趣有關，佢的興趣同大部份男孩有D唔一樣，佢從來唔玩車、唔玩機械人，但就特別鐘意玩公仔、玩照顧BB遊戲，初時我地會覺得點解玩野D咁女仔遊戲，有親戚朋友見到曾經取笑我，質疑我係咪管教有問題，我聽得多又費事小周董顯得太過"特別"，所以我曾經一段時間迫過佢玩返車車，機械呢類男仔玩具，不過見到佢玩得一d都唔enjoy，完全唔投入。

原來好多媽媽都有好多不同情況，當我以為自己情況好特殊，接觸多D媽媽先發現原來男孩子鐘意玩女仔玩具呢個情況一D都唔罕見。

加上睇完美贊臣呢段片，我更加覺得其實每一個小朋友都係獨一無二，每個人性格、喜好都唔一樣，小周董鐘意煮飯仔，令佢好早己經認識好多不同食物名稱 ; 佢鐘意玩公仔，可能培養左佢的同理心，係公園見到有小朋友跌親佢會走過去扶起身，學校見到同學仔喊佢會問老師拎紙巾，幫同學仔抺眼淚，呢D表現都令我覺得好感動。

我都有講返我自己細個的時候，都好鐘意玩車玩槍同埋好鐘意藍色，但今時今日大個左，我都唔覺自己有咩大問題，哈哈~所以男孩仔玩煮飯仔或者鐘意粉紅色，其實都無咩大不了啊! :p

專家仲講左個例子比我地聽，佢話外國有個妍究將一d公主玩具比一班男孩及女孩玩，睇下對佢將來有咩影響，發現原來男孩玩公主玩具會更加懂得照顧別人，顧及別人感受，對於將來佢地會更努力，希望可以保護佢地心中的公主....哈哈，睇黎原來男孩先應該玩公主玩具喎 hahhaaaa

聽完呢個分享會，我決定唔再反對小周董玩呢d所謂的女孩玩具，小周董鐘意煮野食，我就早D比佢接觸真實食物，順便可以教導佢不同食物或調味料名稱，什至教導埋佢個人衛生、珍惜食物等知識，所以其實男仔玩煮飯仔都無咩唔好啊 ^^ 佢既興趣及喜好，只要唔好令佢學壞或者傷害到自己，我覺得玩具應該係根據小朋友的喜好而揀，而唔係根據佢地性別。

作為新世代家長而家可以透過好多不同途徑，接收好多不同信息或意見，但有時我地都真係要懂得"過濾"，因為未必全部資訊或意見都是適合自己的，我地可以繼續聆聽，但聽得太多提點，作出太多比較，辛苦自己又辛苦小孩，所以父母有時如果肯放手比小朋友自由發展，可能會對佢地成長有更大幫助呢。

好多謝美贊臣邀請我參與今次分享會，令我學到好多野同埋了解到好多育兒知識，最後佢地仲送左一條DIY圍裙比我，小周董可以著住呢條圍裙繼續扮小廚師啦 ^^

#美贊臣Enfinitas #InspiredbyMoms #原生天資源自母愛 #支持孩子做自己 #原生就是與生俱來 #綻放天資 #變變魔法帽 #想像力是孩子的超能力 #創作力量同幻想會嚇你一跳 #魔法天資

歡迎大家比下意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, iTrial, Esdlife靚太club, QOOZA, Mybb.com,  ClassesWePlay星級blogger, OpenRice(級別5)