2017年3月1日 星期三

超期待~美贊臣有大型戶外Messy Play活動啊

仲記得上年小周董第一次玩Messy Play，一直好怕污糟既佢竟然玩得非常投入，好似仲啟發到佢少少畫畫興趣，間中就話要畫圖畫。早幾日小周董收到美贊臣送來的禮品包，入面有佢最鐘意既水彩，哈~佢只係望到已經非常興奮呢!!
 屋都未入就大叫:我要畫畫~我要畫畫...哈!! 阿仔~你終於等到啦，原來美贊臣嚟緊3月11至12日係數碼港有個「Inspired by Moms 原生探索遊藝會」，提供一連串的免費活動，其中有小周董最期待嘅巨型戶外「Messy Play原生探索屋」，可以比小朋友大玩特玩Messy Play，係戶外呢D無拘無束嘅環境下，小朋友可以大擔探索和創作，真係諗起都興奮呢!!
當日除左Messy Play，仲有多個創意攤位活動，其中包括「畫出天資紙板屋」同「魔法綻放帽製作間」，等小朋友繼續動手自由發揮創意點子。同場加設嘅「JAM出我天地」樂器製作坊仲有專人教點樣自製樂器，到時仲可即興jam歌。此外，活動仲設有「小劇場」等小朋友一齊互動，投入歌唱節目及故事表演。如果想幫小朋友嚟來個大變身，就萬勿錯過「花面貓彩繪站」啦，總之有動又有靜，總有一樣適合你的小朋友玩。
「Inspired by Moms 原生探索遊藝會」由不同的活動區域組成，其中巨型戶外「Messy Play原生探索屋」當然係大家最期待的環節啦，同上年一樣大會將提供各式各樣的塗鴉工具及容易清洗的油彩，讓孩子可以盡情地在大屋內外展現他們的創作天份；父母可暫時放下規則，暫時忘記咩叫"乾淨"，就比小朋友開心"污糟"地發揮自己想像力，我地做父母其實會從中觀察到小朋友的喜好及長處，我都係經過上次Messy Play活動，先發覺原來小周董在畫畫的時候係最有耐性架呢。^^
活動當日仲會展出部分去年「Inspired by Moms 原生探索坊」公眾參與繪畫的紙板小屋作品，哈~ 唔知小周董認唔認得返自己上年畫的屋呢?! hahaaahaaa 今次Messy Play應該比上次更好玩更精彩，但要等多一個星期，去到3月11-12日先可以玩，小周董急不及待先係屋企練習下先啦~哈哈!!
多謝美贊臣送來的禮品包除左有一SET水彩外，仲有一間紙皮屋， 小朋友記性真係好好，小周董見到己經記得上次活動畫過類似呢間屋，佢問:"點解呢間屋咁細既? 上次個間好大架?!" 哈
要油顏色先要同爸爸一齊砌好呢間屋先啦，爸爸負責將間屋砌好，小周董就負責將紙屋上的窗和門打開，盡量比小朋友負責返自己有能力做到的事，順便訓練手眼協調。
畫畫其實唔係單純娛樂，當中可以增進不少親子感情，小周董就同爸爸一齊砌屋仔，媽媽就教下佢認顏色，邊玩邊學習 ^^
好多家長可能好怕小朋友係屋企畫畫，整到成間屋污糟晒，但其實只要裝備充足都唔需要太擔心，將顏料放好、著晒圍裙，最主要再三提醒小朋友只能夠在指定地方才可以Messy Play，加上現今其實好多水彩都係水溶性，非常容易清洗，所以家長唔需要太過擔心。
 Messy Play主張讓小朋友自由創作，所以過程中我無比過任何意見，只係不停講:"嘩~ 好靚啊~好靚啊~好靚啊!!"當我見到小周董好專心、好仔細地為間屋仔油上不同顏色，我想講: 男人專心個樣....真係好吸引人呢!! HAHAHAAA (sorry媽媽病經常發作~哈!)
間屋有四面，我話要分開幾天完成，好讓D水彩能夠乾透，小周董第二日見到間屋己經嚷著要畫，證明佢真係好鐘意油顏色，呢間屋佢就用了4天就完成了。^^
油完顏色，枱面上難免會有顏料，呢個時候亦都係要教導小朋友自己的事自己做，讓小朋友抺乾淨枱面後，再大大力讚賞，令到小朋友知道自己大個仔，可以負責家務，咁以後媽媽又會更加輕鬆呢!! ^^
小周董油完佢自己的紙板屋仔，呢幾日己經不停問幾時可以去畫大屋仔，我地一家都非常期待3月11日既來臨呢，如果大家都有興趣參加「Inspired by Moms原生探索遊藝會」，就請留意今次的所有活動都可供即場參與，其中的「Messy Play原生探索屋」由即日起亦接受網上預約，父母可留意「美贊臣Enfinitas」Facebook專頁(www.facebook.com/enfinitashk) 參閱報名詳情。活動名額有限，大會將以抽籤形式抽出參加者。不過抽唔中唔洗灰心，因為今次可以即場walk in架，仲有其他攤位可以玩，快啲mark實落個schedule啦 !! 

 今次美贊臣仲準備左好多豐富禮品，只需依著活動Passport上的指示完成指定任務，就有機會得到爆谷小食、氣球、繪畫顏料及填色圖冊等...嘩~有得玩有得食仲有禮物送...太正啦!!! 希望到時會見到大家啦^^

美贊臣「Inspired by Moms原生探索遊藝會」活動詳情
日期：3月11至12日
時間：上午10時至下午5時正
地點：香港數碼港數碼廣場
費用：全免
預約：所有活動可即場參與，「Messy Play原生探索屋」即日起亦接受網上預約
詳情請留意「美贊臣Enfinitas」 Facebook專頁：www.facebook.com/enfinitashk

#美贊臣 #Enfinitas #InspiredbyMoms #原生探索遊藝會

#原生營養源自母愛 #原生就是與生俱來 #啟發天資 #MessyPlay 

#潮媽必去 #親子週末好去處 #放電好地方 #周圍畫畫畫
www.facebook.com/1437ritaandhim
歡迎邀稿或其他產品試用，電郵聯絡: ppqq1437@yahoo.com.hk 
張貼者： 於

沒有留言:

張貼留言

訂閱： 張貼留言 (Atom)