前排網上成日見到朋友們去一間高級甜品店, 標榜可以畫成一張畫咁的甜品, 但CHECK過價錢知道差不多要 $4XX, 好貴啊!!! 同朋友傾開計佢介紹左銅鑼灣有間新甜品鋪比我, 入面都有個甜品類似畫成一幅畫咁, 但最緊要價錢平一節, 所以決定同朋友去試呢間新野, 初時唸住博下試一試, 點知去過後估唔到自己好鐘意呢度環境同服務, 一星期內竟然幫襯2次。
第一次特別為左傳說中的甜品畫而來, 就係MENU左上方的CHESSECAKE CORNDER, 二百幾蚊, ok, 試!!! 其他甜品價錢適中, 一試無坊。
先來心太軟, 我呢個朱古力狂, 心太軟可以話係我數一數二鐘意食既甜品, 食過無數咁多個心太軟, 呢度我覺得幾有特式, 佢做到朱古力蛋糕外脆內軟加流心朱古力, 最鐘意反而佢個酒味朱古力, 大人食覺得朱古力同酒味其實好夾, 當然小朋友可能唔係太like, 但我非常鐘意。
主菜來啦~ 期待以久, 雖則無另一間咁多甜品種類, 但我個人不嬲好鐘意芝士, 呢款cream chesse好滑好香, 唔太甜, 再加上好多crunch同朱古力脆, 同芝士好夾, 老實講2個人食呢個甜品的確有d溜同好多, 我覺得3-4個人就差不多, 所以計反佢2百幾蚊其實可以夠咁多人食, 都唔算好貴, 甜品內仲有d雜莓中和下, 食得太多芝士會溜既感覺, 我覺得值得一試。
另外要讚一讚呢度d 工作人員好nice, 我見到好多客都同佢地有傾有講, 我都被呢度氣份感染, 覺得好舒服, 所以隔左3日後我再同家姐試下呢度既下午茶。
三百幾蚊 2人tea set, 雖然唔係特別平, 但有好多款食物所以我覺得呢個價錢都可以接受。
2人set有2盤一樣既tea, 加2個鬆餅, 鬆餅超鬆軟, 一來到忍唔住己經食左, 所以SORRY唔記得影相, 哈!! 另外每盤tea set有成十款食物, 有咸點又有甜品, 作為下午茶一定食得飽我
咸點當中我最鐘意食呢個炸薯波, 外面好脆但入面薯容好滑, 配埋少少沙律醬, 好惹味啊!!
甜品方便我最驚喜係佢....丹麥條出名超甜, 所以我無任何期望, 但估唔到呢度丹麥條唔算超甜, 仲用一個杯仔裝住朱古力醬, 一啖一口朱古力, 好好味喎, 我仲食埋家姐個條添~哈!!
最後tea set附送2杯即磨咖啡....我最鐘意咖啡係有D甘味帶少少苦的咖啡, 呢度正正合我口味, 太濃郁太好味啦, 我相信係用上好靚的高級咖啡豆製成, 因為比起starbxxk, 我覺得濃郁好多, 唯獨係細杯左d, 但真係好好味, 超提神, 估唔到呢度變左我新蒲點, 有時weekday呢度人唔算多, 入來嘆杯咖啡可以hea足2個鐘。
歡迎邀稿或其他產品試用，電郵聯絡: ppqq1437@yahoo.com.hk
其他BLOG分享包括:
Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice
沒有留言:
張貼留言