2016年3月31日 星期四

銅鑼灣區難得勁闊落的日本餐廳@炎丸居酒屋

每個HAPPY FRIDAY都係同老公的拍拖日, 但星期五去銅鑼灣想搵間坐得舒服少少既餐廳, 通常都要早成個星期book枱,  所以有時搵唔到餐廳最後都係是旦食碗粉算, 但上星期經過TIMES見到呢間炎丸居酒屋, 竟然唔洗排隊就即管入去試試, 入到去原來鋪頭都好大, 位與位之間一D都唔會迫, 見到店中間有一大個爐好多師傳係度燒魚, 我地揀左坐bar枱可以一邊食一 邊睇師傅燒魚~哈, 好睇
打開個MENU見到食呢D燒魚, 原來價錢一D都唔平, 最平一條約$2-300, 最貴個條成千蚊, 我唔係咁鐘意食魚, 所以........望下算啦 :p
唔食魚不如叫杯野飲先啦, 呢度d啤酒好特別, 生啤但有好多口味, 我叫左呢杯荔枝味, 啤酒D泡好似雪糕咁, 連D泡都有荔枝味, 好好飲啊 ^^
 叫左呢個吞拿魚容飯卷, 飯都幾好味, 可借太多沙津醬蓋晒d吞拿魚味
燒雞肉餅撈埋生蛋, 連埋D醬一齊食, 都幾有口感食落幾滑
 燒銀雪魚OOKK啦, 唔差但又未去到好好味
 牛肉烏東, 待應會即場將熱湯倒落生牛肉內
 半生熟牛肉最好味, 湯底都算濃郁, 呢個下次要ENCORE
總括食物質素唔差不過只屬一般, 無乜驚喜, 但呢度勝在係銅鑼灣times square可以搵到一間勁闊落既日本餐廳, 坐得舒服, 待應服務都好好, 見到餐廰仲有2間VIP房, 都係超大, 一D都唔迫, 約埋三五知己係VIP食飯勁嘈都唔怕啦~嘻

炎丸居酒屋  Enmaru Izakaya 
銅鑼灣勿地臣街1號時代廣場10樓1001A號舖


大家有任何意見或產品試用歡迎與我電郵聯絡: ppqq1437@yahoo.com.hk 
歡迎Follow FansPage: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA, iTrial, openrice...等

2016年3月30日 星期三

4D韓式飄眉及紋隱形眼線初體驗

其實我平時反工好懶, 好少會化個全妝, 但畫眉同畫眼線就必須, 因為畫左佢地精神百倍呢, 夜晚落妝即刻覺得自己殘+老左十年>.< 一直都想繡眉同紋眼線但考慮左好耐好耐, 但又驚痛又驚眼腫又驚會變左蠟筆小新出街會好樣衰, 但借住3月要清假連埋復活節假期, 我可以放成2星期長假, 所以就去左歐洲國際容貌協會(銅鑼灣分店)體驗繡眉同紋眼線, FACIAL做得多但繡眉同紋眼線都係第一次, 第一次做心情勁緊張呢>.<

  首先要夫麻醉葯, 因為我講明好怕痛, 原本夫30分鐘, 結果比我夫夠45分鐘, 我眼眉同眼線一齊做, 所以2者同時夫葯, 其實我本身眼線位都算深, 有時做FACIAL都比D美容姐姐話我似紋左眼線, 但可借隻眼唔夠大, 眼線粗D對眼精神D, 如果做普通隱定眼線對我來講未必見到太大效果, 所以我揀左紋隻3D立體隱形眼線, 所謂3D立體即係紋粗D,紋長D,紋得貼眼D...仲有師傳話用隻好D既顏料,KEEP既時間又耐D, 不過....價錢就請比多DD囉!
師傅用枝紋眉槍, 過程其實大約5-10分鐘左右做一隻眼, 唔好見到我流晒淚以為痛到喊, 老實講紋既過程其實唔痛, 但就好痕, 痕既情度唔可以講痛, 但當然唔係好受, 有D野吉吉下同埋好痕, 所以攪到2行眼淚, 不過見到左眼紋左明顯大左, 精神左, 為左個"靚"字, 痕少少忍埋隻右眼佢啦~哈!!

韓式紋繡隱形眼線
將一條幼細的線藏於最根部,除了閉起眼睛也看不出線條,更能使睫毛視覺上變得更濃密,眼神深邃有神,是韓星閃亮動人的柲密武器,完成後能令雙眼看起來更突出更精神。
到攪攪條眉喇, 師傅首先會用眉筆畫好條眉型, 你滿意佢先會落針, 4D飄眉好似條條咁, 師傅就一刀一刀咁吉落黎, 之後再打色, 我揀做4D韓式飄眉因為好處係會自然D, 但壞處就KEEP得唔耐, 大約6-9個月要去補色.

4D 韓式飄眉
自然潮流的眉毛形;打造幾乎真實眉毛的完美效果,粗細有秩,長短分明, 具有層次感的無痛自然眉型,擺脫傳統紋眉生硬、刻版的印象。
2樣做齊連埋夫麻酸葯, 成個過程用唔到2小時, 但最緊張既照鏡時間來啦~ 我當初好擔心既眼腫同小新眉.....竟然無出現到!!!! 呢張係我整完後半小時後影, 係條眉比平時粗左DD, 但眼線位置完全無腫, 真係令我超驚喜, 反而我順便叫美容師用LASER脫左鼻上面個2粒疣, 鼻頭位置就明顯紅左2大點囉
  美容師話會結焦, 大約7日就會無晒, 大家睇下我呢7日既脫變啦
7日過後呢張係完全素顏照, 見到鼻上脫疣位置仲有少少紅, 但睇反眼眉同眼線真係超自然, 真心滿意今次初體驗, 以後化妝可以快好多啦 YEAH ^^

歐洲國際容貌協會
銅鑼灣
銅鑼灣軒尼詩道 513 號維寶商業大廈 15樓全層 (地鐵B出口轉左,花旗銀行樓上) 
營業時間︰ 星期一至五10am-8:30pm星期六、日及公眾假期10am-7pm 


大家有任何意見或產品試用歡迎與我電郵聯絡: ppqq1437@yahoo.com.hk

歡迎Follow FansPage: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA...等

華嫂冰室-觀塘分店

 假期去一定排長龍, 難得放大假, 我地一行5人平日11.45am, 竟然唔洗等位, 實在太好彩, 我地唸都唔唸即刻order奶茶同 2個茄蛋波蘿油
 超邪惡勁厚牛油, 食完真係覺得好有罪惡感, 但好鐘意佢個半熟蛋, 不過菠羅包皮較硬身, 可能入係佢特別之處, 不過有少少頂口
 豬潤鮮牛芫茜米線~ 我平時唔食芫茜但呢碗我竟然接受到之餘仲一食愛上, 好香好好味, 奶茶亦好濃茶味
 豬扒雞亦茄通, 湯底好濃郁, 豬扒好入味, 雞亦好似係老水雞亦
 呢個係新出品, 反而無乜味, 可以不試
朋友們超愛鮮油多, 一開始食完都唔夠, 食包仲要再order作一個完美結尾, 不過真係好正!! 當我地用45分鐘食完, 門口己經超多人排隊, 所以大家想食就請早啦

華嫂冰室
觀塘敬業街55號皇廷廣場1號舖
星期一至六: 08:00-17:00
星期日: 休息

大家有任何意見或產品試用歡迎與我電郵聯絡: ppqq1437@yahoo.com.hk

歡迎Follow FansPage: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA...等

2016年3月29日 星期二

NeoStrata Gel Plus更生活膚啫喱面膜

自從開始踏入中女年紀, 明白到如果皮膚角質層厚, 皮膚吸收唔到就算買再靚既護膚品都等如無用, 而且 NeoStrata 一直都係有信譽既醫學美容品牌, 加上呢款更生活膚啫喱面膜性質比較溫和, 適合所有皮膚, 特別中性、混合性、油性、暗瘡性及老化皮膚, 就算敏感肌膚都可以使用, 出面美容院做一次果酸活膚下下都要千千聲, 現在用大眾化價錢, 自己係屋企一星期做2次果酸更生活膚, 想要靚靚肌膚其實可以好簡單 ^^
早2日收到NeoStrata Gel Plus更生活膚啫喱面膜, 一打開真係令我眼前一亮, 因為除左有2枝面膜外更附送面膜掃同束髮巾, 真係好貼心好細心呢!! ^^


每枝Gel Plus面膜密封包裝確保成份新鮮, 自己預備好一個小杯仔, 將適當份量的Gel Plus面膜倒下, 用面膜掃直接塗係面上即可。
第一次使用建議先用係手/耳後做個簡單測試, Gel Plus面膜係流質啫哩狀, 待15-20分鐘後會變得較為乾身, 之後用清水洗淨便可, 用後見到隻手即時白滑左~ oh 快快用上面試試先^^
 用上NeoStrata 專用束頭髮巾, 感覺自己好似去左美容做treatment一樣, 嘻 :p
 頭先都講過, Gel Plus更生活膚啫喱面膜係流質面膜, 所以一定要用面膜掃塗抺上面會比較容易控制
面膜可以全面用, 但角質層輕厚或者或多污垢既地方我會厚厚再搽多1-2層。建議每星期使用1-2次, 每次15-20分鐘, 如果暗瘡性皮膚就可以每天晚上潔面後,薄薄塗於暗瘡,厚角質層或粗糙的皮膚位置, 如手肘、腳肘、膝、背部或身體其他位置,不用清洗。
 初使用 Gel Plus 時可能會出現,輕微刺癢感,這是正常現象,表示 AHA 滲入皮膚,發揮功效。而當皮膚開始適應 AHAs 後,此感覺就會消失。其實我都算屬於容易敏感皮膚, 但使用面膜期間, 我完全無出現以上情況, 使用後即時見到白滑左, 皮膚多左彈性, 最明顯係見到黑頭少左
 NeoStrata Gel Plus更生活膚啫喱面膜幫助去除角質層, 之後再做任何護膚都會更容易吸收, 所以我會即時做反個MASK, 再好似平時咁搽反日常用既SKIN PRODUCT, 見到皮膚即時靚左, 證明女人真係唔可以懶架 ^^
做完NeoStrata Gel Plus更生活膚啫喱面膜第二日忍唔住要再補多張相, 因為皮膚真係比之前白淨左, 有光澤左, 化妝都貼好多, 皮膚明顯乾淨左, 少左黑頭粉刺, 原來果酸既功效真係咁好, 之後都要KEEP住一星期做2次NeoStrata Gel Plus更生活膚啫喱面膜先, 不過其實講左咁耐果酸, 我相信有D朋友都可能仲有少少問號, 我親身試用過後除左真心推介外, 仲係官網搵左少少資料比大家作參考, 如大家有興趣了解更多, 可以瀏覽以下網址: http://www.neostrata.com.hk/aha.html

NeoStrata Gel Plus更生活膚啫喱面膜 含15%AHAs(甘醇酸) 
AHAs 是果酸的其中一種。在多個 AHAs 種類中,甘醇酸 (Glycolic Acid) 是最有效的 AHAs 份子, 自甘蔗提煉,粒子結構最細小,滲透率較高,能迅速深入皮膚底層。 經醫學研究証明能有效去除皮膚老化角質細胞,加速表皮新陳代謝速度, 促進皮膚新生, 達到暢通毛孔,回復皮膚亮澤、幼嫩。 

面膜的功效: 
1.美白皮膚,減退色斑,均勻色澤 
2.刺激骨膠原增生,減退幼紋、皺紋 
3.幼嫩皮膚‧幼細毛孔‧提升彈性
4.治療暗瘡‧改善油脂分泌
5.提昇皮膚對精華素的吸收力
6.配合激光及彩光治療‧內外改善皮膚

NeoStrata Gel Plus更生活膚啫喱面膜 $258 100ml (已登陸全港萬寧分店)


大家有任何意見或產品試用歡迎與我電郵聯絡: ppqq1437@yahoo.com.hk



歡迎Follow FansPage: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA...等

LUMIERE肌源再生專家Blogger Event

 Lumière 肌源再生專家全新朗豪坊旗艦店己經隆重登場,上星期參加左LUMIERE攪既一個blogger event, 當日活動好精彩, 玩得好開心, 分享下個日既活動比大家睇下 ^^
上到去Lumière一打開度門己經見到由42樓望落去既一大個海景, 心心眼即時出現 ^^
工作坊時間原來係教我地自己DIY phone case, 大部份blogger都係第一次, 個個都好認真, 導師仲讚我地好有藝術天份添~ hahaaa
我不嬲笨手笨腳, 做手工實在唔太在行, 但今次整乾花phone case, 唔洗畫畫, 純粹攞d靚靚乾花放好個位置就ok
努力左半個鐘, 我覺得都唔錯啊 (自我感覺良好 :p )
 左邊係上膠前個樣, 上膠後係有少少走樣, 但都尚可接受,  我第一次整覺得好滿意喎, 嘻, 連我都整到, 我唸無乜人唔識整囉, 嘻
 之後當然要聽下LUMIERE既背景, 同埋參觀下咁靚咁大既旗艦店啦。 Lumière對美的堅持,引入尖端醫學美容科技,配合肌源再生理念,由皮膚底層開始,徹底解決困擾女性的毛孔粗大、肌膚粗糙、鬆弛下垂,毛髮等問題,重喚細滑無暇。

現在市面上有好多美容院或美容中心都有好多不同laser,laser facial 或者laser 脫毛都有好多, 但究竟邊一種先適合你呢? 原來有部份Laser儀器適合黃種皮膚, 有部份係適合黑人皮膚, 所以選擇不同療程之前都要先了解部儀器對自己是否適合啦
 做任何療程之前冶療師都會先做個皮膚分折, 唔好以為大大部分折儀器先代表好, 原來LUMIERE己經用緊一部體積細, 但可以準確分折到你當日皮膚狀況(包括毛孔、皮膚底層等)的皮膚分折機, 確保客人當天做最適合你皮膚的treatment
 朗豪坊旗艦店有多間獨立房間比客人舒舒服服進行療程, 其中幾間VIP房仲有無敵海景
係度做Treatment舒服程度真係要比足10個Like ^^
 此外LUMIERE肌源再生專家用上全線SKIN CEUTICALS產品, 醫學品牌信心保證呢
參觀完仲有好多精美小食比我地blogger慢慢食...慢慢傾, 我地都過左一個好開心既 下午啊
多謝LUMIERE邀請我參與是次活動及多謝靚靚禮品包 ^^

Address: Suite 4212-4215, 42/F
Langham Place Office Tower
8 Argyle Street, Mongkok
Kowloon, Hong Kong


大家有任何意見或產品試用歡迎與我電郵聯絡: ppqq1437@yahoo.com.hk

歡迎follow Fans page: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA...等

2016年3月28日 星期一

L’Oréal Paris透明質酸充盈導入精華

 L’Oréal Paris全新科技突破、挑戰保養品界最高透明質酸濃度,推出
透明質酸充盈導入精華」,透明質酸填補淚溝、法令紋、細紋與豐頰效果,
輕鬆解決皮膚老化問題,打造澎彈無痕肌!

 今次L’Oréal Paris透明質酸充盈導入精華革命性的滴管設計,有點像放大了的針筒,屬真空輕密封設計,有助維持精華純正度。使用時,只需輕輕按壓,滴管便能精準地擠出一次所需用的份量,簡單方便。

按壓上方,滴管就可以準確壓出定量的抗皺精華,擠出時,質地是微半透明的顏色,很輕易就可以推出,使用後也很快就被皮膚吸收!
 將精華塗於紋路較深既地方, 如果虎紋深感覺會老多幾年, 所以虎紋位置是我一直重點抗皺地方

頸紋當然不可以忽視, 頸的位置較大, 所以就要按多幾下取出適當分量

精華己經塗了, 就要加以輕輕按摩令精華吸收於皮膚低層, 但記緊有紋路地方千萬不可以大力按壓, 大力按摩只會令紋路更深

用左半邊面看看效果, 左邊面眼紋位置明顯未處理, 深深的眼紋哦 >.< 但右邊看起來感覺較有彈性及年輕, 加上L’Oréal Paris透明質酸充盈導入精華成分是含有高濃度的透明質酸,肌膚潤澤感立現,長期使用高濃度透明質酸豐盈導入精華進行臉部重點加強修護,有效撫平法令紋、魚尾紋、抬頭紋等較深的紋路問題,使用後肌膚即時補水,做到"內補水、外抗皺" 臉部即時變得更平滑有光澤!!!


活力緊緻 透明質酸 充盈導入精華
Revitalift Filler [HA] Micro Volumizing Essence 
$249/ 15ml

想KEEP住肌膚年輕,就可以用齊 L’Oréal Paris Revitalift Filler [HA] 全系列產品,除咗充盈導入精華外,仲有 充盈導入霜 同埋 充盈導入眼霜
想了解更多請瀏覽:http://truthaboutaging.loreal-paris.com.hk/form.html


大家有任何意見或產品試用歡迎與我電郵聯絡: ppqq1437@yahoo.com.hk

歡迎follow Fans page: www.facebook.com/1437ritaandhim
其他BLOG分享包括blogspot, weshare, sheblog, theZtyle, beautyexchange, blogselle, mamibuy, classesweplay, esdlife...等