2016年1月28日 星期四

新手媽媽同BB去旅行準備及台北酒店推介

自己去旅行去得多, 但對於我呢個新手媽媽想同仔仔去旅行, 對BB去旅行既知識係"零", 所以周圍不停問朋友, 網上搵資料用左我好多時間, 希望呢篇BLOG可以幫到同樣係新手媽媽既你, 因為資訊野較多, 可能今次文字會較多.

首先講下因為爸爸無假期, 我又好想在小周董 2歲前去一次旅行, 所以去check下台灣機票幾錢, 直接上長榮航空網頁睇下, 台北機票$850(未連稅), 嬰兒(2歲以下)$140(未連稅), 係機票咁抵既情況下, 決定同小周董第一次坐飛機~ 我們的台北之旅即將開始 ^^

記得係要去超值優惠個頁, 平機票當然越早BOOK越平啦!
訂好機票梗係要BOOK酒店啦~近年大熱好多精品酒店, 睇左N咁多間價錢大約$700-$1200不等, 但最大問題係精品酒店一般比較簡約, 大人住OK但小朋友沖涼無浴缸-唔掂!! 如果精品酒店要UPGRADE有浴缸房價錢一定要OVER $1000, 係無意中發現一間近台北車站一間5星級酒店-台北君品酒店, 正宗5星級酒店, 正正台北車站對面, 價錢$1300-$1500, 當我格價後HOTEL.COM最抵 $1067(未連稅), 我比多少少可以住5星級酒店, 仲要網上搵到HOTEL.COM有D PROMOTION CODE再有拆, 連埋稅扣埋PROMOTION CODE拆頭, 一晚都只係$1122, 比多少少可以同小朋友住好D, 真心覺得超值.

HOTEL.COM訂酒店網頁
記得上網搵PROMOTION CODE 再有拆架
訂好晒機票酒店最重要既野.........幫小朋友整特區護照, 其實呢樣無咩難道, 因為一切可以網上BOOK, 只要夠早就無問題, 但留意網上BOOK時間好快FULL, 如果趕就要自己去排隊啦, 因為小朋友申請特區護照同時會申請埋香港身份證, 所以要準備多2張相啦 ^^
香港政府一站通-預約旅遊證件
終於到出發既大日子啦~~~由於訂機票訂唔到太靚時間, 朝早7am起飛, 最遲6am要到機場攪登機, 我地就要4.30am起身, 5am坐的士, 因為實在太早, 如果太早整醒阿仔換衫換片, 佢實發顛爆喊, 所以我決定前一晚同阿仔換定衫, 去到機場先再同佢換片飲奶.
第二朝我地係出門口個一刻先抱佢起身, 佢醒左一醒坐係的士度又再訓反, 一落車阿仔見到機場呢個新地方就成個人醒晒, 不過仲係好呆同埋一定要攬住佢條訓覺巾~hahaaa
小周董第一次坐飛機啊~我好興奮不停製造氣氛...嘩,飛機啊,你睇你睇!! 但佢可能仲未訓醒...好COOL唔理我!!! 哈
去台北只係個幾鐘, 真係因為佢不佔座位所以只可以坐係爸爸大脾, 小周董唔習慣比我地抱住訓, 所以成程機都無訓覺, 一落機即刻開架BB車比佢, 一推佢無耐就訓著左喇.
順帶一提, 普通BB車係唔可以帶上飛機, 要買呢種接到既BB車先可以拎上機, 想要靚野荷花/一田都多數有得買, 好似我咁唔係太講究, 淘寶SEARCH VOVO嬰兒車, 五百幾人仔攪掂 :P
 機場坐飛狗直接到達台北車站, 而台北君品酒店就係台北車 站附近, 問任何一個路人都可以指到你方向, 酒店下面就有大型商場微風商場, 仲有地下街, 唔想周圍走足夠你行一日.
首先要讚下酒店, 我訂酒店時加左REMARKS有嬰兒但無註明幾歲, 我起飛之前2日竟然收到酒店由台灣打電話來香港找我, CONFIRM訂房仲有問我小朋友幾歲, 想為我免費預備定KIDS SET, 我原本無乜期望, 但我上去到房見到呢個KIDS SET真係好SURPRISE, 入面有一件浴胞、幾條尿片、牙刷牙膏SET、拖鞋同埋一SET施巴嬰兒沖涼及洗頭水, 太細心啦吧!!
 講反間酒店房一張超超超...大KING SIZE床, 一家三口訓都仲有好多位, 小周董晚晚打橫訓, 我同爸爸都可以訓得好舒服, 而呢張床就變成左阿仔每晚最大玩意, 又當彈床又當滑梯, 每晚玩100次都唔會厭呢 ^^
房間全部開放式設計, 最鐘意佢個圓型大浴缸, 但因為我地去天氣都幾凍, 如果唔係比小周董浸下浴玩下水, 實開心死佢, 所以下次再去台北, 我都唔會再浪費時間格價精品/商務酒店, 因為呢間酒店整體我十分滿意, 價錢亦都好合埋, 只希望下次佢唔好加價就好啦 。
希望呢個BLOG對你地有幫助啦, 下篇BLOG再推介台北親子餐廳比大家 ^^

歡迎邀稿或其他產品試用,電郵聯絡: ppqq1437@yahoo.com.hk 
其他BLOG分享包括: 

2016年1月27日 星期三

Olay Regenerist新生高效緊緻護膚霜

女人25歲要開始努力保養, 過左30直頭要精挑細選每一樣護膚品, 當中一定會周圍不停問朋友意見, 身邊亦有好多人同我講:如果有能力梗係買反d高級護膚品啦, 因為....貴野未必最好但至少實無衰, 不過下下成千蚊一樽, 真係好肉痛呢>.< 好彩我地呢個年代資訊科技咁發達, 只要上網搵搵己經聽到好多不同意見, 而近期大熱的Olay   Regenerist新生高效緊緻護膚霜效果可以超越15款專櫃面霜,  Olay品牌價錢相對大眾化, 如果效果都可以比美其他專櫃面霜, 對於我呢d窮家女簡直一大喜訊,呢, 即刻試下有幾好先!
   
 最近Olay Regenerist Micro- Sculpting Super Cream 新生高效緊緻護膚霜 (下文簡單統一稱為SUPER CREAM) 推出左個限量版套裝, 一樽50g SUPER CREAM 送多盒14g旅行裝都係只售$239.9, 好抵啊^^
一打開個盒見到深紅色樽身設計, 感覺好高貴呢
 打開銀色蓋, 再有一個白色cover, 護膚品保存新鮮, 護膚成份先不會容易流失.
Super cream有一陣陣清香, 質感軟厚身 , 霜狀豐潤質地, 感覺絲質柔滑, 另外佢有獨特既水包油配方, 令皮膚極易吸收



搽上手上感覺好滋潤, 按摩幾下己經好快吸收, 因為Super cream內有『地中海黃金』之稱的Olivem橄欖精華萃取物, 有效深層滲透, 加速發揮吸收作用, 利用微分子超深滲透科技,接觸肌膚瞬間釋放, 護膚成分蘊含豐富Aminopeptide胺基酸肽複合物,促進肌膚再生,強化肌膚保水屏障,減少膠源蛋白流失
 左右手對比下, 搽左Super cream的手左明顯有光澤, 較白滑, 右手相對較暗啞同乾紋亦較明顯呢
因為近排天氣凍加上屋企開暖氣, 皮膚特別乾燥, 所以我塗上大約一個一蚊分量的super cream在半邊面上
 Super cream有緊緻、抗皺、彈性的功效, 我會加以少少按摩動作令到佢更容易吸收, 向上推仲可以加強緊緻效果添
 按摩不到一分鐘Super cream己經完全吸收, 輕輕拍打, 感覺到面部彈性即時提升左, 因為Super cream 入面 Lyslatine黃花胡前提取物促進年輕蛋白交聯結構,加強肌膚彈性
 半邊面即時好似有反彈性, 滋潤功效顯著, 幼紋都減淡左,第二日化妝覺得貼妝好多, 努力用上4周可以有效減少膠源蛋白流失, 女人有足夠膠源蛋白就自然有年青肌膚啦, 用完一樽有望年輕10年, OH...咁我咪可以變反2字頭肌膚囉, 嘻, 大家齊齊加油啊 ^^



Olay Regenerist Micro- Sculpting Super Cream
新生高效緊緻護膚霜
50g  HKD$239.9
各大萬寧及屈臣氏有售



Olay 新年感謝祭 – 必中禮遇

凡於萬寧或屈臣氏買任何Olay產品滿$330 即可享必中禮遇:$50 電影現金券。更有機會獲驚喜獎賞:$1000 旅遊禮券、香港童話主題樂園成人門票2張 (價值$1000)、Le Creuset 家品、5星級酒店tea set (價值$500)及Olay 產品等。詳情請參考OLAY FACEBOOK www.facebook.com/pg.olay.hk

大家有任何意見或想與我聯絡歡迎電郵: ppqq1437@yahoo.com.hk
www.weshare.hk/1437rita
blogs.elle.com.hk/1437rita



2016年1月25日 星期一

VICHY SERUM 10美睫眼部精華

香港消費者委員會間中都會做個別妍究, 發現市面上好多除皺產品都係名過於實, 一d大眾化價錢的產品使用效果反而比一d貴價牌子效果好, 其中VICHY就係除皺產品入面拎最高分, 過左30女人每樣SKINCARE都要開始嚴選, 我都開始有少少初老現象, 幼紋開始在我眼部浮現, 今次一於試下VICHY LIFTACTIV 肌源再生系列 SERUM 10美睫眼部精華, 希望可以打救到我隻眼啦


SERUM 10美睫眼部精華,精華蘊含VICHY溫泉水,有效舒緩及促進肌膚再生。有效撫平皺紋,包括深層皺紋,明亮眼周及強韌睫毛,以達至眼部放大效果.眼部精華可以強韌睫毛真係一物二用,當中10%銀樺樹萃取有效重塑眼周輪廓。亮肌元素讓眼周肌膚瞬即綻放明亮神采。神經酰胺有效令睫毛變得強韌濃密

 


















盒上面都有簡單教下你點按摩, 但門市SALES姐姐好細心一個個STEP講我知, 點用先至有最理想效果, 記得4個STEP就可以啦


















1. 把1滴眼部精華滴在中指指腹上, 用另一隻中指把它揉勻。
2. 閉目養神,以沾上精華的指尖沿著眼, 頭至眼尾繞一圈,輕點在眼周位置。
3. 繼續閉上眼睛,從眼頭起,由內向外,輕輕在整個眼部輕輕抹開,包括上下睫毛。
4. 最後以食指把睫毛輕輕一托,帶出睫毛捲翹上揚的效果。














我隻眼真係出名易敏感, 但佢係低過敏配方,不含Paraben類防腐劑,成功通過皮膚科及眼科醫學於敏感眼睛上測試。使用後眼周肌膚瞬間提亮,10分鐘撫平皺紋。持續使用睫毛更強韌濃密,提升眼部亮大效果。
高濃度Rhamnose 有效抗皺緊緻,撫平眼周細紋,減淡黑眼圈、眼袋等問題。Ceramide 修護並強韌睫毛。配合性質溫和珍珠亮肌配方,即時完美遮瑕。不含油分,質感舒適,容易吸收,敏感肌亦適用。不影響眼妝,反之讓眼影及睫毛液更持久貼服。建議早晚配合眼霜使用,並加以按摩。





而家係部份專門店買SERUM 10美睫眼部精華, 仲有套裝, 用本身$350原價套裝送多枝面部精華, 洗面乳同爽膚水, 再加上貼心SALES姐姐送左好多SAMPLE, 好抵啊. 不過講到明, 套裝售完即止, 有買快手啦 ^^


有任何意見或想與我聯絡歡迎電郵: ppqq1437@yahoo.com.hk
www.weshare.hk/1437rita
 blogs.elle.com.hk/1437rita