2017年12月26日 星期二

一個容光煥發的妝容全靠LUNA X KYE彩妝系列

韓國化妝護膚品好用大家都一致認同啦~ 今次呢個韓國品牌LUNA就連同設計師KYE合作,推出一系列嘅特別版KYE彩妝產品,不單止包裝設計型格十足外,而且化妝品仲好容易操控好顯色,最重要價錢夠大眾化,我今次就體驗LUNA的三合一專業眉筆、專業遮瑕調色盤同埋持久亮彩唇膏,效果夠亮麗,化妝前後真係分別超大呢。^^
LUNA 三合一專業眉筆 $118
一枝眉筆有齊眉筆、眉粉同眉婦,簡單易用。
 眉筆我選用左2號炭黑色,首先用三角形筆頭輕輕畫上眉形,輕輕畫己經好上色。
 再以眉粉擦頭填補眉中間的空隙位置,更易填滿眉毛之間的空隙。
最後再以眉掃將顏色推開,營造出自然的眉妝。
LUNA 專業遮瑕調色盤 $248
總共有6色,一盒有齊調整肌膚暗啞、泛紅、增加光澤、陰影及遮蓋瑕疵。膏狀質地,調色及遮瑕能力做得非常好。
我呢d千年黑眼圈或者面上有任何暗瘡卬,都可以用調色盤最左邊2格,遮瑕膏質感唔會好乾,就算用在眼袋位置都唔會出現幼紋,而且遮瑕度高,殘樣即時bye bye ^^
遮瑕調色盤上綠色可以用來調整泛紅,用來遮我面上的紅根就啱晒。另外淺粉紅格可以用來調整暗啞,而最後2格啡色就係用來調整光澤同埋打陰影啦。一盒多個用途,拎出街超方便。
LUNA X KYE 持久亮彩唇膏 $158
包裝十分型仔, 最鐘意佢磁石封蓋,就算就咁放係袋都唔會打開左個蓋。
今年大紅唇依然大熱,我呢枝係16號色,塗上去啞緻又亮麗,唇膏內有透明質酸為雙唇補濕,搽上去可以有減淡唇淡功效。
老實講我唔係經常搽粉底,但其實只要畫返條眉、塗個紅唇同埋有盒遮瑕度高的遮瑕膏,成個樣已經精神晒,所以想要一個容光煥發的妝容,LUNA  X  KYE 彩妝系列實有一款適合你呢。^^
大家如對以上產品有興趣,可到指定香港及澳門屈臣氏查詢及選購。
https://www.facebook.com/Cosmetic.LUNA.HK
 www.facebook.com/1437ritaandhim
感謝 LUNA提供產品體驗,歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年12月18日 星期一

送$25咖啡券【新手媽媽好幫手】美贊臣 MOMsenger

小周董下個月就4歲,而我肚入面既小小小周董亦都好快就出世,唔知係咪做左媽媽後記性真係寧捨差啲呢?!! 相隔4年要再次照顧一個NEW BORN BABY,好多人話已經有經驗唔會再咁緊張,但我真係好似已經唔記得晒初生BB要食幾多安奶? 點換片? 點樣同BB沖涼等等。
好彩而家上網做RESEARCH都好容易,我會去啲親子平台,或者問下媽媽GROUP朋友,不過佢地提供啲資料同講法實在太多,有時真係睇到我眼都花埋,亦唔知好唔好100%跟住做?!!!
無意中比我見到美贊臣A+ Facebook有一個叫 MOMsenger嘅功能,可以幫我解決日常湊B嘅問題,對於我呢要照顧2個小朋友嘅媽媽真係更加方便。
只要簡單 Subscribe美贊臣MOMsenger,就可以率先收到A+媽咪小貼士同埋專業既育兒資訊,有呢專業消息我就安心聽足指示去做,湊B自然更得心應手啦 ^^
由即日至1222日,只要click入美贊臣A+ Facebook專頁,再Subscribe埋並完成小測試,仲有機會贏取$25咖啡禮券添~正啊!!
https://www.facebook.com/meadjohnsonhk/videos/10155692372696125/
 哈~小測試其實好簡單,不過亦都比我更加了解原來肚入面既BB狀況,BB原來22週已經感應到光,同埋夜晚8-11點係最活躍,難怪我每晚訓覺時個肚都好似反轉左咗咁,我仲話細B係咪喜愛夜蒲,夜晚先走來跳夜舞....哈!! 原來咁係正常既 ^^''
玩完小測試,透過MOMsenger可以隨時登記參加美贊臣唔同講座。同埋有育兒專家互動區可以幫我呢媽媽搵到好多陀B或者B資訊,最好仲有專業團隊即時同我ChitChat湊仔經同埋提供專業建議。而想足不出戶就買到奶粉,只要接通e訂購,就可以即時網上訂購美贊臣產品,簡單訂,易付款,真心正呢!!
人話生一胎蠢3年,我生2胎應該至少蠢6年,但有左美贊臣 MOMsenger呢個好幫手,可以幫我解決好多B問題,咁比我輕輕鬆鬆、開開心心蠢多幾年都無所謂啦 ^^
我已經Subscribe同埋完成左呢個A+媽咪小測試啦,你地都齊到美贊臣MOMsenger (http://m.me/meadjohnsonhk)玩小測試,齊齊拎走$25咖啡禮券啦。

#美贊臣MOMsenger #美贊臣會 #愛是一起成長一直相伴 #爸媽貼心小幫手 #潮媽必備臣器 #識用一定用美贊臣MOMsenger #一機在手BB有用資訊隨時有
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年12月12日 星期二

輕鬆處理家中雜物 @Minibox美利倉

終於走到懷孕的後期,距離生既日子越來越近,開始要做好各種準備,早前為細B買旳一大堆衫褲及其他BB用品,係時候的起心肝要執一執佢,但唔執好地地,一拎晒D野出黎先覺得大件事啦=.=''......屋企大部份位置原來己經比小周董羈佔左,UMMM.......嘻, 其實唔關小周董事,怪就怪我成日忍唔住買衫買玩具比佢,攪到全屋都係佢D野。^^''
屋企地方唔大,其實不論廳或房間都己經放左好多膠箱,什至連張床的上格位置都己經放滿雜物,要放好細B D野好似己經無咩地方啦....!! 唔通真係要搬大D地方? 但香港地吋金尺土,尤其D樓價一直升到痴晒線,搬屋的洗費實在太大了,但唔搬可以點算好呢? >.<
呢D時候問一問朋友,發現原來身邊好多朋友都有租迷你倉,咁就唔洗搬之餘又可以處理好晒屋企D雜物啦。朋友介紹呢間<美利倉> 位於柴灣及觀塘,好近港鐵站出口,毋須預約,隨時話入倉就入倉。但最主要係美利倉擁有逾14年豐富存倉經驗,全部倉庫都係自置物業,唔洗擔心租租下比人迫遷,同埋佢擁有合格安全防火設施,配合埋經驗豐富的客戶服務團隊,確保倉內物品得到最安全妥善的照顧,咁我就可以安心放我屋企D寶貝入去住啦。
<美利倉>有多個儲存倉地點和不同迷你倉尺寸選擇,冷氣長期開放,咁唔洗擔心天氣潮濕攪到倉入面D野發晒霉啦,除此之外佢仲有以下好處,都係令我選擇佢既原因
  • 租金每月結算
    不設預繳,實報實銷的租用計劃
  • 不需預約,隨時存取
    週一至週日早上七點到晚上十二點期間,自由進出美利倉,不需提早預約訂時,隨時進出
  • 安全妥當,萬無一失
    24小時全天候閉路電視監控,獨立倉位警鐘、高科技保安系統、個人密碼進出,合格消防警報設備,為安全環境把關
  • 保證私隱,絕對穩妥
    使用私家鎖來為您的儲存空間上鎖,只有您擁有鑰匙,確保私隱度
  • 免費 Wi-Fi 無線上網
    隨時連線上網,第一時間處理線上工作
 
<美利倉>可以提供網上報價服務,只要揀返想租咩分店的迷你倉,咩SIZE, 租幾耐同埋聯絡方法,好快就會收到電郵或者專人打比我報價,非常方便。
要收拾屋企D雜物有時都幾頭痕,好彩美利倉會提供一系列的包裝箱選購,全部都好耐用堅固,我可以選擇多款不同尺寸的包裝箱,放入不同種類的物品,包括大、中、小型、甚至特別專用箱,包括內有填充物、收納衣服和黑膠碟專用的包裝箱佢地都有提供,真係好細心呢。
至於D亂七八糟的雜物,佢地亦會提供尼龍袋可以用作儲放可能會滲水的物品。尼龍袋亦適合存放一些不需高度保護的小型物品如廚房工具等。尼龍袋仲有四個不同尺寸可供選購添。
至於如果想搬D大型傢具,佢地會建議你使用護套來保護物品的表面,以免受塵埃、天雨等沾污,有左呢D護套就可以長時間確保你的物品乾淨整潔啦。
細B隨時出世我可以短時間將雜物搬入倉,但如果小朋友大左雜物少左,需要搬出迷你倉時,亦只需要14日前事先通知,然後將單位清空,就可以取回按金及租金餘額。
Minibox美利倉連續3年榮獲最佳儲存服務奬,所以要租迷你倉都係要租個有信譽的先放心,要揀一D有裝置完善的消防及警告設備,仲要每年按消防法例進行安全檢測保養,並獲取年度檢測證書; 加上美利倉已安裝 24小時閉路電視監控及採用優質耐用物料,同時提供冷氣及非冷氣存倉服務,確保所有存倉物品安全妥當,有左美利倉迷你倉放置屋企大小雜物,屋企自然多左空間,就算細B出世後都唔洗再擔心無位放佢D野啦。 ^^
Minibox美利倉
1. 觀塘 觀塘道448-458號 觀塘工業中心三期1樓N室,電話: +852 2342 3041
    港鐵觀塘站D4出口

2. 柴灣 利眾街18號 美利倉大廈全幢,電話: +852 2342 3042

    港鐵柴灣站D4出口


有興趣了解更多可瀏覽以下官網 https://www.miniboxselfstorage.com 或致電2505 4000
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年12月4日 星期一

放棄神校...一個超艱難的決擇

上年小周董同好多小朋友一樣要INTERVIEW K1,而我同好多家長一樣都為小朋友做足準備(例如: 影好面試相、準備好戰衣等。) 
報邊間幼稚園大家都有好多不同原因 (例如: 近屋企、傳統名校、一條龍學校等等),因為小周董本身讀緊屋企附近一間N班,佢讀得好開心,所以我無同佢大包圍報好多間學校INTERVIEW。
我認我都係追名牌心態,幫小周董報左5間出面頭幾位出名幼稚園,博一博運氣心態,得左係一個BONUS,唔得都當見識過,繼續讀返原本N個間幼稚園。
講真K1面試遊戲玩完,我都唔係好識分佢表現好定唔好,5間幼稚園面試中,小周董有做足老師指令,對住老師有問有答,但我眼見其實好多小朋友表現都一樣出色,以咁細個小朋友在無乜時間WARM UP可以答到老師問題,我自己己經覺得佢地好叻仔/好叻女。
所以其實我覺得有時面試結果,唔多唔少都靠少少運氣、老師眼緣、同埋小朋友個刻心情狀態,結果有幾多學校收,唔代表小朋友能力有幾叻,小朋友的能力什至未來又點可以因為一場面試來定奪呢,有時家長太緊張可能有反效果都唔定,所以每次面試我地都同小周董講係去同其他小朋友玩,可能咁佢每次都放輕鬆開開心心咁去"玩"。
"玩"左5次後,上年呢時候,差不多12月左右,開始陸續收到學校的結果,小周董算好彩,IN 5間幼稚園有3間收左,但其中一間係我心儀左好耐的......神校啊!!!!!!!! 當我收到取錄信個刻,我真係開心+驚喜到下巴跌左落地下!!!!
開心的事原來會一浪接一浪,到1月我們再收到另一間幼稚園的取綠信,呢間係爸爸最心儀的學校,今次真係倆公婆打交都唸唔掂點算,我成世人都無乜試過呢D快樂的決擇,但原來一樣會令人好苦惱。
2間學校 (K學校 及 S學校),我同爸爸有不同意見:
我呢D凡夫俗子明顯係比較心儀K學校,佢出名有一套獨有教學模式,令到小朋友愛上學習,雖然好多人話 K學校比較谷、多功課、但好多畢業學生學術方面都十分出色,考小學會較有優勢,但就較少親子活動,玩樂時間比較少。
而S學校偏向算係一間HAPPY SCHOOL,小班教學,學習及玩樂時間較為平均,有適當親子活動,爸爸最鐘意係學校同我地屋企有共同宗教背景,除左學習學術外,爸爸想小周董學到信、望、愛等個人修養,所以我老公偏愛S學校。
我地考慮期間,發現其實香港地真係好多爸媽都會安排小朋友學習不同技能,例如唱歌跳舞、琴棋書畫.......等等等等。我無為小周董有呢個安排,佢聽到音樂會聞歌起舞,見到樂器會好奇彈幾下,但我始終覺得咁細的小朋友應該興趣行先,日常生活父母多D陪佢玩下,其實一樣都學到野架 ^^''
我同爸爸唔想太早催谷小周董學習,反而想佢玩多D,不過好奇怪小周董自己對文字好有興趣,好鐘意睇書,好多朋友問我點解,我唸可能因為小周董出世後我家基本上係無開過電視,電子產品我地都好少比小周董接觸,反而由細到大我地想培養小周董閱讀習慣,每天一定抽時間同佢睇書,所以小周董真心喜歡閱讀,就算去到公園佢只要見到有英文字,佢都會對住D字母讀或扮寫。^.^''
我地作為父母陪佢一齊探索,陪佢做佢有興趣的事,簡簡單單陪佢睇本圖書,小朋友從中可以學習之餘,亦會感受到我地的陪伴、我地的愛。所以每星期去一次圖書館係小周董最期待的活動,可能有人認為咁好簡單,但小朋友開心其實就係好簡單。
經過多次家庭會議,我地決定放棄神校,對我來講雖然係一個好艱難的決定,但我地睇返小周董性格,我覺得佢現階段真心喜歡學習喜歡發問,如果強迫佢做某D事反而會有反效果,我同爸爸雖然對2間學校都有不同意見,有好有唔好,但我地對小周董出發點係一致,就係想佢有一快樂童年,想佢內心係一個有愛的小朋友,學術上的知識日後大把機會學到,但小朋友性格或者修飬要從小學習及培養。
用左3個月時間作考慮,但要寄出呢封退學信時,內心都要鼓起好大勇氣,放棄神校身邊總有好多朋友大叫可惜,不過經過3個月時間,我地特別留恴小周董性格,希望搵一間真正適合佢的幼稚園培養佢學習興趣,神校與否都係坊間講出來,未必適合所有小朋友,亦未必全部小朋友入到神校等如入到一間好小學,所以最緊要觀察自己小朋友的性格及才能,才作出呢個艱難的決擇。
現在小周董上左K1差不多3個月了,適應得好好同埋日日回家都笑咪咪話好鐘意返學,呢個選擇最終係錯與對己經不重要,因為我地無忘記對小朋友最初的要求只係想佢開心健康成長,佢現在開心己經好足夠了。^^
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2017年11月30日 星期四

就黎生啦~做足準備走人奶路

預產期越來越接近,巨肚已經9個月大啦,正所謂隨時生得,近排除左開始執走佬袋,仲開始準備好多BB野,其實比起第一胎,我近排先開始買BB衫、包被、尿片等等,雖然遲買但呢啲野其實好容易準備,相反,揀邊款奶泵我早幾個月就已經周圍問朋友,同埋上網做RESEARCH睇下邊款奶泵最適合自己。因為我同好多媽媽一樣,都希望可以餵母乳,上一胎心大心細,生左之後真係有奶先走去是但買一款奶泵,但結果效果唔太理想。不過,因為有左第一胎經驗,我相信只要有恒心一定會餵到母乳,所以綜合各方意見我揀左呢款奶泵。
前排見百貨公司減價,終於將Philips AVENT嘅奶泵帶返屋企,先唔講功能,講外型己經殺晒!!買奶泵會附送一個袋,個袋都幾大個架,除左可以用來放奶泵之餘,日後亦可以用作奶粉袋,一物二用,正!!
其實我諗起上一胎,因為親餵時姿勢唔好,攪到周身骨痛,到用奶泵泵奶時又幾個鐘先泵一次,攪到奶量越嚟越少,我上次仲要買單泵,有時左邊乳房泵奶時,右邊就漏緊奶,所以都幾狼狽。
所以今次我決定選擇雙邊電動泵,咁就唔會再有漏奶情況出現啦。而且按摩墊嘅質料細緻柔軟,佢嘅按摩模式仲可以輕輕刺激奶量。
生完 BB 之後腰骨成日好易攰,所以聽朋友講呢個奶泵泵奶時可以舒舒服服放鬆咁坐直泵奶,身體唔洗特登向前傾,我就覺得好正!咁就會更容易分泌乳汁,最重要唔會漏嘛!
操作亦好簡單,只要裝好配件,按開關制就可以,亦有唔同強弱力度選擇。
原裝有多2個配件附送,方便更換。
泵完可以直接合上奶咀頭變成奶樽,比BB直接飲用。
最後仲有日用或夜用的乳墊附送,咁細心安排,令到我揀奶樽同乳墊都買返AVENT,咁就唔洗煩啦。
希望BB出世後我可以順利走上人奶路,所以我相信搵個泵得舒服嘅奶泵真係好重要,做左咁耐資料收集,又聽左好多朋友介紹,我唸我今次應該點都無揀錯既,非常期待下個月小小小周董出世啊 ^^

#9個月大肚 #LOADING90%
#做足準備走人奶路

#BB用品都可以好型
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)