2018年10月30日 星期二

3日搵返條腰線@Beauty Lab印尼古法紮肚

上次同大家分享左我第一次去Beauty Lab體驗印尼古法紮肚的感受,今次同大家分享下做左3次我的身形究竟有無咩改善到呢?
上次矯形師同我講我的產後腹直肌分離情況都幾嚴重,第一次佢幫我按摩時,雙手按下我的肚上,雙手可以按下差不多半隻手指的深度,可見到我生完2個小朋友肚下的直肌分離情況真係好嚴重
紮肚第一次我乖乖足足紮住10小時,第二次上去同樣會先按摩祛除肚風,改善下半身水腫,但矯形師驚雅表示我的腹直肌分離位置已經開始改善,佢幫我按摩時向我肚按下已經無再咁深,係一個好好的開始。
紮肚後著返自己衫,就算去街都無人會發覺。第二次我仲乖紮住訓覺,差不多紮足15小時。
第三次上去Beauty Lab幫我影返張前後對比照,見到肚紋真係淡左,而且有返條線出來。
第三次我紮左9小時,之後再睇睇經過3次紮肚後的前後對比。
呢張相係我第一次做之前,見到肚同胃的位置好漲好腫,完全無腰線,3個字 ((水筒腰)) =.=
3次療程後,腰線出返來,而且無之前咁腫漲。一般一日至少紮8小時,連續紮10日以上效果最為理想啦!!
呢張相就明顯見到左邊條腰係成一直線,右邊開始有少少彎左入去,估唔到只係3次都可以搵返條腰線,真係見到有效果。
其實做紮肚除左可以改善身形之外,其實都唔係完全為左靚咁簡單,因為如果產後唔好好處理,我地因為生完BB而導致內臟移位、盆骨增闊,唔止會肥,第時老左仲會有失禁、子宮下垂等問題。所以各後產後媽媽大家齊齊努力,BYEBYE豬腩肉,搵返條腰返來,同埋係預防年紀大左有以上問題出現,所以真係要好好把握產後最佳的修復時機 :
產後0-42天 可以呼吸修復
產後3一6月 修復黃金時機
產後6月一1年 修復關鍵時機
產後1一3年 修復的次關鍵時機

大家有興趣可到Beauty Lab 以$680 體驗印尼古法紮肚

Beauty Lab 養生醫療美容中心

金馬倫道12號恆信商業大廈5樓全層
WhatsApp: 5688 8895

#BeautyLab #養生醫療美容中心 #印尼古法 #紮肚暖宮護理 #產後收身紮肚 #去妊娠紋 #去黑色素

www.facebook.com/1437ritaandhim


感謝BeautyLab提供療程體驗,歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)

試用楊卓娜都推介的印尼古法紮肚 @Beauty Lab

生左2個小朋友雖然唔算好肥,但身型真係大不如前,尤其個肚腩真係好難修 >.< 近排喺FB成日都見到楊卓娜,覺得佢身型好平均好靚,見佢介紹Beauty Lab的印尼古法紮肚,先知原來佢生左九年,做紮肚依然好有效果,好開心上個月就收到邀請終於可以親身試下印尼古法紮肚,即刻話比大家知係咪真係咁WORK先!! ^^
Beauty Lab位於尖沙咀MTR一出行2分鐘就到,非常方便。上到去地方好乾淨整齊,每次開始紮肚前都會先換晒一次性的紙內衣褲,夠晒衛生,亦方便之後矯形師幫我進行紮肚療程。
每次都會喺獨立房間內進行療程,張床夠大又軟淋淋,好舒服好RELAX。矯形師會0係療程前了解下我的生活習慣同身體狀況。佢地採用印尼獨家技術古法紥肚,用料全部都係全天然,所以就算我而家仲餵緊母乳去做紮肚都完全無問題
一開始會先以人手按摩祛除肚風,再利用一個會發熱及會震動的儀器加以按摩,加促新陳代謝及血液循環,達至暖宫效果,按摩時產生的熱力會引起煙囪效應,有效改善下半身水腫。
生完2個小朋友後個肚長期都係漲漲咁,矯形師同我講原來我的產後腹直肌分離情況都幾嚴重,因為生完BB後身體係唔會隨時間自動修復,而大肚腩和腹直肌分離的恢復係有直接關係,所以產後無論幾耐都要做盆底肌修復,而紮肚就可以健康自然咁回復昔日身形啦。
按摩後塗上全天然軟膜於肚上,可以減淡妊娠紋,令到肚皮變得白滑 ^^
塗上後感覺有輕微熱熱的感覺,原來可以加強暖宮效果。
之後矯形師用特定的紮肚長布由盤骨一圈一圈包至胸骨位置,以不同力度針對不同需要改善的部位,期間會一直問我有無唔舒服,見到我邊個位置要特別需要改善,會準確落適當的力度,咁就可以有效地塑造完美線條。
其實紮完感覺條腰係好實,行路即刻行得直好多,但就唔會痛亦唔會抖唔到氣,一般一日紮8小時,最好連續紮10日就最為見效。
各後產後媽媽大家齊齊努力,BYEBYE豬腩肉,要搵返條腰返來,所以要把握最佳修復時機:
產後0-42天 可以呼吸修復
產後3一6月 修復黃金時機
產後6月一1年 修復關鍵時機
產後1一3年 修復的次關鍵時機

大家有興趣可到Beauty Lab 以$680 體驗印尼古法紮肚,下一篇BLOG再同大家分享下我紮肚3次後的成果啦 ^^

Beauty Lab 養生醫療美容中心
金馬倫道12號恆信商業大廈5樓全層
WhatsApp: 5688 8895

#BeautyLab #養生醫療美容中心 #印尼古法 #紮肚暖宮護理 #產後收身紮肚 #去妊娠紋 #去黑色素
www.facebook.com/1437ritaandhim


感謝BeautyLab提供療程體驗,歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)

2018年10月26日 星期五

好唔捨得BB大得咁快呀~

小小周董已經9個月啦,咁快佢已經坐得好隱仲成日同哥哥玩嘅時候會笑到哈哈聲添,見到佢地倆兄弟的互動,我忽然覺得...點解細佬好似大得特別快既?! 仲記得哥哥小周董BB時侯,我地將所有時間同心機放晒去佢一個人身上,哥哥BB時又比較扭計,長期要抱要人陪,頭一年我同爸爸都覺得時間過得好漫長,有時真係希望小周董快啲大個啦!!HAHAAA
但細佬小小周董相比之下真係比較容易照顧,少哭鬧,自己玩自己訓覺,仲要1個月左右已經戒左夜奶,照顧佢相對真係比較easy,加上我同爸爸為免哥哥呷唶,大部份時間都走左去陪哥哥玩,細佬好多時都係交左俾工人姐姐照顧,所以佢習慣左自己玩。 
有時望真啲細佬覺得哎呀, 乜又大個左嗱? 真係大得太快啦,一眨眼已經開始食固體,細佬佢最鐘意食粥仔、糊仔,每次食野佢都會開心笑,真係好可愛!! 哈哈....^^
但細佬就唔太鐘意食甜野,我將生果整做水果蓉,佢唔太鐘意,反而一大舊生果佢又好喜歡喎,不過佢可能只係係當牙膠咬,真係食落肚嘅生果其實唔多。
加上自從我返工後人奶量開始大減,細佬開始飲配方奶粉,再加上食固體,細佬啲腸胃未係好適應,有時啲便便好硬佢屙唔出好辛苦,攪到佢少有地都會發脾氣喊晒口,真陰公!!
問過醫生意見,醫生話佢問題不大但覺得佢應該飲水唔夠,攪到佢啲便便唔靚,所以我即刻想辨法點樣俾多啲水佢飲,依家佢9個月,由6個月起其實已經開始用學習杯飲水。

我一直用開Philips AVENT嘅產品,係上次買蒸煮機時,個SALES姐姐話飲水杯遲早都啱用,所以我就一次過買埋~當時佢仲話我知其實BB嘅飲水杯都要按階段換,例如細佬依家用緊嘅依一個防滴漏幼兒杯係有訓練手柄嘅,可以協助細佬學習自己拎住飲水杯,獨立飲水。而佢嘅斜角軟嘴設計可以令細佬唔駛過度傾斜個頭仔,飲水飲得方便啲!到左9個月以上,就可以換另一種飲管杯,BB可以透過飲管吸吮鍛煉口腔肌肉架!所以話呢,真係連一隻BB嘅飲水杯都好有學問架!

BB初初用嘅時候只係不停摸索,佢見到杯上面個公仔好得意,不停摸隻杯差不多十分鐘,都未肯真正放入口!! 哈哈
但當佢知道吸嘴位可以飲到水水後,佢好似覺得好得意,不停咬個吸嘴,好彩隻杯仔有防滴漏飲嘴設計,同埋飲嘴位置夠柔軟而且耐咬,佢咬幾耐都唔怕變形,最好係連手柄都夠軟熟,BB好容易就可以拎住隻杯自己飲。
杯仔可以放到5安水,一得閒就比細佬自己拎住個杯,佢一邊咬一邊飲水,唔覺唔覺半日內竟然可以飲到差不多3安水,之後幾日啲便便就開始軟返,所以話飲水真係好重要呢。
其實做細佬真係有啲啲唔公平,好多野都好似被我地無心忽略左咁,原來細佬已經識得做好多野,除左識自己坐定定玩、識自己食水果條、識自己拎杯飲水,岩岩上星期佢仲可以自己扶住欄杆企係度添,媽媽真係好唔捨得你大得咁快,好彩哥哥都好鍚細佬,成日想同細佬玩氹細佬笑,所以我同爸爸都開始陪哥哥同時都帶埋細佬一齊出去,每個週末小周董都好期待帶細佬出街見多啲野玩多啲野,而我就更期待細佬遲啲快啲識叫我一聲: 媽媽...媽媽啦!!! 嘻嘻 ^^
www.facebook.com/1437ritaandhim


歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)

2018年10月24日 星期三

LAB 93拯救白鞋小法寶: 防水噴霧 X 中底白筆

做左媽媽後已經同高跟鞋講BYEBYE,長時間著波鞋真係好舒服,不過唔單止小朋友,就連大人著波鞋一段時間後,對鞋總會變得又黃又污糟,有d波鞋雖然真係好鐘意,但可惜變得太黃太舊,唔想著但掉左佢又好浪費,所以唯有將佢地放左入冷宫 >.< 
不過今次好開心可以體驗LAB 93 的Premium Whitening Pen 中底白筆及防水噴霧,中底白筆可以將舊鞋又黃又殘的部份變返靚靚,再用埋防水噴霧咁就可以救返我好多對舊波鞋呢, 太開心啦!! ^^
波鞋中間變黃真係影響晒全對鞋,尤其著左對白襪,有對比之外,隻鞋真係顯得特別污糟,其實波鞋變黃真係著得耐就必然會出現,而LAB 93的Premium Whitening Pen 中底白筆正正針對呢個情況,令到變黃的物料回復新的狀態。
我就試下用呢中底白筆,直接搽上去鞋底中間變黃部份,好似用塗改液咁直接塗喺波鞋中底,睇下係咪真係可以即刻變白先。
哈~其實我有唸過係咪直接用塗改液都可以呢? 哈...不過當然唔係啦, 因為塗改液的顏料乾透後會好容易出現破裂既情況,一旦遇水,破裂的粉末就會會令到鞋面染成不均勻的白色,到時肯定仲肉酸,加上塗改液顏色係純白色,而好多時波鞋中底部設計都係偏向米色的象牙白色,用塗改液純白色會完全唔夾呢!!
LAB 93中底白筆顏料有彈性,即使物料屈曲或受壓都絲毫不損,唔會有破裂既情況。而且顏色係最自然的象牙白色,塗上後同全新真係無乜大分別,同時表面有防水作用,乾透後唔會受雨天影響,如果唔係刻意刮甩,塗後至少可以keep到一年...woow 正!!!
用之前先搖勻,第一次用我會先在紙上塗幾下等枝筆先出色。
之後就可以直接塗上波鞋了,直徑10mm筆頭,用起來非常簡單方便,顏料含量98.3%天然,對環境都非常安全,加上通過認證,不含致癌物PFOA/PFOS,咁大家用得就可以更加安心啦。
但效果才是重點,塗完後鞋邊真係白左好多,左邊那隻未塗前仲係好污糟,而右邊明顯亮白左好多。
一枝中底白筆可以塗最少二十雙波鞋,用上Boost物料上效果最為顯著,同時亦可用於其他中底物料上,睇下我對波鞋而家好似新一樣,直頭白到反光呢,太開心啦!!
Lab 93中底白筆 HK$139
使用方法
使用前先搖勻,並簡單用布抹去物料表面上的污漬
用力按壓筆頭大約十次,讓補色劑沾上筆頭
用膠紙貼上不想補色的部份
直接使用補色筆塗上物料
風乾大約一小時
重復塗上物料
如有需要,可重覆以上步驟
完成後,需等候大約48小時直至完全乾透為止
用完中底白筆將對波鞋變靚後,最好用埋呢枝防水噴霧,用來等佢可以KEEP得再好D,唔會再咁容易污糟。
市面上大部份波鞋或服飾均是採用非防水物料,一落雨或者唔小心滴到D有色液體,通常都好難洗得甩,就咁要報銷真係好心痛。LAB 93防水噴霧正正針對呢個問題,以納米技術配以最新防水配方,好似多左一層保護,令到可以KEEP住新淨,鎖住全新的狀態。
 唔單止大人波鞋要KEEP,小朋友鐘意周圍走,白色波鞋多數著一次已經變左灰色,所以用左防水噴霧就唔會咁易污糟。
有不少品牌的防水噴霧功效維持時間很短,有D任至只能維持一天,有D一個月,但Lab 93的防水噴霧一支可噴4-5雙波鞋,防水效果至少維持3-6個月,保存期長達2年,無需擔心過期問題含量96.5%天然,對環境非常安全通過認證,不含致癌物PFOA/PFOS。
 2對鞋做足保護,我同小周董一於著住佢開心去旅行。
真係唔知係咪連天都要考驗我地,同埋測試下LAB 93中底白筆及防水噴霧的威力,去旅行時竟然落左一場大雨,但小周董對白鞋依然好白淨。
我地仲去埋農莊,小周董全白色的鞋踐踏過不同的泥土,係有污糟但用清水沖一沖,即時再次變返新一樣,真係好神奇。LAB 93防水噴霧的防水配方真係好勁,除左波鞋仲可以用喺不同的物料,包括帆布、真皮、人造皮革、編織物料、麂皮、綿質等等,但漆皮及亮皮質地就唔可以用了。用左LAB 93的中底白筆及防水噴霧我同小周董都可以放肆地跑跑跳跳,都唔需要再擔心對鞋變殘變污糟,真心推介比大家呢 ^^
Lab 93防水噴霧 HK$139
使用方法
一 ‧ 使用前確保物質表面清潔及乾透
二 ‧ 先搖勻樽身,於30cm距離下均勻噴灑於物品表面
三 ‧ 等待約10分鐘,再重複噴灑一次,第二層噴灑後等待物料完全乾透便完成。

實體門市
Lofa_stylexx - 旺角煙廠街9號興發商業大廈1607

Smart_official - 紅磡廣場2A1 (近黄埔站A出口)
Countingstarr - 旺角好景中心2207

Snooze_collection - 旺角百寶利商業中心1202

HT_store - 太子彌敦道760號號東海大廈606

New Balance Order- 旺角信和中心141402B

Manhood- 旺角好景中心1914

Dude_Clothing -旺角百寶利商業中心604

Holhy Store -旺角好景中心1411C

On Your Mark -荔枝角青山道501-503號國際工業大廈10B2

Utry- 旺角家樂坊1609

wcwc.wildncherish -旺角興發商業大廈202

Master Korea -旺角好景中心1606

Skymart -觀塘電訊一代廣場20E1


網店: AMERICABUYFORU8
Instagram: Lab93_hk_official
www.facebook.com/1437ritaandhim


感謝LAB 93提供產品體驗,歡迎大家給予意見,如有任何邀稿、出席親子活動或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)