2018年1月28日 星期日

遇上最好才開始用我第一部洗面機 @ NU Skin ageLOC® LumiSpa 美容儀

想有好的肌膚要用質素好的護膚品,但用護膚品之前首先都係要把面洗乾淨,毛孔潔淨先能夠吸收護膚品的成份呢。大家都知人要做運動先健康,其實肌膚都一樣,所以洗面時如果多按摩,肌膚就好似做運動一樣,肌膚得到充足的運動就會變得更健康更亮麗。
要洗面洗得乾淨,使用洗面機當然比就咁用洗面膏好,但洗面機出左好多年,我一直都無用,除左因為我比較懶之外,主要因為我多數沖涼時間洗面,而市面上好多洗面機都唔防水,同埋聽人講大部份洗面機都以刷毛刷頭為主,用得耐會難以保持乾爽,較容易滋生細菌,而且毛刷刷頭雖然可以有助清除毛孔淺層油脂,但就未能達至深層清潔,甚至去除肌膚老化形成的表層老廢角質時,仲有可能會傷及皮膚,令肌膚顯得粗糙及黯淡添。
所以今次好開心可以體驗ageLOC® LumiSpa 美容儀,一次有齊煥膚及淨化的雙重功效,就算長期使用,肌膚只會更透、更嫩、更盈潤。佢柔軟、溫和及含有銀離子的抗菌醫學級矽膠導頭,可以有效清潔肌膚。備有基礎型和強效型兩種導頭選擇,適合不同肌膚性質及需要而選擇合適自己的導頭。
 LumiSpa 美容儀其實用法勁簡單,但包裝盒內都會附有中、英文說明書,一定唔會唔識用。
我最鐘意佢有防水功能,因為我習慣洗面之後沖埋涼。如果美容儀唔防水的話就會好易整壞。而 LumiSpa 機身有防水設計,就算沖涼時放喺浴室都唔怕啦。
用之前先將 LumiSpa 充電,充電時開關制會不停閃動,但當充滿電後燈會變成長期亮著,即代表己經充滿電可以隨時使用了。
使用 LumiSpa 仲可以配合ageLOC®-LumiSpa淨膚露一齊用,淨膚露含ageLOC®抗衰老精華成分,令肌膚更柔軟更有光澤。用後即刻感受肌膚更柔軟、更柔滑。持續使用肌膚更顯年輕之餘,仲愈嚟愈有光澤添。
早晚各一次,用時取適量嘅淨膚露均勻塗上面部,再以美容儀輕輕按摩面部,其預先設計的獨特旋轉頻率, 讓護膚導頭在精準的速度中反向旋轉。 
 LumiSpa 導頭經特別設計, 由柔軟及含有銀離子抗菌的醫學級矽膠製成, 能溫和地潔面,不傷皮膚。
LumiSpa 有效深層清潔,鼻側及下巴位置多數會較多污垢,所以我會特別注意,加上 LumiSpa 的旋轉震動頻率十分特別,感覺就好似一路洗面,一路幫我做緊面部運動。只要2分鐘,過程好舒服,用後肌膚變得好乾淨,用完後感覺到肌膚更光滑同有活力呢!
矽膠導頭另一個好處就是更容易清潔,因為矽膠比起毛刷更容易保持乾爽,減少細菌滋生嘅機會,洗完面將矽膠導頭沖一沖水就可以,非常方便。
LumiSpa 不但能徹底潔淨肌膚並去除角質,更同時進行按摩,真正做到一機雙效,所以洗面後皮膚睇上來更光滑,最厲害係洗面後見到鼻上的黑頭少左好多,證明真係做到深層清潔毛孔。
如果未遇到最好不如唔好開始,試過呢部ageLOC® LumiSpa ,我就知我第一次的開始係非常正確的,毛孔清潔得夠乾淨,之後就算搽任何護膚品都會更有功效,就算素顏都見到皮膚變得越來越明亮呢。^^
大家如對ageLOC® LumiSpa 有興趣,可瀏覽以下網址查詢及選購。
https://www.nuskin.com/content/nuskin/zh_HK/products/nu_skin/ageLOC_product/ageLOC_LumiSpa1.html
 www.facebook.com/1437ritaandhim
感謝 NU Skin 提供產品體驗,歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2018年1月24日 星期三

母乳媽媽必備之物

2胎媽媽真係好忙,自從細佬出左世後,每日係屋企要同時照顧哥哥同細佬,好彩哥哥都算乖,開始乜都嘗試自己做,我呢個月主力負責餵細佬飲奶就可以,哈~ 睇下呢個BB咩事個樣咁苦? 哈~ 咪因為肚餓要搵奶食囉!!!
仲記得第一胎生小周董時,因為調理得唔好,不論自己身體同埋奶量都不足,而今胎頭一星期我全埋身餵母乳,但可能因為仲未上奶,細佬B食得少,所以去健康院檢查時發現佢有黃膽情況出現,每日要入院驗血CHECK黃膽指數,所以自此之後我決定由埋身改成泵奶,至少知道佢食左幾多,但初時每次泵奶都只係一至兩安...奶量都唔算太理想。
細佬B一訓醒就搵食,就算剛剛餵完隔一陣又喊,小周董每次見到細佬B喊都會走去唱歌安慰細佬,但當佢見到細佬個咀係度搵食,就會好心急叫我要快快餵奶比細佬,哈~好明顯哥哥仲緊張過我,佢好擔心細佬會餓親。 
可能因為第二胎關係,我心情再無好似第一胎咁緊張,加上有陪月幫手日日煲湯,第二個星期我就開始上奶,第一次見到自己泵爆個奶樽,真係有莫明嘅滿足感~哈哈!!
 因為奶量開始多,唔再餐餐泵完餐餐清,我要買返啲奶袋儲起佢,上一胎從來未用過奶袋,所以邊隻好都係靠問朋友,佢地比左2-3款選擇我,有啲價錢平但唔係度度有得買,有啲網上又話有漏奶情況出現,所以問多幾個媽媽朋友意見後,我都係決定跟返奶泵個牌子,揀返AVENT呢款母乳儲存袋。
 揀佢除左因為容易買到,最重要奶袋係雙層設計,有防漏雙拉鏈封口,人奶真係滴滴皆辛苦,唔漏真係好重要呢。
 奶袋用法真係超簡單,包裝面都有說明,但最重要係泵完啲奶放入袋封口前,要先將袋入面空氣盡量排出先封口。
 每個袋都可以寫上日期時間及放入幾多ml嘅奶,全部資料都要記得MARK低,因為人奶放入冰格只可以KEEP 3個月,唔寫日期就好容易比左啲過期奶BB飲架啦。
 奶袋仲有好處係較乾淨衛生,泵完即刻放入奶袋後密封,減少接觸外來細菌。 
經過3星期努力,我嘅奶量己經足夠BB全日需要,有時仲有多可以雪做冰奶,等遲啲我返工都有足夠嘅奶,比工人姐姐餵BB飲用。
其實做媽媽後變得越來越易滿足,雖然餵人奶比起餵奶粉真係辛苦好多,亦少左好多時間休息,但只要每次見到BB食完個滿足樣,我地覺得呢一切都係值得嘅。^^

#做足準備走人奶路

#BB用品要夠實用
#母乳媽媽必備之物
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

2018年1月22日 星期一

挑戰無極限!! 限量版Smile with us HK x Kiehl's特效保濕乳霜

近排天氣時凍時暖,一樽可以持久滋潤肌膚的產品真係好重要,我一直用 Kiehl's特效保濕乳霜因為佢可以24小時全日保濕,近日仲收到佢地一份好可愛的禮物,除左有限量版Smile with us HK x Kiehl's特效保濕乳霜,仲有可摺疊水樽,萬用刀,澳洲白茅小盆栽添,大愛啊。^^
Kiehl’s 一向有贊助各類型終極探險活動的傳統,以挑戰人類的極限。今年【特效保濕乳霜】誕生12週年,Kiehl's特邀請丁子高,何超蓮,DJ Donald Jim 參與首個護膚品牌真人Show拍攝  ~Kiehl's Ultra Adventure 挑戰無極限。上天下海佢地乜都玩晒,真係好好睇。

Kiehl’s Ultra Adventure挑戰無極限真人Show足本版:
除左睇下真人show,品牌仲同慈善機構創辦人 Smile with us HK何超蓮,以 “發放微笑正能量作主題,設計咗慈善限量版特效保濕乳霜!包裝上一大個心心,又可以護膚又可以做善事幾好,特效保濕乳霜慈善限量版嘅部份淨收益捐予香港聖公會福利協會-「童」心微笑基金,支持機構喺及早識別有特殊學習需要嘅基層學童上嘅工作,透過適時評估同訓練,幫助學童及早融入正規教育中愉快學習。

南極葡萄醣蛋白

南極葡萄醣蛋白源自南極洲,這種糖蛋白*用於不同護膚配方之中,具眾多獨特優點。南極葡萄醣蛋白有效防止乾燥現象,為肌膚保濕,膚質更顯柔滑,同時令肌膚免受自由基的損害。更可在極低溫下保護肌膚,促進肌膚自然儲水。此有機物質的分子具冷凍保護性質,會在最極端環境中不斷生長。

優質橄欖油
優質橄欖油是Kiehl’s的標誌性成份,屬植物性脂質,由橄欖果提取而成,與肌膚天然油份的分子結構相似。其滋潤特性能讓它為肌膚表面形成保護層。配方中的優質橄欖油,用作溶解成份,以分解面部的化妝品和雜質,同時亦幫助軟化及為肌膚補濕。

白茅(沙漠植物萃取)

白茅植物在乾燥高鹽的環境中生長,原產自各沙漠地區,尤以澳洲內陸最為多產。白茅根含高濃度的鉀,可瞬間帶來持久的保濕效果。即使在最乾燥的天氣,配方中的白茅也能有效儲存並保留肌膚水分。據說世紀以前的澳洲土著便懂得以這種含鹽量高的沙漠植物作為鹽的替代品。

圖入面個盤小盆栽就係Kiehl's特效保濕乳霜主要成份白茅啦,啱晒我呢D想種下植物但又唔鐘意點打理的懶人,白茅只要7-10日淋少少就可以啦 ^^

Kiehl's特效保濕乳霜可以24小時一整天持續保濕,令肌膚更顯柔軟幼滑,展現健康光澤,有助減少水分流失,同時從空氣中吸取水分,用後除左感到皮膚保濕效果明顯,仲見到肌膚即時有返光澤,連面上的幼紋都減淡左不少添。
特效保濕乳霜為肌膚提供24小時源源不絶的水分,為肌膚維持水分平衡、柔滑、富光澤,最適合乾性至中性肌膚使用。第二朝起身見到皮膚依然保持濕潤。
每天早晚使用,面部肌膚望落明亮有彈性,有效擊退缺水怠倦的肌膚。皮膚得到足夠滋潤及保護,就算素顏示人皮膚都唔會太嚇親人,上妝亦都份外容易呢 ^^
Kiehl’sUltra Facial Cream
HK$295/50ml , HK$500/125ml

限量版Smile with us HK x Kiehl's特效保濕乳霜已於 201811日開售
Kiehl’s會將部份淨收益捐予Smile with us HK

以上所有產已於全線Kiehl’s專門店有售

 www.facebook.com/1437ritaandhim
感謝Kiehl’s提供產品體驗,歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)