2018年8月30日 星期四

窮遊日本攻略

我同好多人一樣都係好鐘意去旅行,去日本更加好似上左引一樣,每年都要去一去先安樂,但去旅行其實都無話一定會洗好多錢,窮遊一樣可以好happy,所以近年去旅行由開始plan訂機票酒店,都以經濟為大前提,我又好好彩有幾個肯陪我顛、陪我周圍飛的朋友,旅行腳真係好重要,大家好多野要好夾先可以飛完一次又一次,黎緊我地又plan去日本啦,但今次唔再係東京/大阪,今次大家都係第一次去鹿兒島,而家就同大家分享下,我通常去旅行點格價...點樣開心窮遊啦 ^^
窮遊第一步梗係要搵平機票啦,我要返工又點可能成日check住,所以我會Follow FB一d旅遊專頁,好多時佢地會搵到d平機票預售或者平酒店優惠,佢地會即刻出post,或者會有預告,咁我就會到時到候坐定定0係電腦前搶平飛啦!!
講明窮遊日本,要飛得夠平梗係要坐廉航啦,佢地一年總有1-2次有勁減推廣,早前我就搶到$1回程機票,哈哈...雖然話係1蚊,但其實計埋稅買埋行李一張機票大約$1500左右啦,早2年我更加搶到 $8來回,計埋晒稅同行李,每張去日本機票$1000有找,真係搶到個刻超興奮。hahaaa.... 不過 呢d幾蚊優惠真係唔多,但大家都可以follow佢地的FB留意定。
以去日本為例, 廉航除左香港快運(HK Express)仲有樂桃航空(Peach Aviation)香草航空(Vanilla Air)捷星日本(Jet Star Japan,而香港航空(Hong Kong Airlines)雖然唔係廉航但我發覺佢久不久做d推廣,價錢其實同廉航差不多,佢仲要好在包埋行李同埋少d delay起飛的投訴,所以大家都可以考慮下。



訂完機票,梗係要訂酒店啦,原來鹿兒島酒店價格相對比起大阪、東京都比較平,同埋較容易book到,我比較過幾間訂酒店的網,呢間算係頭一二位最抵,我多數都會喺呢個網訂酒店。



我就睇啱呢間鹿兒島酒店,雖然唔算超近地鐵,但我見d comment都幾好。大部份酒店都有d住客住後感,好同唔好睇留言就知得一清二楚。


我揀呢間酒店主要原因其實係因為....佢有呢類型 4人房,4個friend可以住喺同一間房,比起分2間房訂更平之餘,夜晚可以一邊飲酒一邊訓住傾計,真係特別開心架...嘻嘻



喺酒店網訂房時留意下部份房間係可以免費取消,如果想要做到最平,通常即時CONFIRM而無得取消BOOKING係最平的,不過訂之前就要自己唸清楚先決定訂邊款啦!! 
間中會有呢d信用咭優惠代碼可以平上加平,但要留意返指定日期訂房,仲要入返指定link先可以訂到,同埋未必間間酒店都用到優惠代碼,所以都係要自己check清楚啦。
唔同銀行信咭間中都有呢d優惠碼,大家自己上網搵下啦,但除左信用咭優惠碼,我都搵到一個優惠碼唔洗用信用咭都可以用到。


9%折扣優惠代碼 :EHKNHOM
預訂日期:即日至2018年12月31日
入住日期:即日至2019年3月31日
另外,去日本要窮遊當然坐JR/地鐵啦,多口都提提大家.....日本的士係超級貴,短短10分鐘路程都一定會過HK$100車資...如果真係要坐的士就記得準備日文地址,在日本用英文係比較難溝通呢。
 如果去遠D好多長途巴士都可以上網BOOK定,上次我去富士山好在早一日上網BOOK定巴士,因為如果即時買車票要等成3小時後才可以上車,BOOK左車票記得要準時,因為佢地真係非常準時開車
雖然話窮遊,但我覺得應慳則慳,應洗則洗,去旅行點都要食好D,我去日本一樣照食鐵板燒、和牛、海鮮刺身等,但建議大家食一D貴價食物可以揀LUNCH食,因為LUNCH係會平過DINNER食差不多一半架,而晚餐就可以去食拉面。
最後都係講句: 應慳則慳,應洗則洗,去旅行一定要買旅遊保,萬一有事都有個保障,以我經驗我覺得經銀行網上買係最優惠同最方便,不過未真正CLAIM過,係咪最好就真係唔太清楚呢。

以上都係一d以往我既旅行經驗,純粹同大家開心share,如果大家知道d咩方法可以玩得再慳d,再精明d...歡迎email話比我知,大家一齊交流下啊。^^
www.facebook.com/1437ritaandhim


歡迎大家給予意見,如有任何邀稿、出席親子活動或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客, uBaby Magazine駐站BloggerOpenRice(級別4)

2018年8月23日 星期四

節省時間之選,為BB加固作好準備。

小小周董不經不覺已經六個月大啦,開始進入加固期。雖然而家BLW好流行,但我係在職媽媽始終唔放心俾工人姐姐同BBBLW,所以用返傳統方法為BB進行加固,我每日就要為BB準備糊仔同粥仔,為左比BB試多啲不同食物,都要花啲心機做下妍究。
以前哥哥小周董我都無用過攪拌機,因為當時只有哥哥一個,可以有時間有心機自己慢慢切爛啲食物,但到細佬嘅時候真係覺得時間好似成日唔夠用,要陪哥哥之餘又要照顧細佬,所以當細佬開始加固前我已經決定要買返一部有蒸煮功能嘅攪拌機,上網做左好多 research,又問過好多媽媽,最後我都揀左4 1 蒸煮攪拌機,所以小小周董黎緊嘅加固期都係靠晒佢呢。

用得呢啲蒸煮攪拌機,都係貪佢夠方便,佢一機有齊蒸煮、攪拌、解凍同加熱功能,機身唔會大大部,啱晒我呢啲小型屋企用,唔會太阻地方。


食物喺攪拌瓶內可以較時間蒸熟,之後再倒轉個攪拌瓶就變成攪拌機,將食物攪爛。
轉一轉個攪拌瓶就可以切換功能,真係超方便,最好就係唔洗睇住啲火都唔駛擔心會煮燶,方便又快捷。
BB啲食物蒸煮,攪拌,解凍同加熱,可以快速完成,短時間之內就已經可以製作多款唔同嘅食物蓉,佢嘅蒸煮技術,可以確保食材均勻受熱,精華及質感都會依然保存到,唔洗擔心破壞食物嘅營飬。
 我仲記得以前要自己將啲菜切得好爛好爛....係好難同好攰,而家用左呢部機,連啲菠菜都可以打爛得好細。
整紅蘿白蓉更加可以打到超軟滑,睇見連我自己都好想食...哈哈
攪拌瓶容量為 1,000 毫升,可以同時間預備多餐份量,多左個啲我就KEEP起佢,夜晚只要蒸返熱就可以俾BB再食。所以一日其實只係用一次,清洗亦都好簡單方便,有得比較之下,我真係覺得用呢啲 41嬰兒食物處理器,真係比傳統做法又要用鑊蒸、又要切又要磨,而家一機多功能真係超簡單,十分鐘就已經可以整好一餐,真係慳返好多時間,我就有更多時間同大小周董玩啦。
小小周董加固第一次食米糊食左3日後,就開始陸續俾佢試下不同的食物蓉同粥仔,一星期同佢轉兩次不同食物,等佢試多啲不同口味,細佬都算鐘意食野,只要有野食佢都會打開個口大大慢慢食。
加固左一個月,見到小小周董明顯肥仔左不少,有時影啲相見到佢個頭好似同哥哥差不多大添,哈.....見到BB肥肥白白做媽媽當然最開心啦 ^^

#BB食得好媽媽自然心情好  #媽媽恩物 #一機多用超方便
www.facebook.com/1437ritaandhim


歡迎大家給予意見,如有任何邀稿、出席親子活動或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)

2018年8月22日 星期三

近期最愛 @KIEHL'S醫學雙維他命C抗氧亮活精華& 奶油修護晚安唇膜

女生要KEEP住皮膚好,除左要日日塗SKINCARE KEEP住皮膚最佳狀態,近排我就愛上左呢枝KIEHL'S醫學雙維他命C抗氧亮活精華,皮膚補充返足夠維他命C,塊面好似光亮左有返生氣,除左每日要塗護皮膚品,我仲會隔日做一次面膜,不過塊面OK,但都唔好忽略咀唇修護,成日唔理個咀會變得好乾仲會甩皮添架。所以其實咀唇都要做MASK,嘻....每晚用埋呢盒KIEHL'S奶油修護晚安唇膜,可以喺晚間重點修護乾唇,幫咀唇保持濕潤。日日用呢對孖寶,第日訓醒個樣都精神左好多呢 ^^


每盒奶油修護晚安唇膜打開蓋後都見到有密封紙封口,內裡的滋潤成份唔會因為接觸到空氣而流失。
唇膜配方蘊含椰子油和野生芒果油,質感好滋潤,仲有淡淡香氣,聞落好舒服。
唇膜有助平滑及軟化唇部,令雙唇更健康潤澤,仲可以滋潤及重點修護乾燥肌膚。
我仔成日個咀都勁乾,幫佢搽埋,一盒大家一齊用,感覺又抵左啦...哈哈
睡前取適量唇膜,於雙唇塗上厚厚一層,之後可以直接訓覺。或者日間按需要時(或妝前)隨時使用都得。
見到個咀原本甩皮,但用完唇膜後脫皮情況明顯改善,咀唇變得好滋潤亮澤。

奶油修護晚安唇膜 8g $210

#Kiehlshk #sleepbutter #奶油唇膜
除左唇膜近期我晚晚都用住呢枝全新升級醫學雙維他命C抗氧亮活精華,佢可以幫肌膚即時補充水分,提升光澤度,無論男女老幼、任何膚質都用得。
呢枝醫學雙維他命C抗氧亮活精華質感好幼滑,好易推開,升級配方仲蘊含12.5%更高濃度維他命C - 2%,維他命葡萄醣苷能亮澤肌膚,並有效激活10.5%純正維他命C,並新增透明質酸,即時填補細紋,提升肌膚鎖水力,持續使用顯著改善膚質、細緻毛孔及減少皺紋,肌膚回復水潤青春光采。柑橘味配方清新怡人,質感極易被肌膚吸收,柔滑無黏膩感,發揮更強效的抗氧化及抗皺修護。 
主要成份:純正維他命C、維他命C葡萄醣苷、微細透明質酸
  • 使用方法:
    • 每天早晚取兩至三泵份量於手心勻開,點於面頰、前額及下巴的位置。由內至外打圈按摩至完全吸收。可再取適量精華於重點位置重覆按摩,增強產品效果。塗抹時,肌膚可能會有微溫感。此乃正常現象。

    醫學雙維他命C抗氧亮活精華有微細透明質酸﹐有效鎖水1,000倍,好似海綿般將水分滲透表皮層,肌膚更見飽滿水潤。用後見到皮膚好似吸收左好多維他命C充滿彈性,就算素顏都顯得份外精神有光澤。

  • 而家可以登記免費試用,醫學雙維他命C抗氧亮活精華 https://bit.ly/2nhOjqC

  • 醫學雙維他命C抗氧亮活精華 50ml $605 75ml $780


以上所有產已於全線Kiehl’s專門店有售

Facebookhttps://www.facebook.com/KiehlsHongKong/
www.facebook.com/1437ritaandhim


感謝KIEHL'S提供產品體驗,歡迎大家給予意見,如有任何邀稿、出席親子活動或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)

2018年8月21日 星期二

PITERA神仙水值得入手嗎? 推薦SK-II 新手體驗套裝

PITERA神仙水到底值唔值得入手? " 相信唔少人都有呢個問題,我認為要衡量神仙水值唔值,與其只聽其他人講”好貴”、”太後生不應該用神仙水”呢D說話,不如親身試試感受下,作為SK-II PITERA多年用家,今次我就親身示範用PITERA新手套裝進行日常嘅護膚步驟。希望大家睇完呢篇BLOG,再考慮下究竟PITERA神仙水係咪值得入手?


女人其實過左18歲就要開始保養皮膚,再加上我作為一個美容blogger,所以我一直對肌膚保養都好重視。雖然講唔上咩專業心得,但我都好想同大家分享一下我的用後感。SK-II 其實一直有推出一款叫PITERA™ Full Line Set 體驗套裝  (可能大家的關注力都集中於神仙水 所以唔係好多人知道!),但呢個體驗套裝其實我覺得好抵,一個非常合理的嘅價錢(HKD 510),就可以一次過試晒SK-II四大經典產品包括護膚精華(神仙水)(75ml)、護膚潔面啫喱(15g)、以及淨肌護膚潔面乳(20g)同埋有我最想試的R.N.A. 輕盈立體緊緻精華霜(15g)。一盒有齊精華、面霜、卸妝及潔面,非常適合第一次入手這個品牌產品的新手,可以一次過試晒佢地不同既皇牌產品。
SET新套裝仲好適合帶去旅行用,一套有齊每日所需護膚品,細細支方便攜帶,幫個喼慳番唔少位架!我下一個TRIP都係靠晒佢呢 ^^
款體驗套裝3年來都無乜大改變,新版仲新增左呢款紅色系列最新的輕盈立體緊緻精華霜,嘻, !!!
首先簡單介紹下呢盒體驗套裝同幾個簡單既護膚步驟啦!
STEP 1 護膚潔面啫喱、淨肌護膚潔面乳  
要護膚效果好,必先清潔好肌膚。我覺得SK-II 既潔面啫喱唔錯,可以卸清底妝唇妝,不過如果有用開mascara 就最好多卸2次。潔面乳我鍾意佢唔痴笠笠,洗完面依然清爽。

STEP 2 爽膚水 (不是神仙水!)
因為體驗套裝無包含爽膚水,所以我會用自己的爽膚水,最近去完韓國旅行,所以用緊韓國買返黎的爽膚水,其實大多數爽膚水都可以溫和地清除老化角質,並能徹底潔淨肌膚,讓後續使用的護膚品吸收得更好,所以洗面後記得要用啊。


爽膚水可以好似我咁直接用手拍上,先輕輕拭擦T區比較容易泛油的位置,接著從下巴向腮骨,再向上拭擦至面頰位置,最後拭擦頸部。早、晚潔面後都一定要用。
STEP 3 護膚精華(神仙水


神仙水蘊含超過90% Pitera™,佢有獨一無二的配方,幫助調節肌膚更新週期, KEEP住年輕肌膚。只要一直持久使用皮膚可以有明顯的改善和提升,色斑不再明顯、有效減淡細紋及皺紋、膚質變得更細滑、更緊緻,同有保濕功效,真係一枝多效!
店入面既Beauty Advisor姐姐 教我用神仙水一話用化妝棉效係最好
~但我自己就冇跟,因為太麻煩(而且感覺很浪費..)然我都知道用左係D,但我實太懶,好趕既我都係用手拍上面...嘻嘻!!! 但當我遇著皮膚狀態唔好我就會將神仙水倒滿化妝棉MASK咁敷10-15分鐘用完之後見到肌膚即時變得晶瑩剔透。
最後一個STEP  SK-II R.N.A. 輕盈立體緊緻精華霜
精華霜顏色為乳白色質感係CREAM搽係面上好容易推開,而且好容易被皮膚吸收,仲有一陣淡淡的清香味道,訓覺之前用覺得特別舒服 ^^

用上手試試一搽上手覺得好滋潤用後手上幼紋即時減淡左好多新的SK-II R.N.A. 輕盈立體緊緻精華霜質感天輕盈,鞏固自身膠原蛋白結構,10天緊緻輪廓使用1瓶,明顯減淡皺紋。
今次呢一個新套裝入面,SK-II R.N.A. 輕盈立體緊緻精華霜係全新產品,亦都係我第一次試用。精華霜即時提供高度補濕而且提升效果做得好好用後成塊面既輪廓都變得緊緻左。最驚喜係去紋效果真係非常明顯,虎紋位置減淡左好多,成塊面向上提升左。輕盈版同以前既R.N.A.立體緊緻精華霜相比,其實我兩款都好鍾意,但係我更鍾意呢款全新既輕盈版,因為佢質感真係好輕好舒服!
用左一段時間,只要做齊4STEP,見到皮膚真係有美肌效果,改善到皮不同問題,令我覺得呢SET SK-II PITERA™產品係物有所值。

不過如果大家想知邊款產品會特別適合你,我建議大家去SK-II 專門店預約做個簡單既肌膚測試,做完之後BA姐姐仲會送你一包試用裝,試岩覺得不錯先入手,或者好似我咁,先入手體驗裝再試試清楚先。預約好簡單,click一下link就可以喇:http://bit.ly/2Msenxo

呢個肌膚測試我真心推介,因為佢冇hardsell,而且將肌膚分析做得非常仔細,重點係可以測試你既肌齡係咪同真實年齡一致,想揀真正啱自己既產品,呢個分析真係好有用架!
最後我的總結係,如果遇到適合自己的護膚品,適當既投資我覺得絕對值得,神仙水可以令到肌膚由底改善,仲可以令之後搽既任何護膚品都更加吸收,所以女生們絕對值得入手的其中一款護膚產品。 其實SK-II 產品一直咁受歡迎絕對唔係只因為代言人或者廣告,因為本身佢D產品真係做到神級效果 (所以我都已經持續用左好幾年),佢真係可以幫助改善到我的肌膚各種問題,所以真心推介比大家呢。^^
#神仙水 #SKII
www.facebook.com/1437ritaandhim

感謝SK-II 提供產品體驗,歡迎大家給予意見,如有任何邀稿、出席親子活動或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別4)