今時今日小朋友真係可以有多項發展，做家長除左想小朋友身體健康，亦都想佢地心理上都可以同樣健康，所以上星期我就帶左小周董去位於銅鑼灣Optimize Wellness Center 優兒活，中心致力提升兒童的身心健康，預早發現或提防小朋友身心上的問題，等小朋友可以更加健康快樂地成長。
上到去優兒活中心，環境佈置簡潔舒服，先叫我填上一d基本個人資料，等一陣見顧問時可以更省時及方便日後跟進。
入到房間見顧問，感覺有少少無間道梁朝偉見Kelly的感覺，哈哈哈~ 不過顧問好專業，會先問小朋友一d簡單問題，等成個氣氛都變得輕鬆，你見小周董同顧問傾到笑笑口，小朋友好快就熟悉左環境，可以開始做分析。
呢部就係來來自德國的TimeWaver，只要將手放上指定位置，儀器就可以透過人體發出的頻率，分析人體身體內的種種身心健康狀況，整個過程只需要幾十秒，完全無痛無感覺，小朋友亦可以輕鬆做到。有關呢個儀器的詳細資料可以參考以下網址：https://timewaver.com
透過TimeWaver Med可以配合不同程式，從身體、心理，意職作出一個全面的身心檢測。
TimeWaver頻率調整可以將身體優化到理想水平，加上透過專業的身心健康咨詢服務，建議最佳的改善健康及管理情緒方法，可以幫助兒童健康成長及開發不同的潛能，協助兒童提升學習能力，輕鬆面對考試及測驗。
結果只要等1-2分鐘就可以透過電腦分析到出來。顧問會講解小朋友身體、心理或情緒等指數，因為如果指數出現左問題，極有可能影響兒童的身心健康發展。
小周董現在3歲半，暫時各方面發展都尚算平均，未見到一d好特別既天資，亦無特別缺陷，身心都表現健康，哈~ 作為家長只想自己小朋友有一個正常的發展，對於我來講己經係一個好消息了。
電腦更可以分析小朋友潛能，發現小周董係創造力方面係比較弱，我回想返又好似係，平時小周董玩LEGO都無乜太大創意，只會不停砌高，呢方面佢的確比較弱。
儀器仲檢測到小周董近排口腔位置有少少問題，OHHH 係喎, 佢近排有D咳同喉嚨痛，估唔到儀器真係連身體狀況都可以檢查出來，預早知道身體上問題，自己就可以多加注意或及早求醫吧!
小周董做完分析，到我做，中心真係好細心，知道好多家長都會同小朋友一齊來，顧問想同家長詳細傾計時，家長要照顧小朋友就好難專心傾計，所以中心內有一間遊戲室，比小朋友入去玩玩具，咁我就可以安心同中心顧問傾計啦 ^^
除左透過TimeWaver Med分析，顧問亦會問下你近排的身體或心理狀況，顧問都有臨牀心理專科經驗，講講下真係會講左好多心底話，同埋近期D唔開心事出黎，顧問除左透過儀器分析亦會加以安慰，真係好貼心。
分析見到我的情況明顯無小周董咁平均，腸胃問題亦在電腦分析出來，真係好準，我不嬲腸胃都麻麻地。
發現到有問題，電腦仲可以進一步分析你身體每一個小部份，檢查出邊度最大問題，除左腸胃問題，亦分析到近來我壓力較大，所以中心亦都會提供相關服務可以改善我的問題。
好似小周董咁，頭先提及到佢創造力發展一般，中心就建議佢做一個Creative Program，優化創造能力的治療，主要透過微電流，修正人體需要改善的頻律，加強小朋友創造力方面發展。
只需要小朋友帶上儀器，過程完全無痛，所以小周董都無話特別抗拒，仲可以笑笑口同我合照。
中心仲好細心，會提供圖書比小朋友看，等佢可以靜靜享受呢20-30分鐘療程。
越坐越舒服，小周董仲開始想訓覺添 HAHAHAAAA
呢個時候中心姐姐送上一隻BATMAN比小周董玩，小朋友有得玩即時醒晒，中心所有顧問都好有愛心及耐性呢。
療程前後都需要補充水份，因為微電流都係流過身體水份運行。不過最後都提一提大家，如果懷孕、曾接受器官移植、 精神病患、身體需配帶有電子醫療儀器的人士都唔太適合使用TimeWaver Frequency。
係香港真係不論大人或小朋友身心都可能有機會出現問題，預防勝於治療，早D知道問題所在，無事可以令自己體內能量更正面，有事就更加可以及早治療或求醫，所以大家千其唔好忽視身心健康呢，如果大家對以上服務想有多D了解，歡迎直接與Optimize Wellness Center 優兒活聯絡。
Optimize Wellness Center 優兒活
地址 銅鑼灣糖街29-31號匯景商業中心22樓
電話 2177 7683
感謝優兒活提供療程體驗，歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips, U Blog, iTrial, Esdlife靚太club, QOOZA, Mybb.com, ClassesWePlay星級blogger, Mamibuy駐站部落客, OpenRice(級別5)
沒有留言:
張貼留言