打造超自然唇色 @REVLON URTRA HD高清原色啞緻唇膏液

早年個個女仔隨身一定要有一枝LIP GROSS, 個咀一定要閃令令先叫靚, 但近年己經越來越流行啞色唇色, 好開心今次可以體驗REVLON最新推出左URTRA HD高清原色啞緻唇膏液, 即時同大家分享下有幾好用先 ^^

 REVLON URTRA HD高清原色  啞緻唇膏液有8個顏色可供選擇, 總有一枝適合你呢 ^^

唇膏液細細枝可愛流線外型, 放係手袋SIZE剛剛好, 打開蓋後有一陣強烈的雲妮拿味飄出來, 岩晒各位"甜"姐兒, 唇掃柔軟, 設計成倒三角型, 塗上時可以方便控制, 今次我收到的顏色係600 HD DEVOTION, 淡粉紅色好配合我膚色.

有時番工太趕連妝都無時間化, 但如果唇膏都唔搽, 結果就好似我咁.....面青口唇白 >.<

URTRA HD高清原色 啞緻唇膏液, 塗上咀時唔會好似平時搽LIP GROSS咁有好水既感覺, 但質感順滑柔軟，唇膏液好處係好容易推開, 唔會好似塗唇膏有時會有好乾既感覺

唇膏液採用獨有的100％無蠟啫喱技術，質感好貼服柔軟，比起同類產品更上色, 所以搽完後我都覺得非常顯色, 霧面感覺加淡淡粉紅唇色超級自然, 仲有少少豐唇既感覺添 ^^

再比大家睇清楚前後分別, 因為我唔算搽得好厚, 所以唇色真係好自然, 可以輕易打到一個柔滑啞緻霧面妝感.

揀一枝對既唇膏液顏色其實好重要, 600 HD DEVOTION呢枝顏色同我好夾, 令到我連面部皮膚都顯得比之前更白, 好開心呢.

最後估唔到唇膏液持久度都幾高, 我LUNCH TIME後塗上唇膏液, 4個鐘後放工時再望望個唇色, 都無乜點甩到, 效果咁好價錢仲要咁親民, 抵佢成為今期最紅大熱唇膏液呢 ^^

Revlon Ultra HD Matte Lipcolor™ 高清原色啞緻唇膏液 

建議零售價 HK$108

各大屈臣氏、萬寧及莎莎彩妝自助專櫃有售

大家有任何意見或產品試用歡迎與我電郵聯絡: ppqq1437@yahoo.com.hk 

歡迎Follow FansPage: www.facebook.com/1437ritaandhim

其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA, iTrial, openrice...等