天然無菌家居全靠Better Life天然清潔液

天氣成日轉變，我地全家又鐘意成日周圍去，屋企其實有好多細菌我地睇唔到，作為媽媽除左想全家開心，更加想全家都可以健健康康啦，早前好開心收到由本地優質健康營養超市FoodWise，提供比我體驗佢地旗下著名天然清潔品牌Better Life的七款家居清潔產品，產品由美國製造，不含有害及化學物質，就算我同小周董一齊做家務，都可以放心比小朋友用上。

整個系列包括 : Better Life多用途天然清潔液、天然嬰幼兒日常清潔液、天然地板清洗液、天然玻璃清潔液、天然碗碟潔淨液、天然去漬洗衣液 及 天然除臭除污劑。

真係多謝PR的細心，成個包裝真係好靚啊，小周董見到同佢個人差不多大盒禮品，佢仲興奮過我，每一枝都問我究竟係咩來架? 

小周董2歲左右我就要佢充當家中小幫手，一D簡單家務都係由佢負責，所以佢見到呢一大SET清潔用品，好似仲開心過見到車車，因為佢呢個小幫手又可以出場喇 ^^

好啦~ 首先比小周董用呢枝天然嬰幼兒日常清潔液(建議零售價：HKD63.9) 來清潔佢自己D玩具啦，清潔液不含化學物，不含揮發性有機化合物，不含有害成份、致敏原及刺激物等，天然嬰幼兒日常清潔液採用全天然植物萃取，成份來自自皂皮、椰子及粟米油，能悉心呵護孩童的肌膚，所以絕對安全，我當然好放心小周董用呢。

只要一噴一抹即可，毋需過水，清潔後不殘留任何有害物質，就算BB (其實小周董而家有時都會)成日將D玩具放入口，亦相當安全。用途廣泛，適用於嬰兒用品，如嬰兒床、玩具、牆壁、床墊、嬰兒車、汽車座椅等。除左以上用途，仲有好多不同用法，使用方法亦都好簡單：
1. 去除嬰兒口沫痕跡：一噴一抹即可，毋需過水
2. 清洗嬰兒衣物前護理：先在污漬上噴上適量清潔液，再放進洗衣機作一般清洗

另外，天然除臭除污劑(建議零售價：HKD59.9) 同樣不含有害成份及刺激物，用途廣泛，適用於皮革及布藝服裝、鞋履、手袋、地毯、健身用具及傢俬等，直接噴上就可以，並用濕毛巾吸乾，毋需過水，必要時重覆進行以上步驟，使用簡單實在是居家清潔法寶必備之一。

遇到家具物料中蘊藏異味及污漬，一支Better Life天然除臭除污劑就做到一物二用，自然揮發去除異味，逐一將污穢的地方消滅，我每星期清洗完垃圾桶後都會用佢，用來去除臭味。亦可以作洗衣前護理，而且不傷衣物纖維及顏色，先在衣物噴適量清潔劑，然後即可放進洗衣機清洗便可。

至於Better Life多用途天然清潔液 (建議零售價：HKD63.9) 非常萬用、方便及快捷，以天然成份潔淨各種家居表面，一噴一抹即可清潔油膩污穢而不留條紋，真係啱晒我地呢D忙碌的媽媽們。

多用途天然清潔液適用範圍廣泛，包括洗水間、牆身、地板、桌面、櫃櫥、爐頭、洗手盤、磁磚等。我用過來清洗爐頭估唔到去油功效咁好，抺2下己經輕鬆清除到煮飯後的污積。

不含化學物或可生物降解，不含乙醇、硫酸，不危害家居環境，特別適合我呢D有小朋友或者有寵物的家庭使用。

好多朋友都知我本身敏感皮膚，但做媽媽點都避唔到要洗碗，用上呢枝天然碗碟潔淨液(建議零售價：HKD57.9)，因為佢成分天然提取自粟米、椰子油、檸檬酸及蘆薈葉等植物，可作生物降，仲有含極高維他命E及蘆薈成份，絕對適合我呢D敏感肌膚使用。

天然碗碟潔淨液起泡效果不錯，容易洗掉碗碟上的油漬，而且成份係全植物萃取自椰子、粟米、檸檬、檸檬草、薄荷葉及西柚，小朋友用具始終用天然成份潔淨液，就最安全啦。

除左以上產品，Better Life仲有天然玻璃清潔液 (建議零售價：HKD58.9) 極強的潔淨力，一抹即把玻璃表面變得光亮潔淨，不帶水漬。不單能應用於任何玻璃，而且包含所有鏡面及阿加力膠面。直接一噴，以濕布拭抹，毋需過水，好用又方便。

天然地板清洗液 (建議零售價：HKD63.9) - 不釋出有毒化學物及不殘留地板表面，不含有害成份及刺激物等，天然植物萃取，適用於木、竹、磁磚、合成物料等地板，最大好處係毋需過水，即時抹乾地板上的所有污漬，同時避免因強勁的化學物料侵蝕及破壞地板的物質，地板即時變得光潔亮麗 ^^

天然去漬洗衣液 (建議零售價：HKD149.9) 一打開蓋己經聞到陣陣香橙、西柚果香及薰衣草花香，大大枝但原來係 4倍超濃縮洗衣液，每次用1個容量蓋的份量就己經可以洗一大機衫，而且同樣不含有害成份及刺激物等，不傷衣物纖維及具護色功效，打破傳統含有致癌物質的磷酸鹽及螢光增白劑，以天然的配方強力去除衣物上的頑固的污漬及異味，保持高效潔淨度，有效殺菌，又不損衣物纖維，令衣物柔軟舒適。

Better Life一系列天然清潔液用上手好簡單，清潔效果都好好添，真係夠晒方便又天然，現在正值踏入流感高峰期，周圍都係細菌，我地做媽媽唔想家人受到感染，就要經常保持家居整潔衛生，而家用左Better Life一系列天然清潔液，輕鬆方便就可以打造一個天然無菌的健康家居啦 ^^

Better Life每款產品天然又好用，大大枝但價錢非常大眾化，有興趣朋友可以去以下零售點或上網購買啦 ^^

西營盤店 : 香港西環西營盤德輔道西234-242A號湀昌大廈地下A-C號舖

將軍澳店 : 將軍澳唐德街1號將軍澳廣場2樓 075-076&087號舖

http://foodwise.hk/

#FoodWise  #BetterLife  #天然  #草本萃取  #無毒害 #安全環保  #清潔劑  #嬰幼兒清潔劑  #除污劑

www.facebook.com/1437ritaandhim

感謝FoodWise提供產品體驗，歡迎大家比下意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com,  Oh爸媽、24partent駐站blogger, OpenRice

有效減淡眼紋 @JaneClare眼部保濕啫喱及EyeCream

香港人無時無刻都好忙，夜晚訓得唔好，對熊貓眼長期跟住我，講真就算我幾努力化好個妝，如果雙眼無精神又乾又大黑眼圈，個妝幾靚都無乜用，所以今次好開心可以體驗JaneClare 皇牌的眼部產品，改善我眼部多個問題。^^

呢2款皇牌眼部產品就係HA 眼部保濕啫喱及明眸修護霜，包裝一樣，但質感同功效都有唔同分別，不過如果一齊用效果就會更理想 ^^

 JaneClare 係100% Made In Hong Kong 的護膚品牌，所有產品都會在盒上註明不含有毒化學成分，無添加化學防腐、塑化劑，係夠晒天然，所以連兒童及孕婦都適合使用。

 HA 眼部保濕啫喱，15ml，$528，呢枝仲要係加強版，功效加倍呢 ^^

用上手感到非常水漾，高滲透啫喱，配合珍貴中藥，能激活年輕細胞和膠原再生，同時保濕鎖水，迅速提升眼周肌膚、減退幼紋。馬尾草控制油脂，當歸、田七能促進淋巴和血液循環，改善浮腫眼袋及黑眼圈，讓眼部肌膚全面回復緊緻細嫩，水潤動人。

 取珍珠大小份量的眼部啫喱，再輕輕拍上眼部四周，用上手己經覺得滲透度好高，好快就被皮膚吸收。建議配合明眸修護霜使用，能減淡眼紋及眼袋問題，全方位解決眼部棘手問題。

 如果冬天我覺得2枝一齊用，的確可以令到雙眼加倍滋潤，明眸修護霜 15ml，$548

Eye cream乳白色，質感較重，較滋潤，加入左宮廷珍貴中草複方，激活新陳代謝，促進眼周的淋巴和血液循環，撫平細紋、擊退浮腫眼袋及黑眼圈。豐富真絲蛋白成份，能提高眼部皮膚彈性，緊緻肌膚，為你重塑閃亮攝人的明媚眼眸。

眼霜非常容易推開，即時己經感到滋潤度好高，相信絕對可以減淡眼紋及眼袋等問題，全方位解決眼部棘手問題。

2款眼霜一齊使用後，手上幼紋即時減淡左好多，見到皮膚充滿光澤。

用上手都咁好用，當然要即晚用上眼試試啦。有眼紋的朋友記得搽眼霜唔好再用拖拉的動作，咁只會令到眼紋越來越嚴重，要用按壓手法，咁眼霜先會更容易吸收同埋防止眼紋繼續惡化。

為左比大家睇清楚效果，素顏無P圖照又要出場~抱歉抱歉!! ^^ '' 我左眼不嬲有一條好深的眼紋，2枝眼霜同時使用後，見到左眼條眼紋真係即時減淡左好多，而且滋潤度好充足，就算遇上天氣乾的日子，雙眼依然電力十足，完全唔會有乾的感覺，我建議冬天或者平時夜晚，可2款眼霜同時使用，咁就可以一整晚保持住雙眼滋潤，如果夏天或者日頭使用的話，我個人覺得只用HA眼部保濕啫喱都己經足夠了。

其實 JaneClare產品我唔只介紹過一次，因為真心覺得好用，而且仲知道Laboratory JaneClare 在新蒲崗自設無菌生產線，採用『超純水過濾系統』、『音樂淨化系統』和 『GPS天然保質系統』等設備，並且獲得GMP認證，代表廠房的生產過程（包括：原材料採購、生產控制、和品質管理等等）完全符合ISO22716的嚴格要求，所以JaneClare推出的產品全部都咁高質素呢。

最後提一提大家，早前JaneClare推出左一個活動係收集大家意見嘅美麗行動，只要簡單登記，即可用 $98 手續費，優先換領一套三件裝((價值1,254元)) 限量「 美麗旅程」護膚套裝。http://bit.ly/2lEYCWJ

呢套SET裝真係抵到喊，所以我唸應該好多朋友都己經換購左啦，JaneClare 呢套超抵產品真係好評如潮，喜歡這些產品的朋友，記得留意JC 近期發給你地的電郵，只要填回一份用後意見，就可以在30日內在JC 網店以 7折購貨。機會難得啊！可以用7折試用其他產品，今次我介紹呢2枝眼霜你地都可以用7折就選購到~ 或再買之前SET裝個3款產品都一樣有7折啊~ 咁抵唔好錯過呢個機會換平貨啦 ^^

www.janeclare.com

www.facebook.com/janeclareofficial

www.facebook.com/1437ritaandhim

歡迎大家比下意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com,  Oh爸媽、24partent駐站blogger, OpenRice

順從孩子意願，玩具無分性別。

我好開心亦好幸運小周董出世至今，唔算特別曳亦唔算特別難教，最開心仲要個樣同我好似，哈哈哈~ 其實我本身無特別鐘意生仔定生女，但BB個樣咁似自己，有時真係忍唔住幫佢帶下頭飾~ 哎呀!! 好攪笑...好可愛啊!!! (哈~Sorry我都有"全世界阿媽都覺得自己仔女最得意病"...哈哈)

嘻~我的基因強大，小周董越大越似我，餅印母子....(帶左頭飾其實真係有DD似母女~哈哈  )

不過唔知係咪小朋友每次見到帶完頭飾時，爸爸媽媽就會笑得特別開心，攪到佢有一排成日自己話要束頭髮同埋帶頭飾，工人姐姐幫佢整完個頭，佢不知笑得幾開心....我地見佢玩得咁高興，無乜太大阻止佢，不過老人家見到就唔太鐘意，所以大左就唔再玩lu。

小周董開始大，多左去朋友屋企，PLAY GROUP同埋返N班，我地開始了解到佢性格，任至喜好，發覺到原來佢係一個唔鐘意車的男孩，因為平時如果有一大堆玩具比佢選擇，佢會揀同公仔BB換衫，或者同小熊傾計，都唔會拎起一架車車玩。

到接近2歲時，小周董仲多左個興趣就係煮飯仔，去到邊只要有煮飯仔玩具都會玩足30-45分鐘，好投入。但當佢D興趣好似同其他大部份男孩子有分別時，身邊就總會有D朋友、親戚，曾經叫過佢: " 哎呀~ 公仔唔係男仔玩架，煮飯仔女仔先玩架，你玩車車啦~睇下呢架...個架....車車幾靚、幾有型!"

而做媽媽的我為左......唔想個仔好似好"特別"，同埋心唸唔知係咪佢BB時同佢玩過頭飾，攪到佢連玩玩具都偏女性化呢? 所以我曾經努力嘗試比好多不同款車仔佢玩。但...小周董每次玩的反應就係.........呆!!! 好似玩呢架"名車"，其他男仔玩到非常興奮，佢就木目表情玩左3分鐘...之後就大叫要落車，唔玩 =.=

Umm....可能自己一個玩唔開心，搵埋朋友仔一齊玩車可能會好D? 但結果....佢連隻腳都唔想踏入架車入面=.= 全程做出一個想要逃跑的姿勢...哈哈

次次同佢玩車玩機械人佢都唔多開心，所以我自己都開始有疑問，點解男仔一定要玩車? 點解男仔就唔可以鐘意粉紅色? 所以我決定上網做下RESEARCH，發現小周董的情況並唔罕見，好多媽媽都有我呢個經驗，不過有唔少媽媽會選擇強迫性主導小朋友興趣，例如完全唔買任何所謂的女仔玩具，屋企全部只有車、機械人、超人玩具等，小朋友無得選擇之下，自然就會愛上玩車呢d男仔玩具。

但我睇左幾篇文章都提及到好多研究報告指出，其實目前部分玩具都仲有被標籤「性別」，例如醫生、司機職業玩具上會用男孩頭像，護士、老師職業就用女孩頭像，咁樣原來好容易會導致兒童長大後產生「性別成見」，甚至影響兒童對於事物及長大後職業的選擇，玩具中存在著「性別成見」或者會對小朋友帶來深遠的影響。

其實不同的玩具對兒童學習都可以產生不同作用：例如煮飯仔可以鍛鍊複雜順序的思維，容易與人分享；玩洋娃娃可培養看顧別人的能力，激發語言學習，培養同理心；積木可以培養空間感，有助於養成基礎的算術思維等等... 所以玩具應該是無分性別的，等如女孩喜愛玩車，亦可以訓練手眼協調、想像力什至交通安全及不同車輛名稱等知識。

睇完一D專家分享我忽然覺得做父母其實唔應該強迫小朋友興趣，有時可能真係唔需要在乎太多外人的說話及目光。反正男孩子玩別人眼中女仔的玩具，暫時一D深遠影響我仲未見到，小周董鐘意玩公仔，唔知係咪咁令到佢日常生活中增加左同理心，公園見到有小朋友跌親佢會走過去扶起身，學校見到同學仔喊佢會問老師拎紙巾，幫同學仔抺眼淚，呢D表現都令我地覺得好感動。

而佢鐘意煮飯仔，對食物特別感興趣，所以同時好早就己經認識到不同食物的中、英文名稱、顏色等。

當然教導小朋友或者配合小朋友某種需要，我覺得倆夫妻都要有一致的共識，同埋大家齊齊作出適當的協調。就好似今次呢件事，我網上做過一D簡單RESEARCH再同爸爸慢慢溝通，我同爸爸都認同應該隨著小朋友興趣走，小周董鐘意煮野食，我地就早D比佢接觸真實食物，順便可以教導佢不同食物或調味料名稱，什至教導埋佢個人衛生、珍惜食物等知識，所以其實男仔玩煮飯仔都無咩唔好啊 ^^

最後我想講其實每一個小朋友都係獨一無二，每個人性格、喜好都唔一樣。作為新世代家長而家可以透過不同途徑接收好多不同信息或意見，有時真係要懂得"過濾"，因為未必全部資訊或意見都是適合自己的，聽得太多提點，作出太多比較，辛苦自己又辛苦小孩，最重要爸爸媽媽自己達成共識，一家人開心健康才是最重要呢 。

所以我覺得玩具應該係根據小朋友的喜好而揀，而唔係根據佢地性別，小朋友仲細，父母有時如果可以放手比佢地自由發展，可能會對佢地成長更有幫助，不同玩具只要家長在旁同佢地一齊玩，從旁教導，小朋友同父母一齊，就算只係玩隻臭襪都可以好開心呢。^^

嘻~有感而發，抱歉文章有點長，歡迎大家比下意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com,  Oh爸媽、24partent駐站blogger, OpenRice

www.facebook.com/1437ritaandhim

超自然水光底妝 @SHISEIDO 智能感應潤澤粉底

我相信大部份OFFICE LADY，都感到其實長期係OFFICE工作，皮膚好容易就會被抽乾水份，以往每隔2小時就要噴下保濕噴霧，否則個妝食完個LUNCH就會溶得7788，不過好開心今次可以體驗SHISEIDO最新智能感應潤澤粉底 Synchro Skin Glow Luminizing Fluid Foundation 質感水凝清新，粉底配合長效補濕配方， 令到肌膚長時間水潤，返工全日都可以KEEP住水凝亮澤既粧容，太正啦!!

智能感應潤澤粉底有10 種色款，可以滿足不同膚色的需求，我就用上Neutral 2，色調感覺較亮白自然。

粉底樽身設計流線型，簡單得黎不失時尚感，泵裝設計，方便使用。

我先將粉底塗於手上比大家睇下質感先，一上手己經感到非常濕潤，因為粉底應用左超卓生物補濕網絡技術，首次加入摩洛哥堅果油及柚籽精華，能預防乾燥造成的脫皮及粧容不勻。每次使用粉底，均能感受柚籽精華的高效修護力量，確保肌膚製造充足天然透明質 酸，提升肌膚自我創水能力。

加上粉底配合埋透明遮瑕複合物及透明色素 EX ，有效改善膚色，修飾瑕疵，與膚色自然同步，實現自然無瑕亮肌。 揉合光感平滑珍珠粉末，能填密粗大毛孔、幼紋 等不平滑處。塗完後見到右邊手上的幼紋同埋藍根，比較左邊手位置明顯減淡左好多，證實遮瑕效果十分理想。

急不及待用上面試試效果，見到用之前皮膚粗糙，而且好多暗瘡疤，使用方法好簡單，只要係使用前先搖勻。完成護膚程序後，可簡單以手直接塗抹，由面部中央向外塗開， 於瑕疵部位使用較多分量以作修飾。

感受到粉底好水漾，上面後感覺到好幼滑，而且非常容易推開，我只係簡單用手塗抹，唔需要額外用工具都可以輕易上粧。 粉底仲有防曬 SPF20PA++，在OFFICE內已經足夠防禦紫外線。

粉底專利光感調節粉末及亮肌粉末，可按照肌膚狀態轉變，與肌膚狀態同步，有效地調節光線折射效果，保持零油光不黏膩，而且修飾瑕疵做得非常好，我本身d暗瘡疤用後變得不再明顯，成個妝都好貼服自然 ^^

用左 SHISEIDO全新智能感應潤澤粉底真係長時間都有水光的感覺，佢有長達8 小時水潤效果，返工全日個粧都依然KEEP到，同事仲讚我好似容光煥發左添，真係好鐘意智能感應潤澤粉底比到我一個又貼又自然既水光底粧。

智能感應潤澤粉底 Synchro Skin Glow Luminizing Fluid Foundation
價格: HK$350 / 30ml (全 10 色)
於香港及澳門全線 SHISEIDO 有售
www.shiseido.com.hk/

www.facebook.com/1437ritaandhim

感謝SHISEIDO提供產品體驗。歡迎邀稿或其他產品試用，電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com,  Oh爸媽、24partent駐站blogger, OpenRice