顯示具有 台北之旅 標籤的文章。 顯示所有文章
顯示具有 台北之旅 標籤的文章。 顯示所有文章

2016年3月1日 星期二

台北隱蔽親子主題餐廳推介 (熊貓主題餐廳)

早前己寫過一篇分享文介紹過親子旅遊新手媽媽準備及台北酒店推介, 上次介紹完台北"住", 今次當然講下"玩"同"食"啦~ 同一個2歲小朋友親子旅遊, 佢乜都唔識玩, 所以去木柵動物園都算係指定動作囉, 去動物園交通又方便, 捷運坐到去動物園站, 行5-10分鐘即到. 門票仲要超平, 為反HK$都係廿幾蚊....廿幾蚊玩足一日, 真心要比十個LIKE佢啦 ^^
木柵動物園係台灣最大動物園, 呢度夠多動物, 部份仲近到隔住塊玻璃可以同動物SAY個HI, 但最重要都係地方夠大, 岩晒只要有得比小朋友們喪跑, 佢地就己經夠開心囉,
但...跑還跑小朋友有得玩唔識攰, 但大人真係無咁好精力, 同佢跑左3個鐘我己經無左半條命, 正式去搵食啦.

其實我自己都去過呢個動物園幾次, 加上我身邊都好多朋友去過, 最攪笑係我有個台灣朋友都去動物園N次, 我問佢地去動物食過乜? 佢地都只係食老麥同埋快餐車上面D熱狗同雞脾, 當我話比佢地知原來熊貓館上面有間主題餐廳, 原來好多好多朋友都唔知, 可能無乜宣傳, 同埋熊貓館亦無乜大指示話比人地知有餐廳, 所以今次就等我來推介比大家啦,

熊貓館分2層, 一樓就當然係睇熊貓, 電梯上一層就係買經念品同埋主題餐廳啦, 好多人覺得主題餐廳一定好貴, 我亦都係咁唸, 但我地抱住八掛既心態望下個餐牌, 點知....OHHH....太SUPRISE啦, 一碟意粉為反HK$60-80, 咖啡或果茶HK$30-50, 價錢絕對大眾化, 唔洗唸啦~GO GO GO
主題餐廳點餐就好似香港大X活 / 大X樂咁, 去收銀櫃買野再排隊, 比張飛仔吧枱等食物. 爸爸負責買野食, 我同小周董周圍參觀下啦, 一入餐廳一排SOFA椅, 每張枱都有一隻大熊貓公仔陪食, 真係好好~~~好得意啊, 我D童真都出反黎, 我同阿仔齊齊狂啜隻公仔十幾廿啖....哈哈(...我估好多人好似我地咁情不自禁, 我相信隻公仔入面應該有幾萬人既口水)HAHAAAA

再行入D就唔係熊貓區, 我自作個名叫熱帶森林區啦, 因為放左幾隻獅子公仔、馬騮公仔等
仲有一隻超~~~超~~~超大隻長頸鹿, 同埋牆上畫滿好多好靚既森林圖畫, 真係感覺身處森林當中咁, 環境真係好特別好靚
親子餐廳推介, 餐廳當然有唔少HIGH CHAIR供應 (做媽媽先會感受到, 想食餐安樂茶飯, 一間餐廳有一張好的HIGH CHAIR係十分重要, 否則阿仔坐唔定, 自己都無餐好食呢=.=)
其實我地去動物園個日場內好多人, 但餐廳出奇地少人, 我相信好多遊客未必知道有間咁好既餐廳, 嘻~可能佢地仲坐緊係街邊食緊老麥...哈哈

由於大家都太肚餽, 我地極速食晒2碟意粉, 完全唔記得影相介紹比大家SORRY >.<  唯有用下大家想像力啦~嘻, 食物味道都算OK, 超好食一定唔講得上, 但一定合格, 物有所值, 我地叫左個蕃茄意大利飯, 味道較濃, 小周董唔鐘意重口味, 食左個白汁意粉, 因為味道淡D仲有肉又有西蘭花伴碟, 好味又健康, 佢一個2歲人仔食左大半碟!!
飲飽食醉坐足2個鐘, 抖足精神又再出發睇動物啦, 小周董好唔捨得餐廳入面D大公仔, 所以臨走前再同熊貓來個GOODBYE KISS...我地都PROMISE佢下次一定會同佢來過。
你地睇完呢篇分享文歡迎SHARE比你地身邊朋友, 等佢地唔洗去動物園要大排隊坐街邊捱漢堡包咁陰公呢^^

歡迎邀稿或其他產品試用，電郵聯絡: ppqq1437@yahoo.com.hk 
其他BLOG分享包括: 
張貼者： 於 沒有留言:
標籤： , ,

2016年1月28日 星期四

新手媽媽同BB去旅行準備及台北酒店推介

自己去旅行去得多, 但對於我呢個新手媽媽想同仔仔去旅行, 對BB去旅行既知識係"零", 所以周圍不停問朋友, 網上搵資料用左我好多時間, 希望呢篇BLOG可以幫到同樣係新手媽媽既你, 因為資訊野較多, 可能今次文字會較多.

首先講下因為爸爸無假期, 我又好想在小周董 2歲前去一次旅行, 所以去check下台灣機票幾錢, 直接上長榮航空網頁睇下, 台北機票$850(未連稅), 嬰兒(2歲以下)$140(未連稅), 係機票咁抵既情況下, 決定同小周董第一次坐飛機~ 我們的台北之旅即將開始 ^^

長榮航空網頁: http://www.evaair.com/zh-hk/promotion/
記得係要去超值優惠個頁, 平機票當然越早BOOK越平啦!
訂好機票梗係要BOOK酒店啦~近年大熱好多精品酒店, 睇左N咁多間價錢大約$700-$1200不等, 但最大問題係精品酒店一般比較簡約, 大人住OK但小朋友沖涼無浴缸-唔掂!! 如果精品酒店要UPGRADE有浴缸房價錢一定要OVER $1000, 係無意中發現一間近台北車站一間5星級酒店-台北君品酒店, 正宗5星級酒店, 正正台北車站對面, 價錢$1300-$1500, 當我格價後HOTEL.COM最抵 $1067(未連稅), 我比多少少可以住5星級酒店, 仲要網上搵到HOTEL.COM有D PROMOTION CODE再有拆, 連埋稅扣埋PROMOTION CODE拆頭, 一晚都只係$1122, 比多少少可以同小朋友住好D, 真心覺得超值.

HOTEL.COM訂酒店網頁
https://ssl-zh.hotels.com/hotel/details.html?pos=HCOM_HK&locale=zh_HK&hotelId=352321&tab=description&rffrid=eml.hcom.HK.430.00.2015.10.20.src00.00.00.0000.0000.00.0000&intlid=Body_HotelName_H839.012.003_H2122.008.001
記得上網搵PROMOTION CODE 再有拆架
訂好晒機票酒店最重要既野.........幫小朋友整特區護照, 其實呢樣無咩難道, 因為一切可以網上BOOK, 只要夠早就無問題, 但留意網上BOOK時間好快FULL, 如果趕就要自己去排隊啦, 因為小朋友申請特區護照同時會申請埋香港身份證, 所以要準備多2張相啦 ^^
香港政府一站通-預約旅遊證件
http://www.gov.hk/tc/residents/immigration/traveldoc/hksarpassport/booktraveldoc.htm#a1
終於到出發既大日子啦~~~由於訂機票訂唔到太靚時間, 朝早7am起飛, 最遲6am要到機場攪登機, 我地就要4.30am起身, 5am坐的士, 因為實在太早, 如果太早整醒阿仔換衫換片, 佢實發顛爆喊, 所以我決定前一晚同阿仔換定衫, 去到機場先再同佢換片飲奶.
第二朝我地係出門口個一刻先抱佢起身, 佢醒左一醒坐係的士度又再訓反, 一落車阿仔見到機場呢個新地方就成個人醒晒, 不過仲係好呆同埋一定要攬住佢條訓覺巾~hahaaa
小周董第一次坐飛機啊~我好興奮不停製造氣氛...嘩,飛機啊,你睇你睇!! 但佢可能仲未訓醒...好COOL唔理我!!! 哈
去台北只係個幾鐘, 真係因為佢不佔座位所以只可以坐係爸爸大脾, 小周董唔習慣比我地抱住訓, 所以成程機都無訓覺, 一落機即刻開架BB車比佢, 一推佢無耐就訓著左喇.
順帶一提, 普通BB車係唔可以帶上飛機, 要買呢種接到既BB車先可以拎上機, 想要靚野荷花/一田都多數有得買, 好似我咁唔係太講究, 淘寶SEARCH VOVO嬰兒車, 五百幾人仔攪掂 :P
 機場坐飛狗直接到達台北車站, 而台北君品酒店就係台北車 站附近, 問任何一個路人都可以指到你方向, 酒店下面就有大型商場微風商場, 仲有地下街, 唔想周圍走足夠你行一日.
首先要讚下酒店, 我訂酒店時加左REMARKS有嬰兒但無註明幾歲, 我起飛之前2日竟然收到酒店由台灣打電話來香港找我, CONFIRM訂房仲有問我小朋友幾歲, 想為我免費預備定KIDS SET, 我原本無乜期望, 但我上去到房見到呢個KIDS SET真係好SURPRISE, 入面有一件浴胞、幾條尿片、牙刷牙膏SET、拖鞋同埋一SET施巴嬰兒沖涼及洗頭水, 太細心啦吧!!
 講反間酒店房一張超超超...大KING SIZE床, 一家三口訓都仲有好多位, 小周董晚晚打橫訓, 我同爸爸都可以訓得好舒服, 而呢張床就變成左阿仔每晚最大玩意, 又當彈床又當滑梯, 每晚玩100次都唔會厭呢 ^^
房間全部開放式設計, 最鐘意佢個圓型大浴缸, 但因為我地去天氣都幾凍, 如果唔係比小周董浸下浴玩下水, 實開心死佢, 所以下次再去台北, 我都唔會再浪費時間格價精品/商務酒店, 因為呢間酒店整體我十分滿意, 價錢亦都好合埋, 只希望下次佢唔好加價就好啦 。
希望呢個BLOG對你地有幫助啦, 下篇BLOG再推介台北親子餐廳比大家 ^^

歡迎邀稿或其他產品試用，電郵聯絡: ppqq1437@yahoo.com.hk 
其他BLOG分享包括: 
張貼者： 於 沒有留言:
標籤： , ,
訂閱： 意見 (Atom)