邊間5星酒店STAYCATION有秘密隱世大公園玩?

無得去旅行去個STAYCATION都叫嘆下，我選擇STAYCATION最在乎食物好環境好之外，另外有一重要因素就係小朋友可以玩咩呢? 上星期剛去左呢間5星級酒店STATCATION除左有齊以上條件，最正係佢有個秘密隱世大公園玩，小朋友放電一流，見到酒店近排做緊優惠比起我早幾月訂仲要平....所以快快手打篇分享文比大家，比大家有個真實參考。

先唔講酒店有乜好食同環境點靚.......反而想先介紹左呢個超大公園比大家先, 因為呢個大公園只開放比酒店住戶同指定會員才可進入，所以無街外人，人會比較少小朋友玩得更HAPPY，一般公園都有滑梯，呢度長長短短滑梯都有，最高那條都有一層樓高架。

另外仲有平衡轉板、好多架不同的車仔、鯊魚搖搖板，小朋友係呢個公園足足玩左2小時，真係玩瘋了 ^^

講返間酒店啦~ 五星級酒店食物好環境好就係香港君悅酒店 Grand Hyatt Hong Kong，好多野都好係唯一有少少唔好就係.......有DD貴囉 ^^''  (( OVER 3K STAYCATION唔係為左慶祝大小周董生日，阿媽表示唔太捨得, 哈哈 )) 我早幾個月前已訂但因為停無晚市所以DELAY DELAY再DELAY，直到上星期才入住，當初訂呢個PACKAGE $3XXX 住宿連早晚餐、下午茶，另送枝餐酒，特別期待係晚餐包左2位Tiffin茶園自助晚餐。房間PACKAGE講明包括升級海景房，所以無敵大海景...實在好靚 (留意: 慶祝生日要預先通知酒店~酒店會有簡單報置同小蛋糕送 ^^)

我地2PM CHECK IN先有下午茶SET送上房，TEA SET超精美，味道合格個人唔太愛花味甜品，所以覺得未算精彩，不過見望住咁靚既海景，慢慢享用呢個個TEA~ 媽媽表示真心RELEX ((心心眼 ^^))

食完玩完再訓返個晏覺~ 舒服到呢...呢個小朋友先係真正識嘆 ^^

最期待的Tiffin茶園自助晚餐來了~ 坐得好舒服，餐廳出面有條大馬路正修路，所以海景唔算望得好清楚，食物選擇貴精不貴多，講真.....我都有少少意外因為以自助餐來講佢真係選擇偏少，連基本刺身都沒有呢，但回本之外可以食生蠔、長腳蟹 ((真心高質)) 龍蝦唔係任食而係每人一隻，可以選擇不同煮法(燒烤/芝士焗或凍食)，不得不提一定要試威靈頓牛扒，超好味!!! 另外甜品必食自家製馬卡龍同雪糕 ((焦糖味一流)) 總括.....成日聽Tiffin茶園自助晚餐係HK數一數二的自助餐，但可能我期望太高，覺得選擇比較少，小朋友什至想食一碟意粉都無，酒店PACKAGE只包2個大人，小朋友一位埋單 $4XX，個人建議同小朋友食Tiffin未必適合，但食物質素的確高，如果抱住貴精不貴多的心態，Tiffin茶園就非常適合你了。

五星級酒店就有呢樣的細心，餐廳之前同我CONFIRM BOOKING時主動問我有無慶祝活動，我話小朋友生日，食飯途中佢地送上一份小小甜品，小朋友又可以吹蠟燭了。

回房間浸浴係小朋友的重點節目，酒店浴缸好大，自動簾打開後廁所變成開放式，可以一邊浸浴一邊睇TV呢。

我訂的PACKAGE可免費加床同送多一份小朋友早餐，早餐不得不提....超級精彩，小朋友終於可以食個飽，好多選擇而且款款好味，但因為要限人數入座，早餐分3個時段，記得要預早訂否則無左理想時間了。

最後第二日早餐後再去多次公園，爸爸同2個仔捉琪，媽媽選擇嘆多次張床補眠2小時，呢個時候酒店送上最後祝福，小蛋糕賀大小周董生日，下午3PM才CHECK OUT，真係開心又RELEX!! Grand Hyatt 其實不論環境、服務都好細心，食物亦都很有水準，再加上又有小朋友放電的地方，我早幾個月訂要$3XXX，近排我見佢出最新PROMO $2XXX就住到，如果未試過我覺得都值得一試。

以上分享絕非廣告，純粹個人真心分享，大家如果都想同我分享你的經歷或一齊交流，歡迎加我FACEBOOK同IG，INBOX同我開心SHARE啊 ^^

FB: 小周董世界
IG: 1437rita

https://www.facebook.com/1437ritaandhim
歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的BLOG平台分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle,   U Blog, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別4)