有生蠔食有魔術睇仲要小朋友免費, 呢個lunch buffet真心抵。

小周董同我講6月1號係兒童節話想出去慶祝下，雖然我心唸乜兒童節唔係4月4日咩? 哈~不過算啦!! 當用個藉口出去食餐好，都幾開心啊。所以上星期六我哋就去咗灣仔呢間酒店食自助餐，因為呢度周末lunch buffet 有生蠔食，正！最重要係只要Like左酒店Facebook，就有85折同埋2位成人仲免費送一位小童，真心抵呢。

Buffet除左生蠔仲有好多唔同嘅海鮮，同埋刺身壽司選擇，全部都好新鮮，最高興嘅係仲要無限量供應，我哋食左至少兩個鐘頭，由頭到尾冇間斷過都有得食，唔洗爭唔洗搶。

我好鍾意食三文魚，呢度嘅煙三文魚好有煙熏味，新鮮三文魚刺身亦都好肥美，食到我非常滿足。

Buffet基本一定有的沙律、餐湯、熱盤就唔多介紹，但貴價大大嚿燒牛扒就一定要試，仲有新鮮焗出爐嘅Pizza，小周董食到lam lam脷。

小周董好鍾意食湯粉麵，呢度有即叫即滾的湯麵，湯底好清，但味道濃郁，見到小朋友大大啖食就知道好味啦。

大人食生蠔刺身基本上已經回本，小朋友就梗係至愛甜品啦，甜品選擇唔算多，但有任食movenpick 雪糕，食2杯已經幾十蚊呢，小周董仲想食第三杯，哈哈...但sorry我制止左。^^ '''

另外食到中間時間仲有魔術表演同送汽球時間，小朋友仲化身小小魔術師助手，同魔術師開心互動，在場好多小朋友都睇到好開心，最後魔術師仲會整出不同的汽球送比小朋友，小周董話出面落兩想要把遮...哈!! 魔術師都答應佢，多謝晒!! 呢個lunch buffet 有生蠔食又有魔術睇，仲要小朋友免費，計落平均都係2百蚊左右一個人，真心覺得抵呢，大家有機會都可以一試。

大家如果有興趣想知道價錢優惠同埋想睇下buffet 食物短片，歡迎Like 我的FB fans page #小周董世界睇下或 PM我查詢呢。^^

Le Cafe 灣仔謝斐道238號香港諾富特世紀酒店1樓

www.facebook.com/1437ritaandhim

歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別4)