細佬出左世4個月了，為左方便照顧佢，現階段BB大部份時間都係訓喺HIGH CHAIR上面，4年前哥哥小周董都係成日訓喺張HIGH CHAIR上面，4年後今日輪到細佬訓，感覺似曾相識，好得意呢。^^
細佬真係一個非常鐘意訓覺既BB，食完奶無耐傾一陣計就自動訓覺，雖然佢鐘意訓覺，但我留意到佢日頭訓覺成日都會用隻手遮住對眼，夜晚就無呢D情況，網上睇左D research原來BB比大人更加怕光，而訓覺對BB發展係非常重要，所以就算日光都會影響BB睡眠質素，從而可能影響到某情度的發展緩慢，所以真係要唸唸計。
係呢個時間我好開心收到COMBI最新一款HIGH CHAIR BEDi可以解決到呢個問題，左邊呢張橙色COMBI HIGH CHAIR 係4年前小周董己經開始用，由BB訓覺到大個坐係度食飯，用足4年都無穿無爛，真係好抵用，而最新HIGH CHAIR BEDi 功能上大致同舊款差不多，但質料同設計都比舊款更加精緻。
我最最最欣賞就係有呢個SLEEP SHELL，除左可以掛D小玩具比BB望下，刺激下眼睛外...
SLEEP SHELL環抱式設計非常寬闊，仲可以令到BB安全感大增，遮住D光線令到BB更快訓著，BB以後唔洗再遮住對眼訓覺，全程都訓得好冧滋滋，唔會再中途哭鬧，咁我就有更多時間陪下哥哥小周董，同埋做下其他家務啦。
黑灰色設計更顯型格，除左有加厚棉座墊，初生BB仲可以訓喺呢個雙面Dacco Plus初生懷抱座墊上面。
細佬2個月其實都算係初生B，不過佢個肥豬仔訓上去後好似有DD迫...哈!!!
媽媽最著重都係安全，5點式安全帶，以防BB滑落或者忽然轉身，夠晒安全。
BB訓得舒服，就好似HIGH CHAIR上面LABEL寫住GOOD SLEEP GOOD SMILE。BB再大個D張椅可以調較不同高度，坐係度比佢舒舒服服睇TV。
加返張餐枱仲可以坐喺度食飯食到3-4歲添，所以真係超愛呢張Combi High Chair BEDi。
另外，BB頭2個月就話成日喺屋企，3個月開始我地都會帶佢同埋小周董周圍去，所以一張安全又舒適既Car seat好重要，呢張Combi Car Seat Wego紅黑色外觀有型又夠cool，仲係真正Made in Japan，簡直係信心保證。
Car Seat安全最重要，呢款 Wego用上減震物料，EggShock頭墊有效吸震，兩側加強保護，保護BB免受一下子的快速衝擊。
座墊表面用上3D網布，同埋Dacco內墊就好似比媽媽抱住一樣，加上低重心低座面設計，BB坐得夠晒隱陣之餘，亦令到BB坐得特別舒服，仲寧捨安全。
Car seat安裝容易亦可以調較不同高度，椅墊仲可以放入洗衣機清洗，方便清潔又衛生。Car Seat Wego由初生BB用到4歲都OK，仲要係日本製，所以話買野比小朋友我除左注重質量同安全性，我呢D師奶仔為左慳家，乜野最著數都唔會難到我，Combi Car
seat 同 High chair都有1個共同的大優點，就係BB一出世買落至少可以用到3-4年，長時間使用計返條數其實真係好抵，絕對可以話係細佬恩物，所以真心推薦比大家呢 ^^
歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips, U Blog, Esdlife靚太club, QOOZA, Mybb.com, ClassesWePlay星級blogger, Mamibuy駐站部落客, OpenRice(級別4)
沒有留言:
張貼留言