每一位小朋友其實上天賜給父母最好的禮物，至小周董出世後，佢每一天的變化、每一天的成長、每一天的笑容，都令到我整個屋企變得更有愛、更歡樂，真係好感恩上天比左呢份最寶貴的禮物比我，所以我同好多媽媽一樣，都會為自己小朋友親手做過一d窩心既事，將一d美好既回憶留比小朋友亦留俾自己，如果你都有呢d回憶同大家分享，就要參加美贊臣 #以愛守護成長 活動，仲有機會拎走禮品添，我都借住呢篇blog同大家分享我的小確幸啊。^^
BB一出世真係忙到無停手，所以小周董滿月我地無特別慶祝，但等到佢100日生日，我就決定幫小周董攪佢人生第一個生日PARTY，雖然睇落好簡單，但由揀選蛋糕、選擇場地及食物，全部自己上網做足功課先訂，最重要係我用左幾日時間自己Design自己畫，成功製作一塊大Birthday banner作為場地報置，嘻~ 今時今日呢塊Banner仲放係我房間，小周董日日都見到呢個100日面包超人生日BB ^^
生日Party其實都只係一個短期Project，估唔到長期Project係小周董大約6個月時候出現，就係佢皮膚開始出濕疹，呢個長期Project就係我出去上左一堂，學識左點樣利用人奶製作人奶皂比佢沖涼，媽媽奶果然係最天然的護膚品，好好彩用左3個月左右，小周董濕疹情況控制到，無浪費媽媽d心機 (人奶真係滴滴皆辛苦呢 ^^'' )
不過要講最大Project都算係我用左最長時間同最多心機，織一件冷衫仔比小周董，由於知道小周董會係冬天出世，其實由我大肚期間，我己經開始織呢件冷衫比佢，但因為以前只係好簡單織過頸巾，織冷衫真係第一次，所以成日要請教奶奶，錯左又要拆左再織過，原本唸住小周董一出世就比佢著，結果我用左足足一年時間先可以完成，由原本送比佢做滿月禮物，變成為做1歲生日禮物~哈哈哈，其實織一件冷衫對於我黎講真係好好~~好複雜，但一唸起你著住佢好似成日比媽媽抱住咁溫暖，加上見到你著得咁型仔，雖然呢一年時間，不知出左幾多手汗同唔知深左幾多度近視，但一切都係值得架呢~ 嘻嘻 ^^
講真完成左冷衫呢個大project，加上小周董開始大個...(我再抽唔到成年織冷衫比佢lu...哈哈)，見佢對英文字非常有興趣，又鐘意玩LEGO，所以小周董差不多2歲個段期間，我同爸爸每日用LEGO砌ABC字母比佢玩 (無錯~ 係每一日 !!) 哈~但見到佢玩得開心，我地又點會覺得悶呢 ^^
小朋友每個階段都有不同興趣，剛滿3歲的小周董，近排愛上做小手工，不過小朋友開始大個可以一齊參與，一齊做小手工時會更加投入，亦會更加珍惜自己做出來的玩具，聖誕假期間我地就利用水樽整左一個雪人，完成後小周董有好大滿足感，不知幾開心，到早幾日佢都仲話要攬住個膠樽雪人一齊訓覺呢~哈哈哈哈
#美贊臣 #以愛守護成長 #愛相伴
#MOMment
#分享有禮 #窩心小事系列 #我的小確幸
歡迎其他產品試用、出席活動或任何邀稿，電郵聯絡: ppqq1437@yahoo.com.hk
Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice
沒有留言:
張貼留言