2016年11月15日 星期二

唔洗100蚊食到龍蝦意粉的親子餐廳

觀塘區食飯越來越貴, 但其實行遠少少去MEGA BOX入面都有好多餐廳選擇, 今次來到呢間餐廳覺得好啱小朋友去之外, 食物仲好抵添, 龍蝦包單點$48就食到, 就算點成個龍蝦意粉套餐都係$98, 好抵呢!!
餐廳以動漫卡通為主題, 牆上全部都係大大隻卡通圖案, 非常可愛.
餐廳自己點餐自己拎既形式, DINNER SET全部幾十蚊有主菜、餐湯及飲品, 我地點左CARBONARA, 上面有隻溫泉蛋, 撈埋意粉一齊食, 蛋香滿滿, 忌廉汁好CREAMY, 味道唔會太咸好啱小朋友食。
主角龍蝦意粉來啦~ 半隻芝士焗龍蝦配意粉, 一上枱己經好香芝士味, 同埋份量一D都唔少, 龍蝦原來己經拆肉再配埋洋蔥及其他配料一齊焗, 食落口有多重口感。
講明親子餐廳小朋友HIGH CHAIR及餐具小不少。哈~小朋友見一樣愛一樣, 見到龍蝦意粉後己經將忌廉意粉放埋一邊了, 我個人覺得意粉熟左少少, 但如果比小朋友食煮淋少少又好正確呢^^
餐廳最大賣點係有小朋友玩樂區, 呢個騎馬區小周董玩得不知幾開心.
另外仲有好多遊戲比小朋友玩餐飽 (需自費再買遊戲咭)
唔夠喉仲有好多玩具精品什至TEE都可以買回家 (爸爸們表示好想買個超人回家~哈), 總括餐廳以一個親民既價錢, 有龍蝦食又有小朋友玩樂地方, 都好值得推介呢。

沒有留言:

張貼留言