地方超大的親子餐廳

 
 之前睇過網上一d分享平台介紹呢間餐廳, 觀塘都好近我地屋企, 所以上星期六就同左小朋友來, 一去到餐廳真係嘩左出去~ 係香港己經好少見咁大大大大的餐廳, 有超多位置, 感覺就好似大學飯堂一樣大~ 位與位之間一d都唔迫, 所以坐得勁舒服。

 價錢合理, 大人lunch set最貴都係100蚊多dd, kids set $60就攪掂。

 kids set來到係一架車車造型~ 小朋友見到架車己經急不及待要開動啦!! 我偷偷地食過一啖, 味道唔太咸而且粟米肉粒一d都唔慳, 真係好多肉粒, 配埋新鮮生果, 夠晒健康。

 配埋杯朱古力~ 嘩~ 發達啦!!小朋友邊食邊叫"好好味啊!!!"

 我就食黑毛豬扒, 配薯菜, 豬扒上面有好多雜菌, 我至鐘意, 一上碟己經聞到好香。

 本身對親子餐廳做賣點的餐廳食物無乜太高要求, 我點左呢碟黑毛豬, 估唔到非常有驚喜, 肉質特別淋, 好容易咬開, 而且味道好濃郁, 好香豬味, 配埋獨特醬汁一齊食, 真心好味喎, 連埋飲品都係100左右, 其實真係幾抵, 因為如果出返銅鑼灣要食黑毛豬起碼OVER $200先食到。

 小朋友最期待當然係呢個賽車場啦~ 玩車地方亦好大, 有足夠空間比小朋友飛車。

 場內仲有好多不同款式車仔比不同歲數的小朋友玩

識渣一定係渣benz啦~哈哈!!

聖誕親子好去處 @挪亞方舟奇趣嘉年華

小周董讀基督教學校，佢係學校曾經聽過挪亞方舟聖經故事, 上星期我同佢就第一次來到挪亞方舟參與聖誕特別節目「保衛地球大作戰」任務, 小周董未入場己經非常興奮。

凡於挪亞方舟正門票務處/挪亞方舟網上訂票平台或於旺角新世紀廣 場1樓商場顧客服務中心購買或換領入場票，均獲派「任務手冊」以茲識別，隨每本「任務手冊」贈送6張價值港幣10元之遊戲券可參加活動。有得玩又可以認識好多環保知識，雖然小周董未夠3歲唔係好明白咩意思, 但我覺得要愛護地球、認識環保的重要, 真係要由細個開始培養, 小周董見到好多海洋生物的遊戲灘位, 即刻一馬當先拖住爸爸跑去進行第一個任務。

第一個任務就係海龜拯救隊, 原來海龜性別由孵化溫度控制。當溫度在攝氏26-28度，孵化出雄性海龜的機會較大，當溫度介於32-35度之間孵化出雌性海龜的機會則較大，而在攝氏28-32度下，雄性與雌性海龜的孵化機率均等。全球暖化導致沙灘溫度上升，導致海龜性別失衡。因此，小朋友需要攜手營救，看看能否改寫結局。小朋友每局可獲發4隻「海龜蛋」，每次將「海龜蛋」滾進代表溫度的顏色格子中。進入代表指定溫度的格子即可獲獎。

小周董唔知咩為知"贏", 過程中只要有得玩, 佢己經好開心, 有小朋友贏左禮品佢就不停玩人地份奬品 (HAHAAAA SORRY失禮晒 ^^''' )

爸爸見小周董拎住人地份奬品唔肯放手, 所以係爸爸努力協助下(我覺得係誤打誤撞) 小周董係第二任務(極地探險家)成功贏到隻北極熊公仔。YEAH~ 其實北極熊需要依賴海冰捕捉海豹，但全球暖化致使北極冰塊極速融化，令北極熊失去覓食之地，而瀕臨絕種。透過幫助北極熊找到浮冰覓食，令小朋友意識到全球暖化帶來的禍害，為阻止暖化進一步加劇而出力。小朋友每局獲發6隻北極熊公仔，每次將1隻公仔放上發射台彈出。成功令北極熊公仔降落並停留在冰塊上即可獲獎。

贏左隻公仔, 爸爸比小周董更興奮, 中左奬個刻我亦係隔離瘋狂YEAH YEAH YEAH~哈哈!! 瘋癲的一家人嚇親隔離D小朋友SORRY~哈哈哈哈

第三個任務(地球彩虹戰隊)小周董遠遠己經見到呢條佢非常熟悉既Goldfish (日日茶點都食佢 :p)。人類使用象牙、魚翅、皮草等動物副產品，是進一步鼓勵偷獵者的罪行，間接殘害這些動物。透過這項挑戰，向小朋友灌輸抵制使用這些產品的概念，讓他們學會向動物副產品說不。小朋友每局獲發4枚代幣，拋中彩虹色帶或Goldfish圖案內不踩界，即可獲獎。

今次媽媽出手陪小周董玩, 掉彩虹無技巧純粹靠運氣, 小周董亂掉竟然都可以中到奬, 哈~拎到個汽球佢爭D想食埋落肚...嘻嘻

其實有時玩都唔係真係要"贏", 小朋友本身都好享受玩遊戲既過程, 所以之後幾個遊戲我地都放手比小周董自己玩。第四個任務森林守護者, 過度的森林砍伐致使各種如紅毛猩猩、樹獺等大量雨林動物流離失所，甚至瀕臨死亡邊緣。此遊戲鼓勵小朋友化身守護者保護樹木，守護這些動物的棲息之所。小朋友每局獲發6個膠圈，將膠圈成功投擲進有雨林動物的樹上，並且通過樹的四方底座即可獲獎。

第五個任務飛天救兵, 小周董成個神搶手咁款, 好有型啊( 媽媽病發^0^) 由於人為獵殺、森林砍伐、光害、氣候轉變等等原因，嚴重影響候鳥遷徙的路線。小朋友齊來迎接挑戰，勇當飛天救兵，阻止影響候鳥遷徙的因素發生，為大自然重現勃勃生氣而努力。小朋友每局獲發4枚子彈，要求擊落影響鳥類遷徙的因素卡片，射中指定目標數量即可獲獎。

最後一個任務係海洋保衛特工, 由於人類的過度捕撈，令幼魚未有機會成長就被扼殺，導致海洋生態的失衡。藉助這個釣魚遊戲，提高小朋友的海洋保育警覺性，避免捕捉和食用幼魚，讓它們得以長大繁衍。小朋友限時30秒內，用魚竿釣起大魚。釣獲指定數量及顏色的大魚即可獲獎。

每個任務需要遊戲券2張，如想玩齊6個遊戲可以再額外付費購買遊戲卷。小周董做完六大環保挑戰 玩晒海陸空攤位遊戲, 只要成不同任務就可以獲贈不同保護動物徽章的蓋印。

玩咁耐當然肚餓啦~ 去開飯時見到食成個火箭造型的兒童餐, 未開始食見到個盤己經開心到嘩嘩聲囉~  因為太肚餓小周董仲食到無停口添 ^^

食飽飽去左睇「未來方舟影院」，透過短片的輕鬆形式向小朋友展示環保的重要性。地球戰士可化身小醫生，瞭解地球先生患病的病癥，尋找治癒良方。

挪亞方舟除了聖誕特別節目「保衛地球大作戰」任務外，同時亦有好幾項免費創意環保手作坊, 比小朋友學習費物利用，亦同時考考佢地創意, 做出自己獨一無二既小手作, 但名額有限，先到先得, 記得早點報名啦。呢個百變紙筒手作坊教小朋友將其貌不揚的廁紙筒，隨個人喜好包上各式各樣的環保紙張，巧製出獨一無二的精美筆筒，用起來特別醒神。但留意工作坊日期(只限於12月18、25、27、31日及1月1日進行)

膠樽雪人錢罌教室, 運用繽紛的顏料在廢棄膠樽上塗畫，再加上一點聖誕裝飾，就可得到一個可愛的雪人錢箱！這份小手作為地球小戰士灌輸儲蓄及減廢的觀念，實行環保快樂儲蓄！媽媽幫手之下睇下個膠樽雪人幾靚~哈哈, 自己讚自己 ^^

做左2個手工都係時候休惠下, 來一杯聖誕雪人鴛鴦特飲, 嘩~好得意, 成個雪人造型, 咁靚咁可愛都係只賣 $24, 影張相呃LIKE都抵啦~HAHAAAA

專為兒童而設的鴛鴦特飲，薄荷朱古力、阿華田朱古力、好立克朱古力三款口味適合不同小朋友的喜好。用綿花糖砌成的聖誕雪人趟在如罝身雪地的特飲上，陪您過一個暖笠笠聖誕。供應日期：2016年12月10日至2017年1月2日（中午12時至下午5時）

正所謂飲飽食醉梗係爭取時間做多2個免費工作坊啦~ 挪亞方舟奇原來有2邊, 參加呢個時鐘工作坊, 順便可以參觀埋另一邊的太陽館。

舊光碟也可以變身成為創意時鐘, 只需簡單的塗鴉及小配件裝飾，就可以設計出專屬的CD時鐘，成為一件既環保又精美的家居擺設。我同小周董合力整左個簡單時鐘, 入電後真係WORK架, 太實用啦^^

近排天氣都開始凍, 最後一個工作坊齊齊做個迷你暖包DIY, 只要利用隨手可得的布碎縫製暖袋，倒入米粒，然後放在微波爐加熱，就可以得到不斷循環再用的窩心暖包，令您在這個寒冬陪添溫暖。一個暖包仲可以重用十次八次, 但叮得次數越多, 保暖時間就會縮短, 但用完即棄的暖包唔太環保, 自己整自己用可能特別WARM D呢 ^^ 
記得每個工作坊只限11歲或以下之小朋友參與，工作坊開始前會於指定時間派籌，名額有限，先到先得，額滿即止，想參與工作坊記得準時去排隊啦。

小周董完成所有任務，集齊不同保護動物徽章的蓋印，由地球戰士升級成為「挪亞五星拯救戰隊隊長」，為守衛地球發揮終極能量。YEAH~小周董成為隊長啦!! ^^

今次好開心可以去挪亞方舟玩到咁多遊戲同做左咁多手工, 小周董仲好開心可以識到幾個新朋友, 但小周董可能遺傳左媽媽D唔怕醜性格, 哈~古靈精怪行為希望唔好嚇親D新朋友仔啦^^

挪亞方舟我覺得真係好適合小朋友去, 除左聖誕奇趣嘉年華，小朋友可參與六大環保主題挑戰任務，玩各類緊張刺激的攤位遊戲、體驗活動及工作坊外, 園內仲可以比小朋友認識好多不同動物、聖經故事仲有不同玩樂設備比小朋友玩 (小周董當然最鐘意無限次玩滑梯啦)。

一整天既活動小周董真係玩得非常開心, 由朝玩到晚都處於非常興奮狀態~哈哈, 聖誕假期快到, 小朋友唔洗返學, 爸爸媽媽們係時候唸定同佢地去邊度玩, 挪亞方舟絕對係大家聖誕親子好去處的其中一個既好選擇呢 ^^

挪亞方舟「保衛地球大作戰」
2016年12月10日至2017年1月2日(逢星期六、日及公眾假期)
上午10時至下午6時
入場費，成人HK$168；小童及長者HK$138
詳情請參閱http://www.noahsark.com.hk 

www.facebook.com/1437ritaandhim

感謝挪亞方舟聖誕活動體驗，歡迎邀稿或其他產品試用，電郵聯絡: ppqq1437@yahoo.com.hk ，其他BLOG分享包括: Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice

輕鬆打造豐盈無毛燥立體髮型 @ZuanZhuan鑽磚捲髮器

短頭髮想有豐盈效果，早前去左Hair Corner剪髮時髮型師刻意剪出較多層次，亦可能因為咁如果唔好好打理，頭髮會成日出現毛燥情況，顯得非常粗糙，除左用頭髮護理產品改善毛燥，出門口前其實只要用上捲髮器一拉一夾，幾分鐘就可以輕鬆打造豐盈無毛燥立體髮型。

香港品牌 ZuanZhuan 鑽轉捲髮器，由美國著

名髮型專家共同精心設計開發，是目前市場上功能最全面的三合一美髮造型工具。而 2015

年新推出的加強版Zuanzhuan3X，不但保持了三合一的功效；同時更新增雙向旋轉美髮棒，

打破傳統要用家不斷轉換左右手，才能做出不同捲曲的觀念

好開心可以體驗近期非常火熱的 ZuanZhuan 鑽轉捲髮器，佢係目前市場上功能最全面的三合一美髮造型工具。ZuanZhuan 鑽轉 3X 更特別推出粗卷 32mm 及細卷的 19mm 滾軸，配合不同需要，不論男女都能輕易勾畫出千變萬化的髮型。

我是屬於肩以上的短髮造型，所以適合使用19mm 滾軸，ZuanZhuan 鑽轉捲髮器自動旋轉滾軸雙向(順向,逆向)旋轉設計，只要將旋轉滾軸快速開合兩次，它的旋轉方向便會立即更改。
a. 順向旋轉與頭髮角質層鱗片一致 好處:帶來更平滑和亮麗的效
b. 逆向旋轉與頭髮角質層鱗片相反 好處:帶來豐盈立體感,使髮型弧度更突出

ZuanZhuan 鑽轉 3X 貼心地加入不同配件令你使用更安全。易裝卸的保護罩可避免捲髮或拉直時燙傷臉部或耳朵；冷卻頭則讓用家可雙手握捲髮器，更順手做出拉扯動作，足夠長度的冷卻頭用上完全隔熱物料，可保護雙手免燙傷。

ZuanZhuan 鑽轉 3X 加入鈦合金技術，旋轉滾軸以黑鈦塗層拋光，即使秀髮受到高溫處理，也不會被燙傷受損。而黑鈦塗層這個技術更擁有修護髮質之效，每捲一下都會令秀髮變得更閃耀亮麗，效果即時見到摸到！另外，滾軸每分鐘的轉速亦提高了 20%，令造型效果更趨自然。新加入的新型離子髮刷，大大減少使用時對頭髮的磨損，從此我可以向毛燥髮質講BYEBYE ^^

ZuanZhuan鑽磚捲髮器有四檔溫度選擇及另設開關掣
先按開關,後選擇溫度,使用非常方面。
低檔 1條指示燈亮 /140℃ 適合細軟型髮質或受損型/染色後髮質
中檔 2條指示燈亮 /157℃ 適合細軟型髮質或中性髮質
高檔 3條指示燈亮 /195℃ 適合中性髮質或 濃密型髮質

如果濃密型髮質可以選擇用最高檔 4條指示燈亮 /218℃ ，但好似我咁頭髮唔算多就唔好按最高檔，否則好容易燙傷頭髮呢。

ZuanZhuan 鑽轉 3X 則集各方之所長，無論是針對長髮的內捲、外翻、 髮尾捲髮、螺旋捲髮，或是我呢類短髮都輕易做到平行捲髮、拉直等等，每朝早出門口前只需幾分鐘就能輕鬆打造頭髮造型。

我最鐘意ZuanZhuan鑽磚捲髮器的滾軸轉速，比起其他捲髮器每分鐘提高了20%，可以更快捲出不同効果 加長離子髮刷 -令每一根髮絲,能平均受熱 緊貼在滾軸上。

用左ZuanZhuan 鑽轉 3X  見到好快就有我預期的髮型效果，頭髮即時無咁扁柏，一層一層的豐盈效果，望落仲好似好多頭髮咁添。

ZuanZhuan鑽磚捲髮器真係非常容易使用，好似我呢d初學者都可以輕鬆操控，所以其實無論任何長度、髮質、不同類型的劉海，都可以利用它創造出獨一無二的髮型。

見到毛燥頭髮大大改善變得更貼服更順滑，咁簡單就可以打造不同造型，難怪ZuanZhuan鑽磚捲髮器一推出己經大受歡迎，有興趣朋友去左專門店睇完後，可以去Hair Corner eshop 購買，因為輸入呢個代碼 2257044 可享有9折優惠。

http://shop.hair-corner.com/…/%E7%A7%92%E6%AE%BA$888%E9%91%…
專門店地址:
Corner To GO(CTG)除左係旺角雅蘭中心中環威靈頓街22號威靈頓公爵大廈地面E店鋪

ZuanZhuan 鑽轉 3X 三合一捲髮器

零售價：HK$ 1980 (19mm / 32mm) 

零售點：各大髮型屋、百老滙、Here We Seoul、全線 Hair Corner 、TQ Total Quality、HAIR3000 Professional Hair Products 、The Scene Showroom 

網上店：www.e-hair-corner.com / www.hereweseoul.com / www.beautyxskin.com

www.facebook.com/1437ritaandhim

感謝ZuanZhuan提供產品體驗，歡迎邀稿或其他產品試用，電郵聯絡: ppqq1437@yahoo.com.hk ，其他BLOG分享包括: Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice