生記中菜好味, 旗下的西餐廳原來同樣精彩

我地一班朋友成日去灣仔生記食中菜, 生記呢個老牌子我一向都好鐘意, 食物一直保持高水準, 所以先可以連續3年都係米芝蓮推介食肆, 但無意中比我發現原來生記係銅鑼灣開左間西餐廳, 作為生記的長期食客, 又點可以唔試試佢既西餐呢, 餐廳係樓上鋪, 係電梯大堂己經見到大大個燈箱廣告。

上到餐廳見到坐位唔多, 但坐位之間都夠闊落, ohhh....原來餐廳有2層, 咁就算一大班朋友來都無問題啦 ^^

第一次來叫Dinner set就最方便, 每個set大約$4xx-$5xx, 有齊前菜, 餐湯, 主菜, 甜品&飲品, 以銅鑼灣區西餐廳, 來講價錢都算合理, 我地2個人決定叫個意大利飯同牛柳。

先來新鮮焗起的面包及煙三文魚凱撒沙律作為前菜, 煙三文魚新鮮, 沙律菜好爽脆, 沙律醬汁酸酸甜甜好開胃。

餐湯我地揀左黑松露鮮蠔野菌湯, 一上枱松露香氣樸鼻, 野菌湯好CREAMY, 湯入面仲有一隻珍珠蠔, 一口將整隻蠔吞下, 蠔味非常濃郁, 滿足感爆燈。

上海小籠包食得多, 法式小籠包都係第一次食, 配上黑松露醬汁同蟹子, 一咬開入面好多肉汁, 同黑松露好夾, 好好味。

前菜食完餐廳非常細心, 會有一杯青檸雪芭過濾口腔味道, 雪芭好滑好似食緊雪糕咁, 青檸味道酸酸地, 夏天食真係好爽。

主菜來了, 龍蝦意大利飯, 非一般西餐做法, 將龍蝦切肉再鑲入酥皮內焗, 令到口感豐富左, 酥皮夠香脆, 龍蝦又夠彈牙, 外脆內軟既感覺, 的確好好味, 相比起意大利飯我覺得份量少左D, 但飯質有咬口, 龍蝦汁底令到整個飯, 感覺好惹味!!

另一主菜係澳洲牛柳配法國鵝肝, 牛柳肉質鮮嫩, 咬落有好多肉汁, 五成熟我覺得剛剛好, 牛味好濃郁, 鵝肝煎得好香口, 食落好軟滑, 好耐無食過鵝肝既我, 每食一口都心心眼啊 ^^

最後來一個精美甜品, 有cheese cake同香橙tiramisu, 唔會太甜但食落好香滑, 最後飲埋杯coffee作結尾, 非常滿意的一餐, 估唔到出名中菜的生記, 做西餐都可以同樣出色, 抵佢擁有咁多好似我呢D支持左佢地咁多年既FANS ^^

www.facebook.com/1437ritaandhim

歡迎邀稿或其他產品試用，電郵聯絡: ppqq1437@yahoo.com.hk 
其他BLOG分享包括: 

Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRice

改善頭髮稀疏問題 @Pantogar®倍髮加®

我本身頭髮不嬲唔算多, 生左小朋友至今2年半, 脫髮問題依然困擾住著我, 因為頭髮稀疏攪到原本長頭髮都剪短左, 想做個潮媽染下頭髮, 等個人望落時尚D, 但因為擔心會令甩頭髮更嚴重, 所以都無染到。 脫髮問題小朋友出世後首2年較嚴重, 之後用左好多方法, 又睇中醫又針灸又換洗頭水等, 近年叫做有DD改善, 今次好開心可以體驗到 Pantogar®倍髮加®, 每天只要簡單食粒膠囊, 就可以幫到我改善脫髮問題, 收到第二日即刻要試, 希望快D見到效果 ^^

 呢一張相差不多年半前影(SORRY素顏照出沒請注意 :p), 你見到前額位置有明顯脫髮, 真係見晒頭皮肉, 好大個窿啊 >.<

 呢一張就差不多半年前自己影下自己頭髮生長情況, 前額位置雖然有改善左, 但分界位置依然非常明顯 >.<

 Pantogar^® 倍髮加^® 含有獨特的高濃度活性成分複合物，能夠有效抑制脫髮，並促進髮根的新陳代謝。它能刺激新的髮細胞生長，讓頭髮重新回到活力蓬勃的生長期。Pantogar^®倍髮加^® 是一種有效的瀰漫性脫髮治療用藥。它獨特的高濃度活性成分複合物能夠促進新陳代謝，並刺激新的髮根細胞生成。令到已進入脫落期(休止期)的頭髮將會重新回到生長期。最後可以令到脫髮症狀停止，重新長出健康的新髮。

 每日服用 Pantogar^®倍髮加^® 膠囊三次，每次一粒，並持續服用至少 3-6 個月。能有效抑制脫髮，當然同時要注意營養啦，均衡的營養不但有益身心，對頭髮也同樣十分重要。攝取足夠的維他命、礦物質和微量元素，是最自然的養身之道。壓力和情緒問題會對頭髮的生長週期造成影響，所以必須放鬆心情，盡量笑多D呢。 ^^

其實每日只要記得一日三次食膠囊, 又唔洗煲葯捱苦茶, 或者要換好多款不同防脫髮洗頭水/精華, 簡單方便就可以改善到脫髮問題, 我服用左一個月影相先發覺自己條分界線真係無再咁明顯。

以前每次洗頭頭髮總係塞滿晒去水位, 現在情況己經大大改善, 不單止脫髮好轉, 連指甲都無之前咁脆弱, Pantogar®倍髮加®果然真係好WORK, 療程為3-6個月, 如果有需要可以增長時間, 我都會繼續KEEP住服用, 希望半年後D頭髮可以回復生BB之前咁好啦 ^^

#多謝Pantogar®倍髮加® 及she.com提供產品體驗, 療程效果因人而異, 如有查詢可直接聯絡生產商或登入以下官方網址http://www.pantogar.com/hk

www.facebook.com/1437ritaandhim

歡迎邀稿或產品試用，電郵聯絡: ppqq1437@yahoo.com.hk 

其他BLOG分享包括: 

Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice

人手Facial都有做水光槍的效果 @Neo Skin Lab水漾透肌護理療程

我雖然晚晚都一定會做足洗面同護膚情序, 但要我每日搽幾款唔同精華, 再一星期做幾次面膜, 我真係好少做到, 反而我好享受去美容中心做FACIAL TREATMENT, 家陣D美容儀器真係快靚正, 不過有時做得多醫學美容儀器, 皮膚係好左但就要勤力保濕, 今次我就去左Neo Skin Lab體驗水漾透肌護理療程, 幫我塊面泵滿水, 之後再做任何醫學儀器都事半功倍啦 ^^

Neo Skin Lab分店位於銅鑼灣世貿, 好方使好容易就搵到, 上到去地方好大好靚, 第一次來的客人會先填一份基本個人資料及個人皮膚狀況表格, 期間會有花茶同茶點招待, 茉莉花茶真係好香啊!! 之後會同美容顧問見面了解下我的皮膚狀況, 確保療程係真正適合我, 我剛剛上星期做完LASER FACIAL, 我肌膚正正需要大量補水, 今日做呢個水漾透肌護理療程簡直係GOOD TIMING啊 ^^ 

第一次來的客人Neo Skin Lab有份小禮品送, 就係sticky手拉糖, 嘻, 好窩心啊!! 甜品控女生最鐘意 ^^ 講反番今次體驗呢個水漾透肌護理療程啦~ 整個療程用上全系列德國醫學品牌JANSSEN COSMETICS, 品牌於德國己超過30歷史, 有80個國家使用, 超過12款精華呵護12種不同肌膚, 全部精華用上一級安瓶技術, 無菌無添加真空包裝, 絕對係信心保證。

水漾透肌護理療程由洗面開始至導入精華, 到最後的面霜及眼霜都係用上全系列JANSSEN的產品, 聽講因為成本貴所以出面大部份美容院只會用JANSSEN部份產品, 而Neo Skin Lab堅持水漾透肌護理療程係由一開始洗面至完結用的眼霜都係用上全線JANSSEN產品, 所以效果會更加理想。

我一踏入呢間又大又舒服的房間開始, 加上見到張軟淋淋既美容床, 個人己經開始進入放鬆狀態!!!

房間保安做得好好, 每間房間有獨立LOCKER, 浴衣同拖鞋都好乾淨, 換好衫後療程隨時開始 ^^

頭先都講過由洗面 及 深層清潔開始.....都係用上全系列JANSSEN的產品, 美容師手勢好唔好, 其實做左咁多年FACIAL, 由洗面個刻己經知道, 美容師會一邊洗面一邊做少少按壓動作, 就知道美容師經驗豐富, 好舒服啊!!

之後就開始針清黑頭同修眉, 成日做機FACIAL, 己經好耐無比美容師針清過, 過程點都會有少少痛, 但我覺得始終人手針清先係最乾淨, 可能我真係太耐無針清啦, 美容師好細心用左好多時間幫我一一清乾淨晒, 所以針清完鼻同下巴位置難免會有少少微紅, 美容師會用消炎水"夫"一陣, 大約5分鐘左右, 泛紅位置己經退了。

主角來啦~ 今次用上去角質補水精華, 再用超聲波儀器導入, 導入時間約15分鐘。

美容師先將滿滿精華掃上面, 感覺少少涼涼地, 我本身屬於較敏感皮膚, 有時用上一D唔靚既SKINCARE不到一分鐘, 己經會出紅疹, 但JANSSEN產品果然無菌夠天然, 我既皮膚完全無不良反應, 相反美容師話我皮膚好吸收呢款精華, 導入2-3分鐘己經被皮膚吸收, 美容師要不停幫我補加精華再導入。

美容師會由下至上將精華導入皮膚, 除左幫皮膚保濕外, 仲有提升同緊緻效果。

精華可全面用, 眼部都可以用到, 對付黑眼圈同眼紋效果仲好好添。

15分鐘超聲波導入完後即時搽番個GEL MASK, 再做埋個倒模令到GEL MASK更加吸收。

MASK大約做20MINS, 做MASK期閒己經舒服到訓著左, 除下倒模, 美容師會再做10-15分鐘肩頸按摩, 除左按肩頸外, 美容師仲會推埋耳後的淋巴位置, 嘩~舒服到我好想再次訓番啊!!!

完左療程我最鐘意睇番即時效果, 對比起未做療程前, 見到皮膚即時變得好水潤, 好有光澤, 摸落去真係好似水卜卜一樣, 望落仲白滑左, 好似搽左粉底咁, 最開心係連輪廓都提升左, 估唔到人手FACIAL都做到呢個水漾透光既效果, 好正啊。

最後搽埋JANSSEN的眼霜同面霜, 就大功告成啦!! 其實而家D醫學儀器真係好流行, 人手FACIAL好似越來越少咁, 雖然做機真係快靚正, 但我覺得其實想享受下做FACIAL既舒適, 始終人手FACIAL先做到, 有無效果都係最重要睇反美容師經驗同美容產品, JANSSEN呢隻產品真係好好, 所以就算人手FACIAL用左佢, 都好似有做完水光槍既水潤感覺, 有興趣大家都可以試試啊! ^^

#多謝Neo Skin Lab提供療程體驗, 療程效果因人而異, 如有查詢可直接聯絡美容中心。

www.facebook.com/1437ritaandhim

歡迎邀稿或產品試用，電郵聯絡: ppqq1437@yahoo.com.hk 

其他BLOG分享包括: 

Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice

$69連身裙仲有85折 @ZALORA真係平過淘寶

我以前都有淘寶, 但就經常中伏, ZALORA近排做緊減價, 好多衫幾十蚊有交易, 用埋呢個推廣編碼 (BAP2LD9), 再額外有85拆, 真係抵上加抵啊, 買滿$150免費送貨, 真係平過淘寶啊, 如果唔岩SIZE什至唔鐘意, 30日內仲可以免費順豐換貨或者退款, 咁方便又咁平, 呢排身邊好多朋友都轉左去ZALORA SHOPPING啦^^

上ZALORA買野真係好方便, 用電腦上網揀或者用手機APP揀衫又得, 我自己就鐘意用APP, 一路坐車一路SHOPPING, 哎....呢件事太邪惡啦!!! 哈哈~ ^0^ 
原價ZALORA D衫都係百零蚊, 而家減價$69就有條連身裙, 網上仲有晒MODEL行CATWALK, 度晒SIZE比你, 買錯SIZE機會其實好細, 不過都係個句, 萬一真係買錯SIZE都可以免費換貨~ 唔需要擔心買左堆唔岩既野回家。

我星期一訂貨, 星期四就收到, 真係太快啦!! 開箱見到每樣貨品都有獨立包裝，開左箱即刻摸下D質地, 全部衫真係比淘寶D衫厚實好多, 一於先著2條裙同大家分享下。

呢條裙我係減價欄內揀中 $69 咋!!!!! 我163CM高 買S SIZE長度剛剛好, 黑色十分顯瘦, 側邊腰間有個少少通窿位, 少少SEXY得來帶點點型格 ^^

其實黑色連身裙好易會著到個人好悶, 所以建議襯反對白色或者鮮色D既鞋, 成個LOOK會精神D, 不過黑色襯咩其實都OK, 皮鞋高跟鞋什至波鞋都完全無問題。

另外一條深藍色連身裙 $149, 斯文返工款, 前面一條銀色拉鏈加2個小袋, 肚腩唔洗縮都遮到, 加上條裙版型好好, A字裙款更顯腰線, 著左唔覺太肥, 但我最鐘意都係佢質地真係非常好。

提提大家每條裙或者衫SIZE都會唔一樣, 要睇清楚尺寸, 呢條裙我就要著M碼啦, 長度膞位全部都好岩身, 好FIT ^^

 除左裙款同衫款, 鞋款一樣有好多選擇, 我係減價款當中又搵到件好野, 呢對銀色閃閃紳士鞋 $69 !!!!!! 上身就算襯裙或者窄身牛仔褲, 即時己經變得好型仔啦, 但重點都係.....真係好平啊!!!

 今年白鞋當道, 揀反對有少少款既白色波鞋襯下衫, 都係百幾蚊咋, 全白色鞋的確會較易污糟, 買對有牌子都幾百蚊, 而家百幾蚊有一對, 萬一著污糟左都唔會太肉痛  :P

呢對藍色皮鞋, 著上後腳型超好, 返工一流, 只可惜所有鞋款我揀錯左SIZE, 全部買細左一個碼, 要退回換SIZE, 但好彩換貨情序真係好簡單, 只要打去順豐就可以免費上門收件 (只限商業地址), 或者自行去任何一間順豐門市, 將原包裝及退貨單PACK好後交比順豐, 就可以免費退換啦!! 所以鞋款我就要等多幾日, 下次先可以再同大家分享啦。,

ZALORA做緊SUMMER SALE除左幾十蚊有條裙, 我仲見到D涼鞋 $39都有交易, 真係太平啦, 由即日起至 8月25日用埋呢個推廣編碼 (BAP2LD9)再額外有85拆, 結帳前記得要係PROMO CODE位置輸入推廣編碼 BAP2LD9 先再有DISCOUNT架, 有時間快D上網睇下啦, 減價貨D SIZE去得好快架。

ZALORA上面其實除左自家品牌, 仲有好多大品牌的牌子選擇, 例如MANGO, TOPSHOP, SUPERDRY等, 而家全部都做緊減價, 快D襯減價期間掃多2件靚衫過個靚SUMMER啦。^^

https://zh.zalora.com.hk

www.facebook.com/1437ritaandhim

歡迎邀稿或產品試用，電郵聯絡: ppqq1437@yahoo.com.hk 

其他BLOG分享包括: 

Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice

唔洗捱痛都可以通淋巴 @VITAS紓適寧

以前試過去通淋巴真係痛到我大叫救命, 我都知咁痛即係代表我淋巴好塞, 但好難忍呢種痛所以都再無鼓起呢個勇氣去做推淋巴, 不過好開心今次可以體驗到VITAS紓適寧 淋巴淨化專家的產品, 可以試下無痛通淋巴, 收到後急不及待收就要試試啦 ^^

紓適寧淋巴管理膠囊:適合關注以下問題的朋友服用。

 淋巴循環及免疫系統

- 血液循環

- 排水、排毒

- 下肢腫脹勞損、血筋凸現

- 心、肝功能健康

- 睡眠質素

- 女性週期不適

- 明目、健腦、增強記憶

- 抗氧化、抗衰老

當日常保健咁食, 餐前或餐後食都OK, 每天2次，每次1-3粒，如要在最短時間達到最佳效果，請每天兩次，每次3粒，並多喝清水。食完1個療程個人會精神左, 便便暢通左, 如果長期服用皮膚質素都會有大大改善添。^^

紓適寧淋巴管理啫喱膏適合關注以下問題的朋友使用。

- 有效淋巴管理

- 促進血液及淋巴循環

- 肌肉疼痛、僵硬

- 下肢腫脹勞損、血筋凸現

- 睡眠質素

- 排水、排毒

- 女性週期不適

- 鼻塞

- 輕輕塗上，100%滲透，不油膩，讓肌膚如絲般柔滑

- 運動前使用，可提升表現；運動後使用，可排走肌酸

- 血液及淋巴循環有所改善或出現利尿情況

- 此為保養血液及淋巴循環的產品，可每天使用

好多女士同我一樣貪靚著高跟鞋, 有時腳部會變得浮腫仲有青筋出現既問題, 塗上紓適寧淋巴管理啫喱膏就可以舒緩呢個情況, 塗上後一D都唔會有油膩感覺, 所以早晚使用都ok, 吱出來係橙色膏狀, 按摩不到一分鐘己經被皮膚全部吸收, 滲透度超高, 我會按摩小腿內側腳眼沿淋巴至膝蓋，包括膝蓋後，大腿內側肌肉至腹股溝頂部(下部淋巴位置), 再由下向上推, 感覺涼涼地好舒服啊 ^^

其實我按摩大約3分鐘己經感到涼涼地既感覺, 原來皮膚感受到有透涼的感覺，表示該部位的情況較理想, 越遲感受到代表該處位置淋巴唔暢通, 自己就要特別注意啦。使用後覺得腳部的確係放鬆左, 同埋無咁浮腫。

如果想訓得好D仲可以訓覺前塗於耳背兩側位置, 按摩由上至下直到頸側, 肩及至鎖骨窩，左右鎖骨窩之間橫向至胸骨等, 都係屬於淋巴位置, 如果想知清楚其他身體淋巴位置及按摩方法, 可以參考以下網址: http://www.vitas.com.hk/lympha.html/vitas-Soothing-Cream-Gel.html

淋巴暢通左身體自然好D, 訓得好D, 皮膚都靚D啦!! 所以大家除左要注重面部肌膚保養外, 身體上保養其實更為重要, 想有最佳淋巴管理成效，建議同時服用紓適寧淋巴管理膠囊及使用紓適寧淋巴管理啫喱膏，以達到裡應外合的效果。

#感謝VITAS紓適寧提供產品體驗，試用效果因人而異，如有查詢請直接與生產商聯絡或瀏覽以下網址直接購買。http://www.vitas.com.hk/lympha.html

www.facebook.com/1437ritaandhim

歡迎邀稿或產品試用，電郵聯絡: ppqq1437@yahoo.com.hk 

其他BLOG分享包括: 

Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice