2016年7月18日 星期一

做左阿媽後一定係傻左...38度廚房炸薯條!!

 呢位小朋友食緊乜咁既樣? 哈~ 唔係難食啊...係好熱咋~!! 新鮮炸起的薯條仲係好熱, HIMHIM就急不及待搶黎食啦, 哈~                                                                                                                 
HIMHIM不嬲食野好奇怪, 大部份小朋友鐘意食既野佢都麻麻地, 薯片, 蝦片, 餅乾, 雪糕雪條佢都唔多LIKE, 好彩食正餐算食得幾好, 但可惜食得超慢, 所以成日煮D新菜式比佢, 等佢有新鮮感就會食得快少少, 呢排佢竟然愛上好多小朋友都鐘意既薯條, 但出面D薯條多數千年油炸過, 所以好多媽媽都明白, 做左阿媽後原來個人真係會變傻左, 以前最怕熱又最怕炸野比油彈, 今次就算係38度高溫廚房, 為左屋企個寶貝, 都可以的起心肝整碟自家製薯條比佢食....不得不讚下自己好偉大啊~ HAHAAAAA

 當然對好多媽媽廚神黎講, 炸薯條真係易過借火, 嘻, 我係BB級, 老實講雖然的確唔難, 但我前後都攪左成個半鐘~ HAHAAA.....首先將薯仔切條或切片。
 再用鹽水浸10分鐘, 再用凍水洗走薯仔上的澱粉質。
 以後用廚房紙吸乾水份,  一定要吸乾否則D油彈到周身傷。
落油啦~有少少起泡代表OK, 咁就可以炸啊.......炸啊炸.............薯片炸的時間唔洗太長, 大約3分鐘左右差不多己經OK。
 薯片見到變到有少少金黃色其實己經可以撈起。薯條己經就要炸耐少少, 大約炸5分鐘, 撈起後待乾5分鐘, 再落反落油度炸多2分鐘.........攪掂!!!
薯條反炸先會脆身, 如果小朋友鐘意淋身薯條就可以唔洗反炸呢個STEP, 即刻食就OK啦。
雖然屋企炸野真係要用好多油, 但間中一次半次, 同埋自己炸至少唔係用出面街D千年油, 都叫健康少少, 如果想高級DD再健康DD, 可以買D有機薯仔或者有機蕃薯回家炸又得!! 小朋友見到你準備煮野既過程, 佢自己都好期待媽媽快D煮完出黎佢可以食, 所以新鮮炸起既薯條, 仲係好熱但 HIMHIM己經食到唔停口, 嘻. 見到你食得咁開心, 我流呢D汗水都值得既^^
www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 
張貼者： 於 沒有留言:

2016年7月15日 星期五

超好用眼妝神級產品~Urban Decay 眼影底霜

成日發覺化妝搽eye shadow總係好容易甩到一忽忽, 尤其夏天就到, 去沙灘想化少少妝影反張靚相, 但個眼妝唔洗一陣己經溶到好嚴重 >.< 雖然坊間好多防水化妝品, 個妝要keep 2-3個鐘都唔係大問題, 但想再耐d就好難。Urban Decay 新推出呢隻Eyeshadow Primer Potion 眼影底霜, 做到真正防水之餘, 仲可以keep到24小時持久, 一枝試唔真, 拎包試用裝, 試晒4色介紹比大家啦.
Urban Decay Eyeshadow Primer Potion 眼影底霜以太空時代聚合物技術製造，可填補皮膚表面的不平滑瑕疵，配方更蘊含了Optical blurring pigments，可以擴散光線來模糊瑕疵。另外，先進的抗衰老成分，可幫助預防及改善肌膚老化問題。當然，所有色調均不含防腐劑。 4款全新色調包括：Original (自然)、Eden (啞色祼妝)與 Anti-Aging (潤澤色調)及Minor Sin (香檳閃金)。

Original 色調與不同膚色完美貼合，乾透後無色。
Eden 色澤啞緻自然，有助全面遮瑕及遮蓋紅印。
Minor Sin 閃亮香檳色是 Sin 的閃亮色調。
Anti-Aging Eyeshadow Primer Potion 抗衰老眼影底霜昇華到另一層次。集合左抗衰老、全日持久、防止結塊、讓眼影色彩更鮮明、感覺順滑貼服。抗衰老眼影底霜並有效改善歲月的痕跡。其高科技成份能對抗皺紋及改善肌膚色調及質感。另一方面，光學淡色技術能製造細微、柔焦效果，能瞬間喚醒倦容並減淡紅印、幼紋及其他瑕疵。

4款眼影底霜搽上手都唔同顏色及效果, 搽上手較乾身, 不過都容易推開, 而且防水度超高, 我試過用普通清水洗手同用紙巾大力抺都抺唔甩, 難怪佢可以講持久keep 24小時, 真係好犀利。
搽上Original 色調基本著乾透後無色可以隨意再加上自己喜愛的眼影。Eden 色澤亦都好自然，有助全面遮瑕及遮蓋紅印, 搽上後係自然肌膚膚色。Anti-Aging 望落都係自然色調, 但佢抺上眼後覺得眼部幼紋減淡左。

 我最鐘意就係Minor Sin 閃亮香檳色, 塗上後有少少閃閃效果, 可以直接當佢為一枝眼影, 打造自然化容。
用過Minor Sin 成功塑造自然裸色的妝，眼影仲可以持久顯色24小時添。

經過7小時, 就黎收工要補妝, 發現眼影部份同初初搽既時候色調一樣, 完全無溶妝既感覺, 我只能夠講呢枝眼影底霜真係神級, 你都想夏天成個眼妝可以keep得更持久, 一定要用Urban Decay Eyeshadow Primer Potion 眼影底霜啦^^

#感謝she.com 及 Urban Decay產品提供試用。
www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 
其他BLOG分享包括: 
張貼者： 於 沒有留言:

2016年7月14日 星期四

(內文有免費體驗) 留住青春鎖住骨膠原 @New Beauty eLase IR膠原再生療程

女人唔KEEP好易老, 骨膠原流失更會加速衰老, 所以早2日我又黎到New Beauty美容中心的朗豪坊分店, 去體驗eLase IR膠原再生療程, 多數女人就算過左30, 都想感受下比人誤會仲係廿幾既喜悅, 想留住青春就要勤力D唔好比D骨膠原流失啦 ^^
每次做treatment每個客人都有一間獨立房間, 夠大夠舒服,  一訓上呢張大床己經開始進入RELAX狀態, 等緊美容師期間, 望住電視一直播放美容中心拎到的唔同奬頙, 仲有唔同儀器既證書, 真係比到客人好大信心。
 eLase IR膠原再生療程用的儀器，可以改善皺紋、皮膚鬆弛、乾燥、眼袋、欠缺彈性、毛孔粗大等。突破性的eLase IR為你重拾幼嫩雞蛋肌，觸發膠原自我再生力量，重建彈力網絡，能量可深入真皮層，有效擊退皺紋、眼紋、頸紋、暗瘡印、橙皮紋問題，肌膚立刻變得光滑無紋，健康飽滿、釋放前所未有的年輕光采。
 清潔面部過後療程正式開始，美容師會替我塗上超強保濕啫喱，先用儀器做左半邊面先，之後再做另外半邊面，保濕啫喱凍凍地, 加上儀器用上面後只有少少針吉的感覺, 過程中完全唔會痛。
做完一邊面先做另一邊面,  仲記得上2次我做完療程後, 塊面都仲會有少少微紅, 但今次可能皮膚質素好左, 或者己經適應左, 今次再無泛紅的情況出現。
 
 美容師除左做晒全面, 連雙下巴位置都會做埋, 整個療程期間舒服到差點訓著左 ZzzZzz,,,
最後做個保濕水份面膜，等待20分鐘過去就做完今次療程啦, 完左療程後, 美容師會提醒我地記得日常要做多D保濕同防晒, 咁效果就可以KEEP得更好啦。
每次都好鐘意望到自己做完療程後的即時效果, 因為真係好水潤好有光澤, 幼紋同虎紋減淡左好多之餘, 連毛孔都細左唔少添。
 皮膚即時變得白滑,  最開心係面部輪廓都出左好多, 做多幾次可能有望byebye pizza面啦~真係好開心呢 ^^
New Beauty eLase IR膠原再生療程效果好好, 真心比個LIKE佢如果大家都有興趣體驗呢個療程既神奇效果，現在有機會啦~ 只要去以下網址登記就可以免費體驗eLase IR膠原再生療程一次，立即登記: http://new-beauty.hk/F009A.php
名額有限，快D行動啦!」*療程只限18歲以上的新客戶。

#感謝New Beauty提供療程體驗，療程效果因人而異，如有查詢請直接與美容中心聯絡。
www.facebook.com/1437ritaandhim


歡迎邀稿或產品試用，電郵聯絡: ppqq1437@yahoo.com.hk 
張貼者： 於 沒有留言:

2016年7月11日 星期一

大驚喜~ 明太子料理原來咁好味架

舊朋友相聚佢揀左去食明太子料理, 我以前只係食過明太子飯團, 對明太子可以講係完全唔熟悉, 不過因為唔好意思拒絕朋友, 所以抱住對今餐無乜期望, 一心唸住只係食2個明太子飯團, 純粹為左見下面傾計就算。
餐廳地點好易搵, 銅鑼灣MTR一出轉左行2分鐘就己經見到幢商業大廈... 嘻, 餐廳名好特別, 餐廳裝修好簡約, 紅色椅子配木枱, 簡單得黎好舒服!!
望望餐牌原來有好多選擇, 但我都唔識點菜, 食物就由朋友發板, 我就揀飲品啦。 嘩~ 一眼就望到 $58 任選3款SAKE, 好抵啊!!! 岩晒我呢D貪心之人, 每款SAKE送上枱時仲會好細心, 附上一張細卡紙, 介紹每款日本清酒既特色, 同埋配乜野食物係最夾, 太細心啦!!
其中一款酒佢話同呢個牛油果吞拿魚刺身沙律好夾, 係咪好夾我唔識分, 但呢個沙律少少辣辣地, 吞拿魚刺身好新鮮, 配埋牛油果口感非常好之外, 辣辣地仲好開胃, 份量唔係好多, 做前菜就岩晒喇。
餐牌寫上專業廚師精心泡製, 一級推介, 所以我點左今餐唯一的一款食物就係呢碟醬燒銀鱈魚, 果然無令我失望, 銀鱈魚煎得好香, 皮脆肉嫩, 咬落口仲食到銀鱈魚獨有既魚油香, 吱少少檸檬汁更加惹味, 唯獨我覺得如果有埋沙律醬就會更好啦, 不過可能咁食法會港式D, 哈 ^^
今晚的主菜來啦~ 明太子刺身2食, 有明太子刺身 及 燒明太子, 我忍唔住問下店員明太子其實係乜東東, 先知原來明太子係鱈魚的卵子, 哦....唔怪得餐廳名叫鱈卵屋啦!! HAHAAA...SORRY請見諒我見識少 ^0^
講反呢碟明太子2 食啦, 刺身咬落口較淋身, 好似食緊魚春咁, 我初時仲怕會好腥, 原來明太子係完全無腥味架, 餐廳將明太子特別製作過, 咸咸地又有少少辣, 我覺得加少少檸檬汁, 味道會更為突出。
我個人就比較鐘意食燒明太子, 燒到外皮少少脆身, 入面一粒粒軟淋淋的明太子, 口感好特別, 燒明太子較刺身咸少少, 所以我覺得配白飯食一流, 真係好好味。
食完頭先個刺身先知原來明太子係咁好食, 真係好驚喜, 再來明太子蛋卷, 好似日本玉子燒, 但入面加入左明太子, 蛋卷加上蔥花蛋味更香, 配埋少少咸味的明太子, 我足足送左半碗白飯來一齊食, 好正啊 ^^
 一夾開塊蛋卷, 明太子爆出, 證明絕對足料, 非常精彩!!
 送飯又點止一份蛋卷, 仲有香蔥明太子鐵板豚肉, 豚肉肉質鮮嫩, 咬落己經好多肉汁, 配上明太子令味道更加濃郁。
餐牌上食物價錢中等, 差不多每樣食物都係幾十蚊左右, 因為朋友收工收得夜, 10PM後仲有個超抵套餐定食可以選, 每份定食必有白飯, 湯 及日式蒸蛋, 另外可以任選3款食物都係 $120, 我地揀左明太子三文魚刺身, 好新鮮, 三文子好肥美, 明太子配三文魚原來咁夾, 好開胃好好味!! 另外明太子撈冷稻庭烏東, 係真正的日本幼身稻庭烏東, 好滑好有口感, 同埋明太子燒雞亦都好入味, 一隻切開2條, 係比較容易食不過得3條份量就少左DD。
餐廳仲有好多明太子食物同配料原來可以買走回家慢慢試, 我見唔係咁貴, 都忍唔住買左2包小食回家比老公試試。總括今次明太子料理真係令我非常驚喜, 原來明太子可以有咁多食法, 仲要咁好味, 真係要多謝朋友帶我來, 下次食日本料理唔洗只係唸起食刺身壽司, 原來明太子料理都可以咁精彩, 下次要再來試下其他明太子食物先 ^^

www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 
張貼者： 於 沒有留言:

LADY GAGA都點名讚佢好用 @FILORGA美肌亮彩精華

法國醫學品牌FILORGA, 本身對佢唔太熟悉, 但由LADY GAGA都點名讚佢好用, 梗係變成人氣大熱產品啦, 收到試用裝當然即時要試下啦!! 

未用貨裝先開個試用裝試試, 打開包裝, 高級護膚品獨有的香氣撲鼻, 先用上手試試, 精華為奶白色, 感覺非常水潤

 輕輕按摩, 精華己快速被皮膚吸收, 手上幼紋即時減淡, 而且手背顏色亦即時變得白滑, 用上面試試質感非常細滑, 快速滲入皮膚
精華蘊含啤酒花萃取物，能抑制黑色素形成，減少色斑出現，添加具抗氧化功效的植物萃取物，能抵禦環境傷害而導致的色斑, 有效強效改善及預防色斑，同時有助均勻膚色，明亮肌膚。
用一小份量己經足夠塗滿全面~ 按摩不到20秒, 精華己經被皮膚吸收, 證明精華分子十分細緻容易滲入皮膚底層, 做後感覺好水潤, 即時白滑, 最鐘意佢那陣香氣, 係面上持久不散, 好香啊。 ^^

FILORGA 香港網址 : www.fiorga.hk
香港 Facebook : https://www.facebook.com/filorgahk
#感謝SHE.COM 及 FILORGA產品提供試用。

www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 
其他BLOG分享包括: 
張貼者： 於 沒有留言:

日落美景下的脫毛療程 @Lumière肌源再生專家

不經不覺己經去左Lumière肌源再生專家做激光永久脫毛療程己經第4次了, 每次上去郎豪坊旗艦店, 一入門口都見到個無敵大海景, 今次連咁靚既日落都比我見到, 真係未做療程, 先望住呢個景嘆反杯茶己經係一大享受。
每次脫毛療程都係用呢部Candela Gentlelase Pro LE 755nm，獲FDA及28個歐盟CE認證，是美國鐳射醫學會認可的最佳脫毛科技。
之前幾篇都提及到儀器有分幾個機頭, 身體脫毛多數會用18MM頭, 此外, 做脫毛療程時一定要帶上眼鏡來保護眼睛。
治療師會先檢查毛髮生長狀況, 由於我己經係第4次做, 所以己經無需再先剃毛, 只需用潔膚水清潔皮膚, 療程可立即開始, 每邊腋下大約10-15下, 無痛脫毛就係咁簡單, 好快就己經完成 ^^
腋下脫毛一般情況下4-6次療程已經可以完全去除毛髮，我今次做到第4次己經見唔到毛髮生長, 但療程次數每個人都會有所差異, 其實4次打後多數客人只需 6星期進行一次療程便可。
整個過程前後30分鐘, 仲有時間慢慢飲杯茶梳埋反靚頭,  正所謂 "快靚正" 就是如此 , 真係岩晒我地香港地一班又貪靚又忙碌既女士們^^ 我真係好滿意Lumière肌源再生專家的激光永久脫毛服務, 除左因為環境好, 所有工作人員都好有禮貌同耐性, 當然最重要都係效果真係非常理想, 真心比個LIKE佢地...講個秘密比大家知, 我雖然係獲邀請體驗脫毛療程, 但真心滿意佢地服務, 所以我都自費JOIN埋佢個V LINE脫毛, V LINE脫毛不嬲都好貴, 但現在$980就可以做到, 真係好抵!!! 嘻~ 呢個夏天我可以盡情著BIKINI啦~ :p
Lumière肌源再生專家Candela Gentlelase Pro LE 755nm激光永久脫毛優惠
現只要到Lumière肌源再生專家FACEBOOK，完成以下連結內的遊戲，即可以$980選購【Candela Gentlelase Pro LE 755nm 無痛激光永久脫毛療程】部位三選一：腋下 / 上唇 / 比堅尼V線，www.facebook.com/lumierehk/photos/a.687053101326450.1073741829.683347755030318/1136728566358899/?type=3&theatre 。
另外，凡以正價選購Lumière Candela Gentlelase Pro LE 755nm激光永久脫毛療程者，亦可以即享以下其中一項優惠︰
        I.            2人同行   1人價錢
凡2人同時惠顧激光脫毛同一部位，只需1人價錢  (只適用於一個脫毛部位及正價激光脫毛療程)
     II.            學生半價
現凡出示有效的全日制大專院校學生證即享以半價享受Lumière Candela Gentlelase Pro LE 755nm激光永久脫毛優惠 (只適用於一個脫毛部位及正價激光脫毛療程)
   III.            轉會50%
凡持有其他美容中心脫毛療程有效單據惠顧Lumière Candela Gentlelase Pro LE 755nm激光永久脫毛即享50% 優惠　(只適用於一個脫毛部位及正價激光脫毛療程)
  IV.            Blogger 介紹
凡列印我有關Lumière Candela Gentlelase Pro LE 755nm激光永久脫毛的分享文章，憑文章列印本惠顧激光脫毛療程即享50% 優惠　(只適用於一個脫毛部位及正價激光脫毛療程)
*所有50% OFF優惠不可同時使用

#感謝Lumière肌源再生專家提供療程體驗，療程效果因人而異，如有查詢請直接與Lumière肌源再生專家聯絡。
www.facebook.com/1437ritaandhim
歡迎邀稿或產品試用，電郵聯絡: ppqq1437@yahoo.com.hk 
其他BLOG分享包括: 

張貼者： 於 沒有留言:
標籤：
訂閱： 文章 (Atom)