NeoStrata Gel Plus更生活膚啫喱面膜

自從開始踏入中女年紀, 明白到如果皮膚角質層厚, 皮膚吸收唔到就算買再靚既護膚品都等如無用, 而且 NeoStrata 一直都係有信譽既醫學美容品牌, 加上呢款更生活膚啫喱面膜性質比較溫和, 適合所有皮膚, 特別中性、混合性、油性、暗瘡性及老化皮膚, 就算敏感肌膚都可以使用, 出面美容院做一次果酸活膚下下都要千千聲, 現在用大眾化價錢, 自己係屋企一星期做2次果酸更生活膚, 想要靚靚肌膚其實可以好簡單 ^^

早2日收到NeoStrata Gel Plus更生活膚啫喱面膜, 一打開真係令我眼前一亮, 因為除左有2枝面膜外更附送面膜掃同束髮巾, 真係好貼心好細心呢!! ^^

每枝Gel Plus面膜密封包裝確保成份新鮮, 自己預備好一個小杯仔, 將適當份量的Gel Plus面膜倒下, 用面膜掃直接塗係面上即可。

第一次使用建議先用係手/耳後做個簡單測試, Gel Plus面膜係流質啫哩狀, 待15-20分鐘後會變得較為乾身, 之後用清水洗淨便可, 用後見到隻手即時白滑左~ oh 快快用上面試試先^^

 用上NeoStrata 專用束頭髮巾, 感覺自己好似去左美容做treatment一樣, 嘻 :p

 頭先都講過, Gel Plus更生活膚啫喱面膜係流質面膜, 所以一定要用面膜掃塗抺上面會比較容易控制

面膜可以全面用, 但角質層輕厚或者或多污垢既地方我會厚厚再搽多1-2層。建議每星期使用1-2次, 每次15-20分鐘, 如果暗瘡性皮膚就可以每天晚上潔面後，薄薄塗於暗瘡，厚角質層或粗糙的皮膚位置, 如手肘、腳肘、膝、背部或身體其他位置，不用清洗。

 初使用 Gel Plus 時可能會出現，輕微刺癢感，這是正常現象，表示 AHA 滲入皮膚，發揮功效。而當皮膚開始適應 AHAs 後，此感覺就會消失。其實我都算屬於容易敏感皮膚, 但使用面膜期間, 我完全無出現以上情況, 使用後即時見到白滑左, 皮膚多左彈性, 最明顯係見到黑頭少左

 NeoStrata Gel Plus更生活膚啫喱面膜幫助去除角質層, 之後再做任何護膚都會更容易吸收, 所以我會即時做反個MASK, 再好似平時咁搽反日常用既SKIN PRODUCT, 見到皮膚即時靚左, 證明女人真係唔可以懶架 ^^

做完NeoStrata Gel Plus更生活膚啫喱面膜第二日忍唔住要再補多張相, 因為皮膚真係比之前白淨左, 有光澤左, 化妝都貼好多, 皮膚明顯乾淨左, 少左黑頭粉刺, 原來果酸既功效真係咁好, 之後都要KEEP住一星期做2次NeoStrata Gel Plus更生活膚啫喱面膜先, 不過其實講左咁耐果酸, 我相信有D朋友都可能仲有少少問號, 我親身試用過後除左真心推介外, 仲係官網搵左少少資料比大家作參考, 如大家有興趣了解更多, 可以瀏覽以下網址: http://www.neostrata.com.hk/aha.html

NeoStrata Gel Plus更生活膚啫喱面膜 含15%AHAs(甘醇酸) 
AHAs 是果酸的其中一種。在多個 AHAs 種類中，甘醇酸 (Glycolic Acid) 是最有效的 AHAs 份子， 自甘蔗提煉，粒子結構最細小，滲透率較高，能迅速深入皮膚底層。 經醫學研究証明能有效去除皮膚老化角質細胞，加速表皮新陳代謝速度， 促進皮膚新生， 達到暢通毛孔，回復皮膚亮澤、幼嫩。 

面膜的功效: 
1.美白皮膚，減退色斑，均勻色澤 
2.刺激骨膠原增生，減退幼紋、皺紋 
3.幼嫩皮膚‧幼細毛孔‧提升彈性
4.治療暗瘡‧改善油脂分泌
5.提昇皮膚對精華素的吸收力
6.配合激光及彩光治療‧內外改善皮膚

NeoStrata Gel Plus更生活膚啫喱面膜 $258 100ml (已登陸全港萬寧分店)

大家有任何意見或產品試用歡迎與我電郵聯絡: ppqq1437@yahoo.com.hk

歡迎Follow FansPage: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA...等

LUMIERE肌源再生專家Blogger Event

 Lumière 肌源再生專家全新朗豪坊旗艦店己經隆重登場，上星期參加左LUMIERE攪既一個blogger event, 當日活動好精彩, 玩得好開心, 分享下個日既活動比大家睇下 ^^

上到去Lumière一打開度門己經見到由42樓望落去既一大個海景, 心心眼即時出現 ^^

工作坊時間原來係教我地自己DIY phone case, 大部份blogger都係第一次, 個個都好認真, 導師仲讚我地好有藝術天份添~ hahaaa

我不嬲笨手笨腳, 做手工實在唔太在行, 但今次整乾花phone case, 唔洗畫畫, 純粹攞d靚靚乾花放好個位置就ok

努力左半個鐘, 我覺得都唔錯啊 (自我感覺良好 :p )

 左邊係上膠前個樣, 上膠後係有少少走樣, 但都尚可接受,  我第一次整覺得好滿意喎, 嘻, 連我都整到, 我唸無乜人唔識整囉, 嘻

 之後當然要聽下LUMIERE既背景, 同埋參觀下咁靚咁大既旗艦店啦。 Lumière對美的堅持，引入尖端醫學美容科技，配合肌源再生理念，由皮膚底層開始，徹底解決困擾女性的毛孔粗大、肌膚粗糙、鬆弛下垂，毛髮等問題，重喚細滑無暇。

現在市面上有好多美容院或美容中心都有好多不同laser，laser facial 或者laser 脫毛都有好多, 但究竟邊一種先適合你呢? 原來有部份Laser儀器適合黃種皮膚, 有部份係適合黑人皮膚, 所以選擇不同療程之前都要先了解部儀器對自己是否適合啦

 做任何療程之前冶療師都會先做個皮膚分折, 唔好以為大大部分折儀器先代表好, 原來LUMIERE己經用緊一部體積細, 但可以準確分折到你當日皮膚狀況(包括毛孔、皮膚底層等)的皮膚分折機, 確保客人當天做最適合你皮膚的treatment

 朗豪坊旗艦店有多間獨立房間比客人舒舒服服進行療程, 其中幾間VIP房仲有無敵海景

係度做Treatment舒服程度真係要比足10個Like ^^

 此外LUMIERE肌源再生專家用上全線SKIN CEUTICALS產品, 醫學品牌信心保證呢

參觀完仲有好多精美小食比我地blogger慢慢食...慢慢傾, 我地都過左一個好開心既 下午啊

多謝LUMIERE邀請我參與是次活動及多謝靚靚禮品包 ^^

Website: http://www.lumiere.com.hk

Address: Suite 4212-4215, 42/F

Langham Place Office Tower

8 Argyle Street, Mongkok

Kowloon, Hong Kong

大家有任何意見或產品試用歡迎與我電郵聯絡: ppqq1437@yahoo.com.hk

歡迎follow Fans page: www.facebook.com/1437ritaandhim
其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA...等

L’Oréal Paris透明質酸充盈導入精華

 L’Oréal Paris全新科技突破、挑戰保養品界最高透明質酸濃度，推出

「透明質酸充盈導入精華」，用透明質酸填補淚溝、法令紋、細紋與豐頰效果，

輕鬆解決皮膚老化問題，打造澎彈無痕肌！

 今次L’Oréal Paris透明質酸充盈導入精華革命性的滴管設計，有點像放大了的針筒，屬真空輕密封設計，有助維持精華純正度。使用時，只需輕輕按壓，滴管便能精準地擠出一次所需用的份量，簡單方便。

按壓上方，滴管就可以準確壓出定量的抗皺精華，擠出時，質地是微半透明的顏色，很輕易就可以推出，使用後也很快就被皮膚吸收！

 將精華塗於紋路較深既地方, 如果虎紋深感覺會老多幾年, 所以虎紋位置是我一直重點抗皺地方

頸紋當然不可以忽視, 頸的位置較大, 所以就要按多幾下取出適當分量

精華己經塗了, 就要加以輕輕按摩令精華吸收於皮膚低層, 但記緊有紋路地方千萬不可以大力按壓, 大力按摩只會令紋路更深

用左半邊面看看效果, 左邊面眼紋位置明顯未處理, 深深的眼紋哦 >.< 但右邊看起來感覺較有彈性及年輕, 加上L’Oréal Paris透明質酸充盈導入精華成分是含有高濃度的透明質酸，肌膚潤澤感立現，長期使用高濃度透明質酸豐盈導入精華進行臉部重點加強修護，有效撫平法令紋、魚尾紋、抬頭紋等較深的紋路問題，使用後肌膚即時補水，做到"內補水、外抗皺" 臉部即時變得更平滑有光澤!!!！

活力緊緻 透明質酸 充盈導入精華
Revitalift Filler [HA] Micro Volumizing Essence 
$249/ 15ml

想KEEP住肌膚年輕，就可以用齊 L’Oréal Paris Revitalift Filler [HA] 全系列產品，除咗充盈導入精華外，仲有 充盈導入霜 同埋 充盈導入眼霜

想了解更多請瀏覽：http://truthaboutaging.loreal-paris.com.hk/form.html

大家有任何意見或產品試用歡迎與我電郵聯絡: ppqq1437@yahoo.com.hk

歡迎follow Fans page: www.facebook.com/1437ritaandhim
其他BLOG分享包括blogspot, weshare, sheblog, theZtyle, beautyexchange, blogselle, mamibuy, classesweplay, esdlife...等

3招介掉奶咀方法(+最後絕招)

我同好多媽媽一樣, 小周董未夠1個月己經比奶咀佢, 無他既...有個奶咀bb就可以收聲唔喊, 有個奶咀bb可以暫停發脾4, 有個奶咀bb可以快d訓覺. 所以一直依賴奶咀, 當佢眼訓, 當佢事無大小大喊時, 即刻用奶咀塞住佢把口 , 即刻收聲 hhaaahaaaa Easy, 正!!

但要令bb愛上奶咀容易, 要佢地甩奶咀就好難... 當見到碧咸個女4歲都咬住個奶咀行街, 比d傳媒拎黎取笑, 我就知道介奶咀可能真係唔係咁容易, 所以小周董踏入2歲我都要決心幫佢介掉奶咀呢個習慣.
不停上網搵資料搵介奶咀既方法, 睇下其他媽媽分享如何幫bb介奶咀, 呢篇blog都係希望幫到新手媽媽們節省時間, 集合好多方法用係小周董身上, 但你地又睇下邊個方法對於你地bb係work呢?

網上有好多唔同方法, 比較激進d (人家話快手d) 就係搽d辣椒油/鼓油/白花油......係個奶咀度, 等bb一食就怕怕 hahaaa  我唸起小周董食到辣椒油個樣應該好好笑, 但Sorry太激....我無選擇用呢方法!! 如果你地試左, 開心share照片我睇...bb個樣一定好攪笑 hahaaa :p

我用左d較溫和方法step by step試試啦~
第一招: 人家話用一物取代一物, 食奶咀原理主要都係因為bb欠缺安全感, 吸啜令到bb好似啜緊媽媽感覺一樣, 安全感大增, 所以如果搵第二d野取代奶咀既安全感, 應該都work, 搵左一條有機大沙巾比佢拎住訓覺, 佢一手摸住紗巾, e....果然安全感大增喎!! ............................但可惜安全感呢家野, 原來越大越好, 佢變左奶咀要, 紗巾都要, 家陣2樣要齊先肯訓覺 (( 嗚...sorry我輸了>.<))

 第二招: 見到佢己經去到9成眼訓, 比枝奶佢自己啜, 啜下啜下自然訓著, 唔洗再用奶咀先訓覺, 其實呢招work喎, 不過負評較多, 因為原本阿仔9.30pm訓覺, 但要等佢再眼訓d 10.15pm先比奶佢, 推遲左佢訓覺時間, 但最重要係, 呢一招原來只限未出牙既bb介奶咀用, 因為bb出齊牙, 如果養成佢啜奶訓覺, 而skip左唔同佢刷牙, 壞後果會仲慘過佢食奶咀, 所以呢招雖然work, 但我用左2日都自動放棄

第三招: 剪奶咀, 一開始只係cut開一個缺口, 等bb咬落去好似漏風咁, 感覺唔同左佢地唔鐘意, 自自然然想將個奶咀吐出黎, 再恨心d cut左個奶咀頭位置, bb咬落去有少少吉住條脷既感覺, 自然唔想食啦

其實用晒以上招數, 邊一招對住你地bb係最work都唔知, 但時間長短就要睇下父母夠唔夠 "忍心" ,  我有朋友超忍心比個bb喊足成個鐘, 第2日即刻成功介甩, 但我覺得要觀察bb進度, 有時未必需要太急進, 亦無理由bb喊到塊喊變紫都唔理佢, 但家長但就要比多d耐性觀察, 同埋好似我個case, 2歲小朋友其實都聽得明大人講野, 講比佢知:" bb大個仔啦~唔洗再用奶咀啦, 今晚我地唔用奶咀訓覺好無?" 過程中bb忽然無左安全感, 佢地一定會喊........喊.........喊....

 大喊.............勁喊..........仲有喪喊.....以我觀察其實呢個大喊情況我覺得小周董都算ok啦, 第一晚喊左30mins =.= , 第二晚喊20mins, 第三晚10mins.....

第4晚喊左5分鐘....佢呆左望住天光版10分鐘後, 訓著左!!!  hahaaaa 因為之前喊左咁多晚, 我地都無乜點理佢, 一邊同佢講:"你一定做到架, 好叻叻架" 另一邊好忍心地等佢喊到攰自己自然訓著。

所以最後絕招都係要父母<忍心>, 唔好怕左小朋友喊就咩都就晒佢地, 小朋友真係好鐘意試大人底線, 我喊一次你抱一次, 我當然唔會聽你講, 想小朋友早d獨立, 有時在於父母肯唔肯忍心一次. 成功左一晚第二日要不停讚佢叻仔, 乖仔....再忍心d叫佢自己親手掉左奶咀落垃圾桶, , 以下係我同小周董既對話
MOM: 謙謙琴日可以唔洗用奶咀自己訓覺, 真係好叻叻啊, 謙謙以後都咁叻仔唔洗食奶咀啦係咪?
小周董: 係啊
MOM: 咁我地將D奶咀掉左落垃圾桶同佢SAY BYE BYE好無?
小周董: 好啊
MOM: BYEBYE奶咀
小周董: BYEBYE奶咀
# 一定要小朋友親手掉奶咀, 因為佢如果想再要求奶咀時, 提醒反佢:"你自己掉左啦~同奶咀講左BYEBYE喇", 你前一晚都咁叻仔唔洗要奶咀, 今晚都唔需要架喇, GOOD NIGHT ^^

經過一星期努力, 小周董己經唔洗奶咀, 亦無再大喊可以自己訓覺, 嘻~成功幫佢介到奶咀但就介唔到佢多咀, 而家每一晚訓覺前佢都會自己同自己講一大堆野, 或者唱一大輪口水歌先肯訓, hahahaaa 不過媽媽每次坐係床邊都聽得好enjoy呢 ^^

www.facebook.com/1437ritaandhim

歡迎邀稿或其他產品試用，電郵聯絡: ppqq1437@yahoo.com.hk 

其他BLOG分享包括: 

Instagram, Blogspot, Weshare, she.com, theZtyle, BeautyExchange, ELLE.com, Mamibuy駐站部落客, ClassesWePlay星級blogger, style-tips, QOOZA, U Blog, iTrial, Esdlife靚太club, Mybb.com, OpenRic

試用大熱ETUDE HOUSE染眉筆

Etude House Tint My Brow Gel 撕除式持久染眉膠近期係韓國,台灣同香港都超大熱, 好多網店一推己經賣晒添, 我身邊都有好多女朋友講起呢枝野, 我就率先試用同大家分享下呢枝染眉筆係咪真係咪勁先 !?

有人叫佢染眉筆, 但網店多數都叫佢做染眉膠, 因為一打開佢真係好"結"身, 係膠狀

 眉膠分3隻色, 我揀左灰啡色, 用法其實都好簡單, 沿住本身眉型厚厚慢慢塗上, 建議染眉前先修好眉型會更容易畫出一條自然眼眉

畫完一次基本眉型後, 建議再重覆塗多2-3層, 咁先會較易上色

 哈~ 畫完後就會見到....小新出場啦!!! 呢個小新LOOK要KEEP 2個鐘, 因為染眉時間至少要2小時, 先會更顯色及持久, 呢2個鐘要忍下啦~HAHAAA

 係等呢2小時期間, 再試埋第二隻產品- Secret Key 可撕式染色唇膜

唇膜我揀左橙紅色, 質地都係膠狀, 放落口既野成份最緊要天然, 唇膜成份包括:水解膠原蛋白、維他命E、黑芝麻提取物、柑橘提取物、紅糖提取物、透明質酸、石榴提取物、銀杏提取物、蜂王漿提取物、花旗提取物、芍藥提取物、當歸提取物、甘草提取物、何首烏提取物、桑黃提取物、桑白皮提取物、苦參提取物

厚厚的搽左上咀, 今次等十分鐘就可以慢慢撕下啦

不過我個人覺得麻麻地,  撕左唇膜後仲有少少唇膠係咀, 抺來抺去都抺唔甩, 好似食野抺唔乾淨既感覺, 但重點都係唔上色, 撕甩唇膜唇色只係比之前紅左少少, 上色效果唔明顯, NO GOOD =.=

 2小時終於過去啦...係時間將我條小新眉撕走, 眉膠好易撕甩

 一條條黑色眉膠, 簡單一撕己經可以甩晒

撕甩晒睇下效果....OH...3個字..... (超) (自) (然) ....哈哈!!! 染眉後既顏色同我自己條眉個顏色好似, 當我好驚會唔會染到一忽忽之制, 出黎效果真係令我好滿意, 好自然

染眉效果聲稱可以KEEP到 5-7日, 但我覺得7日就難D, 3-5日到啦, 不過己經剛剛好適合我呢D懶人, 星期日晚染眉之後, 成個星期都可以唔洗畫眉, 可以訓多5分鐘先起身反工囉~ yeah~哈哈..太正, 加上效果咁自然難怪一推出就熱賣啦, 染眉腸暫時只有水貨店有得賣, 香港Etude House知道咁大熱, 好似話遲d都會係專門店有售, 但搶唔搶到就唔知囉!

Etude House Tint My Brow Gel 撕除式持久染眉膠

$78~~ (啡/淺啡/灰啡) 

大家有任何意見或想與我聯絡, 歡迎電郵: ppqq1437@yahoo.com.hk

歡迎follow Fans page: www.facebook.com/1437ritaandhim
其他BLOG分享包括blogspot, weshare, sheblog, theZtyle, beautyexchange, blogselle, mamibuy, classesweplay, esdlife...等.