周末又多個親子遊的好地方啦 @綠匯學苑

自從疫情之後不停發掘香港不同景點，即使小朋友暫時不能放眼世界，但都可以係香港來個偽旅行，有好多地方其實連我自己都未去過，上星期同小周董去左綠匯學苑，個度前身係舊大埔警署，1899年落成，而家已經被列為法定古蹟，比小朋友了解下歷史，又可以親親大自然認識多D環保概念，輕輕鬆鬆玩一個下午都好開心呢 ^^

綠匯學苑由歷史建築群轉化為向大眾推廣永續生活的基地，並展示彼此尊重及尊重自然的精神，我地參觀左舊警署，監獄什至舊式電話，對於小周董來講都覺得好有趣。

入面仲有得玩D小遊戲，例如用竹做成的樂器，懷舊玩意，但最開心係玩到巨大化懷舊竹競技，唔單止小朋友，連我都玩得好投入架....哈哈!!!

另外我地仲參與左綠色低碳手作，草本植物在日常生活中的應用無處不在。我地可以利用草本植物，以簡單的拓印技巧，創作具特色的拓印小方巾。哈~ 雖然唔太靚，但比我地發現原本天然植物上都有顏色，手巾仔洗乾淨後仲可以循環再造添!!

玩完一輪有人開始大叫肚餓，呢度連餐廳都有，主要食素，但原來素食都可以好好味。慧食堂(Eat Well Canteen) 採用本地生產的食材，提供健康、美味及低碳的飲食選擇，我覺得食完最好係要求客人自己執枱，將食剩的食物用作廚餘，小朋友又學懂珍惜食物及環保可以由一餐飯開始 ^^

食完飯有氣有力，小周董去體驗左搭竹棚，導師簡單教左少少技術，大部份朋友都可以成功搭到一個三角竹棚，雖然有少少吃力，但小周董事後都話完成左之後會有份成功感，都好滿足呢 ^^

最後我地仲聽左「滿竹」救地球講座，比小周董認識多D環保，講座的主講者為滿竹跨世代聯合創辦人李國華先生(Gilbert)，屆時將分享如何藉著竹偉大的自然力量緩減地球暖化、世界各地對於竹的創意運用，以及竹在我們日常生活的應用等。歡迎有興趣的朋友參與，重新認識竹的不平凡，一起探索如何透過以自然為本的力量，共同遏止氣候危機。

滿竹救地球專題講座及竹碰自然裝置展覽為碳中和大挑戰項目教育活動之一，獲中國銀行（香港）資助，由嘉道理農場暨植物園及綠匯學苑主辦，提出多個行動，鼓勵大家從日常生活作出小改變，逐步減少自己的碳排放，可參考連結，一同參與 (Link: https://bit.ly/3FXgCCf)

今個WEEKEND天氣好舒服，大家都去綠匯學苑現場支持及參與多項唔同活動啦，呢個活動真係好有意義，可以享受家庭樂同時，亦可藉以教導小朋友從小懂得愛護環境，珍惜擁有。大家快啲約朋友同帶埋小朋友一齊去玩啦！活動於2022年10月至12月期間（逢星期日）的綠匯開放日舉行，詳情可以去 https://www.greenhub.hk/tc/event/openday-2022

開放日資料

名稱：綠匯開放日—竹碰自然

日期：2022年10月至12月期間（逢星期日）

以竹為主題探索以自然為本的行動，以應對氣候危機。2019 年聯合國氣候峰會指出，在應對氣候變化的以自然為本解決方案當中，竹擔當著一個重要的角色，具有移除大氣中二氧化碳的龐大潛力，對遏止氣候變化發揮巨大作用，且對保護水土有重大貢獻。

-   竹擁有巨大的碳匯能力

-   以竹取代木，有助減少砍伐樹林

-   抵禦氣候災害的衝擊

-   讓退化土地恢復生機

-   取代高碳排放物料

-   作為食物來源

-   成為永續產業

#碳中和大挑戰 #竹碰自然 #資源 #環境 #保育 #低碳生活 #一週挑戰 #碳排放 #嘉道理農場暨植物園 #環保 #綠色生活 #滿竹跨世代 #假日好去處

歡迎加我FACEBOOK同IG，INBOX同我開心SHARE啊 ^^

FB: 小周董世界
IG: 1437rita

https://www.facebook.com/1437ritaandhim
歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的BLOG平台分享包括: Instagram, Blogspot, BeautyExchange, Oh爸媽、24partent專家博客, 親子國王BabyKingdom親子KOL,  Weshare, she.com, theZtyle,   U Blog, Esdlife靚太club, Girlssss, Mybb.com,  ClassesWePlay星級blogger, Mamibuy駐站部落客, OpenRice(級別4)