超級夢幻打卡高質餐廳

家姐帶我嚟一間神秘嘅餐廳幫我預早慶祝生日，我心諗有幾神秘？ 點知一行入餐廳門口我心入邊「哇」左幾聲，間餐廳超級夢幻，佢用一個大型LED營造香港海景，海底世界，連倫敦景色都有，真係超級驚喜，超～級～靚 !!! 攪到我成晚瘋狂打卡。

咁高級嘅餐廳，原本都有啲唔好意思覺得實會好貴，點知望吓餐牌原來價錢都好合理，我哋首先嗌咗個前菜：清酒煮蜆，份量雖然唔多但係每一隻蜆都係脹卜卜，超級鮮甜，好味到我連湯都飲埋。

我覺得呢間餐廳好好除咗係可以食到西餐之外，連一啲東南亞菜式都有，我哋叫咗呢個海鮮炒麵，好足料好多海鮮而且味道亦不錯。

牛扒絕對係今晚的重點推介，因為出邊食一份高質素嘅牛扒而家下下都要過千蚊，呢塊肉眼$400有找，仲要超級好食，肉質好好而且好重牛味，五成熟燒得剛剛好，絕對高質，真係非常好味，我會因為呢塊扒而再嚟幫襯，太好味啦。

最後叫咗一個疏乎厘做甜品，估唔到好大佢，成個蛋糕咁，開頭都擔心兩個人食唔晒，不過原來疏乎厘本身唔飽肚，而且朱古力脆皮疏乎厘我第一次食，比普通疏乎厘多左份口感，更加特別而且更加好食，女仔食甜品用第二個胃，所以我哋兩個最後都食得晒，好多謝家姐帶我來間咁靚嘅餐廳，真係超級驚喜，而且好好味，鍾意打卡嘅朋友仔絕對值得一試。

本文唔係廣告，所以大家有興趣知咩餐廳可以FB/IG留言，我會私訊回覆大家。如鐘意睇我分享真心食評的朋友歡迎like & share

歡迎加我FACEBOOK同IG，INBOX同我開心SHARE啊 ^^

FB: 小周董世界
IG: 1437rita

https://www.facebook.com/1437ritaandhim
歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的BLOG平台分享包括: Instagram, Blogspot, BeautyExchange, Oh爸媽、24partent專家博客, 親子國王BabyKingdom親子KOL,  Weshare, she.com, theZtyle,   U Blog, Esdlife靚太club, Girlssss, Mybb.com,  ClassesWePlay星級blogger, Mamibuy駐站部落客, OpenRice(級別4)