早排情人節一打開FACEBOOK少不了喺網上總會見到有朋友放閃，我可能喺朋友眼中好幸運，結婚多年老公大時大節都會為我花少少心意，不過其實呢D幸福係我自己爭取架~哈哈哈!! 因為我覺得兩夫妻耐左點都會變得好平淡，變得更像家人，所以有時就要靠大時大節去聯繫下大家感情。
我本身係一個浪潮主義的人，拍拖時我同老公都會互相比D小驚喜，到結左婚生左小朋友大家都忙，驚喜呢D野真係少之又少....但一年總會有一次，就算只係一份小禮物，大家收到依然會覺得好溫暖好開心。
由拍拖到結婚生仔，咁多年來我堅持大時大節就算無禮物都唔緊要，但兩口子點都一定要出去食餐特別D的飯慶祝下
可能你會話大節大節出去食飯好貴..........係!! 真係好貴...所以呢D飯可以提早食提早慶祝呢，就以今年為例，13/2食同14/2，價錢可以相差一倍，我就選擇13/2食，雖然放工後只係用左個半鐘就食完一餐，但個半鐘都係屬實我地兩公婆的私人時間，食完極速回家繼續做回父母角色氹仔訓覺。
到14/2情人節正日就係屋企食......男人的浪漫(乂燒與燒肉)，同3位情人一齊過一樣可以好開心!! 哈哈!! 至於個蛋糕，都係我開口同老公講要切蛋糕，所以佢就準備。
所以我話今時今日做左人老婆咁多年，想點慶祝直接開口講，我身邊好多朋友話結婚多年都無慶祝習慣，忽然提出要慶祝會好怪，所以我希望剛新婚或剛生完小朋友的你們，由下一個節日開始，堅持反同老公兩個人出去慶祝，有時幸福係要自己爭取，男人本身係一個唔想煩的動物，你想點就開聲啦!! 唔好唸住等佢比佢SURPRISE，想自己開心直接開口，兩公婆放低面子...為左自己開心，為左大家將來有多D回憶，開聲吧!!!
以上的建議都係比一D結左婚的朋友，哈....如果你仲係拍拖......喂!! 珍惜拍拖個D時間啊!!! 第時要兩公婆出去拍拖食餐飯，一年可能得幾次機會架咋!!!!
另外我都想分享下，好似我呢D結婚幾年，感情唔濃又唔淡，但惱入面間中都會有D迷思，近期我就係網上見到一篇對<婚姻的迷思>的分享，當中以下幾點都係我的迷思，不論你有無宗教，睇左都好似有D得著同啟發，係度開心SHARE比大家!!!
迷思.1 婚姻的目的是…「婚姻的目的是讓我感到快樂。」
婚姻的目的不是「讓人感到快樂」，而是「合而為一」。
迷思.2 結了婚，另一半要和拍拖一樣服從我。
一段健康的婚姻，必須放下「贏」的目標。常常我們覺得自己贏了，實際上卻是輸得徹底。 儘管婚姻前是獨立的個體，但按聖經教導，進入婚姻要彼此合一，卻不代表掌控、霸道，而是更多放下、放手。
迷思.3 「愛能讓婚姻穩固。」
的確我們帶著愛的感受進入婚姻，然而，真正讓婚姻穩固的是「承諾」
迷思.4 「我期望改變我的配偶。」
不只是配偶，你無法改變任何人。婚姻的寶貴在於接納對方。
不少結婚的人都是「婚姻中的單身人士」「好的婚姻要花費相當大的力氣。」 別誤會，努力絕對是需要的。但比起花盡心思、用盡力氣，好的婚姻更需要的是砸下時間模塑的旅程：精心安排一些重要時刻，為彼此未來製造更多美好回憶，重視對方尊重雙方喜愛的人和事。經營婚姻不一定得大費周章，調整心態、勇敢踏進這趟旅程：無悔的給對方一個家，一個友好、溫暖的地方，一個不疾不徐、能夠得到和平和寧靜的地方，這就是一個<家>。
雖然好多老公/老婆結婚後都不再浪漫，我頭先話幸福要自己爭取，係要開口!!! 但開左口對方都無反應，係咪代表就唔愛呢?! 當然唔一定啦，見到對方用心用力去愛這個家、愛小朋友，大家共同目標係為左屋企而努力，難道咁都可以否定呢D係愛咩?!
今時今日我同好多媽媽一樣，覺得自己的小朋友先係我的情人，佢地做任何野都覺得好，如果佢地唔曳曳真係日日都好似情人節一樣SWEET。
不過小朋友會成長，會有自己的生活，我地的長期伴侶始終都係隔離個位老公/老婆，我的方法就係用大時大節作借口，兩口子可以出去2人世界拍下拖慶祝下傾下計，可能大家有唔同的方法，但最緊要我想表達小朋友係重要，但都唔好忘記左另一半呢 ^^
同小朋友SAY I LOVE YOU同時...都同隔離個位講聲LOVE YOU啦!!
 |
| www.facebook.com/1437ritaandhim |
歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips, U Blog, Esdlife靚太club, QOOZA, Mybb.com, ClassesWePlay星級blogger, Mamibuy駐站部落客, OpenRice(級別4)
沒有留言:
張貼留言