全人奶B都可以由瘦B變做肉地B ^^

小小周董6個月之前一直都係食全人奶，身型一直KEEP住係細碼，所以成日比人話佢輕飄飄，又問我係咪啲人奶唔夠營飬，攪到佢咁輕 =.= 不過我覺得肥瘦其實問題不大，健康先係最重要嘛，細細粒都有細細粒嘅可愛啊，媽媽襯你細細粒嘅時候，仲可以同你玩多啲飛高高添。^^

自從加固後BB開始比之前大隻左，最攪笑係佢每次肚餓嘅時候都會擺出呢個可憐樣，之後發出:"唔唔....唔唔....."的聲音，唔知點解佢表達肚餓嘅樣會咁似去廁所嘅樣...哈哈哈!!!

我係在職媽媽，但唔太放心俾工人姐姐煮野食俾BB，所以每朝早我都會準備好晒BB啲食物先出門口，好彩而家有好多用具都令到成個過程方便左好多，用蒸煮攪伴機整好晒啲食物蓉，再用呢類食物儲存杯放好，工人姐姐每餐只要翻熱就可以俾BB食。

呢款食物杯係擰蓋密封式，夠晒乾淨衛生，之前我用配合奶泵用個款母乳儲存杯黎放母乳，容量比較細，配有一個奶泵轉駁器，而家就用黎放食物蓉，循環再用夠哂環保！由於依款食物杯真係太好用，所以我都有買size再大啲嘅食物儲存杯呢！。

BB嘴巴細細要用適合佢嘅匙羹仔，買食物杯嘅時候我都買埋呢款匙羹，啱晒小小周董嘅嘴型，一羹一口，加上長手柄我地餵佢食嘅時候都特別方便。有時候佢仲會咬下咬下個匙羹，好彩依個匙羹都好夠柔軟，俾佢咬下我都好放心。

小小周董好鐘意食唔同口味嘅粥仔，每一啖都主動張大個口食，我相信每個媽媽最開心就係見到小朋友鐘意食自己整嘅野...

見到BB每日健康成長，仲越來越肥肥白白，成功由細碼B變返正常SIZE，仲開始有啲肉地添，真係好開心呢!! 所以我亦可以話比其他人知，食全人奶BB未必一定會長期做瘦仔，加固後依然可以做個肉地BB，健康先係最重要嘛，母乳有抗體，BB到而家為止真係從來都未病過呢!!
各位人奶媽媽，唔好比人影響到，母乳係對BB好好架，各位加油啊 ^^ 

#BB食得好媽媽自然心情好  #媽媽恩物 #一物多用超方便

www.facebook.com/1437ritaandhim

歡迎大家給予意見，如有任何邀稿、出席親子活動或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別4)