銅鑼灣區必定回本海鮮自助餐 @任食長腳蟹龍蝦都係$2xx

今時今日出去食海鮮閒閒地都一千幾百，所以我想食海鮮多數會去食自助餐，難得係銅鑼灣區有間酒店食DINNER BUFFET $288就已經食到長腳蟹、龍蝦自助餐，正！一坐底每枱送上一隻龍蝦，好大隻啖啖肉。冷盤海鮮可以話成個自助餐的重點，有長腳蟹、蝦、蜆、青口、蟹、全晚不停供應，唔洗搶，因為REFILL得好快。味道亦好鮮甜，有淡淡的海水咸味，隻蟹仲有超多羔添，我個人就超鐘意食長腳蟹，成晚應該食左20隻蟹腳都有~ 哈哈, 正。唔只冷盤有海鮮，熱盤有胡椒炒蟹同粉絲蒸龍蝦鉗，就算當你唔食生冷野, 只係食呢2樣野我唸只要食2碟已經回本。同冷盤一樣基本上成晚都見到佢地，REFILL速度好快，所以去得唔洗擔心食唔到。另外，自助餐仲有炸蠔、炸蝦全部新鮮炸起，脆卜卜，Yummy。講完海鮮，自助餐必有的沙律吧同魚生壽司，呢2樣野好難唔好食，所以無乜特別...哈。想食特別d呢度竟然有肉骨茶....超足料, 送飯食一流。飯後甜品又點少得，最正有新鮮出爐葡達同apple crumble。講真呢度自助餐款式唔算好多，但$288可以食到無限量供應海鮮，呢個價錢真係是旦食2碟已經一定回本，所以想平食海鮮可以一試呢。

P.S. $288呢個價要預早10日BOOK再去OPENRXXX 個網 PRINT返張優惠卷出來先有架, 記得啦 ^^

銅鑼灣信德街8號香港珀麗酒店2樓
協奏坊西餐廳

www.facebook.com/1437ritaandhim

歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips,  U Blog, iTrial, Esdlife靚太club, QOOZA, Mybb.com,  ClassesWePlay星級blogger, Mamibuy駐站部落客, OpenRice(級別5)