2016年8月9日 星期二

按摩減肥美容集於一身 @Spa Ayurveda

我以前真係好鐘意去做SPA或者按摩, 但自從有左小朋友後生活越來越忙, 己經好少時間再做按摩囉, 今次好開心可以一次過體驗Spa Ayurveda的3款療程, 包括淨化養生面晶石療程、L6 塑形療程及我最期待的七輪穴療療程, 可以享受下久違了的按摩感覺, 即刻同大家分享下有幾舒服先 ^^
Spa Ayurveda除左係一間美容中心, 原來仲係一間國際社會慈善企業, 扣除所有開支, 所有利潤都會用於照顧第三世界所有兒童身上,我從未想像過一邊做FACIAL可以一邊做緊善事, 難得有美容中心咁願意幫助別人, 真係要大大聲幫手分享比身邊朋友多多支持。Spa Ayurveda位於銅鑼灣區交通非常方便, 一上到去見到滿滿的泰國SPA擺設, 及聞到陣陣精油香氣, 令人好似身處泰國一樣, 未開始療程, 身心已預備好進入放鬆狀態。
每次療程客人都會有自己的獨立房間, 換好衫後, 七輪穴療正式開始。
七輪按摩主要可暢通經脈,加速淋巴的流動及清除身體的癈物, 冶療師會先按壓身體, 再由盤骨推至頸部進行按壓按摩以獨特的按摩手法促進腸部蠕動, 幫助排腸氣改善便秘從而加快身體的代謝加速脂肪自我分解, 背部原來有好多脈絡及穴位, 療師經驗非常豐富, 可以一一講出我身體上的小毛病, 經過30分鐘按摩, 除左個人覺得超舒服同勁RELAX外, 仲覺得身體有少少微熱, 療師話證明暢通經脈後, 身體血液運行快左, 代謝速度都會因此而加快左呢。
 
做完按摩即刻接住做L6 塑形修身療程, 效果會更加顯著, 這部儀器超多功能, 具有負壓吸力能﹑射頻﹑遠紅外線因應個別情況而選擇不同的模式而達到消脂﹑疏通淋巴﹑改善循環﹑提升收緊的功效。生左小朋友後肚皮總係唔聽話, 水筒腰經常煩擾著我, 呢個療程正好幫我增加膠原蛋白, 改善及收緊我肚部鬆弛的位置, 加速血液運行, 射頻能量可以百份百直達脂肪層, 令到修身效果非常明顯。
做完20分鐘療程相等如做左2小時SIT UP運動, 嘩~ 難怪做完後竟然見反條腰線,效果真係好明顯, 肚位做完會有少少微紅反應, 但屬正常情況, 舒舒服服就可以做到修身效果, 真係岩晒我呢D懶女人呢 ^^
正所謂要由頭靚到腳, 身體處理好當然要整靚塊面啦淨化養生面晶石療程利用翡翠玉石透過獨特的淋巴按壓手法, 將面部毒素排走, 玉石熱力可助面部排水腫去暗啞,紓緩疲勞, 有助鞏固皮膚健康, 增強抵抗力, 防止肌膚老化。療程師會將一粒加熱左的面晶石在我面上按摩配合阿育吠陀獨特手法進行淋巴按壓按摩, 將臉部及眼部的毒素及多餘水分排走, 透過按壓臉部及眼部各個穴位讓肌膚吸收正能量及促進新陳代謝。 
用過面晶石按摩後, 於面上塗上面霜及保濕面膜,令到皮膚特別吸收護膚產品, 做完FACIAL後成塊面透亮有光澤。
做完SPA或FACIAL最怕就係油淋淋走出大街, Spa Ayurveda當然會細心為大家著想, 沖涼及吹頭地方供客人免費使用, 咁就可以真正容光煥發咁行出門口啦,  做完3個療程成個人精神晒咁, 你地都想體驗呢3款療程, 而家用以下優惠就可以體驗啦。
七輪穴療療程 (首次試做價 $198/, 30分鐘)
L6 塑形療程 (首次試做價 $198/, 20分鐘)
淨化養生面晶石療程 (首次試做價 $198/)


感謝Spa Ayurveda提供療程體驗, 療程效果因人而異, 如有任何查詢請聯絡Spa Ayurveda 
查詢電話2834 0844
Spa Ayurveda Facebookhttps://www.facebook.com/AyurvedaHK/?fref=t
www.facebook.com/1437ritaandhim
歡迎邀稿或產品試用,電郵聯絡: ppqq1437@yahoo.com.hk 
其他BLOG分享包括: 

沒有留言:

張貼留言