自己整章魚小丸子好玩又好味^^

平時掃街都會食下章魚小丸子，每次見到D師傅係度整小丸子既過程都好吸引，不過街邊D小丸子的味道或者軟硬情度當然唔到我地控制，好唔好食就要睇下個位街頭師傳的心情囉=.= 不過唔緊要，原來銅鑼灣有間餐廳(大阪李朝園)，可以自己親手做小丸子，好玩之餘醬汁多少、軟硬情度，全部自己話事，我最想食既外脆內軟小丸子，原來只有自己整先可以食到，實在太開心啦 ^^

 平日去食 $128 (2人份), 如果下午茶時間去 $98 就食到。

 呢部就係整小丸子專用的機，可以整到18粒小丸子，每人食9粒一定大滿足呢。唔講咁多~ 開始整啦~首先當然係要落油，仲要唔可以落得太少否則會好易燶。

 有4款配料包括章魚粒、泡菜、洋蔥粒同紅蘿蔔粒。餐廳會提供一份有圖有字的章魚小丸子製作方法，當然好似我咁第一次整，餐廳待應都會出手幫忙 ^^

 落油後等大約3分鐘左右，見到油開始滾就可以倒入特製的小丸子粉醬

 再加入埋配料，自己整梗係要放滿佢啦 hheehheeee ^^

 其實第一次整都有d手忙腳亂，好彩待應都有幫手，睇下我自己整既章魚小丸子製成品，賣相都幾ok架~

 完成後上碟，自己鐘意加咩醬都得，多多少少完全自己話事，我就鐘意勁落紫菜粉~哈, 太正啦!!

 玩足40分鐘終於食得，自己整既章魚小丸子真係特別好味，加上我不嬲渴望小丸子個外皮要有d香脆，街邊好少食到呢個口感，自己整真係做到呢個效果，真係好開心好滿足啊!!!

 見到餐廳有隻新酒推介，就係呢枝沖繩殘波柚子sparkling wine，我不嬲都鐘意有生果味既酒，呢枝又點會錯過呢，飲落好大陣柚子味，味道好清新，好味而且易入口。飲酒總係想食d香口野，芝士炸年糕又係餐廳招牌菜之一，點可以唔試?!

 嘩~ 外脆內軟，仲好香芝士味，食晒2粒都唔覺太溜，好好味啊!!

每餐習慣仲要有飯落肚，呢碟海鮮泡菜炒飯一上碟己經聞到好香，成個飯炒得夠乾身，加左泡菜有少少辣特別開胃，加埋其他海鮮配料增加左不同層次的口感，食完呢餐真係大滿足呢。^^

www.facebook.com/1437ritaandhim

歡迎邀稿或其他產品試用，電郵聯絡: ppqq1437@yahoo.com.hk 

其他BLOG分享包括: 

Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice