2018年3月5日 星期一

坐月後在職媽媽為家中BB作出的3大準備

不經不覺細佬B已經3個月大,而我已正式投入工作,但不論公司或者屋企都有大大小小既事需要我處理,做好準備先出去返工,咁我都可以放心好多呢。
第一件事當然係要有足夠的糧食比BB啦,呢2個月來每隔3-4個鐘就泵一次奶,所以我的全人奶路暫時都叫順利,除左可以供給BB一整天飲用,仲可以越儲越多奶,等我第時返工都可以有足夠的奶比BB飲到至少6個月。
第二件事就係不得不放手比工人姐姐接觸多D BB,一直以來我都覺得工人姐姐幫忙做家務,而照顧小朋友責任應該由父母自己承擔,始於工人姐姐會有離職的一天,而我地同小朋友既關係是永遠的,所以佢地成長的任何一個時刻我都唔想錯過。

BB一出世至今我都係全天侯照顧,但奈何我要返工就一定要比BB接觸多D工人姐姐,否則第時我返左工BB唔習慣就仲麻煩,一開始比姐姐抱佢多D,同埋餵BB飲奶,BB都眼望望左姐姐一段時間先,明顯BB都需要時間適應。
第三件事就係要開始減少埋身餵餔,改為用奶樽餵奶,雖然埋身好處多的是,但我要返工始於都要放棄全埋身,不過我放工或假期一有時間亦會選擇親餵,所以要選擇一款仿母乳的奶樽亦都係非常重要。
呢款NUK仿母乳餵輔設計的奶樽,有PP膠和玻璃兩種,PP膠不含BPA,而玻璃則較為耐用。
 佢有4個 SIZE可借選擇,我呢2款就係分別150ml 同 240ml。
  瓶口設計特別寬咁樣我將儲落D人奶或奶粉倒入樽都更加容易,清洗亦都變得更方便。
NUK呢款NATURE SENSE 自然母感系列有幾款不同尺寸選擇:
0-6個月 (備有小號和中號) - 小號(3小孔)適合餵哺較稀食物, 例如水同母乳 - 中號(6小孔) 適合各種奶粉 。
6-18個月 (備有小號,中號和大號) - 小號(3小孔) 適合餵哺較稀食物, 例如水同母乳 - 中號(6小孔) 適合各種奶粉 - 大號(9小孔) 適合餵哺較濃稠既食物,例如米糊。
BB 2個月大,所以用小號或中號就剛剛好, 一般餵哺母乳的媽媽平均有6.7個出乳小孔,研究所得, 媽媽最多會有16個出乳小孔....(哈~我未至於多奶到咁,所以我估我自己都係大約6-7個出乳孔),見到奶樽出奶位有幾個小孔,令到BB感覺同媽媽親餵的感覺相似,咁樣就算我返工時間用樽餵,放工再埋身親餵都可以輕鬆轉換啦。
比BB飲用之前自己可以先用水測試一下,流出來的速度會否過多,見到奶樽有多個模擬母乳生理結構的出奶孔,確保奶液更自然順暢地流動,而奶咀位頂部特別的倍柔區設計,令奶嘴柔軟且富有彈性, 就好似親餵母乳咁貼住BB上顎,感覺柔軟舒服。
初生BB好多時都唔可以一次過飲晒一枝奶,所以奶樽蓋都好重要,呢款保護蓋同樣由PP膠製成,不含BPA。獨特設計令所有出奶孔都被保護蓋覆蓋著, 防止滲漏。
奶咀位除左仿母乳餵餔,我最鐘意佢就係呢個升級版防脹氣自動進氣孔,令到BB好似吸吮母乳一樣流暢唔會停頓,咁就可以減少BB吞入空氣既機會 (啱晒最怕掃風的我...嘻^^'' )
 BB適應新事物特別快,由埋身改為樽餵對於BB來講可能仲高興 (始於BB都唔洗出盡全身力就可以飲到奶奶....都不知幾HAPPY ^^)
 試左幾次樽餵,而家佢每次用樽飲奶都笑晒口。不過好彩既係雖然樽餵BB會食得容易D,但每日我都會埋身2-3次,BB都無好大抗拒。
至於BB對工人姐姐亦都好快變得好FREIND,每次將條手巾仔放到BB頸上面,佢就會自然將口開到大一大....哈哈!!
全人奶媽雖然辛苦,但自己D奶可以令到BB肥肥白白,個份滿足感真係好大好大,無試過係唔會明白呢種矛盾的苦與樂,所以身邊就算有幾多人同我講咁辛苦餵奶仲要日夜泵奶,不如飲返奶粉一覺訓天光啦。
但每次BB食完奶呢個冧滋滋樣,呢份滿足感令到我想繼續堅持餵哺母乳至少6個月或更長的時間,下個月就要投入工作,希望做左呢三大準備,我同BB都可以順利適應啦。
 www.facebook.com/1437ritaandhim
歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

沒有留言:

張貼留言